Shopping for my twins

自從係citistore好開心買左好多特價bb野比大細少少之後,個人好似上左癒咁,不停咁買,不過值得安慰既其實我買咁多,又要分比佢地著,又要分開放我屋企同99屋企,其實都唔係好得人驚架咋,絕對正常,唔講咁多,睇啦,卡卡~

I Love PaPa & MaMa篇

呢d全部都係可以初生著既,以前行過citistore見到i love papa & mama都覺得幾靚又唔貴,宜家知道左有大細少少又加上平到笑,所以真係買左好多呀,我盡量都買晒love papa同mama比大細少少架喇,不過有兩件只係得返papa,都照殺啦,呢兩件love papa,等爸爸生日個日幫小魔怪著,爸爸見到一定好開心姐,hehe~

短袖篇

當你買野買到癲左個時,就會越買越大件,宜家連夏天衫如果又靚又平都會買,其實第一set夾衣唔平架,要$180一件,冇特價,係有一日為左想要free parking而買架,當時好似係啱啱照到兩個胎囊就買左先,幾痴線呀,不過宜家睇返都覺得呢兩件衫好cute下
另外一set夾衣又係i love papa&mama既平野,仲有一件top都係好平,好似40個大洋咋,不過得一個色,但都照買啦~~

其實呢兩件top,未必可以出年夏天著架,不過35蚊一件,係唔係唔買唔得先?雖然唔係靚到嘩嘩聲,不過簡簡單單襯條牛仔褲/leggings都幾靚呀!

用品+雜物篇

classic pooh被,如果唔係平,我唔會買囉,因為我一直都唔想買公仔野比佢地兩個,基於我要係屋企同99度都set up一樣既野,咁呢兩張被會放99度比佢地用,呢兩張個公仔已經係最靚架喇,不過其實我真係好憎winnie the pooh,哈哈
另外就係兩張包被,同樣地唔鐘意公仔,所以普通水玉同淨色我都ok,不過可惜買完先見到青bb個塊係寫住GOD WITH ME,我揀個時係一直都以為係DOG WITH ME架,咁明明見到個似腳印既抓架嘛,噓~~
我再睇下接唔接受到啦,接受唔到會送比啱用既人架喇,再唔係調轉黎用囉,卡卡~~


紗巾,口水肩不可缺,紗巾係一早玩郵購個時換返黎,因為個時唔知會唔會有孖,所以只係換左12條(1人份量),咁仲有12條要再買啦,因為宜家冇得換lu~
口水肩分別有i love papa&mama,又係尋寶買返黎,另外貓頭鷹同3D款都係FO KIDS買返黎架,好靚呀,唔抵得唔買

襪仔,細細隻個堆係初生用既7-9cm,另外兩對專登買9-11cm,等佢地大個d先用既,d襪好細仔,好鬼得意呀!

冇冇聊聊,帽都買兩頂,卡卡~~~

大個仔/女篇

呢d全部都要出年冬天先會著到架喇,呢堆野由4x-8x不等,都係一個平字所以買定先囉

呢兩件有抓毛底,應該好暖掛,其中青色個件,呢隻公仔叫gachapin,我好鐘意呀,所以上網買左gachapin同mukku既短袖夾衣比佢地,真係好cute,收到再影相

外套,細路仔一定要有幾件架啦,睇啱咪買囉

褲仔,呢度係唔同size既褲,其實半歲開始已經有d係啱著架喇,行左好多商場,似樣d既褲真係冇咩,所以見到又平又靚都可以上網買定先,哇卡卡

放假喇

好唔容易先等到放核心假,放假前一日,即是15 Apr,我仲訓覺前係度喊,因為真係覺得好辛苦,又咩都做唔到,想行下街又冇氣力,日日都只可以返工放工食飯訓覺,連接下衫都覺得好辛苦,覺得自己好冇用,負面情緒一發不可收拾。
第二日,假期正式開始,加上知道自己可以鐘意訓就訓,所以心情開始好起黎。本來今日約左wrinkie去佢屋企拎野,不過因為我太攰,再訓返之後起身已經4點幾,咁咪通知佢唔出去囉,點知佢嬲我放佢飛機喎,我有唔啱,不過其實我真係冇約實架,尋晚我真係喊到好攰呀,下次都係唔好亂約人,免左不必要既唔開心。
放假期間,跟本上係好舒服,日日留係屋企訓訓訓,有時會覺得悶,老公會同我出一陣街,不過我行得兩個鐘左右就已經好攰,其實係屋企,我都要2-3個鐘訓一轉,不過一到假期有得扭個老公其實都幾開心,佢都冇我乎。
21 Apr, 返tko食飯前出去ac行街,仲放到一頸血,加上的出的入,今日係近呢幾個月用得最多最多錢既一日,用完都覺得自己好離譜,好過份,唔搵藉口去安慰自己,我真係好曳,明明plan好要好好計劃,要好好為兩隻小魔怪著想,點知一買野又係咁,太…過…份!Easter幾日假期,最瘋癲係約埋大家姐行太古,又apita又jusco兩邊行,買既野越來越多,真係攰到癲,仲要老公快快食完野要返tko接左nic先,我就陪大家姐再買多少少野先返屋企,最終老公同nic係tko等左我成個幾鐘先可以返屋企,冇陰公,我都攰到發癲。
呢一日後,我真係唔敢行街,因為攰得好緊要,加上飲左可樂,個肚好扯呀,係扯到訓唔著喎。直至放完假,見michelle個時,我先講其實我有幾滴啡,個肚又扯,所以佢叫我真係擔心就試下即刻睇醫生喎,由本來唔驚都好似好大件事咁,最終勁call dr yu,終於27 Apr下晝見左dr yu,佢話冇事,有啡唔緊要,個肚扯加埋個位置,佢話好正常,因為子宮大緊,加上我有兩個,所以係會咁喎,今日第一次見到細少少同我say hi,佢又揮手又郁個頭,好得意呀!見自己咩事都冇,即刻覺得可以行快兩步,仲偷雞去左行一田,買左兩張包被比小魔怪慶祝,哇卡卡。
發生過可樂事件後,我都已經乖乖咁係屋企休息,冇咩出過街架喇,日日食飽就訓,訓飽又食,最好係我又訓得又食得,其實都幾開心幾寫意。不過老公一放假我就要扭出街囉,卡卡。

話咁快,18日既核心假就完滿結束,下一次放長假會係產假喇!

I Love PaPa & MaMa

今晚返tko食飯,大家姐叫我去媽媽世界度睇下,因為好似有搬遷大減價,點知行到過去都已經圍晒板,不過都一場去到新都城,我咪過去citistore行下囉,點知比我見到I Love PaPa & MaMa up to 60%off喎,睇下睇下都有幾多想買喎,真係好平呀,3x - 6x咁喎,但我唔知要買咩碼,所以call下大家姐可唔可以陪我。
佢又咁啱得閒,所以等埋佢落黎就大家開始揀,真係揀得好瘋癲,因為平到可以完全唔睇價錢,總之啱size就可以買,揀完一大堆數下以為自己買左好多,原來初生都係買左9件之嘛,一人分4件左右,完全合理,陀住兩隻小魔怪真係好開心呀,買野係完全唔駛揀色,總之兩個色都靚就買晒囉,有3個色咪揀最醜個色唔要,就算兩件差不多款,都唔駛諗,買晒囉,哇卡卡。
埋單買左20個items,17件衫,4條口水肩,都只不過係$920,臨走又立多一件,total用左$980買左21樣野,so crazy but so HAPPY!!!
大細少少,你地真係有個瘋癲媽媽架,咁你地都應該會好瘋癲,我鐘意呀!!!

竹伊恩出世了

今日返工個時見到竹太凌晨入左醫院,成朝都好緊張,唔知竹伊恩出世未。終於lunch前都知道竹伊恩出左世,母女平安,皆大歡喜。
大家仲約埋一齊今日探竹太同竹伊恩!Welcome Little Mysha!!!!!!

細少少急起直追

今日繼續係自己一個去見醫生因為之前老公陪我太多,唔想佢咁快用晒d假,所以見Dr Yu同去qm都係自己一個去,今日本來約左2:30架,不過上次個姐姐如果唔想等咁耐可以早d到,所以我都係當2:00咁黎啦,去到已經見到同日放胎既其中一個媽媽,傾左兩句,連另一個孖胎媽媽都黎埋,我地又一齊係咁傾計,一路傾一路等,其實都ok,唔覺過左好耐,不過當有一個照完既時候,就會覺得自己等左好耐咁。
今日都係靚女醫生同好笑容姨姨,不過仲多左個醫生仔,好彩今日醫生仔冇整痛我,不過佢只可以好快咁見到大少少,細少少郁來郁去佢都落唔到手度幾大,最終係靚女醫生出手,所以細少少係照得清楚d,見到有頭同兩隻手,好得意呀!出乎意料之外,細少少急起直追,佢大過大少少喇,不過都係認佢地個位置去定大少少同細少少,高既就係細少少,低就係大少少。
今日係我既8w2d,兩隻小魔怪都係8w3d,大少少係1.93cm,細少少係1.99cm,嘻嘻。兩個都乖,兩個都要繼續好似宜家咁成長,唔好過大,唔好過細,兩個size接近,咁爸爸媽媽就會非常開心喇。
照完之後因為michelle未ready,所以我又落返中環啦,不過我真係好攰喇,所以去左機鐵站度坐到夠鐘就去michelle度,今日michelle話我仲女左,真係好開心。就算唔係兩個女,都一定有一個爽爽係我個肚度,hehe~
其實我覺得係一個爽爽,一個意意添,不過老公都仲係幾想有風風。

註:梁風係男仔名,梁爽係女仔名,呢兩個名係好耐之前已經改左,因為第一個胎,唔係仔就係女架啦,點之最後我可以一巢生兩兒,所以我開始諗多一個女仔名(因為我覺得自己會有孖女多過係孖仔囉),比左梁茶,梁亭同梁意比老公揀,佢揀左梁意,咁其實我覺得意意同亭亭都ok架,hehe~

Simple Nail@8 Apr

宜家因為出街太耐會好攰,加上放工先整甲真係好辛苦,所以黎緊我都會整呢d simple nail架喇,base color+幾隻手指畫花,其實睇睇下呢d款真係好唔錯,年紀大左,唔想成日都咁浮誇

不停恭喜我的Dr Yu

今日第二次見Dr Yu喇,揀左half day leave去睇醫生,原來真係唔work,攰到不得了,仲要因為一返去就比人捉左我做helpdesk,極度唔開心,所以去到診所血壓高囉。
今日行程係上晝返工,1點鐘走人,跟住出mk同契媽媽食lunch,我仲去左車厘哥夫買左1磅超好味曲奇!
食完飯其實都只不過係2:30,但我3:50先睇醫生,所以去左睇狗,今日終於都見到有金毛賣,不過好大隻喇,一定大過買nic個時,係男仔。我係咁係籠邊同佢玩,佢又有反應喎,可能佢知我係一個好媽媽,卡卡。不過好媽媽又點呀?我有一隻仔仔,又有兩隻小魔怪,係可見既將來都唔可以養多隻架喇,大隻仔,希望你等到好主人帶你返屋企啦。
玩完狗都可以起行去tst,今日搭著架的士又係衰人黎架,我都唔明,你揸得車出街一定有長途/短途客架啦,長途就鐘意,短途就西人,痴痴地,真係一d品都冇!!
去到翹康登記,今日又輕左0.7kg,真開心,不過見到血壓高,真係幾驚,唔明點解坐多10分鐘都仲係高囉,搞咩呀?今日買埋雜誌上去等,有晒準備,點知等左半個鐘就叫我名,搞到我又拎袋又拎書,好狼狽囉。入到見Dr Yu,佢話上次因為咩都未見到,所以咩都未同你講,咁今日見到野就要安排oscar呀?其他checking架喇喎,我答好呀,跟住叫我準備去照下先,當我一企起身,佢就問我係qm係唔係照左喇?我好開心答佢係呀,睇得好清楚喇,點知Dr Yu講笑咁話,oh!咁今日唔照都得啦,傾下計夠喇,我即刻答佢,唔好,一場黎到,更係見下啦,你都未見過,要比你見下架嘛,哈哈!
當Dr Yu一照既時候,我終於都知道咩叫矇查查,咩叫清楚喇,呢度部機真係好矇,完全唔覺得係一個bb形狀,係qm係好明顯見到似bb架,同埋又知點解d人要叫心跳做閃閃,因為係呢d矇查查機度,真係見到個心跳閃閃下,唔會好似係qm咁,好實在咁見到心跳係一下一下咁跳,今日大細少少都仲係有幾日既距離,大少少仍然領先,1.52cm,細少少同步成長,1.22cm。
照完之後出返去同Dr Yu傾計,終於都問晒我想問既野,安排我3-4星期後做oscar,6星期後見Dr Yu,同埋仁安留左名先,可以做完oscar有結果先比deposit。
今日等見醫生係好快呀,不過等比錢好鬼耐喎,我估都等左15-20 mins啦,姑娘幫我約左5/5做oscar,係冼世源醫生,我仲以為一定係Dr Ng添,後來先知原來Dr Sin係仲出名喎。跟住19/5再見Dr Yu,同埋比姑娘恐嚇我比deposit,如果唔係唔一定有位,不過我更係聽Dr Yu講,做完oscar有結果先比錢啦。
睇完醫生本來想去修眉架,不過去OC真係好遠呀,我攰到死,最終都係搭98D返tko,返到去仲要訓左一陣,哈哈。

Nic Nic散步去

好似都有兩星期冇同nic去散步,因為上次行完真係覺得好攰好攰,所以老公唔比我再去,不過我見近排精神幾好,又訓得夠,所以今日帶個仔出去行下啦,如果唔係會屈死佢架。
今日行程係我先入街市買餸,跟住老公幫我去交電話費,然後散步。唔知係肚餓定係點,訓完晏覺個肚一直都好怪,唔知想點,所以有理冇理,我都買左3個包出車食,我,老公同nic (nic nic食饅頭),我驚nic飽到行行下會嘔,所以我比左半個佢就話一陣一路行一路食。
點知個衰仔係街唔食野,我比親佢都吐出黎,咁我唯有一直拎住啦。行到中途,因為我已經攰,所以坐左係度叫老公繼續同nic玩,我就等佢地,點之老公係咁同nic跑來跑去,個衰仔個樣開心到不得了,仲要拎條狗繩要爸爸再玩,玩到兩隻野都冇晒氣,nic係咁望住我,我仲以為佢想飲水,點知又唔係,比水佢飲又唔要,原來佢想食我手上個包喎,真係勁得意呀,佢罷明係好似d細路仔玩完一輪肚餓要問媽咪拎野食咁。

Nic Nic,點解你會咁得意,成日都做d野出黎令爸爸媽媽覺得好開心架?你係全世界,全宇宙最最最得意既金毛,哈哈!

Hello My Twins

又係返QM檢查既日子,因為上次睇唔清楚細少少,所以一星期後又可以返去照,唔計要請假,其實返QM照都幾抵,$60就可以見下大少少同細少少,哈哈!
一行入醫院就緊張啦,唔知細少少有冇大到,又唔知今次見唔見到心跳,又怕大少少唔聽話,所以等個時我又驚到手都凍埋,不過今日算幾好彩,唔係上次個女醫生,今日係靚女醫生,仲要到我個時,咁啱轉左好好笑容既姨姨做幫手,見到個熟少少既姨姨,個心好似安落左咁。當醫生開始同我照,我見到大少少同細少少都比上星期大左好多喎,佢再逐人focus睇個時,大少少好清楚見到好似一隻野咁,心跳都好清楚,跟住到細少少,其實同大少少比,佢都係矇左d架喇,不過都清楚喇,大左好多,又清清楚楚見到佢個心跳緊,真係安落晒,醫生都話兩個胎生長得好好,好快就照完,今日又有相拎喇,hehe~
醫生一行開左,我做口型同個姨姨講安落晒,佢又報以一個好親切既笑容比我,我又望下老公笑,終於都鬆左一口氣,雖然知道既家人同朋友都唔覺得細少少會有問題,因為上次係好矇咁見到,唔係完全冇呀嘛,不過當佢地係我肚入面,個d無名擔心就會湧出黎,話就話係擔心左頭一兩日姐,其實我日日都煩住兩隻小魔怪,叫佢地乖乖咁成長,要健健康康咁出世,快樂健康咁成長。係房出返黎個一刻,我真係好開心,其實我好想大叫呀。
約好下一次booking行返出lift口,老公雙眼紅晒,佢又好感動喇,我真係比我自己預期冷靜,反而老公好唔冷靜,但我好開心喎,因為佢關心我地一大兩細呀嘛,哈哈!

見完twins,開開心心咁去左中環買相簿,好好放好兩隻小魔怪既u/s,買下買下,個d貼紙好鬼貴呀,不過返屋企整完又覺得真係好靚喎,算啦算啦,都係一本姐,一本有晒兩個既野,抵d!
之後去左食tea,等夠鐘去睇michelle。Michelle今日已經把到我有喜脈,佢話可能因為我係孖,所以咁快把到,佢話佢未試過7w就已經把到喎,最快都要10w先把到,同埋佢覺得我似孖女,因為我左手個脈強好多,似係女,不過呢樣野得6-7成準喎,但我話如果真係中,我一定會話佢係神醫囉,因為7w就知道係仔定女,wakakaka。

今日真係好開心呀,大細少少都乖,冇要我地擔心喇,繼續乖落去,比爸爸媽媽陪住你地一齊成長!!!

搶到買蜜瓜car seat

其實未有之前我已經好鐘意呢個浮誇生果car seat,竹太比個間shop我睇有得賣,其實4900/85折我覺得都幾貴,今日湊nic去沖涼之際,因為佢仲未沖完涼,我又忽然醒起竹太話南豐有間賣bb野係好平,仲要d人係由屯門專登入去買架喎,所以上去睇下啦。
原來呢間舖就係我以前成日行過都話佢賣d野咁樣衰,點會做得住架?到宜家自己真係有左,先知原來佢可以訂野,門口就係貼左生果car seat出黎,咁咪問下幾錢囉,點知一聽價錢真係好吸引呀,$3500咋喎,不過個姨姨話要check下係唔係有貨喎,咁我咪周圍行下等佢囉,到佢電話覆我只有蜜瓜有貨時,其實有dd失望啦,不過再睇多次原來city baby真係4900/85折喎,折完都要41xx,即刻覺得呢間好抵,不過老公覺得有錢你驚買唔到咩,咁其實我真係驚買唔到架,因為呢個car seat係limited edition,同埋我真係極度鐘意,加上兩年前係北海道見過真身,真係好鬼鐘意呀。所以再返轉頭問清楚係唔係真係order唔到橙,就決定左買左蜜瓜先,等細少少都confirm時,我會試下order埋橙囉,希望有貨啦。

雖然呢個car seat既士多啤梨真係好浮誇好靚,不過我又唔肯定我自己係唔係至少有一個女喎,同埋宜家已經買左一個蜜瓜,如果兩個都係女,我怕佢地爭士多啤梨用,為免第日麻麻煩煩,都係揀中性既橙同蜜瓜好d,唔會有一個係特別女仔嘛,其實3個之中,我最鐘意橙架,橙色係豬家signature黎架嘛,哈哈!

衰nic事件@1 Apr凌晨4:xx – 5:xx

其實nic不嬲都會冇端端起身玩玩具,不過唔會晚晚,一時時啦,好多時都係我地訓醒先見到佢會拎左舊骨/公仔上仔,要同佢一齊訓咁。如果有新玩具,佢好有可能會訓訓下要我地開門比佢出廳拎件玩具入房,我真係唔明點解我養隻狗都咁搞笑,邊有5歲金毛都仲係咁心野,要有玩具陪訓架?寵壞晒架喇!!!
尋日訓到半夜應該4-5點個時,聽到個衰仔推張膠櫈仔,推隔離o個個又唔理我,咁我咪自己起身睇囉,本來推開左個箱比佢拎玩具,其實我都唔知個玩具係邊,點知唔啱喎,最後開左枱燈睇先知有個網球係櫈底,一拎開左,個衰仔好開心拎左個球上床,仲要係我隔離咬咬咬,我咪掉佢個球落地囉,咁佢就落地執返又上返床尾,不過今次冇玩喇喎,上返床又再訓覺,你話佢係唔係玩野呀?邊有5歲狗都仲咁鐘意玩,咁心野架?佢都冇長大過既。
第二朝起身,我見到個球係床尾個櫃度,一定係佢訓訓下/我跌跌下整左落去啦,佢根本就唔係玩,但又一定要拎到為止,好曳呀!!!!!

不過好可愛,就算嬲佢,都係話佢幾句,其實我不知幾鍚佢,卡卡!!!