瘋狂蜜月之旅 – day 2 (大戰universal)

Yeah~~今日去jim jim最想去既universal呀,去到都幾多人,不過又唔駛排好耐,我就可以拎到之前上網買既飛,同埋我地最終買左express passport,我一路排一路問,買唔買,買唔買,佢就一路答我,你決定啦
好,買啦,排到去先見到,原來今日係有special price,係3500 yen咋,比平時平左700,好開心呀,所以二話不說就買買買
入到去,我地就去左玩nicole介紹既spider man,嘩,真係好正喎,我立體,又火又水咁,真係唔錯,跟住我地就跟住express passport既games,逐樣去玩,哈哈,好威呀,人地就係度打蛇餅,我地兩個用express就等10分鐘度就可以反,真係好過癮呀,總算買得抵呀
反呀反,唔知係唔係我諗得太好玩,我玩時又唔覺得真係好好好正喎,但係都值得去反既,反得最辛苦係侏羅紀囉,我著左雨褸都整濕晒隻衫袖,好好好凍呀,但係都幾得意既
最終,因為我又唔係好鐘意universal既公仔,我地只係買左幾張相,一張貼紙同埋一件衫送比小鴨,食埋個飯就走lur
我啦,諗住係universal去outlet度行個夜街啦,書係寫20: 00 close架嘛,好辛苦,好辛苦咁搵南海電車,上左車,坐呀坐,坐左我地大半個鐘,去到先知原來今日係18: 00 close,如果唔係去呀,我可以係難波/心齋橋行一轉喇。車費又貴,真係又嘥時間,又嘥錢呀
返到心齋橋,我死唔蝕底都去左食左一對波鞋,同埋掃左兩間藥房,都好,都ok滿足
不過搵dinner去邊度食時,有個癲佬係度發脾四,咪比我鬧同埋返酒店作文囉,就係咁,過左我地第3個一齊過既除夕
如果年年都係日本過,就開心死我喇,哈哈

瘋狂蜜月之旅 – day 1

我地係機場等左半個鐘先有巴士去酒店,不過都唔緊要啦,因為都已經7點幾,都冇野行架喇,咪買下野飲等下囉
去到osaka nikko,因為唔識路,所以問左nikko酒店既人,佢d英文ok喎,唔係好難聽,又講得清楚,我地好快就去到我地既酒店
呢間係一間細細既酒店,細係細d,不過都好乾淨同舒服,9900yen一晚,好抵呀
放好行李,打左電話比屋企人報平安,我地就出發搵野食喇
好快就搵到一間心水拉麵店,唔知係我地肚餓定真係好好味,呢間拉麵真係好好食呀,波子汽水都係100yen,我就食左一碗800幾yen既麵,亞jim就食左碗過千幾,不過佢個碗好大好大,食完,我地就好滿足既去心齋橋行下,睇下個環境
最終,我第一樣買既野,係狗零食,好開心好開心,見到一間狗舖,仲要有tea cup賣,真係好得意呀,不過係睇就好得意,我諗我養唔到佢,佢太細喇,好易比nic反死,哈哈
跟住我地就去左便利店買左綠茶,準備聽日去universal飲既,嘻嘻

出發喇

我終於都去日本喇,真係好開心
都唔算好早起身,不過又要搞下d行李,又要顧下亞nic,咁搞搞下,都搞到12點幾先出門口,首先去亞哥屋企放低nic nic先,nic nic見到東東同多多,即刻連亞爸亞媽走左都唔知
好彩亞哥飛車入機場,如果我地打的,可能都真係太遲
係機場影左幾張出發相,買左個adaptor跟住入閘食左個好簡單既lunch,同埋我傾左幾個電話就出發喇
上機喇,上機喇,真係好興奮
我一直最最最想去既日本呀,估唔到要honeymoon先有得去,不過一去就去14日,實在太高興喇
係機上,一直都好興奮,訓左一陣就到大阪喇,哇哈哈哈哈

honeymoon出發前一日

哇哈哈哈哈,前一日我先打電話去唱yen,不過好平呀,係0.655,我唱左80萬呀,卡卡
呢兩日返工我都係發夢,一時諗下結婚個日既開心野,一時又諗下honeymoon會有幾開心,哈哈哈哈
今日拎住80萬yen,真係好開心,去左幾次旅行,都未試過咁癲,心諗,好野,買買買買買,可以買好多野喇
一放工當然係飛返屋企啦,我要執野呀,之前都執左少少既,不過要到最後一日先可以放得晒d日用品落去架嘛,初初nic nic都好唔合作,我放野入去,佢就同我拎黎反,不過我鬧多佢兩鬧,佢就好乖咁坐埋一邊,唔再搞我喇
Nic nic你真係乖呀,我會買好多野比你架,哈哈
亞jim就因為year end,勁多野做,我都差不多搞好晒d野,佢先返黎,我地食左飯,好早就訓,準備我地14日既日本瘋狂蜜月之旅。

人情篇

嘩,一反人情,真係好好笑,真係咩人都有,我又唔係好想寫得太details
總之有d人親戚流流都比1000,4個人黎,仲要係敬茶比佢個隻喎
仲有就係有d cheap一早話邊邊間酒店會比1000呀,最終比600,仲要呃左我張餅卡同埋我地一餐飯,佢地都真係好朋友呀,我話過我唔要再見佢地
仲有就係一堆好似好有錢既亞太,個個都cheap到死,大人大姐都比500一個,今次真係比佢地反死呀,蝕到不得了,不過都冇得好講,鬼叫有人要面咩
唉~~~~

還衫篇

全晚完左之後,我地兩個都好攰好攰,不過因為好多野要執,都執執執,執到點幾,真係唔掂喇,好肚餓,所以叫room service送返我地d菜上黎比我地食
嘩,好正呀,齋睇都好似好好味,我地就一路食,一路睇早拍晚播,好開心,好好笑,睇極都睇唔厭,同埋一邊食一邊睇,真係好滿足架
食飽又睇夠,我地都覺得好眼訓,所以就決定訓左先算
咁第2日10點幾起身食早餐,跟住再執野,兩點幾ok就叫人幫我地拎野落樓下,van仔好快就到,真係好好,用幾百蚊call存van仔車我地還衫,好過自己揸車好多,一來又唔駛我拎d野,二來又可以上車傾計,幾開心呀,最後一站就去左mc,傾左好耐計我地先去湊nic nic返屋企,跟住去cwb再打的返去,咁就一日喇,我地一家3口,返屋企又係訓訓訓喇,哈哈

我們的夢幻婚禮

勁開心呀,雖然都有少少唔係好好既地方,不過各個單位既人都好good呀 首先講下姊妹啦,佢地都算準時黎到我屋企化妝,不過最後都遲左開始接新娘,但係end up因為我schedule預左一個鐘去男家,但原來係tko去mos,係可以半個鐘就到,跟返schedule 10:30到男家,好good呀 好,接新娘時,我聽到佢地反得好似好開心,同埋d兄弟超合作同老實,叫佢地做99下push係糖,佢地真係食晒(8個人食99粒),我d姊妹比tissue佢地吐,佢地都食,跟住食wasabi餅,佢地又食晒,所以我伴娘話佢地好老實,其實係想話佢地傻仔,哇哈哈。咁我一早order左亞jim自己作既愛的宣言,真係超好笑呀,佢作得好好,我聽得好開心呀,嘻嘻 我套褂,個個見到都話好靚好特別,我睇返早拍晚播,套褂真係好得呀,同埋d頭花又係好靚,我知有隻係雞冠花,有隻唔知係咩,大大朵,整左上頭好正囉,又夠大,又特別 咁我出左黎,就快快快敬茶啦,我亞媽本來打算要我敬比大陸黎既親戚,不過個時已經係10點,我一定要走,加上我亞媽at least叫左3次,個表嫂都唔肯出黎,我就發晒癲到我二家姐講,我11點前一定要去到男家,大大聲嗌我要走,一陣去酒店有時間先敬,咁我就拉大隊走人,哇哈哈(結婚個日都繼續鬧人) 去到男家,搞笑事件有兩件 1. 人地問62有冇野要同新人講,佢就話:「做父母既,1. 就係想子女健康,2. 到佢地出黎做野,就想佢地有d成就,係咁多,宜d就係父母想見到既野」,我聽完都唔知佢想講咩,唔知可以比咩反應佢,所以我只係「哦,知道喇」,就係咁喇 2. 99差d想我地敬茶比豬妹,話說我地敬完比6299,佢就已經問,下個係亞妹定公公婆婆,我以為自己聽錯,不過都唔理,我好大聲話,梗係公公婆婆啦,跟住到所有亞姨舅父都敬完,佢就叫豬妹出黎,我眼都碌出黎呀,唔係化,叫我敬比個妹,short左呀?我係亞嫂喎,咁我唔敢自己講唔駛呀,我好醒咁問攝影,妹係唔係要敬茶架?佢一答我唔駛,我就同99講,佢地話唔駛喎,咁佢先唔要我地敬咋,不過99都細細聲同自己講,係呀,係咩,真係唔知呀,有d人又話要(奇幻潮又多一個topic)
咁跟住lunch都可以係我預定時間進行,咁我同亞jim要係男家換衫,所以冇出去食,不過因為99叫工人送野上黎,都成12:20分送到,我地食得好快好快就要出發大會堂 婚紗look就用左價值150大元既牡丹花,夠晒浮誇,好正呀,其實好似有d似mc杏兒新d輯相,牡丹花個頭,不過我仲要浮誇過佢 註完冊就我同亞jim自己係中環影相,其實都好攰,總之唔影啦,跟住仲要因為塞車,我預先係諗住van仔車一轉送親戚去酒店,再返中環接我地,schedule左係4點接我地,不過塞到3:45第一轉都未去到酒店,如果要返轉頭,我可能要等到佢4:30,仲有又要塞返去酒店呢,所以我同亞jim決定去新碼頭搭船返酒店,我諗我係第一個用新碼頭既新娘,一路係大會堂行去碼頭,又唔係真係好多人望我,d人好似覺得冇事咁,上船前,我問亞jim,d人係唔係會讓我,佢話一定唔會啦,你以為你真係大晒咩,點知d人真係唔會讓,仲好想扒我頭,d hk人真係不近人情呀,人地著住件婚紗都唔讓下路
去到酒店,已經見到stair佈置左,靚,不過又冇我想象中靚,可能係日頭啦,咁我雖然好攰,不過我都堅持一定要影樓梯日景,影完就上房換衫 意外就發生喇,青綠仙子條拉鏈kick住左,仲爆左,跟住搞左好耐,終於都放棄,除左件衫,換左噴血 我就覺得噴血好似唔夠噴血,不過個頭好靚,好型,我目前最鐘意係呢個style 跟住barbie,個南瓜車真係不得了,一出黎,嘩嘩嘩,仲有兩個攝影即刻匆過黎係咁影我架南瓜車,卡卡卡,真係好童話呀,不過影左出黎,呢件冇我想象中咁靚,不過都above average架喇 其實係我換barbie時,yonex已經幫我整返好件青綠仙子,佢叫我唔好嘥,著返佢喎,咁所以我7:45就換返呢件喇 真係估唔到,呢件先係噴晒血,今次yonex同我帶nu bra好勁,真係形造到好逼爆既效果,end up呢件係影得最耐,因為我8點問即拍即發,我影左幾多份,個時先得70份,我order左200份,我心諗大鑊,用唔晒都係要錢,所以之後再影既人,我都係人頭計,唔理佢地係唔係一家人,咁因為又好似好多人未影相,所以我就要求入ballroom影多兩個字,不過原來一入ballroom就好似唔出得返黎咁,一影就影到8:50分,先可以跑去換衫 march in整個頭好掂,個頭紗好靚,似盧淑儀個頭紗架,好正,又整到大大舊咁,好不得了囉,嘻嘻 我最後多謝亞jim時,我以為我會講到佢喊,原來我講左3句就喊,就講唔到,咁跟住求其再講多次多謝老公,就完喇 跟住敬酒,嘩,又係一貫超浮誇既hair style,個頭飾好大舊,仲要加多一條孔雀毛,好正囉,仲有再加6299送個條大金鏈,件衫又金,真係好金光閃閃,好正呀 敬完酒,我去換衫,換完亞jim就唱歌,係全晚既高潮,mc要我企埋上台,我就企左係piano隔離聽,佢唱第一首,一生愛你一個,我就喊lur,喊足3首,不過亞jim唱完第一首,d人就嗌encore,幾勁呀 送客整左蝴蝶結頭,好得意,雖然冇任何頭飾,不過都已經好夠,同件衫好march 總括我成個夢幻婚禮,我真係好滿意1.攝影好落力,yonex話佢地影得好狠,應該影左好多筒,不過唔緊要,最重要係唔好miss任何一刻,同埋佢地要求都幾高,企位一定會執,我睇返即拍即發既相,d燈光冇現場睇咁黑,好靚,同埋佢真係make sure我地一定係企左係中間,影晒個backdrop,好正。仲有就係,我好似冇叫過佢地一定要每套衫都同我地影雙人,不過佢地都會叫我地自己影d先,有時就係我一換完衫就影,有時就我換第2件前影,very good呀,service真係好好,派相都ok,會問guest坐邊,mark好晒先派,好好呀,所以我地覺得貴都值 2. yonex真係要勁讚,每一個hair style都好特別,唔會悶,同埋佢d acc都好正,完全係我想要既野,超好,仲有佢臨走都同我套好d衫,非常好呀,最勁佢幫我整返好條裙,等我唔好嘥,仲有就係佢每次set頭都真係好快,我真係一陣就出返去可以影相,呢樣野都已經好得啦,所以雖然佢係貴,不過真係值 3. 酒店service一流,好細心,好細心,好照顧我地感受,當我好趕好趕去準備march in時,佢見我行得好急,一路係我身後講,ok呀,唔駛急,時間好好呀,好正常,冇遲,小心行,唔好急,真係好好 有一個就負責話比我地知個rundown,一路帶住我地做啦,跟住captain好交帶,同埋一早佢同亞jim同兩個mc夾rundown時,亞jim讚佢真係好細心,會比好多suggestion,咁所有waiter都好好呀,負責企我地隔離assist影相個姐姐,久不久就比水我地飲,又提我換衫,好有禮物,service好過我expect 4. deco真係好靚,條stair一入夜就好掂呀,真係我幻想既野,同埋兩個backdrop都好好呀,影左好黎好靚,我地張花花椅都好good呀 雖然個夢幻婚禮真係好成功,不過我同亞jim都覺得,我地最遺憾就係冇時間好好欣賞所有野,好似我地冇好好睇過所有deco,冇係易拉架簽名,冇定定享受下d食物(雖然之後食返都知好好味,不過如果當時可以食到,應該係仲正),我地兩個都覺得,如果我地係guest會好開心,因為至少可以去搞下d deco,去睇下相簿,咩都反一餐,所以完左夢幻婚禮,我地希望可以參加另一個夢幻婚禮
漏左講一樣,我地march in時,d花炮好勁,真係好多好靚,最good係我地上到台,有人係兩邊放花炮,開始有泡泡,真係好夢幻,好有氣氛,自己好似明星,哇哈哈哈哈

傻仔Nic

今日好似係媽咪同爸爸結婚既日子,佢地唔同晒樣,不過我都知佢地係爸爸媽媽,我一早4點幾就跟媽媽去街,都唔知點解未訓醒就落街,不過去到亞婆屋企,我就要自己一個係廚房,好悶呀,爸爸媽媽,你地做咩呀?快d同我玩啦

上頭篇

頭總算係最準時既一個項目
12:30上頭,其間,媽咪顧住笑,笑到連1梳係咩都講唔咩,所以要take 2
跟住又因為掛住笑,又幫唔到我帶個夾,又係要take 2,跟住我拿拿聲食完湯圓,就同姊妹飛的返屋企訓
最終兩點先訓得,都好好架喇,我都訓左兩個幾鐘,nic nic都好合作,同我一齊訓,都冇嘈住晒

12月19日 - 結婚前一日

仲有一日就結婚喇,尋晚已經執執執,執左d野出黎拎返各自既屋企,準備聽日big day用,今日target 12:30出門口開始拎10萬9千件衫既工程,不過都係遲啦,1點先出門口
第一站,新寶城: 去幫nic nic換件大一個碼既禮服
第二站,東港城: 去拎人地同我地custom-made既心型cookies(好多好多,估唔到我比一大袋盒佢,佢會裝係3個箱度比返我)
第三站,cocoon: 呢度用左我地最最最多既時間,因為中環好塞車,我已經一上去就有得再試,試完又唔駛改,比deposit就走得,不過我地由tko去central都用左個幾鐘,最後好似成3點幾先走,好急好急呀
第4站,mc: 去拎左晚裝先,即刻快快快車晒d野去酒店放低先,因為應承左zeo4點前到架,點知都好似4點半先到
第5站,金都: 去拎肥豬件恤衫同埋買糖蓮子,雖然我一落車就快快快去拎野同買野,不過時時都塞車,都用左我地好多時間
第6站,私人胸間: 拎姊妹衫,話上到去,佢地不知幾好service,鬼咩,之前搞到我d姊妹咁唔開心,佢地點都會對我好d啦,同埋free左d飾物比我,都ok靚喎
第7站,又係mc: 今次去拎埋婚紗同禮服,不過d花仲未到齊,真係激死喇
第8站,許願樹: 拎99件衫,本來想拎左去酒店先架,不過間野成4點都唔開門,唯有宜家夜一夜先拎啦
等呀等,我地等到8點幾,tiffany都仲未拎齊d花比我地,我地好嬲好嬲呀,因為亞jim約左兄弟7:30食飯,我又約左8點食,我地遲晒喇,最終nicole又幫我地solve左呢個問題,所以8:30就離開tst去kwun tong拎cheque
唉,去到又唔識行入入面喎,搞搞搞,搞左好耐先拎到,都係自己衰啦,又唔一早去拎,係都咁遲先去,不過好彩張cheque都好靚
到最後,9點先返到tko,亞jim幫我將所有野搬晒上欣明苑先,跟住佢就要返mos,我就去新都城食飯,嘩,好攰好攰,好想死呀~~~

仲有5日

終於都到星期五喇,今日係婚前最後一日返工,好爽呀,我全日都冇做過野,尋日同左秘書姐姐講,我今日會請食tea,叫佢幫我prepare下,咁一早就諗好tea食咩,就係咁,等呀等,等到tea黎喇
嘩,佢地班人呀,請你地食野,真係好狼架喎,d set好似都係10幾一個之嘛,10幾個人都唔知點解可以食我400蚊架,不過是但啦,大家高興
好,食完野,放工,開始全程投入我既夢幻婚禮喇

仲有6日

仲有6日就結婚喇,死啦,落雨,尋日開始就落,雖然天文台預測,下星期三係15-19度,有陽光,不過我都好擔心,不過算啦,都冇野可以擔心,佢要落都冇法,我唔可以叫個天唔落架嘛
不過都有開心野既,尋日同小仙女msn,佢send左好多disney song比我,哇,正呀,有煙花首歌呀,我宜家決定用晒disney song做全晚既music,嘻嘻,好正呀,好襯我個夢幻婚禮呀,好開心,好開心
我想快d同呢日,因為過完就好安心,同埋可以去旅行喇,好開心呀~~~卡卡

Cocoon fitting篇

本來約左11號去試cocoon衫,不過paddy打比我,佢話佢星期一唔係shop去左鞋舖,問我可唔可以改時間,本來想改星期二,不過我要同公司d人食飯,唔得,星期三,同佢fully book,又唔得,講呀講,終於係星期日去左,原先明明話星期日冇師傅,不過宜家好多人結婚呀,師傅星期日都要返工啦
好啦,上到去差d暈咁滯,叫paddy比左杯水我飲,我就換衫
又玩nu bra,今次好成功,整得唔錯,估唔到條噴血裙係改都唔駛改,好fit好靚
跟住就試好cocoon既裙啦,呢件就要改少少喇,今次終於影到相喇,呢條裙簡單得黎,真係幾靚,宜家又瘦左d,我覺得好好呀,雖然唔係我最瘦既樣,不過都ok啦,瘦過之前就得啦,不過如果可以係倒數一星期內激瘦就更好,哈哈

私人胸間

呢間私人胸間就係我租姊妹裙既shop,由揀開始,我已經好不滿,連平時唔聲唔聲既小玲都覺得佢地好有問題
好啦,我打去約2號同幾個姊妹去fitting啦,佢又話衫未返,要9號之後先有,好,個時個eva既態度都ok,咁我就叫佢自己約我d姊妹喇
點知由星期六開始,惡夢就黎,佢地搞錯左試衫既地點,一時有人打比姊妹話去中環,一時又有人講話要去尖沙咀,我真係唔得佢死呀,搞搞搞,搞到我午睡都冇埋就打電話去鬧人
好啦,問清楚係tst試啦,夜晚就收到亞珊投訴既電話,話條裙唔係我比相佢睇個條,哈哈哈,我真係火都黎,我就等佢打比我,同我explain,佢都真係呀,對住我就講晒對唔住,end up我同姊妹講返,原來佢地put me on the table,話係我搞亂,好彩我d姊妹唔會信佢,個個都一係就鬧佢地,一係就同我投訴,叫我出面鬧,唉~~好煩呀,雖然我都好鐘意鬧人,不過真係好煩,我宜家差不多日日都要打電話佢mon下佢做野做成點,煩死
不過佢地都知衰,話free一d珠鏈比我既姊妹襯裙,當租咁,如果我啱就比deposit就可以拎走喇,還就比返晒我,唔知呀,都唔知靚唔靚,如果靚都好既,大家帶d勁d既野,影相出黎會靚好多,唉,今次真係又煩到我,又煩到我個7位漂亮既姊妹喇,真係唔好意思呀!

我愛GUCCI

星期五無端端入左gucci,發現佢地on sale,所以好似short左咁,係咁睇係咁睇,不過都好似冇野啱喎,咁想走時就想拎個袋睇下啦,點知個cheap男人白鴿眼,人人都係行入入面d櫃拎袋,我想入去,佢lan住我,話我想睇邊個佢拎比我,我咪是但指,一拎左上手唔夠一秒就比返佢囉,好嬲好嬲,我話過,我係唔會再去times square間gucci架,實在太可惡喇!!!
跟住亞jim又未放工,我就唔理咁多,一支箭去搭van仔上landmark,哇,人地呢間又大又多貨,唔多人不突止,d姐姐都ok好呀,最衰唔見左以前個grace姐姐啦,佢好好架,又好笑容,不過唔見lur
睇呀睇,本來想要個腰bag,不過有sale既色又唔係好靚,都要27xx,好似都幾貴,咁唯有走啦
到星期六,其實都仲好想去買野,不過又好似用好多錢,忍呀忍,唔買唔買
星期日,隻死仔激到我好嬲好嬲,我去完cocoon,再去mc,佢都好似唔覺自己有錯,仲同我頂撞,好…係都要激到我喊,我嬲~~
所以最終一個gucci就成為左我下火既禮物,yeah~~好開心呀~~又有新袋,卡卡

Nic Nic絕育篇

唉~~~星期五,等左一日終於都見爸爸媽媽返喇,媽咪話佢買左名牌衫比我,不過我都唔啱著,好似話會比cook姨喎,跟住佢地兩個一直都好似好擔心我咁,又係咁同我反,又係咁同我講,叫我唔駛驚,我都唔知咩事,不過我只係知道我成晚都冇食過野,好肚餓呀~~~
好啦,星期六起身喇,我仲以為有野食,都冇既,媽咪係咁同我講野,我又唔係好明佢講咩,我只係知道,嘩,發達喇,一早起身又有衫著,又有得去街,不過原來係惡夢既開始。
上左的士,個司機好似唔多鐘意我,係咁西我,我好快就嘔喇,不過媽咪都接到,到西貢時,佢又西多我幾野,我終於都嘔一大灘黃膽水出黎喇,媽咪接唔到,佢一褲都係,不過佢冇鬧我,佢只係叫爸爸提我落車,佢就同人抹車
跟住又去左個肥醫生度,我唔想磅重,佢又要我磅,跟住又同我打左兩支針,打第2支時,我就訓左喇,媽咪同我講返,佢見我訓左時,佢好擔心我,佢驚我唔醒,佢仲問姑娘係唔係冇危險
下晝,媽咪同爸爸就接返我喇,不過唔知點解要帶喇叭,我撞來撞去,終於都上左爸爸車,um..爸爸架車真係舒服呀,又唔會西我,我又可以坐晒全個位,仲有媽咪攬住我,我覺得好舒服,就係咁,我就訓左,到左屋企時,媽咪先叫我起身落車,返到屋企,都仲係好似好攰咁,同埋個樣好唔開心,媽咪就係咁同我傾計,不過都冇野食,我好肚餓呀,跟住我就同媽咪一齊訓左一陣覺,訓醒時終於都有野食喇,不過都唔係好多,又要食藥,好煩呀
其實我宜家精神好好,又反得,又食得,係唔可以落街,媽咪宜家錫到我不得了,成日一有時間就陪我,又同我反拋零食,如果佢望住我,我就唔駛帶喇叭囉,如果係爸爸睇,有時要,有時唔要,爸爸好煩,成日都鬧我,搞到媽咪又鬧佢,我知媽咪宜家都仲諗緊,其實究竟帶我去做絕育係啱架,佢次次睇我個傷口都好似好心痛咁,唉~~我都唔知呀,咁個個醫生都話我地呢d狗狗做絕育好d架嘛,咁媽咪又好似覺得我好慘咁,其實又冇野呀,係宜家要帶喇叭,過多一星期都唔駛啦,下次去醫生度,再問下其實做左手術有咩好先

MTM大戰 (Part 2)

今日本來係約左拎返d cream去mtm re-blend既,不過自從星期二gloria打左比我之後,我d瘡就開始好返,今日去時都冇咩野,佢話唔關d cream時,可能係我m到,加上啱啱推緊d污jo野出黎,所以就有爆瘡喇,跟住我自己又多口問佢,我幾時可以用清潔mask,佢話應該用左佢地d野之後,3星期就可以開始用,咁佢話我宜家可以唔配住,可以下星期先再去,不過如果我怕煩就可以宜家配就下星期開始用
好啦,我於是就話今日配埋啦,咁佢寫寫下,我又問佢,我條頸d瘡可以點呀?佢話同我解釋清潔mask就分兩種,一隻係消炎,係禁住d瘡唔比佢再生,一隻就係吸晒d污jo野出黎,咁佢睇左幾次,佢就話我,我條頸要消炎,因為唔可以比佢爆,但係塊面就應該去死皮,清左d污jo野,佢話如果佢落幾樣野落去,都唔知有咩purpose,咁suggest左我分開用啦,好,呢度就兩盒mask喇
跟住又係自己衰啦,又叫人地同我睇下隻眼,咁左眼就明顯地冇咁黑,都仲係有d乾紋,不過已經好左好多喇,右眼就黑d,同埋黃,佢問我想唔想去黃,其實好容易,一做massage就ok,佢話做10幾次就夠架喇,包我對眼唔會再黃,跟住佢講左好多野,我都唔係好明架,好似又話要blend for eye,跟住搞好左對眼,就re-blend返for face,不過end up係宜家一盒就已經for eye & face喇,呢度又一盒mask啦
眼,佢話我懶唔用eye make up remover,所以搞到黃左,咁就叫我配返個eye make up remover啦,呢個ok呀,都唔貴,又一支
本來都冇咩需要架喇,不過我計計下,梗係買多一set coupon抵d啦,於是我就決定要多一set coupon,仲要係開e-coupon,可以拎埋set mini essence
好,咁宜家x'mas promotion,就係買滿幾多錢就有套x'mas set送,好靚架,咁反正都買左coupon,咁咪拎多d product返屋企之嘛,最終就要多左兩盒水份mask同一支toner返屋企先喇,不過有排都未用得啦,宜家仲有好多貨
比左蚊蚊喇喎,佢又問我,宜家做facial點呀?我話唔得囉,好唔鐘意,咁佢話今個月好抵,有買一送一facial,可以買一次架,咁又聽下佢講啦,嘩,真係好吸引,雖然single價真係好貴,不過除左2的話,就係正常貴少少啦,不過我諗都真係好舒服既,就係咁要左一個買一送一既Q10 facial,仲book左聽日做,哇哈哈哈哈,我又唔去peggy度lur,結完婚先去搵佢啦,費時宜家比佢搞衰我塊面呀,卡卡~~
又一次財散人安落

改名,改名又改名

連自己老闆個名叫咩都唔知,仲要係夜晚晚12點打黎話要改,要聽日要喎,又話必要時自己寫,跟住宜家又話,個個都係咁,一陣得一個唔同就大鑊喇,咁佢唔知人地個名夠大鑊啦
個樣衰d姐,亞jim又鬧我"唔知以為d野你做晒,就大x晒先得架"
又話唔再用粗口鬧我,又係鬧,我好唔開心呀~~
咩都我做晒,到頭來冇人欣賞不突止,仲要比人鬧,都唔知做黎做咩呀?一早自己寫啦,早知我自己print自己就算喇,出錢出力,去買,打字,叫人幫我print,咩都係我做,d人都唔知有冇諗過我架

瘋狂shop shop shop

今日係c&e聖誕優惠既第一日,我一早約左姑姑今日lunch去新鴻龜去掃貨架,點知行到去,下????圍板?????未開???唔係開左架喇咩????搞錯呀
跟住因為我又同大家姐講緊電話,隱約聽到姑姑話飛的去cwb買,好呀,我好快就話好呀,行喇,跟住我地初初係想去time個間,點知又塞車喎,我地就諗住去sogo喇,上到sogo,嘩~~~好壯觀呀~~~我地就迫左入細細個c&e既counter度掃啦,不過姑姑話冇佢想要既野喎,所以就決定去time,不過因為都要行去time,咁不如路一路過cwb廣場個間先啦,跟住上到去,姑姑就搵到佢想要既野,咁我又開始掃,好似short左咁,係咁買,係咁買,首先我就係拎左la source個set body wash同body lotion,跟住就入裡面揀多支creamy body wash,仲有兩支body scrub(好野,唔駛就住用,卡卡),仲有兩支爽身粉(一支應該用兩個月啦),一支rose買比小鴨,最後去拎埋我今期最鐘意既wisteria沖涼set,嘩,真係好開心呀
我地兩個癲喪人就係咁,拎住一大袋野走,飯又冇得食,又好鬼肚餓咁打的的返工(其實本來想mtr架,不過我冇嘟嘟卡,所以都係的的囉)

嘩,宜家好攰呀~~~好辛苦!!!!

My Memory好消息

與Zoe戰鬥

終於都到左同zoe傾details既日子喇,本來我地一直都係打算揀menu B加最平酒水,不過亞世伯伯母又話一定要轉魚,轉魚呀,at least都要800呀,咁所以我就suggest,不如要最貴menu,同佢傾下,睇下可唔可以free酒水,計來計去,我地有兩個方案,1.要menu d + free 酒水, 2. 要menu c + 980酒水,所有different都係佢地兩個比,好啦,其實我同亞jim都有d驚我地同唔到zoe bargain架,因為佢地企得好硬架嘛,點知zoe問我,點呀,宜家要邊個menu,我就同佢講,唉,呢個好頭痛,我好鐘意你最貴個menu,不過可唔可以free酒水比我呀,佢就即刻話你等我計計先,佢自己係到計計計,跟住就同我地講,比靚價我地9388包最平既酒水package,即是酒水要508,其實我都覺ok架喇,不過都係想佢減多d,跟住我就叫佢,再平d啦,你再計下啦,得既,仲可以平既,咁佢又計計計,佢就話,真係唔得喇,我當我平多100比你,仲平過半價呀,我出唔到數呀,跟住好彩佢講左一句,宜家唔係free兩個鐘比你喎,係free一晚喎,跟住我望下張酒水紙,7-11pm,我就同佢講,你8點先比我囉,咁可以平d囉,佢又諗到得喎,咁宜家就比多d fruit punch我,serve fruit punch同茶serve到8點,8點之後就開始serve啤酒汽水,good,好快就傾點,end up係我決定,酒水個408一圍就我地比啦,其他就佢地兩個比,哇哈哈,大家都開心,兩老既面子返晒黎,zoe又好開心,我同jim又好開心,嘩,真係未去過一餐飲係會咁勁,我地宜家食咩呀?係食排翅同燕窩架,真係癲到不得了呀~~~我好期待個日既食物呀,唔知我可以食到幾多呢?

honey大日子

今日終於都到honey既大日子喇!!
一直都好驚我過大禮去唔到jenjen度,原來係ok架,我仲約埋心心一齊係tko出發去,居然係我同心心到先,我地簽左個名就入去坐,我坐左係中間位呀,可以近距離睇住jenjen入黎好開心呀,我比左張卡心心寫,一陣就見到小仙女都到,嘩,佢成個貴婦咁,好得呀,跟住姑姑同小pp,janet都未到喎,但係婚禮都就快開始喇,係開始左奏樂,我先見到佢地係我地對面坐,跟住亞朗b掛住喊唔入場,我諗個位係佢媽咪拖住佢行,佢先叫肯行下,不過行行下又趴低左喎,佢真係好笑呀,跟住係細妹(伴娘)進場,跟住我就係咁偷望係門口外面既jenjen,望到佢都見到我,仲同我打招呼,佢一入黎,我就同佢影相,我影到一張佢望住我笑架,我好開心呀,卡卡
嘩,佢好鬼瘦,套婚紗好襯行church,一開始唱個首歌我就見到佢好似喊咁,不過個首歌d歌詞都好好既,唔會唔啱音
跟住有人講野,又再唱歌,仲聽到jenjen同啤啤唱歌,佢地成個過程都好快,唔悶,完全係打破左我覺得行church好悶既感覺,總之佢地既婚禮就係要感人有感人,要搞笑有搞笑啦,我覺得佢地個牧師講野都好好呀,我唔識都會明,同埋唔會好悶囉,佢又識用廣告係比如,唔錯唔錯,好鐘意佢地禮成後跑出教堂個一下,真係feel到佢地兩個都好開心好興奮,連我都好為佢地高興呀,跟住我地mc既朋友就一直等到我地影相既時候,終於都到喇,哈哈,影完一張大合照,我同姑姑就夾住jenjen一定要影一張3寶相,我仲叫 左啤啤 先生,唔該借借呀,我地要同你老婆影相呀,就係咁,我地又多一張3寶相喇,仲有我個張,我就可以放入相架,哇哈哈
臨走時,我同 左啤啤 先生講,你呀,你記得對jenjen好d呀,要好錫好錫佢架,因為jenjen叫過我,如果有機會要同啤啤先生講架,我講左喇
Jenjen恭喜你呀,啤啤先生3生有幸娶到你做老婆,big day個日既開心興奮,一定會每一日都係你身邊,你會係最最最幸福既傻寶,恭喜,恭喜!!!

過大禮的大日子

今日9點幾就起身開始梳洗,準備過媽咪度prepare過大禮,同埋我要執好d野一陣要去jenjen個婚禮,好啦,好啦,原來咁早起身都係冇用幾,我地搞搞下都要成11點幾先出門口,99個邊又話12點黎到,搞到我好趕,因為我地仲未出拎唐餅。
落到街,我地諗住打的,不過又比人搭左喎,又冇第2架,我地就上左van仔啦,好彩,真係一架van接一架,好快就返到媽咪屋企,因為我好肚餓,我就叮左本來係二家姐既早餐食,哈哈(我入房叫佢起身,佢仲話唔駛咁早,真係比佢激死,我叫左佢幫我影相架嘛)
哈哈,跟住搞笑既事又出現喇,話說我地一上左屋企,亞jim就打比佢媽咪,問佢幾時黎,我地要去拎餅啦,咁好似係佢公公聽電話,我明明聽到佢話99唔係度,去左拎野,一陣佢地出門時就打比我地,好啦,我地等呀等,等呀等,冇理由咁耐都未黎架,亞jim又打去,嘩,好似冇左件事咁,又唔打比我地同我地講佢地出左車喎,咁你過黎點都要同我地講架,唔通佢地想自己就上黎呀,咁得人驚,跟住一知佢地出左車,我同jim就飛奔去拎餅,其實人地都好快手架喇,點完數就入袋比我地,我地兩個人4隻手拎住7袋唐餅走,初初拎都唔係好重,不過差不多行到返欣明苑時真係好重,好辛苦,不過我又唔可以停,因為我地見到架車到左,我又要行快d,返左入屋先喎,真係攰死我喇。
好啦,返到屋企喇,我就帶左bob cook入房,出奇地有人黎佢地都唔知,吠都冇吠過,好乖呀,二家姐就仲未ready,我就叫左小鴨同我影,佢都ok啦,係有時有d黃家衛上身咁囉,亞人地舅母一入屋,我就聽到佢好大聲話,恭喜晒呀,呢個係生果籃,生生猛猛呀,哈哈哈哈,我真係覺得好好笑呀,我就係o係房度聽到佢地係度講講講,反左大半個鐘就走喇,我就出黎同d過大禮物資係咁影相,我影影下,發現左媽咪回漏左一盒豆,搵日要比返伯母,哈哈
雖然我唔駛參與好多,不過我都覺得好攰喎,反反反,反左一陣,食左個皮蛋酥我就準備出去jenjen婚禮喇。

肥豬生日實錄 HAPPY BIRTHDAY

好,今日打算6點走,但係掛到同維尼太呀,鄭太呀同埋竹太係咁反,係咁反我最終極速工作都要6:15先走,不過都唔緊要,我即刻搭車去文華啦,但係有d塞,都唔緊要,最樣衰係行左文華一大個圈先知cake shop去左上一層,好好好,上去拎左個cake就走走走
行呀行,唔知係唔係心急,又驚肥豬打比我,我就行錯左少少路先上到去soho,途中有好多人撞到我個cake,我好想鬧人,因為我第一年買比肥豬個cova,上面有好多生果架嘛,我搭巴士返屋企時,上緊上層,比前面個死佬一個唔該,伸左一下後腳,整到我d生果飛左出黎,要我返屋企做返手腳先ok,所以好驚好驚,比人撞到我個cake,不過放工時間一定多人架啦,係自己趕趕趕姐
好啦,上到soho喇,一到門口,有個哥哥開門比我,我就氣匆匆同佢講,我book左7:30,宜家想放低個蛋糕係度呀,ok?佢好'欣'勤同我講,當然可以啦,仲問我個係咩cake,應該放雪櫃定冰箱,不過如果係度食,要比150切餅費 -> 嘩,好貴呀,不過算啦,一年一次,冇所謂啦,唔通食完飯就拎走個cake,自己返屋企食咩
好,放低左,我就行行行,行返去ifc,差不多到時,我就打比肥豬問佢走未,佢話佢走得,我就行快兩步啦,咁啱比我發現平時唔多見到既godiva,好,我見肥豬未落黎,我就一於入去買盒貴到食左會飛既朱朱力比佢,揀呀揀,我揀得好開心,個哥哥又同我縛得好靚,我就走啦,一出去就見到豬生啦,我就送左盒朱古力比佢,佢就想拖住我返屋企,我咪同佢講,我會帶你入奇妙世界
行呀行,行到去pizza express,佢都知係呢間啦,佢仲好似好醒咁同我講,我都知係呢間架喇,我同你心靈相通呀(sorry,佢睇肥田睇到上左腦)
跟住好開心咁叫野食啦,又好開心咁開左盒朱古力食左幾粒啦
好啦,到食完野,我乘機去toilet就叫個waiter幫我準備個蛋糕,唉~~呢度就係敗筆喇,唔知係我英文唔好,定佢都唔係好識英文,佢係我坐返埋位,居然問我個cake係唔係宜家拎出黎,死咩?係肥豬面前講,肥豬就已經飄飄下,係咁問,cake?cake?你訂左cake呀?咩黎架?跟住個waiter拎左出黎,佢以為我要拎走,我就同佢講,我係eat in呀,佢想係我面前打開個盒,我係咁望住佢,佢終於都同我講,佢去prepare,唉~~我終於都鬆一口氣,佢拎走左,同我點晒candle先出黎,仲唱happy birthday添,佢唱左兩句就停左,我就叫肥豬許願,吹candle啦,跟住另一個醒d既waitress就同全層人講,有人生日,佢叫咩名,叫大家一齊唱歌,因為全部都係鬼人呀,所以佢地好開心,好合作,一齊唱歌,個氣氛真係好好,我見肥豬笑到4萬咁,哈哈哈哈,好成功架喇
跟住我地一路行返去mtr station,佢就一路陰陰笑,哈哈哈哈,我得左喇,總之呢個匆匆prepare既surprise搞得唔錯啦,嘻嘻嘻嘻

花球事宜part 2

個日去完tiffanny因為真係好嬲,所以第2日打鑼咁搵nicole,不過佢真係好忙,我都同唔到佢講晒d野,不過我同jim都真係好唔想再幫襯tiffanny架喇,實在太嬲,於是我星期二已經send左mail去問gary同boris,gary好快覆左我,不過好貴喎,佢一個花球都quote我1000-1500,新郎襟花就100,父母就120,其他就80,我計計下,如果要返我想要既數目要3xxx,好似太貴。
跟住今朝boris打左比我,個女仔好斯文,好細心呀,雖然佢冇答我幾多錢,不過係佢website睇既價錢就平過gary,我鐘意個花球都係800姐,咁佢d襟花就80一個,我計過,如果要返晒30個襟花加花球,都係2xxx,ok啦,至少佢d野有保證呀,佢係o係gary度出黎架嘛,以前個間gary & boris,d花好靚,不過宜家boris同gary分開左,自己開左另一間係上環,但係我地去過,個度好舒服,唔會好似tiffanny咁發晒癲,比錢都比得開心d啦
宜家要等nicole覆我,佢會點處理先得,我就想用我比左既錢要多一件晚裝,或者晒一張油畫囉,唔好嘥左d錢去,個死人tiffanny,真係比佢害死呀~~~

Tiffanny Flowers

嘩,今日去左tiffanny間shop,真係嬲到我發癲呀,首先間shop環境好差,好亂,唔整齊,其他staff都係亞嬸,連廣東話都好似講唔正咁
好啦,一去到同左tiffanny講我地係黎揀花球,佢冇位我坐,我宜家要坐係個好逼既地方,求其比左本新娘花球(4),(5)比我睇,我明明見到有d係(2x),比d咁舊既我睇做咩喎,我都揀唔落手,同埋我一心係要佢custom-made比我架嘛,一路等我就一路嬲,亞jim仲係度撩我,又好似好想走咁,咁我比晒錢,唔通真係走呀,好啦,我等左佢半個鐘,佢就同我傾左10分鐘都冇,一d都唔prof,人地又傾半個鐘,我就10分鐘,算點呀?
問我有冇鐘意邊個花球,我話我冇呀,我想你design比我,我有我婚紗同褂既相比你睇,好啦,睇完我就同佢講我想要個紫,白,綠既花球,佢都有問我鐘意圓d定點,我話圓d,佢又問我鐘唔鐘意有d草圈,我話都ok,跟住佢就話得架喇,都short架,咁我咪同佢講,你同我襯頭花喎,佢好快手就話套褂同我想要既花球唔襯,佢話整個紅花比我襯褂,加200,襟花60,咁我都覺得ok既,整多個花球比我都係200,係襟花貴d啦,不過都係260姐,好啦,我又問下佢,褂襯咩花好,佢話佢會比d碎花我,我話我唔想要碎花呀,襯牡丹好唔好呀?(因為yonex叫我襯牡丹)佢又話我個頭細carry唔到,我話我鐘意呀,佢又話佢d花會搶過我架喎,我話唔緊要,佢好似都仲係想叫我唔好要牡丹咁,又要收我150,都真係好short,又唔知到時有冇啱size既牡丹,都收我150,我問如果冇啱既牡丹,咁點呀?佢話比過第2 d我,咁第2 d係唔係150先得架????
最衰佢就係唔知急咩,唔係我問佢父母用咩花,佢都唔比我揀既,唔係我問兄弟姊妹用咩,佢又係唔講架喎,總之就係唔prof,又唔聽客人意見,我都話左我唔鐘意碎花,佢又話我點解襯左出黎係靚都唔要,所以我先求其話是但啦,跟住問佢幾點有花拎,佢又話唔知架,要睇個日多唔多order,如果多就可能要夜d,大佬呀,我第2日要結婚,好似頭先d客咁,8點幾仲係花店等你呀?我要返屋企食飯架,我第2日就嫁,仲有時間等你呀?
總之我宜家好嬲好嬲,我聽日一定要打電話去同nicole講架喇,我唔要佢d花球呀,d錢refund又好,租多一件晚裝又好,當join個package影多次相都好,總之我唔要再見tiffany,我真係好憎佢呀,又唔係街市買花,佢真係一d service都冇比過我,收我咁我錢做咩呀?我宜家點都要去gary訂架喇。

仲有一個月

婚前一個月既心情,未識緊張,只知好多濕碎野要做,只係約人食飯都好頭痛,同埋今個星期六過大禮喇,要整好晒d帖先得,真係好多好多野做,不過有時諗諗下,結婚時咁靚,都抵既,at least,我當晚會係晒矚目既女主角,哈哈哈哈

爸爸媽媽,我等左你地好耐喇

尋日見到爸爸媽媽兩點出左街,佢地又話好快返,爸爸仲話6,7點就返,都唔係既,佢地成11點幾先返,不過我冇ng ng同v v,媽咪好好好開心,即刻就同我戴狗帶同埋叫爸爸幫我裝水,好快就有得落街玩,其實我好急呀,一落街就痾痾痾,痾左好多尿,去完廁所,我就好輕鬆同爸爸媽媽散步,佢地仲比我同oscar呀,belu玩呀,仲有一隻新朋友,不過我唔記得佢叫咩名lu,總之就好好玩,玩到我好攰啦,嘻嘻

請客名單

99,媽咪同肥豬都比左請客名單我喇,99同媽咪個d都整架喇,肥豬既未齊,62係未比添,我今日一定要打好去,今晚比左label大家姐,佢就幫我print喇,聽日就有帖拎,樣樣野都好似好趕咁,好緊張呀!!!

肥豬鍚晒我

其實我一直都為左一d結婚既安排而唔開心,同肥豬都嘈左好多次,我終於都冇再出聲,只係唔開心唔開心,又冇唔彩佢,又冇唔理佢,不過真係好唔開心,佢終於都做返d野令我開心返喇,終於都解決左呢d好煩既問題(red wine同人情),真係好開心,原來我唔開心,肥豬真係會tum返我架,多謝肥豬~~

買金實錄

尋日金價6200,終於都同左6299去買金呃同頸鏈,嘩~~~好勁呀,買左一對一兩一隻既呃,同埋一條 二兩重既金鏈,全部都係龍鳳黎架,對呃條龍同鳳對眼都有一粒紅紅地既唔知係唔係寶石既野,不過好特別,好突出,同埋都好闊身,好好睇
跟住揀鏈時,其實我最鐘意係花花,不過唔緊要啦,6299鐘意龍鳳,我都ok既,揀剩兩條二揀一,我最終揀左一條對龍鳳清楚d既款,相對地,呢條仲重d添,卡卡
買完之後,我多謝左99,大家都好開心,嘻嘻
(我都買左支lipstick比佢呀,不過pn個支真係冇出喇,買左maquillage比佢,希望啱用啦)

Postcard

等左好耐既postcard,終於都有喇,比我期望既靚左好多,我初時仲發晒脾氣,唔知人地整唔整得切比我,應承左我又唔整,好彩宜家終於都有,尋日仲submit左去印,應該星期三有貨,啱啱好趕得切,好彩~~

Nic Nic型仔相

終於都收到nic nic上個星期係dol影既相喇,好靚好靚呀,雖然好多都好似,不過全部都好靚,真係估唔到nic nic真係可以咁乖,坐定定比人影,好開心佢終於都有一輯靚靚靚既相,嘻嘻

姑姑結婚了

今日係姑姑既大日子,我尋晚同今朝都有sms佢,佢有時間又覆下我,我覺得好開心呀~~
一早去左csw拎紅酒,拎完食野,返屋企,不過都成3點9,搞搞下,我要成4點3先出門口,終於要jenjen等左我半個鐘先去到tst同佢一齊去姑姑度,我地去到已經覺得姑姑個recep好靚,跟住睇左佢放出黎既相簿,d台灣相,真係大本靚好多呀,跟住姑姑都未換好衫,我地又去睇下佢個backdrop啦,好清好特別,好襯姑姑個style
好喇,好喇,我地等到6點5,姑姑終於都出黎喇,因為jenjen趕住走,所以佢好快就出黎同我地影相,影左幾張3寶相,我就同jenjen走喇,姑姑真係一個女神,佢好靚好靚,個人,件衫,個妝,個hair style同埋佢d accessories都好靚,係咁閃閃閃,真係不得了~~~
跟住我行左一陣街,等埋小pp出黎,我就同佢一齊去多次姑姑間酒店,今次我可以同姑姑影一張單人相呀,好開心,我真係好期待佢今朝既古典美人look呀,好想知有幾靚,希望姑姑快d有相比我睇啦
仲有呀~~~祝姑姑新婚快樂,同竹生恩恩愛愛,快d生返個竹b女,要好似姑姑咁優雅,高貴既~~yeah~~~恭喜姑姑過左難忘既一天!!!!

我的夢幻婚紗

嘩嘩嘩~~~好開心呀,今日終於都係mc揀好晒衫喇
揀既過程非常非常開心
首先係我去到先既,不過nicole唔得閒,我等左佢一陣,跟住大家姐都到喇,咁我就比佢試先啦,佢都試得好快,一共好似試左5-6件就已經可以決定要邊件喇,揀左一件銀色既晚裝,好清簡,唔浮誇,好襯佢呀,佢一路試我就一路食,因為我一放工就去左mtm放血,都冇食飯,於是我就係mc叫外賣,真係當左係我自己屋企咁,哈哈,但係宜家靚靚d野都唔好食既,嘥左我一個quota喇~~~激死
好,我飲飽食醉之後就同我試喇,一共試左5件,有4件係新既,一件就係上次好鐘意既海草婚紗,首先試左一件直身既,好得意,都幾靚架,不過我一定唔會揀黎big day著囉,因為唔夠勁呀。第2件,嘩,好多花花呀,花邊咁架,個拖尾好長好靚架,心諗係你喇~~~
跟住再試,嘩,呢件又係好靚架,其實兩件個款差不多,腰後面都係有個蝴蝶結,一個長拖尾,不過呢件就閃d,grand d,頭先花花個件就young d,所以都有苦惱左一陣架,大家姐就話閃閃靚d,我自己就鐘意花花多d,咁好啦,兩件都影左相,睇返d相,其實閃閃係靚d架,所有野都出好多,可能釘工多d呀,咁我個心都諗都係閃閃好d啦。跟住再換左一件,個裙身全部都係南瓜車呀,城堡呀,咁既圖案架,不過只係好得意囉,我係唔會揀架,最後就再試海草,其實都好靚呀,好特別,不過一比較,佢當然唔夠新返呢兩件靚喇,真係慘呀,就係咁,比我打左入冷宮喇。
跟住再揀晚裝,晚裝都幾易揀,雖然有一件粉紅新返既晚裝都幾靚,不過同barbie比,我都係鐘意barbie多d呀,好快就揀左一件喇,confirm要呢件之後,nicole就同我講,barbie係cute,婚紗可以唔cute,可以要grand個件,我心諗都啱既,之不過,我都係想亞jim睇下先,我仲同nicole講,比佢睇下,佢如果揀左a,我揀b,咁就啱架喇,哈哈
好,再努力揀多一件晚裝先,紫色唔考慮,因為我隻天鵝係紫色,所以唔會揀,試左一件好耐之前唔係好鐘意既青青地晚裝,今次著又幾靚喎,粉粉地,又唔係low cut,再試多一件就可以決定喇。再試就係啡金個件,其實都幾cocoon feel,不過大家姐話個色好啡,青青地個件會好d,就係咁啦,其實晚裝易揀好多,因為自己有鐘意既色,好容易揀,哈哈
講返婚紗,因為亞jim真係話花花好睇d,所以我諗都唔駛諗,我就決定要閃閃喇,yeah~~~今次冇揀錯喇,哈哈

MTM成魔之道

話說今日拎左half day leave去mc揀衫啦,因為我家姐有d事,佢要遲少少先去tst,所以我就打個電話比mtm,問佢地我宜家手上已經有新既private sale coupon,咁其實幾時可以用(因為買個時,個sales話12月1日先可以用,但我見張coupon只係valid date,唔係一個valid period喎,所以問下),嘩~~佢答我,你有coupon,宜家就可以用架喇,所以我一放工就即刻去左tst間shop買野啦,呢個sales好過cwb個位姐姐仔好多呀,呢個prof好多,問多左我好多野,同埋check skin都check得仔細好多,咁佢話我d皮膚好乾,一定要比多d水份同滋潤佢,同埋因為之前佢同我做左份questionnaire,佢知我好concern對眼,所以佢都check左我對眼好耐,佢居然話我黑眼圈唔係好深,應該好容易搞,反而係有眼紋,令到好似有眼袋咁,跟住仲check到我啱啱起左一d油脂粒係個底層,咁佢suggest我朝早同eye gel去左d粒粒啦,夜晚就用返上次買個盒eye cream
跟住塊面佢就suggest我除左分day / night cream用之外,仲要分t-zone同cheek,因為我t-zone乾得黎又有少少粒粒,所以要用一種,cheek就可以滋潤d,佢講左幾樣我要改善既野架,不過我唔記得喇,總之佢就話因為一盒只可以落兩種唔同既野落去blend,所以我想改善我想既問題就要分開用,好啦,聽佢講
跟住mask呢,因為佢知我唔做得facial,一o即就會整傷皮膚,同埋佢見我d污jo野全部都係上面,個底好乾淨,所以比多d水份同滋潤個底層,等佢快d堆返面既污jo野出黎就得喇,佢話我宜家一個月先去做一次facial比人清就可以,仲話我一個至個半月一定可以乾淨返同埋唔會再乾到紅晒,咁就唔駛日日敷mask
跟住我就忍唔住同左佢講,一個月得唔得呀?我下個月要結婚喇,佢就好緊張話,你唔早d講??咁你宜家用左呢d野,兩星期就清一次先,咁會好d
仲有就係,佢話我一定要用eye mask去左d乾紋,如果唔係,眼妝會好易乾同埋會走左個眼袋出黎,為左要快,宜家買左3盒,要日日用,用完第一盒係等佢識得快d吸收,第二盒係去黑眼圈,第三盒係去眼紋,佢好似好有信心咁同我講,你宜家日日用啦,用到你結婚對眼既問題就可以冇晒架喇
就係咁,佢講呀講,又教左我好多護膚既野,我今日就係mtm度,除左用晒我6k coupon,仲放低左好多,不過唔緊要啦,我要靚靚靚,今晚跟佢指示,敷左要敷既mask,個感覺真係好好,第二日訓醒,即刻覺得,嘩,靚晒呀~~~哈哈哈哈
~報導完畢~

Nov gel nail

今日啱啱整既11月gel甲呀,未去之前就想整星星/蝴蝶,點知去到都唔係呢回事,係整左ivy介紹既lace,都幾靚喎,我揀左一隻好shape既紫做底色,襯埋條白色lace邊都幾好睇喎,不過好似有少少清得滯,所以我就係第2同第4隻手指度各加左3粒石,順便試一試d石閃唔閃,整左上手又ok喎,好似閃過係盒到睇,ok啦,今日ivy仲比左本新書我睇,有個蝴蝶結加石既款好靚架,我諗住整呢個for big day,哇哈哈哈哈

Nic Nic沖涼

今晚同nic nic去完街,同佢沖涼,我都唔知同佢大戰左幾耐喇,只知好攰囉,雖然佢好乖,唔郁,不過就係因為佢唔郁,有一邊好難洗,佢又有傷口,我想同佢洗乾淨d,所以搞左好耐
不過今日好努力同佢沖沖沖,佢個傷口都好返7788喇,好開心見到佢好返,我睇見佢損晒,個心不知幾痛呀,食埋d藥就冇事架喇,yeah~~
沖完涼既nic nic係超靚仔,毛鬆鬆又香噴噴,正呀~~~~

買唐餅

今日終於都去左奇華訂唐餅喇,上次去expo同個d人講,我想要皮蛋酥,咁有冇8折呀?d人9唔搭8,都唔知佢講咩,所以我仲以為去shop d人可能會更唔知做咩,所以我都預備要explain一輪架喇,點知我一行去counter同個staff講,唔該我想訂餅,佢就問我幾時要,我話11月25日,佢問上午定下午,我話下午,咁皮蛋酥唔可以放得耐,你知架啦,如果你25日上午要,26號到期,你有冇問題呀?我地皮蛋酥係下午兩點先返,咁我又問,可唔可以拎左其他先,皮蛋酥下晝先拎,佢就話得,冇問題,跟住就跟我mark低左野個張紙係咁開單,好快手,好醒
不過呢,原來我一直想要個過禮盒係for放海味個d架,不過我都唔理喇,照借個盒,放幾個餅入去,好好睇睇,哈哈
又ok多一樣喇,真係開心,好順利

Dog One Life

YEAH~~今日真係好多節目,一早去左睇醫生,跟住返左屋企下面散步,跟住又坐車去dog one life,好似去影相喎,不過我好攰呀,唔知會唔會訓覺架喎
好,去到見到肥姨姨,佢同媽咪傾左一陣就話爸爸媽咪都係行開一陣好d,跟住我就跟左肥姨姨去影相,大概一個鐘頭後,媽咪就返黎喇,肥姨姨一見到媽咪就讚我係佢影過咁多隻金毛裡面最乖既一隻,佢話我好聽話,叫我唔落地就唔落,叫我唔咬衫衫又唔咬,媽咪同爸爸好鬼開心呀,跟住我地一家3口又影全家福呀,yeah~~
影完全家福,肥姨姨比返頭先d相媽咪睇,媽咪一路睇一路話「嘩~~好靚呀,好得意呀」,我有帶眼鏡啦,又帶帽啦,又有同足球影啦,幾型呀,跟住肥姨姨話我都影得唔錯,可唔可以比佢地做sample,媽咪就答,好呀,冇問題
嘻嘻,你地知唔知媽咪好開心呀,1.因為真係影得好過上次去黑麻麻個度好多,2.肥姨姨好似好鐘意我,成日讚我,3.媽咪話我好叻,佢話媽咪影相可以做sample,nic nic影相都可以,好叻仔,哈哈
我都好開心呀,下星期就有相睇喇,唔知係唔係真係咁靚呢?

睇醫生~

今日一朝早就見到bob叔同cook姨,嘩~~~正呀!!!!
不過原來我地係去睇醫生,之前都講過,媽咪唔小心整損左我,同埋我又有嘔,所以帶我去睇醫生
醫生話我成日lam d傷口,所以宜家發炎,要食藥同埋洗傷口,仲有一樣大整古呀,要我帶「喇叭」,唉,真係慘呀,係診所,有個姐姐同我帶左,我已經好唔開心,跟住爸爸同我走時,見我好唔開心,佢就叫媽咪同我除左佢,同宜家都未帶返,唔知幾時先要帶呢?真係大鑊,唉~~~
仲有呀,媽咪又問左醫生好多野呀,醫生話我過渡活躍,所以食完野會嘔,叫我小食多餐,又話我d便便如果真係唔係咁靚,要我唔好食零食,唉~~~我最愛既零食唔比食,唉~~~第2樣野慘,都唔知要幾時先可以唔帶「喇叭」同食返零食
媽咪真係大整古呀,我下次唔睇醫生喇
p.s. 今日體重22.6kg

真真多野做

真係都唔知點解可以有咁多野做架,真係多到嚇死人,好辛苦呀~~~幾時先可以放下假呀?
自從有同事係上個月中走左之後,我都冇停過,做做做,做不停,真係好耐都冇試過咁忙喇,係完全接受唔到,唔知係宜家心態唔同左,定係o係mc實在太hea,一hea就不能回頭,不過我從不後悔同crocodile對抗,你叫我做佢隻狗,係萬萬個不能,所以走係應該,結完婚再走都係應該架,嘻嘻

節目好蘿蘿!?

聽媽咪講,我聽日好似有街去,不過係去睇醫生,睇完醫生好似係街跑一陣,跟住就去影相相喎
睇醫生?其實唔知係唔係媽咪同爸爸好緊張我啦,我上次比地盤狗打,爸爸已經好緊張,跟住媽咪整損左我,我d肉又好似好下唔好下咁,所以佢地帶我去check下喎,我諗,我冇事掛,不過唔知點解,我兩日都有嘔,聽日都要話比醫生知
影相??其實我又唔係好鐘意影相,不過媽咪成日都好想同我影d好靚好靚既studio相,細個時,佢冇帶我去,其實佢已經唔係好開心架喇,咁我聽日唯有合作d,等肥姨姨同我影多d靚相啦,嘻嘻嘻嘻

利是封

今日去左金都買左好多利是封呀,細既就買左3款,用黎大婚個日派既,有d $28/50個,有d就 $30/50個,其實都冇間間行晒,行左兩層,發現間間都差不多,就是但買啦~~
最靚紫紅色個隻係h2cards出品,好貴架,折左都$0.9一個,係用黎跟帖比人架,因為我地初初比左deposit h2cards做帖,宜家唔係佢地度印,所以就用左黎買利是封
跟住好大個o個d,係用黎過大禮,比男家比禮金同聘禮用既,細少少個包羅萬有,係比女家回比男家既,再跟住就快跌o個個呢,就係用黎做開門利是封既
跟住走左先知,原來我唔記得買d平少少既用黎玩bingo,下次去時,再買$10/25個 or $8/20個既用黎反就得喇,嘻嘻
好野,又搞好一樣濕碎野

譚子勁

唔知因為壓力大呀,結婚d野緊張呀,定係做得多facial喇,總之呢幾個星期就越來越瘡,真係慘不忍睹,我諗我有十年都冇生瘡生得咁勁呀,就算皮膚唔好,都係大毛孔姐,唔會一頭瘡
係我好失望,好灰既時候,我就好想睇譚子勁,本來打算下星期先睇,不過唔得喇,星期一搭小巴撞到個朋友,佢又唔問點解生左咁多瘡,已經勁勁勁唔開心,今日連我老細都問我做咩生咁多,叫我好好保養下,如果唔係影唔到相,亞哥呀,我都知啦,你唔好比咁多野我做咪得囉,嘻嘻
不過算啦,今晚終於去左睇譚子勁,佢真係比左個希望我,佢話食5日就可以好返,仲話我係脾虛,有d寒涼,唔可以食生冷野,咁就好得快d,同埋佢好勁呀,連我有少少,少少既多感冒都把到出黎,好勁呀~~我聽日就食第一次藥,希望幾日就好返啦,卡卡~~

揀衫

嘩,好開心呀,今日終於都約左下星期四去mc試衫喇,其實之前都揀左幾件啱心水架喇,不過宜家就要confirm要邊件婚紗同邊兩件晚裝囉,真係好頭痛架,但係大致上,我都有80%知想要邊件架喇,一件barbie裙,一件前短後長既colorful裙,仲有就係海草婚紗,如果再試多一次都覺得靚,就係佢地架喇,不過nicole又話有一條深紫色裙,好似又好靚咁喎,都係試清楚d先得,哈哈

親愛既yonex~~~

好,講左好多唔開心既野,其實都有d好開心既野發生既
星期六,12點幾去左expo,因為早d唔會有咁多人,所以就咁早去啦,嘩,真係得好少人,好開心,係mc反左好耐,第一時間緊係睇我地新鮮出爐既大大大相簿啦,哈哈,好開心,我地既相簿sample終於都出世喇,仲要係整左一本12x17既相簿出黎,真係好大好靚,d相大晒,真係靚好多,嘩哈哈哈哈,我一得閒就會去睇下呢本野架喇,卡卡~~~
仲有呢,就係同nicole同yonex傾左好耐呀,問左yonex我8點開始接新娘,佢幾點要到,佢話6點都ok,咁同我expect既一樣,好野
第二,見到我好鐘意個南瓜車頭飾,嘩,真係好靚,好童話,我諗會好襯我條barbie裙,卡卡
第三,再double confirm yonex係唔係帶晒所以accessories比我,我又再三同佢講,我要好閃,好誇好靚喎,你知唔知呀?佢好認真同我講,得喇,我明喇,你要好閃呀嘛
嘻嘻,我知佢真係明,佢只係叫我一定要準備好晒d花比佢就得喇,呢個冇問題呀,仲有我比左cocoon既褂同晚裝佢睇,佢會幫我諗hair style架喇,真係好開心呀,哈哈

萬能俠!?

仲有6個幾星期就結婚喇,問題開始多,意見開始多,真係好煩呀,我明明都唔緊張,就係6299既過份溺愛亞jim,搞到成件事都好似好緊張呀,不得了呀,要好似邊個邊個咁呀,好煩呀,比d時間我,比d空間我啦,宜家究竟係唔係我搞姐?我真係唔明,錢係我地既,結婚又係我地兩個,點解唔係我地make decision,仲有你地幫我地諗呀?你幫我諗都唔緊要,唔好齋talk啦,一係就你同我做左佢,一係就跟我原本既意思,唔知,你話我大女人又好,話我話一就一,話二就二,總之我就係唔順氣,我要出錢出力仲要比人要我點點點,我條氣點都唔順架喇,一早話左,你地比錢我搞,你地鐘意點就點啦,我最多好似打份工咁姐,宜家又唔係,好似真係廿萬夠搞一個婚禮有突咁,錯晒呀,錯晒呀,係唔夠架,唔好只係睇酒席啦,仲有好多好多其他野,樣樣都係錢黎架,我真係好嬲呀~~~~

羽毛筆

終於都忍唔住,係expo買左支白色羽毛筆喇,行行行,行左好耐先搵到一支又唔係真係好貴,不過都幾靚既筆,所以就買啦,本來jenjen送左一支粉紅比我架,但係睇睇下呢,都係覺得白色靚好多,初初鐘意個支要$150架,唔捨得,所以就係咁搵,見有支$88,不過好唔靚,好鬼死雞,跟住有一支唔錯架,不過要$168,再行下啦,哈哈,呢支係同$168一樣款架,不過條毛就細左少少,但都ok啦,$112咋喎,宜家就好開心喇,好似樣樣野都好prefect咁,真係幾想快d到big day架,好想知我個日會有幾靚囉,呵呵

好得人驚

我上個星期五比地盤狗圍呀,嚇到媽咪不得了,唉~~~都係唔好再提喇,我下次都唔會當隻隻狗狗都係friend架喇,今次比人打到周身泥都算好彩架喇,媽咪同我講,叫我以後唔好再咁單純,叫我要聽佢話呀
我知道喇,媽咪,我知只要係爸爸同媽咪身邊就安全,我唔會走左去架喇

洗衣機 (Nic Nic篇)

唉,今日唔知有d咩人上去我屋企呀,搞到我要自己一個係房,仲慘過平時爸爸媽媽返左工呀,唉~~~
我又悶喎,又唔開心喎,咁吠左兩聲囉,媽咪又叫我唔好嘈,好彩佢叫左爸爸入房陪我,如果唔係我仲悶呀
之後個d人走左,我出返黎啦,我仲見到媽咪係度係咁執野,跟住仲放左隻狗出黎添呀,我見到張相,我咪係咁吠佢囉,我都唔知係邊個,跟住媽咪同爸爸笑我,話我係傻仔,佢地話張相係nic nic黎喎,叫我唔好吠自己,跟住媽咪係咁tum我,我就冇再吠喇,我係唔係真係好傻呢?
今日因為有d唔知咩人黎左,搞到我冇得訓晏覺,我出返黎之後,吠左自己張相一陣,我就訓覺,不過媽咪又叫我落街喎,我咪去囉,去完返黎佢地就去左亞婆屋企食飯,我就自己一個係屋企訓,訓到佢地返黎,我又玩左一陣,跟住就訓,一訓就訓到今朝,都唔記得叫媽咪起身,真係好攰呀,媽咪話,如果我日日都係一覺就訓到天光就好喎,唔駛半夜叫佢,我都唔明,我平時自己一個係屋企就訓架啦,所以夜晚咪訓少d囉,一係佢同我玩攰d,我就可以訓耐d喇,哈哈

洗衣機 (媽咪篇)

今日終於都有人上黎整返好個洗衣機喇,雖然要2250,不過都好啦,好過要買過個,因為我地唔用得電子機,如果要買返我地呢部,要5千幾6千,所以宜家一次過整好去,希望可以真係用7-8年啦~~
我呢,我就勁喇,佢地一路整,我就一路執野,都總算放左好多雜物入細房架喇,宜家個廳仲可以放幾個相架添,幾好呀,哈哈

與波叔大戰

嘩,正呀,尋日媽咪帶左我去亞婆屋企呀,嘩,正呀
Cook姨,波叔,我黎喇,哈哈哈哈
我去到亞婆屋企,我就好開心,周圍跑周圍跳, Cook姨同波叔好驚呀,不過波叔今次好惡呀,係咁咬我
好啦,因為媽咪佢地要食飯,所以我比人縛住左,到食完飯先可以反,咁媽咪又由得我同波叔反,波叔已經唔小心咬左媽咪手臂一下,好痛呀,我見到媽咪瘀左,不過佢都冇鬧我同波叔,跟住我又係咁打打打啦,波叔終於都咬中我隻手呀,我好痛,痛到要提起隻手呀,仲有呀,仲損左呀~~~爸爸好緊張啦,跟住係咁崛住媽咪,媽咪終於都忍唔住,當住所有人面前鬧佢,叫佢鐘意有膽就係度鬧啦,唔好一出門口就鬧佢,哈哈,我知爸爸好瘀呀,邊個叫佢咁衰呀,我都唔知佢緊張d咩? Cook姨同波叔都係自己人,我同佢地反又驚咩喎,我咁大隻,比波叔咬下都唔會死啦,仲有呀,佢唔咬我,我都唔識驚架啦,媽咪都係想我同佢地相處到姐,佢都唔明,抵死呀,比媽咪鬧,哈哈哈哈

去亞父屋企住???

媽咪同我講,話我唔駛去佢朋友度試住喎,亞父會搬屋,係佢地去honeymoon時,亞父可以照顧我,仲好似話有花園反架喎,好似好好反,不過我諗爸爸實會好擔心我好似受軍訓咁啦,不過都唔緊要啦,我見媽咪好開心呀,佢好似好安落咁,可能佢好安心,亞父可以照顧我啦
不過我都好開心呀,可以又同冬冬大戰喇,哇哈哈哈哈,佢大隻左,應該好打d,哈哈哈哈,諗起都開心

煩…煩…煩…

62果然係一個好難溝通既人,我終於都明白點解亞jim會唔想同佢講野,佢講野實在係太多negative喇,講樣樣野比佢知,佢都要話唔好,唔鐘意,或者好似好唔滿意咁,你話死唔死?
話說今個星期一同6299飲茶,講開結婚既野,99問,你地係唔係未買酒呀,亞jim好快答左“係呀”,我就答左,唔係呀,我叫朋友幫我訂左喇,我有個朋友個朋友係做試酒架,佢會幫我地揀,咁我話左我要around 6x一支,佢遲d會話我知叫咩名同埋係結婚個日先送去酒店,跟住62即刻,係即刻話,60幾蚊?好差架咋喎,跟住我已經好嬲架喇,你咩都唔知,又點知差呀?我咪扮有禮貌同佢講,唔差架喇,大多數人都係買60幾蚊支,同埋個朋友係試酒既,會幫我揀d好d既,跟住62又話,你想平,大昌都有啦,30幾蚊支咋,我已經唔想再答佢,我真係好想好想鬧佢,我咪示意亞jim講野囉,咁亞jim都未講,62又同99講,上次滔滔個度,百幾蚊支都唔知幾好喇,於是亞jim就同99講,係呀,係呀,百幾蚊支好呀,係唔係你比錢呀???咁99又唔會話個仔,於是就同62講,咁佢識人,人地會比d好既我地,60幾都唔差架喇,宜家好少人買好貴,上次?唉~唔好講上次啦,人地都話冇咁多比我地囉
唉~~~雖然好似亞jim同99都有幫我,不過我都係好唔開心喎,都痴架,我有邊樣野,佢係覺得好,讚下我架?如果佢個仔唔係娶我呀,我真係唔知仲有邊個女仔可以忍到佢呢個愛登事家庭,帖又話冇英文,酒又話平,又問我有冇live band,冇架,冇架,樣樣都係錢,佢唔知宜家結婚要用好多錢架?咩都要同人比,都痴根架,真係激死我呀,最激氣係我唔鬧得佢呀嘛,如果佢係我亞爸,我一早鬧返佢啦,一係叫佢咩都比晒錢,我就咩都聽佢話囉,都真係short架,救命~~~~

Swimming

好野,今日媽咪又帶左我同booboo一齊去游水呀,不過我未去到狗公園,我係車度又嘔,都唔知點解我次次都嘔,可能我唔可以坐好耐車
嘩,今次一樣係好開心,除左同booboo反,我仲同一隻10個月大既金毛打交,有相架,係唔係打得好型呀?哈哈
真係好開心,一個月游兩次水,不過媽咪話今次係今年最後一次喇,因為天氣會開始涼,要出年先可以再游,不過都唔緊要啦,我宜家覺得好幸福呀,爸爸媽媽成日車我周圍去反,你睇下我跑到耳都飛起就知我好開心啦,嘻嘻

Facial

哈哈哈哈,又話做完宜家仲有個14次facial就唔再做,不過今日又加左12次喇,不過呢兩次去都好舒服,又乾淨,仲要今次係3800有12次,一樣有返晒美白個d,仲有就係連頸喎,唔駛額外再加錢做頸,都ok既,做埋頸白好多,算啦算啦,宜家個個星期去,去到big day都做左8次喇,都係多左4次,一係一直都係一個星期一次,係咁做,係咁做,睇下塊面會唔會靚d囉,宜家咁用左3800,同上次我想去csb join 4000都係差不多,我計過比4000就大概可以做11次,不過唔知會唔會要我加咩加咩,宜家係covermark,話晒都叫有個熟d既人,拎sample又容易,同埋今次都駛得開心既,算囉,最緊要係靚呀嘛,嘩哈哈

新相架

尋日自己一個放左工,因為做野太辛苦,所以要去行下街,開心下,本來係想搵下有冇d好閃好閃既石用埋反手指,不過石就搵唔到,就搵到對好靚既涼鞋,仲要係有金有銀色,兩隻都靚呀,我仲諗住買對銀啦,點知36又唔啱,35又唔啱,其實唔係個size唔啱,係個款我著唔到,佢最面個位我著唔穩,所以咩size都係唔啱架,好失望~~
不過行行下,又見到個好得意既相架,係一舊四四方方既水晶相架,好得意架,佢係用折射既原理,令到唔同角度可以見到唔到既image,就係咁比佢吸引左我入呢間舖,跟住比人sell sell下,自己又睇睇下,又買多一個紫色硬膠相架,跟住佢又sell我另一個lego相架喎,我見$42就買啦,都好平姐,最貴個水晶cube相架都係$138,個紫色就$32,見咁平就買買買囉,就係咁成惠212大元,卡卡
駛錢真係好開心~~~~

做~~~做~~~做~~~

做做做,做鬼死我喇,個it八婆真係好煩呀~~~~跟佢既其實都好煩,不過好佢dd囉,唉,可唔可以再唔同佢地合作呀?
佢地都short架,一早問又唔彩,宜家冇時間喇,又話好樂意答你,去死啦,好唔好呀?我都係想搵兩餐姐,大家合作d得唔得呀?都真係short short地架,唉~~~~

大隻nic衝出馬路事件

尋日落街時,媽咪一見我痾完ng ng,就放左我自己行,不過個度我係可以自己出馬路架,媽咪有信心,我唔會出去,不過最終我都行左出去,仲好似好開心咁「嘩,正呀!!!好大條路可以跑呀」
不過我一行出去,爸爸就追左出去救我,佢仲跌親添,返入行人路,媽咪已經拖返我,跟住問爸爸有冇事,爸爸發緊脾氣,佢唔彩媽咪,其實媽咪好驚,好驚我地兩個有事
不過爸爸就鬧媽咪唔緊張佢,好似若無其事咁,仲鬧到媽咪喊,跟住又’鶴’媽咪,好大聲鬧佢唔好再喊,我知媽咪好唔開心,一直都好唔開心,不過爸爸都係咁鬧佢
我唔知呀,唔知媽咪同爸爸做咩呀?媽咪又好似有佢道理,但係爸爸都好似冇錯,不過媽咪喊,爸爸係唔應該仲大聲鬧佢架喎
都唔知點呀,我想佢地開心d,我下次唔會出馬路架喇

Our wedding website

仲有55日就結婚喇,我地個wedding website終於都update左喇,不過有d野錯左呀,上輯相,我地係winter 2005影架,唔係spring 2006,仲有呀,點解開頭個flash opening唔好新相既?我見人地都有轉新相啦,我都仲係用舊相,我真係要反映下先得呀,不過有一個好處就係個movie真係可以double click就變大左,好得呀,卡卡卡卡
真係要鳴謝nicole同我反映,多謝多謝

www.joy-to-world.com/carmanajimmy

肚痾

星期二,媽媽胃痛,所以係屋企陪我,唔知係唔係因為我見佢唔舒服,我自己又唔舒服呢?下晝既時候,我無端端痾完一次又一次,跟住媽咪拎佢d嫁妝出黎影相時,我都仲好地地,影完相,自己一個坐埋一邊,跟住就嘔喇,仲嘔左幾次,媽咪好驚,見我呆呆滯滯咁,不過佢都冇話同我睇醫生,只係觀察下姐
不過我尋日又冇事喇,爸爸媽媽仲一直擔心我自己一個係屋企會唔舒服都冇人理,擔心左我一日,不過佢地返到屋企,都係見到我拎左d廁紙出黎玩,又冇肚痾,咁我當然係比人鬧啦,不過今次都唔係鬧得好勁,係夜晚落街時先見到我痾既ng ng係點樣,媽咪話都仲係有少少痾喎,不過已經好左好多,我諗我冇事架喇
我係大隻nic,哈哈

被罰

呢張係我上個星期五反轉左屋企之後比媽咪罰既相,媽咪唔比我走,仲要我影相,真係唔狗道呀~~~好慘呀~~~

嫁妝之一 ~ 龍鳳被

有一set床笠+枕袋,一張被同埋兩個送既cushion(仲有一隻nic nic,哈哈)

呢套就係個set床笠+枕袋,係king size黎架

好靚既龍鳳被,個花真係好正~~~

送既cushion,好抵呀,送兩個大cushion,雖然個花係唔同,不過都可以當一set既,卡卡