久未update的nic nic生活誌

自從開始搞nic house之後,真係少左好多上網既時間,其實休息既時間已經比以前多左,不過可能因為開舖時冇得上網,返到屋企又要照顧下個寶貝仔,又要同老公傾下計,所以都冇心上網,今日專程同豬老闆請左幾個鐘頭假,希望可以係一個鐘頭入面盡量update多d我平時既生活,嘻嘻!!!

入貨之旅 - day 2 summary

買完一輪公貨,再埋私貨,心情非常愉快,是日晚餐去左我好想再食既和幸,吉吉野真係好好味,連飯都好似好味過人架,肥豬睇到d相時真係好憎我,因為我有好野食,佢冇得食
總結今日既戰績:
海渡戰績,包裝非常精美
F.O. Kids寄比我既貨,終於都收到,安落晒

大大小小今日既收獲,圖中只係公貨,私貨並沒有曝光,哈哈

入貨之旅 - day 2 (見識日本的批發街)

未去呢個入貨之旅之前,我同老公已經睇左兩本書,大概都知道批發個邊係咩一回事,所以我有準備好所需既文件去申請批發卡架

一朝早打算去食mcdonald早餐,仲以為佢地同香港一樣係11點前架嘛,我地10:40去到都冇早餐喇,不過都叫左個香港冇既蝦包食,個樣好靚,味道都非常好,好心香港就學下人啦

連放係個盤都齊整過人,真係唔得佢死

塊蝦餅真係好多一隻隻既蝦仔,好彈牙架

食飽飽,我地就出發去批發,係搭JR既時候,因為去到某一個站唔識轉邊條線,所以我地企埋左一邊係咁研究,有個好好心識國語既日本女人就黎問我地想去邊啦,我地又唔識講車站名既國語,咪指比佢睇啦,反左一大輪,原來我地三個既國語都好差,係完全同佢溝通唔到,佢都覺得有d奇怪咁走左去,哈哈。 睇書時都見過呢度大概係咩樣,個感覺好得意,我終於都到左日本傳聞中既批發街,哈哈

好不容易,我地終於都到左批發街,仲好易咁搵到做批發卡既地方,幫我地做卡個人,又識廣東話,又識國語,又識英文,係日本,呢個伯伯都算好叻架喇,雖然樣樣都只係識幾句,不過都好ok,過程好順利,做完卡,我地就開始行據聞係最大規模既批發「海渡」

本來對日本批發都有d期望架,點知一入去就覺得唔多對路,d野好似好outdated喎,不過一場去到,就點都要行下架啦,首先入場既時候要show一show我地既批發卡,然後就去放低手提袋既地方放低我地個袋,佢地會比個透明袋仔我地放返d跟身物品入去既,個袋仔真係好搞笑,不過佢係唔比影相,所以冇得影返黎比老公睇,如果有機會,真係好想同佢去一次。
開始行既時候,我地就上最高一層睇文具,精品同零食,文具都幾平又靚,不過我係唔賣文具既,再睇下精品啦,呢一刻fei e係癲左,因為有好多好多好多麵包超人,原價都已經係平過香港買,宜家我地仲可以批發價買,所以真係好抵,係佢揀揀揀既時候,佢叫我買d袋仔賣下,或者買滿幾多錢就送比人,咁麵包超人都ok既,除左hello kitty之外都算係另一個受歡迎既卡通人物,係精品零食層,我買左兩大包日本糖,手袋仔,同埋好靚既衣架。

再落一層就係童裝,嘩,完全唔得,真係嚇死人,第一係唔靚,第二係貴,咁死貴,我返香港點賣呀,真係唔得佢死呀,我係咁易行左一陣就再落同fei e睇大人衫,都有少少係ok既,都可以揀下,有d就我同大家姐自己要囉,用批發價買衫,感覺真係非常良好,如果要我原價買,我地都唔會買,因為又唔係真係好好好靚,如果要用2-300既價錢,係大減價既時候真係可以有好多選擇,anyway,我地行左三層就走喇,我最多既收獲係買左10幾把遮,都幾得意架(一個月之後買左一半出去,都ok啦)

行完海渡,我地再周圍行下啦,因為時間都唔早喇,批發好似5點就close,宜家就係3點幾就快4點囉,拎住d重到死既遮周圍睇下仲有冇好野啦,無意中發現左一間叫東洋衣料既童裝批發,佢既衫同我係香港入既貨有d人一樣既,我就專攻佢price down既衫同埋一d唔貴既牛記,佢d牛記都幾貴靚架喎,啱晒我呀,因為我係香港真係入唔到bottom野,宜家就啱晒喇,揀呀揀,揀左幾萬yen貨,當佢包起既時候就知大鑊,重死!!!

我地三個人出盡各種方法去拎最多既野,係未到JR站前由於太肚餓,所以都係去麥噹噹醫一醫肚先,呢間麥記比今朝sunshine個比細好多,亂好多,不過都冇發啦,真係好餓呀,咩都要食架喇,為左振奮大家,我就suggest不如將d野lock係池袋車站,跟住我地去0101行一轉,食埋dinner就返酒店,然後再出黎一次,拎埋d貨返去,大家聽到有街行都好開心,咁快快食完,大家都唔講野,專心拎住d貨就行行行,車程都ok順利,唔會比人逼到出唔到站,去到池袋搵左一個最近我地既酒店既locker放低晒d野,跟住就出發去0101,嘻嘻。

去到0101真係眼都花埋,一入去就落B1,大家分頭行事,我去睇鞋,佢地就去gap睇牛記,睇鞋真係一件好開心既事,花多眼亂,都唔知咁揀好,不過訓練有素既我,係唔會令人失望架,繼一朝早係sunshine既red shoe買左一對之後,宜家都揀多4對,好似唔駛錢咁就買買買

今次出trip買既所有鞋,除左左上個對布鞋同埋右下對拖鞋,其他個d都好好著,平均一對都係2xx,真係抵呀,卡卡

買完鞋就去返gap搵大家啦,我就冇野啱,不過就買左好多特價既細路牛記,個款好靚,cutting好好,真係有牌子係唔同d架,一買都買左10幾條,買完褲,我就叫fei e去睇下01 model既衫,聽聞係一d靚既大碼衫,我同大家姐就再上啦,一入01既時候,我地都比皮帶吸引,所以自自然然就去左揀,大家都揀得好快,一啱就買,我地大家都揀左3條,揀完就比蚊蚊啦,比蚊蚊既時候我就叫大家姐去搵fei再去tax refund到等啦,我就去睇一睇袋,一定用盡每一分每一秒,今次終於都比我搵到我一早喜歡既車厘子袋喇,二話不說就拎起唔同既size試下,睇左一陣都係覺得細size好睇d,咁就買啦,由於個袋唔係貴,所以我連好無聊既掛飾都買埋,真係無聊到極,買完袋就跑去退稅喇,係退稅既時候又再一次比人問我,老公係唔係識得印銀紙,真係好down,唔好再講啦

上圖:極速揀既皮帶三大條

下圖:尋日買既波點袋同埋今日買既車厘子袋,兩個都好好好鐘意,哈哈

入貨之旅 - day 1 (入私貨的半天)

過左3個幾鐘頭既苦悶機程,終於都到左東京喇,一出閘當然係去買車飛啦,雖然明知搭巴巴係一件好浪費時間既事,不過冇個男人係身邊,就算只係拎住一個吉o急,我都唔想搭JR喎,哈哈

下一班車係50分鐘之後先開,所以我地三姊妹就買野飲同埋我買左本non-no解悶,其間我仲打左電話比肥豬先生報平安,我幾乖呀,哈哈

我兩個家姐呀,到機場呢一日係笑得最開心,跟住既行程係攰到笑唔出架,仲有,圖中係見到我買既新一期non-no,哈哈 (請留意,我地一共係有3個大o急架,不過返香港既時候,有一個已經比我地遺棄左係成田機場lur)

等到巴巴黎既時候,我地上車就瞓瞓瞓,不過瞓左好耐都未到池袋,因為實在太塞車喇,不過都好既,等我可以瞓飽飽,準備一陣間既shopping大行動,哇哈哈

大概5點左右,我地終於都到左sunshine city prince,因為要搵kampo health plaza既關係,應該係浪費多半小時既時間,見已經夜喇,唔通仲出新宿咩,所以我決定呢幾個鐘留係池袋作戰,嘻嘻酒店係超級簡單,不過勝在夠大,就算係twins加床都覺得幾大間,ok啦,一晚都唔駛1k,好好架喇 (我係瞓中間)701就係我地間房喇
一d都唔似酒店既招牌,如果唔係對住張紙,我諗我唔會知道我就係住呢度囉,哈哈

第一站我就帶兩個家姐殺去parco,其實去parco做咩呢?我就係為左要去violet hanger行一轉囉,我今次出發之前已經睇中左一個車厘子袋,不過點解?點解唔見既?是但啦,第一眼我已經睇中左一個波點袋,有兩個size,我唔駛一分鐘就決定買個大袋,就算sale姐姐拎個新色比我睇,我都入唔到眼,望一望個價錢,都貴唔過上次honeymoon買o個個,所以就買買買。買完袋再行多一陣parco,發現d衫唔啱睇,只有耳環係大家都想睇,不過又覺得好浪費時間,所以大家決定過去seibu一轉,我suggest上去童裝望一望款同價錢先,於是大家又同我一齊去啦,望一望d價錢,我真係覺得自己好叻,除左識得搵日本既批發地方之外,我係香港都入到好多日本貨,完全係冇比人呃,因為我入既貨同日本百貨賣既某一d牌子係一樣既,只不過真係一d好大既牌子,我就真係唔知可以去邊入喇,唯有希望聽日會有好收獲啦,不過行左一轉,我都有得著架,就係日本仔比左一個display既idea我喇,呢個display方法真係幾好,好特別,唔會太死版

靚靚display,佢地係用個紙盒著住件衫,呢個display方法,我係香港真係冇見過,不過宜家nic house都有啦,哈哈

睇完童裝,一行三人就去左disney store,其實我又唔係好多野啱,不過大家姐要買野比佢既仔女,所以都揀左幾耐,我好快就揀左我要既野同埋入左少少貨disney store戰利品,一個必買既毛毛公仔相架(我已經儲左好多個,希望有朝一日,我可以放晒出黎),一張貼紙,閃電王hard holder係買比家姐個仔,三對船襪係我既,因為我對襪一路行一路sir,所以我死都要買新襪,一堆扎辮就係我入既第一批貨,都ok好賣喎

因為我見時間冇多,我等唔切佢地揀喇,所以我就自己一個去jill stuart入貨先,今次我好勁呀,一共要幫4-5個人買野,自己又要買喎,一去counter就幫人試下d色,然後就搵個好靚既sale姐姐幫我執貨,執呀執,執到我都覺得好恐怖,我都未講自己要咩就已經執到一枱都係,真係唔得我死呀,終於買呀買,買左一共96xxx yen,我家姐睇到眼都突埋,即使我講左n咁多次唔係全部都係我,不過佢地都覺得起碼有一半係我既,而事實上,我都只不過係佔三份一,我一d都唔覺得過份喎

係我比錢既時候,佢地因為覺得悶所以就去parco睇耳環,我之後自己去,不過係冇王管既路途上,我經過jill stuart賣衫既counter,忍唔住睇左一眼,又忍唔住用9秒9既速度買左一件我唔知自己啱唔啱著,又唔係好知幾錢既衫,哈哈

去到耳環店,三姊妹都好有興趣,反反反,反左成大半個鐘,終於我大概買左接近1萬yen既飾物,有耳環,有扎辮又有夾夾,其實諗諗下,成hkd60一條既扎辮都真係幾貴,不過當時既我,已經係痴左線,冇野好講,哈哈

買完耳環都已經係關門時間,由於今日戰績唔錯,所以一致決定要拎d野返酒店先可以去食無敵家,不過係返歸途中,夾公仔專家要表演身手,所以都花左不少時間先可以返到酒店,今日專家表現失準,只係夾到兩隻,令人有d失望是日夾公仔戰績,係postpet係我既,本身不是太愛postpet,不過因為佢係羊羊打扮,所以好想要,哈哈是日癲寶戰績是日晚餐,好似冇咩料既湯麵,其實d肉係d湯入面,無敵家既麵真係要一試,相當美味,佢地既茶都係好美味,我每次去都必飲一大壺violet波點袋及jill蝴蝶結衫一件(其實我係啱著架,同埋好似都係4百幾蚊,ok啦,唔係太貴,不過可以買平d既,到旅程最後一日,我有重遇呢件衫,仲要係半價,不過好彩,已經冇晒m size喇,得返s size,我一定唔啱啦,平都冇用,哈哈)

嚇死人既jill stuart戰利品,真係唔係全部都係我架,只係有1/3係我

呢d開左盒既就係我既野喇,嘻嘻,唔係好多又唔係好少咁囉

同場加映被投訴放滿一枱既skin care(咁人地真係要用好多野,又唔想搵個小盒整d出黎,所以未咩都帶囉,車!老公都冇投訴我)

我的第一次

今日係我第一次出trip,第一次唔記得帶身份證就學人搭飛機,第一次final call先入閘,第一次明明唔係自己一個飛,但係要自己一個坐。

尋日last day一肚氣之後,心情依然唔多好,因為有d擔心去日本入貨既事,不過唔好還唔好,總算有訓覺,不過凌晨4點幾就要起身,因為我地要搭5:20am既巴士呀嘛,老公都有起身同我一齊搭的的去車站,去到車站係5:10,大家姐到左,個車站好熱,我好眼訓,不過好開心,因為終於終於都出發喇,我開始覺得我似去旅行多d呀,一拎住個o急就以為自己係去旅行,唔記得d正經事架喇,哈哈

係車度,訓下又醒下,坐左個幾鐘先到機場,滿以為自己早左個幾鐘去到機場好叻啦,點先想check in既時候先發現我冇帶身份證,好驚好驚,因為我出門口時覺得自己個銀包太厚,所以我放低左好多野,估唔到連身份證都放低埋,唯有即打比老公啦,當時係7:00,我知佢啱啱起身,佢一定係聽唔到電話,所以我好醒,我打去管理處,叫佢地幫我call佢,咁佢一定會聽到,叫佢搵返張身份證比我,佢又搵唔到,又發我脾氣,又話佢未沖涼,short左咩,唔好理咁多,洗下個面就好打的的黎啦,我8:10機,宜家都7點喇,好驚好驚呀

由於驚得滯,大家都以為check in係要身份證,所以我地冇check in就去左係早餐,食到7:30大家先記得check in只係要passport,所以我地就去check啦,點知,counter close左,有人同我地講,close左架喇,我地宜家同你問下仲可唔可以收人,如果唔得,要wait聽日,但係聽日好full,可能都去唔到,我心諗,我都知好full啦,我幾難先有機票呀,唔好反啦,比我上機,好彩最終都check in到,不過佢話已經broading,叫我地即刻入閘,咁大家姐,二家姐就入閘先啦,我唯有繼續等老公

等呀等,等到班機由broading now變final call,老公都未到,個心真係好驚好驚,大概驚多5分鐘,老公終於都出現,睇住佢跑過我身邊,我真係好想同佢一齊上機,個一刻覺得原來冇左個老公係身邊,我會變得咁冇用,又冇記性,又咩都做唔到,不過呢個想法係我個腦入面只係閃過左一下,跟住我拎住自己張身份證就想走人,係老公叫住我叫我萬事小心,記得打電話比佢,同埋攬左我一下,咁我就真係走喇,離開肥豬既呢一刻,我發覺其實我都幾想去邊都有呢隻豬係身邊架喎,原來係不知不覺間,有人比我鬧,比我反,寵我,一切一切,我以為係好自然既事,原來老公一唔係我身邊就冇晒呢d野(不過都係呢一刻啦,如果見到我係日本既瘋狂樣,大家一定覺得有冇豬係身邊,我都係小公主一個,哈哈)
感性完之後,我就一個人好似short咁,跑跑跑跑去上機,車!上左機之後都仲好多人未上啦,早知我唔駛跑到好似nic nic咁啦,真係激死
不過坐左一陣,我隔離個甘生要落機喎,其實我唔識佢架,不過坐坐下,有個空姐姐姐同佢講「甘生,唔好意思呀,今日班機好full,我諗你要落機」跟住呢位甘生就拎住個hand carry走左喇,換黎係一個大大隻既男人,搞到我全程機都要反縮骨,唉~~真係冇陰公呀~~~




呢d就係我今次入公貨同私貨既錢兩喇,係唔係好多呢?um...多過去honeymoon時少少啦,卡卡

Last Day

真係唔係好明,人last day我last day,點解我會咁忙既呢?首先,老細又唔一早叫我hand over,係星期二last day,星期五先hand over比人,仲要帶比個冇腦又要問長問短既同事,真係比佢煩死呀,一朝早我真係冇停過手咁做existing既野,搞清楚之後就同marketing既同事食lunch啦,大家都好似好羨慕我既少奶奶生活,其實做老闆比打工真係忙10倍,加上我又擔心去日本既事,所以我一直都冇展露我真係好開心既一面出黎
食完飯又要做做做,filing呀,填time sheet呀,都用左我好多好多時間,再加上女王教室由11點就每兩個鐘打一次黎,問我可唔可以update佢我handover既事,真係唔得你死,好煩呀,我一早同左佢講,schedule未傾,plan未定,叫佢同user同it傾下架啦,佢都仲要問問問我,唔通我last day都同佢問埋咩?咁我唔resign,我繼續自己做啦,痴線
係好嬲既情況下,我都要8點先走得,老公早早就坐左係34/F等我,我一出黎就鬧鬧鬧,鬧到收唔到聲,一直鬧到去旺角買燈我就冇再鬧喇
唉~~~平時都可以6點幾走,last day就8點走,都唔知係咩道理,明知人地係做少奶奶,都唔會有心好好地hand over比你架啦,都唔知點解要死咬住我唔放,我結婚前又係咁,都唔知咩人黎架,唉~~~

7月閃爆gel甲

攝於東京kampo health plaza hotel,係香港時實在冇時間影相,所以要去到東京先有時間影

上次既食人草莓天使指甲,話咁快就一個月,又係時候整整佢,今日本來準備充足,帶晒雜誌去比karen睇,我又想整5色

甲架啦,點知講講下,佢好開心咁話,其實我幫你諗左架喇,跟住我就話,車!你唔一早講,你拎你諗左既黎睇下啦,佢就係幫我諗整深藍閃粉底加白色lace再加閃閃既石頭

不過我就唔係好想整深色底喇,總係想夏天少少,所以最終係要左粉紅閃粉底加畫既黑色lace再加好多好多閃閃既石頭,勁呀!!!

一路整就一路既鬼片,其實又唔係好驚,不過我好怕一d突然跳d野出黎既場面,所以我整整下係有大叫啦同埋縮手,係咁比人笑我,真係醜死呀

畫完lace既時候我都已經覺得好令,跟住再慢慢加d閃閃石頭上去就更加不得之了,反左3個鐘之後,一對又lady,又浮誇,又閃爆既玉手終於出世喇,今次又打破個人紀錄,一共用左92粒石,我相信100粒真係應該會係不久既將來就打破,大家等我啦,卡卡

24/7睇左mtr送既雜誌,有幾頁係講gel甲,其中有一句係話「年紀較大既闊太們會鐘情多閃石既款式」。死啦,我應該唔會係年紀較大掛,你話我係闊太們,我都唔係好想接受,年紀較大就真係完全唔可以接受,所以,所以我下次試下或者唔加石先得,哈哈

入貨入貨又入貨

其實入貨既野都差唔多架喇,今日一早約左大家姐同埋叫老公揸車,車我地去深記入少少貨同埋買衣架啦,收銀機啦,仲有就係帶nic nic豬去睇醫生
大約10點,我地就出發去深記,一到步就係去買左紙袋先,雖然老爺有間紙品廠,不過佢成日都話初初唔駛搞咁多野,遲下先印自己既紙袋都未遲,所以今日我就只係揀左最簡單既紙皮色紙袋,任何花都冇架,因為大size冇紙皮色,所以就揀左白色,一樣係冇公仔冇花既
第二站去左個好煩既大叔度睇下有冇好野,都有少少既,我就入左少少啦,再行又比我地見多一間都ok既日本童裝批發,又係揀左少少啦,然後我地就返老公車,放低d貨同紙袋再去入衣架
係等緊人地拎衣架比我地既途中,我睇睇下,其實d dummy公仔都唔係好樣衰姐,老公又超級鐘意,再問問價錢都唔係貴,所以決定買多兩隻3歲同4歲鬼仔,嘻嘻
我地係衣架shop等左好耐呀,間shop冷氣又唔多夠,令已經好熱既我,不停流汗,真係好辛苦呀~~~
等呀等,等到佢地拎齊貨比我,老公就揸左車去開口接我,嘩,我都係第一次見老公架車放滿晒野,場面好得人驚,由於衣架度等得太耐,所以我冇時間再同老公去買收銀機就要去整gel甲,唯有叫家姐幫我揀啦
上到gel甲度,就即刻同人講,我一定要5點走,因為我要帶仔去睇醫生,好彩karen都真係好快,5點過少少就可以比我走喇
跟住極速返屋企,再帶仔去睇醫生,佢又肥左喇,耳仔冇咩事,係發炎姐,食藥,滴藥水就會好返架喇,再之後仲要去買狗糧先返屋企,忙碌既一天,終於都完喇,我地終於都可以抖一抖喇,唉~~~