拜山

亞嫲過身之後,我好似都冇去過拜佢,今年係佢第二個清明,姑媽同細表姐都有落黎拜亞嫲,咁我地姓陳既都要支持下架,所以我同二家姐都有去
去到油塘就知多人喇,嘩,一見到個巴士站真係想暈呀,人山人海,真係好耐都冇見過咁既情景呀,不過好好彩,人係多,d巴士都好密,都冇話要企係度等,大家都係好慢好慢咁行,行行下就可以上車架喇
上到巴士有d小朋友好似去旅行咁,又唱歌,又玩,又笑,我心諗都唔知有咩咁好笑咁開心,去拜山咋喎,我真係一d都唔開心呀,因為我好鬼眼訓
落左車,其實都唔駛行好遠就去到亞嫲既新居,不過可能好熱同好眼訓,仲有對鞋好迫,所以我行得極樣衰,咁拜祭既時間都好快姐,大家裝注香同亞嫲講下野就去燒祭品,我同左亞嫲講,叫佢唔駛擔心同掛住我地架喇,如果有得投胎就去喇,希望佢下一世開心快樂同幸福
燒完祭品,我地就行埋左一邊食左d雞呀同燒肉,對於我呢個食肉獸,食咁多肉都唔係好大問題既,不過真係好滯囉,我食食下就放棄左喇,好彩大家都好合作食晒d野,如果唔係媽咪就一定會叫豬大少食食食架喇,哈哈
去完拜山,我同二家姐就返屋企休息下,一陣就帶cookie去拆線,過程好順利,醫生話佢個傷口唔係爆,係有‘蕉’姐,咁宜家同佢著返件衫就ok喇,希望佢快d好返啦,咁一場去到西貢,我同二家姐就入左home collection搞搞震喇,剩返男人老狗係出面坐底等我地,哇哈哈哈哈
我睇中左個架呀,話買話買,不過最終都唔記得左,唔緊要啦,下次我去拎張高櫈時先再買啦
又再一齊返左欣明苑坐左一陣,我同肥豬就去kln bay間手工雜貨啦,真係唔得佢死,佢啱啱搬舖,要聽日先開返,中途我地遇到好多冇禮貌既人撞來撞去,所以係好唔開心既情況底下就返左屋企喇
今晚自己煮野食,不過今日唔駛我煮,但係又有人要搞新意思,整到d意粉冇咩味,不過是但啦,都可以接受既,就係咁,忙忙碌碌就過左一個星期六喇

無事出街少破財

終於都到左星期五喇,由於尋日要同大少nic覆診,所以早早係星期三,我已經買好晒星期四五要煮既野,咁又因為識憑豬大少month end,我都知佢唔會早放工,咁我早早返屋企又好似有d悶喎,星期五呀嘛
於是我就去左中環ifc既shiseido拎粉底sample同埋想買支cleansing oil試下,好啦,一去到就拎我封信出黎問要sample啦,姐姐都好好啦,拎晒d粉呀base呀咁比我試上手,教我點用,佢又冇sell我
係我自己要問佢cleansing oil d野姐,咁佢就比我試下啦,其實唔係自己洗過塊面,邊試到d cleansing oil好唔好架,咁見佢又唔係貴,都係200姐,所以就買啦,不過個maquiliage粉底又係咁叫我喎,個盒真係好令呀,最好佢就係可以放cdp個粉呀嘛,姐姐,見我咁鐘意個盒,佢就叫我配個盒啦,不過只係買個盒又冇電話繩送,襯埋一set先令架嘛,於是就叫姐姐同我試下d粉上面啦,因為連埋個粉底都係300之嘛,如果呢個好,下次可以放棄cdp,平好多呀,試左上面,一邊就係oc20,一邊就係oc10,其實姐姐就話20同我皮膚match d,10就會白左少少,不過個人唔鐘意搽完都仲係好黃既感覺,同埋我cdp都係用10,所以我扮諗左一陣,我都係要oc10個color,好,confirm左買一盒粉同一支cleansing oil,仲叫佢比埋濕粉我試,我諗住走架喇,不過行過eye shadow個位,我又想反下喎,咁姐姐一定唔會放過呢個機會啦
初初佢係比我試深淺綠,佢話黎緊春夏用呢d色會好令,不過我心諗我仲有兩盒綠色未用喎,我唔會再買綠架喇,佢都好醒,知我興趣唔係好大,佢就即刻比我試一個粉紅同一個藍既shadow,佢話呢兩隻都係新色,嘩!又真係好shape喎,跟住反呀反,佢又比我反埋一支可以用黎做base既閃閃gel,呢個唔錯呀,白色閃一定啱用,同埋我一直都想買呢d野,好啦,就買啦,試埋個兩隻shadow,就即管一試mq既細細粒shadow係唔係真係好過pn既細細粒啦,pn個d唔係好得,好快就冇色,希望今次mq既會好好多啦
就係咁,買呀買,又買左800喇,明明初初買左支200既cleansing就可以走架喇嘛,就係因為唔想返屋企,所以就出左事喇
反完ifc,我就去左dol度買濕糧比bob cook,仲買左支牙刷比大少nic,咁再去埋bv.blu拎裙,係佢度又試左一件好鐘意既trench coat,不過算啦,又6xx架喇,上次買左咁多野,今次都係唔買喇,試過就算啦
不過都好不甘咁係cwb行來行去,睇下有冇近似既野賣,都係冇,等呀等,等到豬大少放工,我地就去左亞拉麵館食左一肚火,首先係大家都冇胃口,所以我都叫得好清淡,不過佢個通菜收我40蚊,好心就比多少少啦,我諗d菜係值2蚊架嘛,我唔係唔比你賺呀,你都唔好少得咁緊要呀,跟住碟唂嚕肉又係同一命運啦,d亞姐放食物上枱又放得好衰架喎,下下都放係枱邊,要個客自己拎返好,真係唔得佢死呀,個餃子既份量係最正常,不過又唔見得好味喎
唔知係唔係自己開始煮飯,開始覺得出街食真係好唔抵呀,咁就食左我地150蚊,仲要係唔飽,仲要service又唔好,我自己係屋企煮好過,唉~~~~

Nic Nic覆診篇

星期日開始nic nic隻眼又有d唔妥,咁我星期一就同左佢去睇醫生啦,同上次一樣要覆診,我本來問左醫生可唔可以星期六先去架,不過醫生話眼唔可以拖,如果係皮膚佢就可以比我兩個星期先覆都得
好啦,好啦,我唯有約今日7點去啦,不過我都冇信心我可以7點入到西貢架,於是今日我就史無前例5:45即閃,返到坑口都係6:25真係好開心呀,跟住快快搭埋小巴返荒島啦,一落車我就發現,「死,冇的士」,我已經二話不說就打電話去call啦,上到屋企,7折的就覆我附近冇的的,咁我就打8折的,都等左好耐,我連屋都執好先覆我,不過佢話唔係tko有車,要係kwun tong入黎,都好啦,好過我係下面唔知等幾耐,所以我就等多10分鐘左右就落樓同大少nic覆診
嘩,呢個司機都幾激架喎,係咁「西」我個仔,入到西貢亞仔嘔左一野,好彩冇野嘔出黎,如果唔係就煩喇
好不容易我地7:15就去到診所,等左一陣就可以見醫生,檢查非常順利,對眼已經好返好多,不過就要滴眼藥水同eye gel兩個星期,上次唔知係唔係滴左一個星期就等,所以佢咁快又有返事呢?
好啦,我地終於都走喇,亞仔真係醒呀,o係人地轉彎張地毯ng ng,唉~~~我就要好似一個癲婆咁同佢執金,冇法啦,唔通唔理咩?好彩有膠袋同廁紙咋,如果冇帶呢d野,我都唔知點算
又好不容易,我地都上左綠的返屋企,其間打比豬大少,佢又唔聽我電話,真係嬲到爆呀,由於我唔知佢想幾點放工,於是我就同仔仔行個圈先返屋企,我行到一半佢先打返比我,我真係好唔明,點解可以成日都唔聽電話架,如果我有緊要野搵佢就死得啦,都short架,鬧極都係咁,衰d講句,我死左佢都唔知架,如果我有事,我用最後一口氣打比佢,佢都係唔聽架啦,我諗我要考慮如果我有事要打電話,我應該係打比二家姐,因為佢一定要聽電話,哈哈
放完狗同仔仔清潔下,我就煮飯喇,唉~~~做一個好媽媽真係難,又要同佢睇醫生,又要同佢反,又要煮飯比佢食(呢個mainly係for衰老豆)
Nic Nic, Nic Nic,如果你識同媽媽講下野就好啦,咁我會知道你有d咩鐘意,有d咩唔鐘意呀嘛

真係好令既手指甲

哈哈,真係好笑,話說尋日同肥豬去左吉野家食lunch,我地坐左係中間個兩個位,好死迫,咁我右邊張檯就分別坐左兩個一個人既女仔
咁我隔離o個個走先,跟住左邊個兩個人又有fd要黎,佢地又唔知點好,於是我就叫肥豬坐我隔離,我地就由坐對面變左坐隔離喇
食食下,坐肥豬對面個女仔就食完,係佢準備走既時候,佢居然出口同我講,小姐,你d指甲好靚呀,可唔可以比我影張相呀?
哈哈,我覺得好得意呀,咁我就話好呀,跟住比左隻左手佢影,因為我隻右手已經冇左一粒石,佢影相既時候,我都見到佢整得都幾令呀,係深紫閃粉加黑色lace,都好得呀,我今次既指甲真係惹來好大回響,好開心呀,卡卡卡卡
個女仔走左之後,肥豬仲要同我講,小姐,可唔可以比舊牛肉我呀,你d牛肉好靚呀
卡卡卡卡

再接再厲星期日

經過尋日去home collection既瘋狂購物,本來都冇話要去買衫架
不過我平日又冇時間去cwb拎返之前訂左既鞋,所以死都要去cwb拎鞋先
咁出到cwb就去左sogo睇下jelly beans既鞋,唔睇唔知,原來sogo係賣695一對,真係好貴呀,唔怪得個個都話係日本買平啦,我買左3對返黎都真係太少喇,應該要買多d多d,不過唔緊要啦,我出年會再去架,嘻嘻
睇完鞋,我地就去東角駅拎鞋啦,今次呢個應該係老闆娘,佢好明顯醒好多,我試完鞋之後,都識sell下我睇衫,揀呀揀,揀左一件好日本既背心,其實都有d擔心唔啱著架,不過又真係好鐘意,亦都唔係太貴,所以就買左喇
咁再去金百利睇下見唔見我上次睇中件唔衫唔裙就打算走架喇,件衫係有,不過冇左我鐘意個色,所以都係冇買
咁去得cwb,就梗係去一去我最愛既bv.blu啦,點知就出事喇,佢地又唔係好多人,又有好多衫可以試,我就試下一件,試下一件,揀呀揀,買左一褸一裙一褲一衫出黎,哇哈哈哈哈,一係唔去,一去就買咁多野既感覺真係好好,不過買完呢兩日之後我就要乖乖再儲錢喇
好滿足好滿足,希望呢個滿足感可以維持越耐越好,哈哈

瘋狂星期六

由於星期四晚,比個死佬激到我嬲左佢幾日,所以星期六就去左我日日夜夜都好想再去既home collection
自從上個星期六係西貢發現左呢個手繪傢俬舖之後,我日日都諗住我張天使床同天使櫃,真係好想即刻將成間房都變天使,天使,天使呀
不過又唔可以急既,因為我地又想油下油,咁點都要等油左油先可以買傢俬,不過都要儲下錢先得架喇
今個星期收獲都好豐富呀,買左兩個大木箱,一個放鞋櫃隔離,一個放窗台,跟住仲買左雜誌架,tissue box同一個有蓋垃圾桶,雜誌架同垃圾桶就放係房,自從養左nic之後,睡房就冇左垃圾桶好耐喇,因為佢反垃圾呀嘛,冇左之後都幾唔方便架,有時要掉野,一係就放係房,一係就走出去掉,宜家有返就方便好多,卡卡
雜誌架係我地一直都想買,原意係放廳,不過一落怕nic nic反雜誌啦,二來其實我地睇書都係臨訓前睇,所以放房會好d
個tissue box其實我想放房架,不過真係冇位喇,第日有一張大梳妝檯先放啦,宜家就放係廳等個廳令下先得,哈哈
仲有仲有,仲有訂左一張天使高櫈,三個星期後先有得拎,咁我要拎衣櫃上層既野就會方便好多喇
買完野,我地仲去左全記食大餐,真係好大餐架,揀左4種海鮮,食左我地800架喇
開開心心過左一個超級豪華既星期六,yeah~~~有錢真開心

奶奶生日

3月29日係奶奶生日,不過我地就提前同佢慶祝,之前生日同x’mas我都會去買唇膏比佢,不過真係買都好悶,雖然佢真係用得好快,不過今次唔想送一樣既野喇,於是上網問下人啦,係維尼太呢盞明燈既提示下,我就決定左買dior支香水比佢,一心諗住ifc一定有dior賣架啦,點知lunch去到Lane Crawford先知係冇dior counter,咁唯有去香水部睇下有冇啱既野,初初睇中左mc queen個樽,試下個味,嘩,好唔得,真係送比人都唔想,再試一隻就幾好,佢有original味,有隻就淡過original,有一隻就新出既,我同肥豬都覺得新出個隻幾好,個樽又grand,成個金色得黎又唔濁,咁我都打算買架喇,不過一問之下,50ml都要750,100ml就10xx,嘩,傻左呀,要唔要咁貴呀???
咁我就唯有扮野要試stella啦,一試就覺得呢隻真係啱奶奶多d,宜家又有set賣,幾大體,幾令呀,485就有50ml同埋有支body lotion,正,好快就買左呢set香水,我就順水試左peony個味,有次同小pp行街都試左架啦,到今日都仲好鐘意,不過我唔買喇,買完kenzo一套3支既香水之後,覺得自己好白痴呀,買三支一樣味返黎,如果分開買,我宜家就可以要埋stella peony啦,所以為左唔再買新香水,我決定我會用完一支kenzo先會再比自己買架
反完一輪,禮物又買完,係時候又返工做野,真係冇癮,唉~~~

全能老婆+Nic Nic的好媽媽

我都不得不承認我係一個美貌與智慧並重既全能老婆
應該係由新年後開始我就養成左煮飯既美德,最最最少個星期都有煮過一次
冇試過煮煮下又停左唔煮既事發生
今日我又挑戰我既極限就係除左煮餸仲煲埋湯

一放工我就打比亞媽,問佢笎茜湯點煲,跟住搭mtr返到坑口都已經7:00喇
一支箭行左去街市啦,宜家街市裝修緊,真係勁dirty,同一個拎住個gucci袋帶大大粒鑽鑽既美女真係格格不入,不過我都只係用左20分鐘就買齊煲湯料同肉碎,跟住就飛左去百佳買左盒豆腐就可以返屋企煮飯喇
我記得我上小巴時,已經係7:27分,咁我留意返到屋企係幾時啦
不過我返到去又要執下nic nic d金,又要執一執佢反過既野,跟住我先可以開始煮飯

首先就係拎左亞媽醃比我既雞扒出黎解凍先,跟住就係煲水,at the same time,我就切切切魚片,洗菜,水滾時,我就放晒魚片,菜,糖茶瓜同三片我極唔想落既薑落去,close蓋就由佢煲煲煲喇,呢個時間雞扒又已經解好凍喇,咁就可以落鑊煎煎煎喇
如此同時,我就要洗米煮飯,洗米姐,我真係可以好快,咁就可以開始煲飯,that’s good
我依然繼續我一心二用既特異功能,就係一邊煎雞扒,一邊切豆腐,又驚d雞扒燶,又怕d豆腐散,真係好高難度架,仲有呀,仲要偷d時間出黎剝皮蛋呢,你話我幾叻呀
好快好快,過左around 15分鐘,雞扒ok,就要做一樣相當艱難既事,就係洗鑊,我真係好憎洗鑊,大大隻都唔知點洗好,不過是但啦,我都係要洗架,如果唔係煮唔到豆腐架喎
咁煮豆腐好easy姐,落左肉碎先,差不多熟時就落一包李錦記,跟住再落豆腐,good,時間啱啱好,湯已經煲左7個字,可以食喇
到我坐低食飯時就係8:40分,幾勁呀,真係煮飯係我用左唔夠一個鐘就煮完
今次d野仲好好味,我真係大有進步呀

至於nic nic既好媽媽,就係我食完飯就快快手帶佢落街,等佢可以同apple反下,佢地兩個玩得好開心架,跑來跑去又咬來咬去,幾好笑呀
返左屋企,仔仔都好攰喇,不過我為左比佢一個乾淨既屋企,我就係咁拖拖拖地,等佢舒服d
仲有呢,我專登煮多d飯比佢食,同埋留左一舊雞扒比佢送飯,佢都不知幾開心呀~~~卡卡卡卡

你話我係唔係一個好媽媽呢?

無記性+無手尾的死肥豬

晨早流流我都唔知點解我會咁嬲架,不過我真係好憎隻死肥豬又冇手尾又冇記性架
明明不嬲我d大毛巾都係灰灰紫紫架嘛,好啦,好啦,有次佢唔小心係櫃桶拎左我既大毛巾用,我都由佢喇,反正係洗乾淨左先用,咁我用返佢個d都ok,到我前日開左一條乾淨毛巾用,尋日一將一白一紫既毛巾放晒d廁所,問題就出現喇,今朝一入廁所,見到紫色個條好似冇比佢用過喎,我個心已經開始嬲架喇,再摸一下,噓~~真係火都黎呀
佢就係用左我啱啱前日先開出黎用既毛巾,又留返條佢用左唔知幾多日,搓過幾多次腳指既毛巾比我,咁條條佢都用過啦,我打死都唔用佢用過既毛巾架,跟住我就好嬲好嬲,大聲鬧佢,又大力close衣櫃門,係咁鬧係咁鬧
鬧到出門口,我都仲鬧緊
唉~~~我都唔知駛唔駛咁嬲架,不過真係好憎佢冇記性囉,一開始佢就錯左架啦,咁我都冇鬧佢,咁佢就一直錯,錯到洗毛巾為止啦,又唔係架喎,人地用條乾淨既,佢又要拎黎用,真係唔得佢死呀
總之有乾淨野就係佢既,又污jo又嗅既就係我,咩世界呀?
我又要返工佢又要返,搵多我個少少又唔係養起我,我已經做做做,做好多野架啦,佢又連狗都唔願放,叫佢做少少野就好似要佢死咁,大佬呀,我唔係唔駛返工,好似99咁可以照顧你架,你做人都唔好咁過份啦,咩都係我做晒,唔死都唔得呀~~~

親愛的nic nic豬

每到星期六日,我就好想成日都係屋企同nic nic反同埋帶佢落街,唔知點解佢都好似知咁,每次我地星期六日換衫時,佢就好緊張,係咁行來行去,又入廚房(平時我地返工換衫,佢一定唔會咁架),所以我時時都忍唔住,都會帶佢落街行個圈先會出街
哈哈,好耐冇同nic nic豬影相喇,今日諗住同佢影下啦,不過可能都近黃昏,天色唔係好啱影相,落左閃燈又唔靚,唔落又手震,不過都好啦,都同佢影左張合照
Nic nic豬,你實在太可愛喇,你叫媽咪點可以唔錫你呀,卡卡

新寵兒

Yeah~今日終於都行左入西貢既home collection睇睇睇,同埋買左野喇
買左我上次睇中左個stand,一個細細既放remote既架同埋一塊好令好令既鏡
最最最開心既係終於都搵到一間舖係可以同我訂做天使床同天使櫃喇,哈哈,真係好開心呀,由今日起,我要努力儲錢,唔買衫褲鞋襪,要積極將房既傢俬,換換換,換晒去,變我極度喜愛既天使房間,卡卡卡卡

Cookie做手術

終於都到左cookie做手術既日子,一陣都好擔心佢唔知會唔會頂唔住個手術,唔知要佢做係好定唔好,不過都book左時間,都決定左做,所以今日一朝8點幾就起身,準備湊佢去西貢喇
去到診所都要等一陣先可以入去,首先就係同cookie探熱抽血,佢都係一貫作風,唔郁唔望就當冇事,我就一直攬實佢,同佢講,叫佢唔好驚
跟住就到亞bob做body check到抽血,佢一邊震一邊碌大隻眼,個樣真係好好笑,都唔知佢咁驚做咩?
抽完之後,我地就要等around半個鐘先知個驗血報告,先可以開始做手術(等左其間,我同bob cook影左幾張相)
報告出左,兩個都好正常,不過都開始要留意佢地既飲食,唔可以食太多protein既食物,一路keep住,佢地應該都可以好健康,非常好
所以cookie既手術可以開始做喇,又係同上次nic nic做手術一樣,我地睇住佢麻醉,個心真係好唔舒服,好似睇住佢死咁,不過冇事既,冇事既,cookie會好快好返架
咁放底左cookie,我地就同bob返tko,帶佢去沖涼剪毛
11點幾,姑娘打電話黎話cookie ok喇,叫我地3-7去湊佢,咁我同二家姐同亞jim就大概3點半入到西貢湊佢啦
嘩,見到佢背脊條痕,真係好痛呀,足足有4吋長,仲有佢隻腳,仲有少少血,好慘呀,一見到cookie,我就係咁同佢傾計,叫佢唔好驚,唔駛怕,好快好返,做完手術就冇事,個背脊唔會再生一舊野架喇,你會好健康,放心
咁我地就問下姑娘知唔知割出黎個d係咩啦,咁佢就比我地睇,背脊個舊野真係好大,只係細過一個兵乓波少少咋,真係慘呀,隻腳個粒唔知咩,就因為要就位,所以有兩條肉都要切埋,真係好得人驚架,好彩天生真係唔係好怕呢d野,總算睇過佢清左d可能對佢健康有問題既古怪野啦
咁返tko時,我地就去湊返好靚仔既bob bob先再返欣明苑,返到屋企,cookie都冇咩力反,一路訓一路訓,好彩,同左第2日,佢都好左d喇,冇齋訓,有野食佢都識食,咁就安落晒啦
Cookie,放心啦,你會好快好返架,好快就唔痛架喇,你同bob會長命百歲,冇病冇痛架~~~

爸爸媽媽!我憎死你地呀

呢個星期天氣好差,落街成街都濕立立,屋企又係濕立立,媽媽推左個好嘈既野出廳,成日都轟轟轟,不過好似轟轟轟完之後,係屋企會舒服d
就係因為天氣差,所以我訓得唔好,時時都半夜起身搵野玩,又叫醒媽咪,媽咪初初都唔打我架,只係叫我唔好再搞佢,有時推我落床
不過尋晚我係廳拎左隻臭鞋玩,比媽媽知道,叫醒左爸爸,爸爸就打我,跟住我又諗住tum返爸爸,去爸爸個邊舐佢,點知佢彈起身,打打打我,打到我好驚呀,好彩媽媽阻止佢,如果唔係佢有排呀
咁我比爸爸打完就好似訓左一陣,唔知訓到幾時,我就拎媽媽隻米奇玩,最衰我唔小心啦,整跌左媽媽d相簿,好大聲,整醒左佢,今次連媽媽都好嬲呀,佢又打打打我,雖然佢冇爸爸咁大力,同埋冇打咁耐,不過我不嬲都好驚佢架喇,佢仲要唔比我走,要我stay係床尾,我咪唔郁囉,就係咁,我一直訓係床尾
到爸爸起身時,我都冇上床同媽媽一齊訓,跟住媽媽起身,我又冇跟佢去沖涼,我好嬲佢地呀,佢地就訓訓訓,咁我訓唔著咪叫佢地,一係就自己拎野玩,佢地都要打打打我,我好嬲,我唔鐘意爸爸媽媽喇~~~

相機回歸的大日子

唔見左個相機14日,唔知點解一冇左個相機就日日都想影相,又想影下屋企d野啦,又想影下亞仔啦,總之就唔可以冇相機啦
本來打算星期日去買架,不過我又唔係好舒服,所以冇出街啦,等呀等,尋日終於都捉左老公同我去買喇,哇哈哈哈哈
上次我自己一個去買,係用eps比錢,不過宜家好窮呀,唔一次過比喇,做分期,所以要一齊去買
曾經我地都有動搖過好唔好買850個model,因為佢都有3.8倍變焦,但係d button又冇800咁好,佢又有廣角,實質影d野會細左,加上對800既情意結,所以我地都係買返一模一樣
尋日就係咁影影影手指同影個手繒櫃,好開心終於都有返個相機喇,我會好小心,唔會再唔見架喇,卡卡~~~~

(尋日就係影左手繪5桶櫃,靚靚高貴燈同埋買左唔知放去邊用既首飾櫃)

新登場 ~ 3月黑白閃爆gel甲

又到左每月一次既反手指日子,係過去一個月,出奇地我係一d都冇唔鐘意上次個花,同埋唔覺佢真係長左好多,不過都一個月喇,點都要整架喇
上個月掛住走走走,唔記得左book時間,今次係姑姑幫我book既,所以今日同佢一齊去,我地一齊放工,之後去買小丸子再上magic nail
一上到佢,carman好似好驚我地咁,哈哈,因為佢地吹緊煙,好彩,佢地抽氣都抽得幾好,好快就唔覺有煙味,我同姑姑就坐sofa,一邊揀一邊食小丸子
睇呀睇,我地睇左半本,終於都揀到心水甲喇,姑姑就揀左隻好優雅既雕花款,我就揀左隻好型既黑白甲
今次唔見左個肥妹仔,我就係高高瘦瘦個女仔做,姑姑就係carman
整呀整,因為今次我10隻手指都做色,隻隻都要油幾層,反左好耐,我都只係見到8隻白同兩隻黑既心指,d電視又唔好睇,好悶呀,由於太悶,我一路望住我揀左個甲款一路諗有冇得modify下,終於我決定黑色同白石,有一隻白色就用黑石,比original應該會誇少少
不過整到9點幾,戲肉終於都出現喇,一開始畫黑線,我已經覺得唔錯架喇,好似好型咁,再加埋閃粉線就仲sharp,嘩,好正呀,不過都唔係最正個part喎
最最最勁係加白石係黑色手指度,嘩,好勁呀,我地4個人一齊望住隻手指都猛話,好閃呀,好靚呀,好得呀~~~~係一隻手指上面加左廿幾粒石既效果真係不得了,今次到我100條街都睇到喇,嘻嘻
最後再加埋黑石就完成喇
我一共整左3個半鐘,好攰呀,不過咁靚都值既
因為姑姑知我冇左個相機,所以佢就算早我幾個字整好,佢都冇走呀,佢等埋我整完,影埋相先一齊走,真係好喇,唔該晒,今次仲要影晒兩隻手,好令呀,好閃呀,好正呀~~
我發現我整既甲已經走火入魔,越整越誇,唔知下一次我又反咩喇,卡卡

大開眼戒的維尼太museum

終於都到左去museum郊遊既大日子喇,一早約左維尼太話去奧運站等佢放工,所以10點就起身準備,初初係打算11點前可以出門口同nic nic落街先,點知一早起身洗下衫,搞下亞仔d玩具呀,比野佢食呀,搞呢搞路都搞到11點喇,好啦,唔同仔仔落街都唔緊要,掠埋衫之後都11點半喇,咁我就快快手揀d結婚相出黎拎比心心睇啦,點知同12點都未整好,咁就打比維尼太話我自己去天水圍,不過搞呀搞,我足足搞左兩個鐘先整好d野,肥豬就陪我去jusco買食人士多啤梨同埋同我一齊去kwun tong搭車
2點8上車,3點4左右落車再搭的的去維尼太到,足足遲左一個鐘有多,哈哈
一去到維尼太屋企,姑姑,meme,姐姐已經到左,我就急不及待要睇維尼太既收藏,睇收藏都唔係好驚,因為相都見過,不過佢地叫我入房睇佢個衣櫃,一開就‘哇~~~好勁呀’,真係好整齊呀,好得人驚原來有人個衣櫃可以好似做戲咁整齊,再睇‘哇~~’,內衣褲個櫃屧真係不得了呀,好似入左Wacoal咁,真係勁呀,維尼太屋企既所有野,見到同見唔到既地方都好好好整齊,我真係好慚愧,我屋企真係亂到7彩,不過慚愧還慚愧,我諗我點都唔會可以好似佢咁整齊,執還可以,不過一個星期,一個星期就會好似宜家咁,所以執都冇用架喇,哇哈哈哈哈
等到5點幾,心心到左之後,我地就睇維尼太大婚既video,哈哈,維尼好好笑囉,佢全程都係hea hea,hea hea,佢娶到小pp真係開心到傻左,好鐘意佢4萬個樣同埋hea hea,hea hea囉,哈哈
跟住就睇我個video,我都係飛住睇,驚佢地悶呀嘛,佢地個個都話肥豬唱歌好聽,不過我同肥豬睇左幾次呢個video之後,大家都覺得佢唱歌唔得囉,成日都好似想走好走音咁,都冇以前咁好聽,不過第一次聽,又真係估唔到佢唱歌係咁好既
咁最後我地叫左外賣,食完野,再睇下相,傾下計,10點鐘左右就走喇,我同心心一齊返tko,其間傾傾傾,傾左好多野呀,同埋好開心佢覺得我影d相同video都好好,真係影到我地好開心既一面(咁用係my memory既錢都真係值得),返到屋企都12點幾喇,肥豬就同左芝姐食飯飲野,我見nic nic今日好乖,咩都冇搞,所以我就即刻同佢落街,行左一個圈就返屋企,個時都12點9喇,好眼訓又好肚痛,肥豬返黎同佢傾左一陣計就訓喇~~Zzz~~

好眼訓+好激氣

今日已經係星期四,唔知係唔係晚晚都睇“柁槍師姐”,所以咁眼訓,定係因為呢幾晚都有出街反,所以咁眼訓呢?不過是但啦,個結論都係好眼訓架喇
尋日開始天氣凍左好多,今朝起身好似仲凍過尋日,真係唔得佢死呀,因為晏左起身,所以今日又唔係好趕得切搭車喎,於是老公就話打的的去坑口,一上車佢就大大聲講,坑口地鐵站,人地明明要去街市搭巴士架嘛,我都唔知好唔好改佢好,我只有,我…我…我唔係架,跟住佢先識改返話去左街市先,不過都冇驚冇險,去到街市692都未黎,都仲要等一陣先到,所以今日返工唔算遲,未夠搭一就落車,不過我去左delifrance買早餐
唉~~講開買早餐,我就真係嬲到發火呀~~~明明係我入去先,我只不過係想問下最後個包係咩包姐,啱啱想開口,有個死佬就衝左去我隔離,個死人grace tse(收銀員)就即刻好快夾左個包比佢,仲好得戚咁同個死佬講,知你趕架喇,我初初以為佢可能會有第2 d包唔show出黎,我都唔係好嬲架咋,嬲係嬲個死佬冇禮貌囉,點知到我既時候,我問grace,仲有冇包呀?佢話冇晒,我真係,真係好想鬧佢架,喂,係我排先,我想問野,你就一野比左個包人,但係因為我未訓醒,又真係好想食早餐,我只係好樣衰咁講左要咩,跟住一路等一路就啤住佢,最後我一聲唔該都冇,拎晒d野就走,跟住上到office,雖然個鬆餅都好好味,不過我都仲係好嬲好嬲,我話過,我以後都唔會去呢間delifrance買早餐架喇,真係激死我呀~~~~

Grand Hyatt dessert buffet

終於都有機會試下grand hyatt既dessert buffet喇,好多人都話點好食,點好食,咁啱佢今期做promotion,4人同行,1人免費,所以今次組隊,我,姑姑,姐姐同小pp就一齊去喇
未夠鐘食之前,我地去左cwb行街,不過因為小pp唔舒服,佢居然唔買野喎,去左bv,好鐘意條電話繩都唔買(注:飲完野,準備去grand hyatt既時候,佢又想買,不過講講下發現bv應該係close左喇,佢要自己去tst買),沿路我地一直魔佢買野,不過佢都冇興趣,咁唯有去飲野,過下d時間啦,一坐低傾計就已經好好笑,係咁講係咁講,維尼太真係太可愛喇
8:20左右,我地出發去grand hyatt喇,第一轉我同維尼太出去拎野食先,我一野就拎左5個唔同既朱力力餅同埋少少cake啦,嘩,第一粒,好味呀,再食第二粒,都好味呀,不過食食食,食完5粒之後,我好飽呀,我冇晒意慾再食野,跟住我地又開始再傾傾傾啦,話題都係講下維尼既野,真係好好笑,維尼太同維尼真係一對搞笑夫妻,全晚我地講野多過食野,反到10:30左右就散lur,不過我同姑姑唔識行去mtr station,應該係兜左路啦,行左好耐先到,我對腳已經好攰好攰,跟住叫左肥豬帶波鞋比我,等我係坑口meet佢同nic nic,順便放埋狗,返到屋企都12點幾lur,洗個面,睇埋電視就訓訓訓喇
(p.s.肥豬好乖,佢自己一個係屋企收左衫同洗左衫,真係抵鍚~~~嘻嘻)

CDP化妝班

上個星期cdp個姐姐打電話比我,問我有冇興趣上個化妝班,咁聽落又好似幾好反,咁我咪去囉,跟住仲可以帶多一個朋友去喎,咁我就invite左姑姑一齊去喇
姑姑為左做份死人appraisal而遲到,所以我就自己一個去左先,上到去,嘩~~好高級呀,果然係貴價野,坐左冇耐,食左人兩件餅,姑姑就到喇,個show都啱啱開始
首先係介紹下spring既化妝品個concept係源自白夜,跟住又有人介紹下d product有咩好啦,跟住就有渡邊先生出黎化下妝,嘩,個兩個女妹model,真係又高又瘦,好得人驚呀,有一個對小腿,應該係我手臂黎架,真係唔得佢死呀
化完model,當然有我地自己反既時間啦,個姐姐就分別幫我同姑姑化妝,我化先,唔知係唔係夜呢?我塊面好黃,就算再上粉都唔靚喎,個shadow又比我想像中淺色,跟住用左支瑩亮筆係眼袋,我又覺得好怪,overall我唔係好鐘意個妝囉,姑姑就好令,可能佢白啦,又唔會好多油,佢都ok架,不過個shadow都係淺囉,化好晒妝,唔知點解會有人同我地影相架喎,我同姑姑影左一張,跟住同carman(係sogo serve我個姐姐)又同我地影一張,佢地話第日會比返d相我地架喎,真係得意喇,反完之後,我仲以為佢地會sell下我地買野,原來唔會架,佢地只會mark低我地今日反左d咩,第日去counter就可以買返囉,走左時候仲有sample送,拎上手都覺有d重量架喇,直到我地坐低食飯時先睇,嘩,d sample都好大支下喎,有cleanser,toner同埋make up base,哈哈,我同姑姑都好開心喎,覺得佢地好重手,唔係比細細支,果然平時係賺我地好多錢呀,卡卡
開開心心,咁又反完一晚,試完個我一直都好鐘意既shadow,宜家唔駛再心掛掛想買lur,因為都唔襯我,好野~~~又冇慾冇求喇,哈哈

冇相機的日子

自從唔見左個相機之後,連blog都唔想寫,因為都冇得影相,完來宜家相機同電話既重要性真係唔差得遠,不過冇左個電話就一定要即買,宜家冇左個相機,都可以等多一兩個星期先再買既,唉~~
過完個唔知快樂定唔快樂既生日之後,我就一x不振,28號就因為太唔開心,有dd唔舒服就冇返工,第二日想返啦,nic nic對眼腫到嚇死你,即刻打電話去book時間同佢睇醫生,原來佢係眼潰瘍,第3日,我個胃真係痛到死,一路返工一路痛,終於都忍唔住喊左出黎,所以老公同我去睇醫生,初初都想返下晝架,不過一返屋企就見nic nic係咁痾,我地眼見都痾左4次,直至6點去睇醫生前,佢一共痾左7次,如果個日唔係我病,我怕佢會痾死左囉
唉~~總之冇左相機既日子就好難過啦,好想好想快d有返個相機呀~~~