Shopping @ ka lam in 2010

不經不覺,幫襯左ka lam多過1年,係ka lam度用左好多好多錢,真係作死,以後最好都係3-4個月,甚至半年先好去一次,哈哈。
其實去左ka lam度買野,我d衫反而變得好灰灰黑黑,以前係家樂買就咩色都會有,可能家樂會介紹我,迫我試d我可能自己唔會揀既野,所以有時會有d意外收獲,不過ka lam唔會,ka lam係比我自己揀,自己試,所以我成日都係揀灰色,因為我係一個灰色人,哈哈。
就係因為買得太多黑黑灰灰既野,所以覺得買來買去都係咁上下,今年冬天比上年買得少好多,一來好窮,二來都係咁上下款,都唔知買黎做咩。

宜家冇影低自己買左d咩,好似好失落咁,印象中今年冬天我去少左ka lam,不過次次一買都唔少野,不過我又唔覺得自己好多新衫著,咁係唔係即是我買d野太貴呢?錢又用左,件數又唔係多,唉~~
不過有一樣野可以證實,冬季買既鞋比上次少左好多好多,boots兩對,鞋好似都係4-5對咋,yeah~~~好大進步,春夏都唔可以失守呀!

要改要改,2011年繼續keep住去少d ka lam,唔買咁多衫咁多鞋,同埋唔再儲leggings喇,我成日好鐘意買,買完又唔著,生完bb,瘦左先再買啦,宜家著衫又唔好睇,著舊衫未算囉,其實我d舊衫都唔係真係好舊,仲可以著多一兩年架。

加油加油,我唔會同ka lam說再見,不過會見少你幾面,哈哈!!

2010年回顧

對於過去一年回顧,展望將來,其實冇刻意諗過,不過既然打blog,係好應該寫下我仲記得既野既。
係2010年一開始就係經同事介紹識左michelle,michelle係我見過/聽過最西化既中醫,佢d英文係流利過中文,當佢好急想表達既時候,佢係用英文先囉,但唔知點解佢會係中醫喎,哈哈。
就係咁,由1月開始個個星期都會見michelle一次,係呢一年入面有咩病都係第一時間搵佢,原來我食中藥比起食西藥好好多,病好得快好多,食完又唔會覺得身體好虛弱,不過又可以睇,因為我調理左身體都一段時間,所以我個底打得幾好,就算有病都比較容易清晒d菌,係有一次唔知點解on and off咁高燒左3日姐,咁係呢一年,我又真係幾健康架喎。
而老公呢,最明顯係情緒穩定左,面色好左,真係唔講唔知,原來痴線都可以用中醫角度去解釋,又可以用針灸同中藥去醫,哈哈!

今年來來去去都係為左生bb而煩惱,煩下煩下又一年喇,係2007年尾以為2010年3月係遙不可及既日子,以為仲有年幾兩年,冇理由搞唔掂既,點之就係唔掂囉,07年發現,有理冇理去排期,排到08年3月見醫生,以為好快,原來男女隊有別,不過都算好彩,顧問醫生比我地係07年10月就開始排女人條隊,要09年3月先見醫生,當時心如刀割,點呀?要等咁耐。原來搞下搞下,老公去睇下醫生,去做下手術,等好返,又去睇下中醫,時間一日一日咁過,好快就已經到左3月,睇完醫生佢已經係比我地做icsi喇,跟住就係等7月聽講座,1月開始療程。

到左12月知道自己都仲係唔可以自然成孕,心真係好灰,又狂喊囉,喊完一輪,醫院話比我知CNY lab要放假,我個期要延遲一個月,真係謝天謝地。係2010年為bb做既野就係個個星期去睇中醫,小心自己既飲食,同埋係適當既日子努力囉。

講完呢件大事,今年都算幾好,同上年一樣去左一次日本同埋週年旅行,2009年既日本之旅除左有人唔記得拎車牌,其實成個trip都好開心,可能有plan啦,今年去,之前工作好忙好忙,冇時間冇心機去plan,去到一團糟,就算去到都覺得唔係好似平時咁開心,仲要今次唔係買得多野都同樣豪花左幾萬蚊喎,今次d yen好貴,去到既時候天氣唔凍唔熱,又唔係好想買冬天衫,用得最多係搭車,由立山黑部去到名古屋再去大阪,其次係食,食得好瘋癲,卡卡,總括成個trip,反而最開心係o係名古屋,可能留既日數少啦,所以覺得唔夠囉。
週年旅行今年去左曼谷,我同老公都10幾年冇去過,直頭當係一個新地方去,又估唔到都幾開心喎,食野好好,做spa幾舒服(用左二千幾蚊享受左4個鐘,我覺得真係好皇帝式享受囉),買野好平,買返黎d spa products出奇地好用啦又平,零食都有特式,仲有一d冇冇謂謂既野,我覺得真係好抵,幾值得再去,反正今次未食得晒我想食既野,雖然我咩都話好抵,但去呢個trip冇想象中咁平,可能我地係豪食,豪spa,豪買,卡卡~

排到第三,係一年令我好傷心既事,就係cookie離開左我地,享年14歲5個月零23日。cookie,你已經好叻女架喇,其實14歲年紀都唔細,走之前身體都算健康,你個瘤好大個,唔怪得你早幾日唔肯食野,不過唔怕lu,你走左之後唔會再痛,又唔會肚餓,因為你已經去左一個冇病痛,又好多野食,好開心既地方。班主任衷心祝你無論有冇輪迴,有冇投胎都好,你以後既生活都要開開心心快快樂樂,健健康康,同做cookie一樣係咁靚女。Cookie,其實班主任都仲掛住你,一諗起你就唔捨得你架喇,你係我心入面從來都冇走過~cookie,我同你係暫時一別,到我上天 / 你投胎既時候,我地會再相見,有辦法會相認到,bye bye~~

第四,去到年尾忽然比同事講下講下,我自己都有眼睇,覺得自己係時候升職,不過又一直都未升,都幾深深不忿,不過我自己又提出左一次,老闆又主動咁講左一次,我都唔知仲講咩好喇,唉,好煩呀~個心更係想搵多幾千得幾千啦,反正做既野都係一樣,同埋都眼見有冇能力都係咁上架啦,點解分豬肉唔分比我喎,不過呢樣野,我又唔會太強求,比起bb,呢樣野太微不足道喇。

第五,今年老公出trip,本來只係同佢分開一日,第二日打算自己過去會合佢,點之佢間cheap公司唔比佢stay behind多一日,咁我就唔去啦,反正我又唔會話好鐘意singapore喎,好啦好啦,今次係我地第二次分開,第一次分開係07年,我帶住兩個家姐去日本,離開左老公5日,老人與狗,今次到佢離開我地,留低美女與狗,我出奇地開心,出奇地好訓,係佢上機前我係幾掛住佢,第一晚自己一個返屋企好唔慣,不過自己訓左一晚之後,實在太正喇,好想老公去一個月先返囉,卡卡~~

今年係第二年住係深山,感覺繼續好好,好relax,唔駛等lift,慳返好多時間,希望出年新業主唔好加我地租啦,謝天謝地!!

清清清@ka lam

之前hold左karen好多野,好唔想hold佢咁多貨,其實hold hold下我係唔想買咁多,咁好想一次過清左去就算,加上我又想快d拎個袋比佢,所以今日去左ac一趟。

睇返晒之前d野,真係hold左好多囉,只係件franche lippee都要千七呀,其實好鐘意,不過又好貴喎,好彩宜家有件dreams係勁似franche lippee,其實我都有d唔好意思hold左karen件背心好耐,最終又唔買,反而買左件dreams喎。咁hold個d野,仲有兩件osmosis既冷野,兩件都太靚,唔買唔得,另外仲有一件oops冷衫,一個頭飾,一件cardigan,仲有一條scarf,一野過用左3k,財散人安落,2010年最後一次shopping,2011年呢個惡習要改囉,hehe~

(希望改得到)

暖笠笠home socks

想買呢d home socks好耐,應該由上年去日本到今年再去,都係冇買
終於都忍唔住係logon買左一對,即買當晚即著,果然好舒服,因為冇咩彈性,完全唔覺得cool住隻腳,係屋企著真係好舒服,著住黎訓都好good呀,比一般棉襪暖,好正呀!
遲下去買多一兩對替換之得~~

X'mas Shopping

呢d係今個聖誕為左買野而買既野,點解係為左買野而買呢?因為去完bangkok返黎,硬係覺得自己買得唔夠囉,好想shopping,咁又唔入ac買衫,唔知買咩好,最好就係買d搽上面/身既野,因為會用完,唔駛放晒係屋企唔知做咩,哈哈

12月23日,老公揸車出黎接我去睇michelle,睇完同佢d fd打邊邊,因為係朗豪想要free park呀嘛,咁食完飯咪搵d野買下囉,本來係想上logon買satys既,不過又驚上到去close左,見seibu未close,所以買elysambre,呢個係我近排覺得平平地而係organic既brand
左邊兩包係scrub同moisturising mask係x'mas set,$299再加一張$50 cash coupon,好抵呢,宜家我都用緊呢包srcrub,不過不失,所以可以要多一包既,moisturising mask試上手冇咩特別,咁百幾蚊,試下都ok既
右邊個支係一直都幾想試既toner,因為如果好淡妝係可以落埋妝,我唔會要佢用黎落妝,不過我洗面都幾求奇,咁洗完面再用黎抹全面,好似乾淨d,咁$209再減$50,覺得好抵
仲可以free兩個鐘parking,即是慳多$48啦,咁very good囉,卡卡
(買野仲有無窮無盡既藉口)


12月25日,因為要出tst修眉,順便行下街,不過好鬼死多人,想買化妝袋又唔知買咩好,既然我耿耿於懷係bkk買得唔夠多divana,咁唯有係hk再買過,為左要入vip,死買難買要買夠$1500
好彩比我搵到原來老公係lcx vip,咁又有多一個9折,仲可以買$1000 coupon送多$100添,所以搞下搞下,我就買晒成套mango champagne series,又買左sales介紹既milk powder,用黎溝scrub用會更吸收,仲有為夠數而買既大shower gel
yeah~禮成
以後有人用買divana,可用我電話check membership,有85折

呢套就係我好愛既mango series,搵日開晒黎用先得,hehe~

Nic Nic's X'mas Gift

今日lunch同同事行ikea見到好似幾得意,又大隻,又唔貴,所以買黎送比nic nic做聖誕禮物,今日可以拎埋佢去接nic nic返屋企呀

金仔坐左係我公司張鬼櫈度~

去接nic時,佢上車睇都冇睇到金仔,個晚返到屋企都唔係話好鐘意,不過爸爸同佢玩左幾次之後,佢就好似鐘意左金仔,有日仲要拎埋金仔一齊上床訓。不過金仔第一晚就已經冇左一隻耳仔架喇,卡卡

nic nic, merry christmas呀~~~

Bangkok購物篇

今次去bangkok主要都係食下野同埋做spa,不過shopping魔冇理由唔買野,少少都要買掛,所以都買左一d架,不過返到hk一直都好耿耿於懷買得太少呀,所以如果有機會再去,真係要大買特買,卡卡

衫褲鞋襪類:

其實我真係幾鬼鐘意呢個牛仔布袋,好似幾好襯咁,加上之前見過有個日本brand都出左牛仔布袋,當然日本o個個靚好多啦,但價錢差十倍,我覺得呢個真係唔差喎,所以買啦
本來自己又想揀多個,又想揀多一個比大家姐喎,不過因為唔識講價,講完比錢個時個收錢人同個同事笑得好開心,我覺得自己好傻,所以都係唔再買,我好憎講價,點解唔可以明碼實價喎

買比爽爽既衫,呢d tee仲有好多款,有好多動物款,我覺得好靚架,同埋又好抵喎,唔駛hkd 50一件,本來應該買多d,不過真係唔知買咩size好,唯有買兩件1歲先啦,我諗我仲有機會再去既

不同款既拖鞋,毛巾拖係小玲話好好著,叫我見到買比佢,咁我買左對人未拖比佢,我自己都想買人未拖,不過冇size,咁咪買對就咁穿囉,又真係幾舒服。
另一堆係naraya home拖鞋,主要都係當手信囉,個樣都幾好,又平,大家開心下都好呀

未出發之前,我都已經好想買呢d唔係cotton料既cushion cover,因為hk買個d都係cotton,好痴狗毛,如果搵到啱都想試下其他料,想買d靚少少,好少少既,不過靚d個d多數都有d繩呀,有d accessories咁,好唔啱我用,反而呢幾款平平地又唔太樣衰會啱d,好是但咁買左3款

body care類:

去完divana做spa,有張7折coupon,好自然咁買product,買係因為有朋友話正,我又係hk聞過d味,又真係幾好,雖然唔係冇chemicals既products,不過佢地咩都係話用essential oil做,都應該唔差掛,係冇野好買既情況下,點都要買一堆囉
雖然話係一堆,不過我覺得都係買得唔夠多,呢樣又係下次要買多d囉

呢d係o係機場買既,呢個brand真係冇chemical,冇sls,死唔蝕底,臨走都要買d黎試下,如果好用,下次去做埋spa添,哈哈~

零食類:

呢d零食全部都好味喎,真係好應該要入貨咁入,買一箱返黎都唔誇張呢,好抵買架~~~

x'mas gel nail第二彈

真係好鬼鐘意呢個立體聖誕樹,靚到爆
好多謝小玲容忍我遲到,又幫我整好晒d bling bling,呢對甲真係好好好靚呀~~~

tomtom mama suitcase from beyond organic

聖誕節好怕收到不同舖頭寄黎既leaflet,又有box set,又有coupon咁,睇住張紙可以眼都唔眨,反而email會好d,睇完一次可以狠狠地delete(就好似bobbi brown咁,其實佢出個x'mas e/s,我真係好鐘意,不過delete左個email就當睇佢唔到)
每次去睇醫生,其實都好身痕咁想去beyond organic買野兼拎埋free park,今日其實我有目的架,有支控油野已經用完,係時候要買返支,不過冇貸喎,一場去到好似撞鬼咁,明明應該要走,但又唔知點解同sales姐姐講我想要呢set喎,咁我見大肚有期,買定都唔過份呀,同埋65折喎,都ok抵啦
開開心心買完之後睇下張單先知原來個suitcase係有計錢,加埋晒先係65折,如果只計product,成set野係平左$40.5咋,好蠢呀!!!

應該仲有一盒nipple cream,不過宜家未有貨,要下星期先拎,咁都好,下星期拎可以問亞sales姐姐print多張單比我泊車,呢個係唯一好處,當慳多$66囉

Anteprima

round 2買既anteprima,一條長既花花鏈,其實想勾去相機度,不過又好似短左d,唔係好啱,唯有用黎襯袋啦

呢個黑白chain bag係A/W 2010強推款,好靚好靚好靚呀!!!

我的Do Organic

自己去日本個時其實都掃左一堆do organic既travel set,因為真係抵到笑,到左心心去個時,我又搭佢買,今次冇左travel set單買,係連埋新出既cleansing oil一set賣,仲抵呀,係cleansing oil一支既價就有多一set travel set,我宜家又多兩set喇,正!!

呢個係心心送既boots clip,豬喎,係唔係應該比老公用,唔係我用呀?卡卡

飲茶四人幫

中學時我地4個係幾fd架,咁4個人入面,唔會每個都好好好熟,其實最唔熟就係我同昭昭既關係,不過每次佢返香港,我都會覺得好開心,就算冇咩好講,見到佢都會好開心。
本來星期日大圍人已經食左一次飯,不過就係因為太多人,都傾唔到計,所以叫左陳積玉試下約多次飯局,我好想我地4個女人(已經唔係後生,真係唔可以叫自己做女仔,好似細路仔咁)傾下計,8卦下咁。真係好好彩,居然係超超返美國前可以再見面,今晚餐飯開心好多,講野多好多。之後再上埋黃寶美屋企就更good,昭昭老公好醒咁自己返左屋企,ricky一返到屋企就入左廚房執野,真係識做,所以我地幾個可以係個廳度暢所欲言。
好開心好開心,係咁傾係咁傾,雖然我地聯絡好少,不過一見面都仲有好多野可以講,勁呀!
真正既友情,真係冇論過左幾耐都係不變!!

超超,你唔好咁耐先返香港一次啦,好想快d可以再見你呀!!

同場加映今年第一份亦可能係最後一份既聖誕禮物,thanks Nicole!

Happy Day

今日行程好緊湊,先係湊nic nic去沖涼先,再由tko去central睇michelle,睇完michelle要去拎yen同埋食lunch,跟住要去整gel甲,不過去緊mk個時,nic nic已經沖完涼,所以老公放低我之後就返tko接佢返屋企。
去到mk實在太早,所以去左始創行下,d野真係好貴,點解我以前會覺得佢平過家樂呢?仲要冇得試,好彩只係買過兩件衫同一條褲姐,只此都冇再中招喇。
未去到始創前,去左睇狗,見到一隻蝴蝶犬,唔似cookie架,不過都即管試下叫佢cookie,睇下佢應唔應先,結果係唔應,哈哈。事後老公問我,如果隻狗應我咁點,我話我咪會打電話比你話搵到cookie,跟住買佢返屋企囉,哈哈。不過大家姐好清醒咁話,隻狗打齊針都係3幾個月啦,cookie走左兩個幾月咋喎,佢更係唔應你啦,咁又係喎,卡卡~ (不過如果有一日我遇到一隻佢令我覺得佢係cookie既狗,我真係會買佢架)
行左一輪係許留山買左野上小玲度,食完就差不多可以做喇,初時諗住x’mas前都仲會整多次,今次唔整x’mas feel啦,揀揀下都係決定整一個雪花款,好靚呀,紅白色咁~

之後再打電話約下大家姐去apm,叫老公到時先出黎,我咪係小玲度同color玩下先走囉,今日拎左個老翻mcbee cecil chain bag,真係好死靚。同場加映皮褸同斗蓬一件,哈哈!!

悶爆dept dinner

唔知點解所謂大公司好似搞team building,其實我覺得好冇聊,去左我又唔會真係開心d,又唔會enjoy work life多d,唔去只會比人話你唔投入,真係好想爆粗。
上年我好似好好彩escape左,因為我冇印象我join過,我懷疑我係放緊假/要返學,今年冇得走,咪去囉,首先要打散晒d人坐,已經係好冇聊,好似唔比人搞小圈子咁,每枱係分到每個section 2-3個人咁,勁白痴。跟住又要有白痴game,d野又唔好味,成晚都好悶,好彩都叫快完。
點解咁悶既事都要record低呢?
就係因為老公除左肯黎接我,仲失驚無神帶左nic nic豬黎添呀,我離遠已經見到好似nic nic上左車頭,不過老公又冇理由車佢架,平時要我出聲,求佢好多次先會架嘛,今日咁好既?我仲以為自己眼花,不過當我行近車,我又見到nic,nic又見到我,真係好開心呢,哈哈哈哈~~
返到mos仲同佢散下步先返屋企,開心到呢,卡卡!!!

Jim's Birthday

今日係老公「生實生」大壽,係唔係真係實生呢?卡卡
放工如計劃進行,搭van仔出mk買鏡頭,好彩今日唔多人,一見有個較後生既sales得閒就問佢個鏡又咩,其實總之佢係平過百老匯我就會買,所以一聽完就話要一個呀,佢開個鏡比我check,除左check有冇花,我都唔知check咩好,再安埋落機比我試,佢叫我試下個focus,我咪真係只試focus囉,都唔知點試好,哈哈。唔駛5 mins就買完,仲有好多時間就上左去先達搵好樣少少既iphone case啦,我終於都的起心肝叫小玲幫我整bling bling,行完一輪覺得個樣好d個款膠殼就係log on賣個隻,咁我不如log on買啦,貴一蚊之嘛。另外我見到先達都有得換iphone底,仲要180蚊咋喎,不過好彩冇我個色,有個類似既,不過個apple係黑色,個shocking pink又冇我o個個咁亮,好彩唔似,但其實我都覺得自己有d傻仔,但算啦,我都用左兩個月,用得我好開心呀,哈哈。仲有一個奇景,我真係見到有2-3間舖有人放緊iphone,係10幾部咁放,拎住一疊1000蚊紙數緊,香港人真係好癲,咩都可以炒一餐。
行完一輪先達都係去LH去一轉,順手去logon買埋個case啦,經mtr行過去會經過一間賣nuts既舖仔,買過幾好味,所以幫老公再買啦,之後就直上logon,冇冇聊聊係度研究mascara,發現原來都係溫水就可以卸,真係好鬼好,係趕時間又唔係好知要volume定lengthen既情況下,我兩支都買左,又因為買夠300蚊cosmetics有噴頭髮香野送(唔知點解一聽到有野送就好似唔蝕底咁),明明有一支nail essence oil係o係想買同唔買之間,一聽到有野送,雙眼發光,咁就買左,連埋個case,over $500又有個logon環保袋仔送,好似好多野咁,感覺好開心。
買緊既時候,冇帶電話既豬生話自己放工喇喎,咁我咪約佢去faye fashion等囉,因為我都冇野再係LH行喇,自己一個去到家樂個時,鬼主意又黎喇,將係logon買既野放晒入自己手袋,再放個鏡頭係底,放兩包nuts係面,諗住就咁送比老公,我都估到佢一定係只見到nuts而會有d失望架喇,哈哈。
當我好開心係faye揀衫個時,佢就到左,我都好不經意就比左個環境袋仔佢話送比佢,不出所料,佢車左我一聲話“係咁咋?”,我冇理佢,當聽唔到,自己好開心咁揀衫,最後買左兩件褸同一件op走,真係好開心呀!!
一出舖頭我就問老公,你真係覺得我只係送nuts比你呀?佢話:“咩唔係咩?”,我答: “問得你就即是唔係啦”,個時佢先識好緊張咁拎起面頭d野先見到真正既禮物,真係好好笑呀,點解會有人咁單純架?就算我真係只送nuts比佢,佢都可以拎起睇一睇掛,其實只要拎起是但一包,都已經見到仲有好野係入面,wakakaka!!!呢隻豬好易氹,而我又真係幾enjoy整古佢,卡卡!!

買完野我心情勁好,落樓下打的過the one,直上今日既目的地 – wooloomooloo
一上到去環境氣氛勁好,再行去我地張枱度就更加開心,真係arrange到window seat比我,仲要係單邊,好舒服好正呀!食物同service都好唔錯,個主菜唔可以話好好味,不過ok啦,不過d starter好正,叫左oyster同蟹餅,兩樣都好好味呀!
食到好飽好飽,當亞鬼佬waiter過黎執枱個時,我仲好細聲叫佢可以起蛋糕,我打電話order個時明明話叫起都仲要等20-30 mins先有架嘛,點知唔駛5 mins就到左喎,見到呢個hot chocolate cake真係覺得好飽呀,不過佢都ok貴呀,我都夾硬係左兩round,上cake個時餐廳幫我地影左張即影即有,我覺得好開心呀,呢度個感覺比amigo仲好,我始終都係叻過老公,我安排既野始終係開心d,yeah~~~

老公,生日快樂,開開心心,身體健康!!!

Jim's Pre-bday Celebration

今年老公生日,我只係一早諗好買咩,去邊度食飯都只係早一個星期search下,好快就決定同book埋,因為個間餐廳都可以pre-order cake,所以我諗左好耐仲好唔好0:00同佢切蛋糕呢?
諗來諗去,都係匆匆忙忙星期一出左去tst paul lafayet訂,然後好快咁返屋企,咁就神不知鬼不覺喇。
到左星期二,老公居然好快放工,我趕唔切返屋企,所以反正都係,拎完蛋糕就去左beerhall買豬手同腸仔返去整個pre-bday dinner比佢啦。
返mos個時約左佢係車度等,居然係我等佢,都唔知有冇搞錯,見我拎到一手都係野,佢當然係好開心啦,咁我都覺得自己ok成功既。
返到屋企,nic nic好開心見到隻豬手,口水係冇等過,食食食,食到好飽個時,豬先生忽然一句:「唔得呀,好飽呀,仲要食蛋糕,食唔落喇,唔食喇」
我聽完已經係極度唔開心,不過都冇出聲,算啦,反正係過多幾個鐘先食,又唔係宜家食,點知呢隻豬,食完野冇端端入房訓,話好眼訓要訓先,都白痴架,即是夠鐘我仲要去叫醒佢,同佢講happy birthday呀??呢d咁既豬人,下年 or 以後都真係唔駛再為佢花心思,買孖寶蛋糕比佢就夠,都真係唔好嘥氣,一d情趣都冇。到夠鐘個時,我係用衫係咁fing佢,再叫nic上床attack佢囉,哼~~~

Anyway啦~老公,我已經係第二年祝你早日發達同早生貴女架喇,快d願望成真好唔好呀?

自選新加坡手信

在書中自選叫老公買給我的手信,哈哈~~

package都幾靚

味道都唔差,好味!!

沒有老公在身邊的4日3夜

由拍拖到結婚,到老公分開的日子寥寥可數,第一次是07年我到日本入貨,去了5日4夜,因為去了日本,當然完全沒有不捨得的心情,開心得很,卡卡。今次是老公出trip,本來我會從來加入,可惜他的cheap公司不準他星期日回港,所以我都取消行程,由他一個去吧。
出發前我可以做的,就是買了旅遊書,兌換外幣,執行李。11月17日,如常上班(cheap公司要他返am,真是cheap得很),今朝離開他的時候真的有點不捨,不捨是擔心他,又有點兒不開心,直至上機前再跟他通電,我還是有點不捨,有點難過。到放工的時候因為約了二家姐出tst,心情又好像平常一樣,不過回家的時候,感覺不良好,好像很可憐似的,但回到家見到nic nic,什麼事都沒有了,家裡還有nic在等我呢。第一晚自己一個訓覺,nic除了醒了一次之外,全晚都很乖,又沒有癩vv,我又訓得相當好,感覺好爽。
第二天約了我的舊同學,今次是我們第一次單獨行街食飯,快快樂樂又過了一個開心的晚上,原來真心的朋友,就算多久沒見,多久沒有傾談過,那種朋友的感覺是從來沒有變過,好開心好開心,今天晚上因為開了房門訓,我居然一覺訓天光,感覺感良好。
第三天,wfh日子,上午在家還是呆下呆下,下午開始敷mask,沖涼等等,準備今晚魔魔集團gathering,好開心呀,我們很久都沒有出來gathering,又不用趕回家,感覺極好。今天是我最後一晚有覺好訓的日子,亦是訓得超好。
星期六,老公回歸,見到他是很開心,不過一想起我又沒覺好訓,我情願他去多幾天,而且nic nic都沒有半點掛念他。算把啦,我和nic nic兩個都已經生活得好好,老公,你可以放心出外工作,不用擔心我們了!!!!哈哈~

Issey Miyake – Limited Edition

香水既野,唔買10年都應該唔會用得晒,唔知由幾時開始有一鋪儲香水既癮,不過我又唔會咩都儲一餐,見靚又買咁,我最迷戀暫時都係nina ricci既蘋果香水,有咩新款出,我都唔會好理個味係點都會買(其實sales次次都話個味有分別,如果唔compare,我真係分別唔到),另外nina ricci雀仔個款我都會儲,不過數量唔多。其次應該係marc jacobs既daisy,第一樽應該係青色花,唔知點解個期好鐘意青色,所以要買,之後又有粉藍,又冇端端買埋黑色同銀色樽,反而最classic個隻白花遲遲都未買,宜家又有一支紅身黑花,靚就唔係好靚,不過都幾想儲齊架,仲有lola,買左一支100 ml,50ml個樽其實都幾唔同,又係幾想買,不過都係停一停諗一諗先啦。
Kenzo係以前幾鐘意既brand,不過已經冇再買喇,宜家有既款都係好耐之前用開,新既冇買好耐,聞聞下都唔係好鐘意佢d味,尤其是個支flower,d味越來越難接受。
講左咁耐,其實就係想講新寵 – Issey Miyake,自從買過一支木樽之後,見到出limited都會想買,之前有支橫間紫色,我都ok鐘意架,不過老公又話唔靚,所以冇買,宜家出左支全黑色,型到爆,加上sales話hold比我,感覺好vip,所以二話不說就買左,其實宜家買香水都幾好,通常都會送around 30ml既body cream,又有幾支sample咁,我記得以前要拎sample好似好矜貴架,要買幾幾多錢先會有一支細細支香水版,宜家唔出聲都已經有好多,好開心呀,雖然我唔會用呢d body cream搽全身,不過又忽有奇想,其實用黎搽前手臂都ok啦,香香地,感覺唔錯呀,呢d細細支既香水body cream終於可以重見光明喇,卡卡~

My Best Friend Wedding

恭喜晒fion,祝你以後都開開心心,幸福快樂,最好就係肥返少少啦!!!!
我好開心見到你開心呀!!

Happy Shopping Day – Beyond Organic + Bobbi Brown

今日睇完michelle,我又有野想係beyond organic度買,所以又借free park做藉口去買野,今日買左cleansing同face cream,cleansing真的有需要,因為用了一舊do organic soap,都係時候要轉一轉第二個brand,之後先再用返do organic,隔住用冇咁悶呀嘛,face cream有d pat痕而買,第一是因為想儲分,第二試上手感覺真的很好,是是但但便買吧。

用單拎完一張free park飛,老公好醒話不如泊車係ifc,咁我又唔蝕咁返轉頭問sales姐姐可唔可以print多張單比我,就係咁,我地有兩張3 hrs free park,出一出車再泊返,我地就搭地鐵去cwb行下。第一站sogo,好多人好迫,冇新香水買,賣衫又亂到7彩,完全冇心機睇,不過臨走行過bobbi brown,記得有set eyeliner+shadow既set好想買,就埋去問下(要問先會拎出黎),好快就決定買啦,set野$395,我比左$500佢找,sales居然話要等1個鐘喎,於是我地好努力咁搵395出黎,唔駛找錢就走人。

行完sogo,去左peach john睇home wear,又唔係話好鐘意,不過買一套又幾貴喎,所以都係唔買啦,之後的world trade pet line度好開心咁揀左4件玩具比nic nic豬,希望佢鐘意啦。再之後行左一轉franc franc,又冇野想買,所以打算返ifc拎車,去到car park,豬怪居然話唔見左張飛喎,真係比佢激死,明明計啱晒數,唔駛泊車架嘛,咁都可以唔見,比我鬧左佢成程車,哈哈!!!

好耐冇買野,今日買得ok開心,不過一晚間,nic nic已經咬爛左3件玩具,爸爸激到噴火!!!!!!!

Japan Trip後記: 日本好hit既辣油

其實我都係睇人地blog先知宜家日本人好hit係辣油,所以今次去到日本都有專登留意,係第一站富山既時候已經見到好多,不過冇理由一路拎住幾樽野9日架嘛,所以冇買,一直都話去到大阪買
不過第二日去到信濃大町間酒店,終於都忍唔住買左右邊個兩樽,信州牛辣油都應該真係得呢度先有,咁一不離二,所以是但買多一款,好彩就係呢日買左,之後既行程係冇見過,可能冇行supermarket啦
最左個樽其實係燒肉用既醬,好明顯係亂買~~

d辣油係hit到會賣廣告,所以一定要買黎試試~~

Beyond Organic

幫襯左beyond organic一段時間,我最鐘意係do organic,可能係日本野啦,同埋我幾鐘意佢個d淡淡既香味
其次係amala,其實佢d野so far都幾好用,不過越買大size先會覺得抵d,但大size個價又喪貴,唔係好捨得買,有時好pat痕先會買

圖1: 左邊係amala乳酪mask 150ml,巧貴架,不過當平時買既mask係 50ml幾百蚊,將個價除3,其實又好正常,不過一買要買一大支,所以好肉赤。但係呢支mask可以當sleeping mask用,之前勤力一個星期用一次,第二日起身個面真係好似叉滿電咁,真係正架!
右邊係do organic既face cream,以為佢係好杰,會lam啦,點知又唔係,只要跟返建議份量,一粒珍珠大少少用全面,吸收得好快,好舒服,而且do organic所有product都可以用埋眼,真係好得

圖2: 又係放血時候
左: do organic serum同extract lotion, serum主要想試下去眼個少少紋,因為係呢個brand既皇牌,extract lotion一直都有用開,因為beyond organic唔會再入do organic喇,所以買多一支看下門口囉,so sad~
中: 三支細細支係x'mas出既handbag,有個袋仔,一支貨size新出lip gel,兩支15 ml唔同line既hand cream,其實真係貪得意買下,不過兩支hand cream袋出街真係好唔錯架
右: 係今次shopping最想買既野 - body oil, 自知一到冬天就會乾到爆既我,一定要搵到body oil用啦,之前試過既都唔覺好好,又唔係organic brand,所以今年買呢支試下,仲神神經經買定預防妊娠紋既germ oil添,希望可以早d用啦!!

圖3: 同場加映都買左一段時間既melvita防曬,貪佢係物理防曬,度數夠高,點知一d都唔好用,以後都唔會買

Simple Nail @ Nov 2011

今次又要整腳又要整手,所以手揀左個好simple既款,兩隻閃粉手指,三隻深紫底+畫花,d花好令呢~~
今次整simple,好平,覺得好抵呀!!

Organic Skin Care: elysambre

唔知睇咩雜誌而認識呢個brand,不過一直對facess既counter真係冇咩好感,所以遲遲都冇去趁下
有一日冇端端走左去趁,仲買左一樽face powder,一支裝powder既brush同埋磨沙,我一直都以為face powder+brush係$409,不過買完第二日硬係覺得個價唔多妥,所以上網search下睇下見唔見有價錢啦,原來係brush $409, face powder $199。好奇怪,好奇怪,於是打去counter再問清楚,原來真係尋日條38講野唔清唔楚,仲想屈我誤會左,唔好屈我呢,聽數字同優惠係我強行,我100%肯定係佢亂咁講,誤導左我,所以我要求改買set,因為差$91可以有多一支base同一支lip stick,不過呢條38態度好差,但係我唔會同錢作對,一定會出去換返。
最後一日可換既日子出去到,只見一個哥哥仔係counter,本來我唔鐘意哥哥仔serve我,但係得佢一個,是但啦,點知呢個哥哥仔應該係一個姐姐仔,都ok好傾喎,講解都幾細心,明知我係換set都好比心機同我揀色,所以我幫襯佢買多一個corrector(其實係因為我頸有幾粒大瘡,又留低幾個大印,唔想用bobbi brown既correct,始終都想用返冇chemical既野,所以一試啦)
最後最後就係買左下面既一堆野:
1. brush, 2. 有色base, 3. face powder, 4. 磨沙, 5. corrector, 6. 冇色lipstick, 7. 冇色base sample

其實我真係好鐘意呢支brush,因為可以放powder係後尾,又有個絨袋裝住,又唔一定要裝佢d powder,幾咁好呀

report: 暫時只係用左一個星期佢個corrector,遮暇唔會話非常好,不過真係可以消下炎同淡印,d大大粒既瘡居然細左,而且d印都算退得幾好,只需$120一個,真係好抵呀,不過個case要$129就好貴,因為我唔會帶出街,冇case都唔緊要,照放返係package個紙盒度都ok啦!

Halloween Gel Nail＠Oct 2010

好cute既halloween甲呀!! d鬼仔真係好得意,有男仔有女仔,隻蝙蝠好立體
我好鐘意呀!!

失去cookie的第四個星期

今日係cookie四七,其實我冇任何宗教信仰,不過跟佛教個概念去諗野會令我覺得安心一點,之前睇過話動物同人一樣,都會輪迴,有7次機會去投胎,今日已經係cookie既第4個機會喇,唔知cookie去左投胎未呢?如果投左胎,唔知宜家開唔開心呢?做返動物定可以做人呢?
無論cookie做咩都好,最緊要佢過得開開心心,好似做cookie一樣,因為都訓,食,懶洋洋咁enjoy her life!!
Cookie,我今日搭車返工個時又向住個天同你講左一陣野,希望你真係開開心心,唔好再掛住我地喇,我地會放你係心入面,你開開心心咁再面對你既新生活啦!雖然我每次諗起你都仲會好心痛,好難過,難過係如果我一早知你有呢個病,我唔會要你做手術,會比你食好多好多野,等你食到飽飽先走,同埋唔駛打開個肚,唯一我諗到做左手術既好處就係你走個時個肚可以平返,唔駛帶住個腫瘤離開,點都好啦,你走左係事實,我可以做既都做晒,希望你係過去14年係如我所見,你真係開心過每一天,好多謝你陪左我咁耐,thanks cookie!!!
I LOVE YOU!

Snack from Japan Trip@2010

今年去日本雖然係去左3個唔同地方,不過冇咩時間買當地特產,最後一日,好夜好夜先去是但買,所以d野唔太好味

圖1: 買比bob bob同nic nic既零食,原來tokyu hands有狗狗零食,大部份都係made in japan,仲要好多hk都冇,買既時候以為好多,原來分開比兩隻,一隻都係幾6-7包,不過已經要6xxx yen喇,好貴架!!
圖2: 尾2晚,舖頭就收舖先入去買野食,叫做買晒關西限定既野,不過唔係樣樣都好味,得個拎字

圖3: 最後一日因為搭早機返hk,等機場巴士個時,都唔放過要去便行店買多轉零食,呢d好味好多,總之一早去便利店掃好過啦

後記: 第日都一定要搵d時間掃超市,如果唔係買唔到好味既零食~