Sick Leave

今日我咋咋帝帝冇返工,都唔記得點解會同魔魔提起生日件事,我冇講詳情,因為我唔想再諗再提起,今次我真係覺得好傷好失望,我已經完全冇晒方向。不過就算我唔講details,都會令我諗起少少,所以我真係唔開心,下晝風爽訓左,我又去訓,因為我唔想用腦,我好想停下,臨訓前咁啱老公打比我,我真係喊左出黎。

好啦,佢話返到屋企先再同我講,叫我唔好唔開心住,返到屋企冇講,直至帶nic落街,佢見我悶悶不樂就問我,我講左比佢知,我覺得好煩,咩都好煩,係佢問我煩nic?煩風爽?煩工人定係煩佢?我冇好直接話係佢,因為我知佢一聽就會失控,我已經係話只係一種感覺,自生日後,我冇開心過,好啦,講完喇,我趕住出去餵奶,我收起我既眼淚同收起我既唔開心,咁我換黎咩呢?就係當nic吠時,我叫老公幫我引開佢,搞掂佢,佢就一腳踢nic,我真係好嬲,我嬲得好緊要,但我抱住bb,我唔想開口鬧佢,我只係話佢係唔係痴左,叫佢行開。

入到房,我又再同佢講,我話你呢d行為咪就係令我好煩囉,佢話佢聽完我講,佢都唔開心,佢死諗點樣幫我,諗唔到就發癲,我今次真係好冷靜同佢講,我話我冇需要你幫我,你唔好再比麻煩我,我已經ok,我只要求佢控制自己情緒,nic吠唔好理,風爽喊唔好問我問題,講到我口都臭,佢好似好明我講咩,叫我唔好再諗,佢會做好自己,好!我又信佢。