產後運動班 + 小shopping

又再一次去黃埔上運動班,今次係溫習上一次既運動同問下問題,新教就係一d產後收肚運動,同注意湊bb手勢。產後運動係全靠老公示範,老公學晒第日再幫我做,上完堂佢話人地玩佢囉,明明係我上,冇理由要佢學喎,咁唔通接肚,我宜家接呀?佢都傻傻地架。


上完堂去左MOS burger食個late tea,食完之後去jusco行下,其實係因為一場黎到所以睇下架咋,都冇咩特別野想買,點之見到babisil有9折,加上感謝日有再95折,咁都抵既,所以買埋奶pump同奶粉格,仲比個姐魔埋我買arau洗奶樽液同去積液,但我買完又後悔,因為唔知係唔係真係冇化學成份,因為係日文,唔識睇。再上網睇,又有人話好似洗極都唔乾淨咁,真係好擔心呀,唉~~~真係買得太衝動。

好彩冇買埋body wash/body cream個d,因為呢d我打算去global essence買架嘛。

贊育產檢

今日去贊育既booking係10:30,本來想跟老公一齊出門口,慳返的士錢,不過真係好眼訓呀,訓多一個鐘好過,同埋屋企又有早餐喎,唔駛出mcdonald坐,慢慢食完野先打的出mos再轉巴士。

上到贊育啱啱好10:30,等左45分鐘左右就有得照喇,開頭係姑娘照,今次個姑娘講野大聲d,好nice,好細心慢慢照,都有解釋下佢照緊d咩,佢話個女宜家近子宮口,佢地會叫呢個做家姐,我問會唔會有變化,佢話唔會,多數都係爽爽出世先,但呢個家姐仔就細隻左d囉,比週數細1週,風風就同週數一樣,略略大左2-3日左右,不過姑娘話細1週係可以接受架喎,我自己就想爽爽大返dd,近返d週數,不過媽媽都唔知幫到你咩,我食同訓,你都未必會吸收,唯有叫你自己努力啦。

姑娘度晒d野,話要等醫生再睇一睇喎,咁就叫我等等,打側左個身我就係咁訓等醫生,都等左好鬼耐醫生先入黎呀,醫生其實都係睇下姑娘度左既數據,同埋睇下胎水,問下我有冇唔舒服咁囉,佢話兩間房都係咁上下大,幾好呀,兩個bb都好唔錯,keep住私家同佢一齊照bb就夠喇。

小插曲:姑娘照風風同爽爽時,係我舊骨個位都有少少大力咁按落去照,爽爽都冇特別反應,但風風係好大力踢人地囉,真係彈一彈,我係mon到見到佢係成隻撐一撐咁,連姑娘都笑佢,話駛唔駛咁呀?大力左少少咋喎,呢個仔真係瘋架!!

仲有一個畫面好得意,佢地4隻腳板都係我右邊胃對下平排放晒係度,好得意呀!!!!

今日爽爽有886g (差不多兩磅),風風就 1038g(已經over 1kg,very good!!)

8月之星 – K noon

今次gathering終於都真係試下去k喇,其實都講過幾次,因為k有間房,d細唔怕走左去,不過其實都幾混亂,其實咁多人,又大又細,都唔知第日gathering去邊好。


本來book左3:30,點知個個都遲到,最後改左4:00 booking,我就好似4:30先到,哈哈。

去到其實我係咁食零食同傾計,都唔係唱歌。今日係心心生前最後一次見佢,佢個肚突然大左好多好多喎,我今次輸晒呀,卡卡。

玩到6點幾7點,又返mos同6299食飯,悶死!

請第二個工人

今日約埋6299去interview第二個工人,有一個係香港,一個係印尼,點知99好快就已經鐘意印尼嗰個,反而現成嗰個佢覺得太瘦弱同個樣苦喎,連一句說話都唔講就決定要conf call個工人喇。不過呢個工人好似好醒,佢聽同講廣東話都真係幾唔錯呀,佢同99可以傾到計,好勁囉。


Confirm左請工人就過左HC食lunch,好鬼餓呀,去完lunch行左一陣,佢地兩母子又唔周圍行下,企係度等我修眉,今日Ason話佢做到2/9,真係勁唔開心囉,好彩package仲有3次咋,之後我可能係telford個間修喇,因為可以放工過去,唔駛專登出tst。難得有個好傾又好手勢既修眉師,宜家又要轉,真係慘呀,不過我條眉唔搵人修又唔得喎,自己修得唔靚。

Surprise

今日係我放左兩星期假後第二日返工,第一日返工,姣精已經話聽日等埋死肥野返黎同我傾下,我心諗都唔知傾咩?點之今日before lunch,姣精同死肥野真係搵我入房傾,出奇意料之外,死肥野居然問我,不如同醫生商量下放長sl,等我休息下,佢覺得我暈係好嚴重,好驚我暈到街頭,咁我更係話好啦,但死肥野有remind我,可能扣晒d sick leave就要放no pay,佢話都知我冇問題架喇,不過要我考慮下。其實我好想笑出黎,因為我應該一定夠sick leave扣架,我啱啱做左3年,儲夠假架啦,哇卡卡


點知出到黎,姣精居然仲問我,會唔會有hard feeling,因為係死肥野一直以為我真係闊太,錢從來唔係concern,所以先叫我放假,如果我唔想放,可以唔放喎。其實我開心都黎唔切啦。

聽完佢地講,我又返屋企同老公講完,都覺得係要放架喇,咁等michelle返黎再睇下佢點比sick leave我先confirm公司幾時放啦。咁我自己又再計下同問下hr sick leave點計,我睇晒handbook都係話可以accumulate到120日,sick leave係當calendar day計,咁ok啦,其實我點計都夠放,咁所以最後決定1/9開始放我既20週自製產假,hehehehe~~~~

Nic bathing

星期六爸爸開左個游池比nic玩,今日就帶nic nic返tko沖涼,順便同佢摌埋毛,方便游水,佢忽然變返bb個樣,好cute呀!


估唔到我地今日可以一直都係坑口度hea hea下,連car park都冇入,一直都泊新寶城都得喎。開開心心食飽飽就湊返nic返屋企,family day其實可以好簡單又好開心,哈哈!

QM產檢 + Gel Nail

今日返qm產檢,今次好叻啦,唔駛打的上去,等到小巴喎,去到唔算等得耐又唔駛拎藥,11點幾就可以走,再搭返小巴去中環同老公lunch,今次揀左ifc個間食喇沙既舖,都幾好食喎,不過就嘈左d囉。


食完飯過左太子間prints揀絲帶,其實我買絲帶都用左百幾蚊,點解唔直接買headband呢?諗諗下真係覺得自己傻仔,不過都買左喇,比心機整幾條headband比爽爽好過啦,hehe~

老公再送埋我去搭地鐵佢先返工,去到mk雖然唔係行好多路就去到小玲度,不過都好熱好辛苦,唔知點解上到去都唔覺得涼,又因為我今日係突然改期,所以只可以整完手指,再等第二個客做完先整埋腳指,今次係我生前最後一次做實色甲,都冇整到好花巧,只係畫花,不過小玲畫功真係超級得,好鬼靚呀!!

整埋腳指,老公叫我等埋佢先好走,佢黎接我,但等到我人都癲,真係好攰呀!!!!以後都唔鬼等佢呀。



(本來話我整完係過返會展去bb展既,不過見net fd講好鬼多人呀,我又唔迫得唔焗得,所以放棄喇,如果真係有平野,我出年輕輕鬆鬆自己去好過啦)

大鬧Dr Yu Clinic

等左我成7星期,終於都可以再見dr yu喇,今日仲要約晒姐姐同竹太一齊去,真係嚇鬼死dr yu,卡卡。


但不幸地,今日已經早到左啦,點之去到美麗華姑娘打比我話dr yu要做手術,要改11:30 booking,真係悶鬼死,好彩今日有人陪我,傾下傾下,11點就殺上去等。好彩都係等到12點鬆d就入到房喇。我第一個入去,見到dr yu好開心,dr yu仲問我做咩咁開心,我話你睇下我後面有邊個就知架喇,點知佢真係嚇到係咁咳,笑鬼死我喇,卡卡~~

今日姐姐問野多過我問,dr yu講野好急,好正常,但其實姐姐原來都唔聽得晒喎,總之今日檢查係勁好笑,好似玩唔似睇醫生,同埋宜家風爽大個左,影相係得個樣,冇得睇晒成隻,我覺得冇咁好睇呀,2D樣成個ET咁,但係電視見到佢地郁就好得意囉,今日風風又夾住爽爽個頭,爽爽都有夾人啦,hehe~

好好人的Dr Lo

放完一星期sl,其實都可以返工,不過返工兩日我又要再請假4 & 5 aug見dr yu同qm喎,咁不如把心一橫,放埋呢兩日啦,星期四搵dr yu比多幾日假我好過啦。今日隨便出去mos搵返Dr Lo睇,佢見到我就係咁恭喜我,問我係唔係一次就得,佢真係同我握晒手恭喜,好好笑。講完比佢知我頭暈,佢就話唔好食藥喇,你訓啦,返屋企抖下,我開假比你休息啦,冇野架喇,訓多d,休息多d就得架喇。順利地拎左兩日sl,咁就可以等到見dr yu喇。