第二劑輪狀

今日9點就打出去診所問有冇得掛號,佢地話冇,一定要人到左先,咁所以我就叫老公車我出去先,跟住先返黎湊風爽出去,咁nic就想出街,我地又同佢出去行下囉,佢開心到死呀,哈哈,媽媽見到nic,風爽開心都會好開心架。

知道要等成個鐘先有得見醫生,我就打電話叫atik幫我手沖左涼先,返到黎仲有一個未沖,等佢沖埋涼我執少少野就一齊出去,風爽去食輪狀,atik就放假出街。都已經成11點先出到去,都仲要等多半個鐘先有得睇,順便問埋醫生風風條頸紅晒個問題,佢話係汗癬喎,開左d汗癬膏比我,不過有類固醇,我自己真係唔係咁想比佢搽,不過宜家咁紅,都冇辦法,一定要搽啦。

食完輪狀,我同老公食左野上車食,食完就返屋企餵奶,之後執袋就準備去街街喇。

註:風風搽左兩次藥膏係好似好左,不過一停佢係再紅再多,之後再搽都已經冇用,所以都係決定睇蕭醫生,蕭醫生一見到d藥膏就話唔好再搽,佢個表情話比我知,呢隻藥膏好似唔好咁,所以我以後都唔想再係馬鞍山睇醫生喇。