Yoyo Kids Land日本童裝

Yoyo Kids Land終於都有over 50個auction喇,一直以來我都好想實店同網店同埋進行,不過之前時時都有藉口唔去搞yoyo kids land,不過唔知點解近排又ok喎,我分別用公仔同姨甥黎影相,我自覺影左出黎效果ok,都幾清楚,希望yoyo kids land可以為我帶來多一點收入吧。
http://hk.user.auctions.yahoo.com/hk/show/auctions?userID=yoyokidsland&u=:yoyokidsland
(各位朋友,請幫忙多多宣傳yoyo kids land,如果朋友介紹,平得既,我一定會計平d既~~thanks a lot)

Nic House新型象

雖然舖頭係冇錢賺,不過我同老公都決定放棄sofa買左幾個新櫃去令間舖有少少唔同,同埋似多d日本既裝修,我地上網同睇書都睇左好多日本童裝店既裝修,發現佢地都係好鐘意用木架同用木黎裝修,裝修我地冇得再改架喇,唯有加多幾個木架扮下野啦,宜家換左個木架,放bottom會方便好多,而且仲好似好揀左,不過都係換左兩日,唔知d客既反應係點,但我個感覺就幾good囉,至少終於都可以掉左張非常非常dirty既sofa喇,哈哈哈哈。
放左呢個架之後,牆既display會掛少左兩套衫,不過我宜家都show同一套加一件衫係架上,都ok啦

table上面放多一套衫做display又係抄雜誌架,我覺得都感覺真係幾好,對於舖既display同入貨,其實我真係幾滿意架,不過真係唔知點解會冇生意既呢?

發夢

我同老公最最最相同既地方,就係閒來好鐘意發下夢,發表一下我地既「偉論」,眼見日出康城好似勢如破竹咁,冇理由同佢最近既荒島唔會升到發癲架,於是我同老公又再一次盟生賣樓既念頭,今次連6299都叫我地諗下有冇d咩野可以投資下,我既目標係要5年double我地既「身家」(係賣完樓得黎既身家),投資項目包括有買taxi,買樓收租同埋買舖,係呢3樣野入面,我覺得最可行既係最taxi,根據62比我既有限info,買taxi應該係最穩陣同埋好似係賺硬咁架喎,不過6299十次係有九次老點我地架,所以今次既「偉論」應該都係過眼雲煙,發達?今世都係同我冇緣架喇!!!!唉~~~~~~

新年新開始

今日係1月11日,踏入左08年已經第11日,非常憂愁既我真係唔知仲可以做d咩,生意先會蒸蒸日上呢?滿以為11月創出10搵3萬既佳績,以為終於可以達標,點之之後既20日強差人意,踏入12月又以為聖誕節d人會好高興咁買買買,原來又唔係架喎,不過average都同11月差不多,都叫好啦,不過一入08年,除左1月1日之外,冇一日好架喎,今個星期係開舖以來最最最差既一個星期,開足8小時,一日先得2-300,真係唔死都唔得呀,唉,超級心灰意冷既我,真係再諗唔到有咩可以再做,唯有寫寫blog發洩一下啦~~~~
(其實我已經入左一d幾啱新年既貨,不過無論我係上個月訂既貨定係尋日先訂既貨,都要下星期先到,真係激死我喇!!!!)

08閃爆gel甲登場

拆去x'mas既甲甲,今次又勁現石,第一次用大大粒既石,非常非常閃,好like呀,不過望望下又覺得冇咩特別,我次次都係石石石,好悶下,下次都係畫下花,加少d石,見得多真係有d厭厭地,人就真係犯賤,之前死都要好多好多石,宜家又覺得好悶,我都算係一個幾要新鮮既人,好難服侍呀~~~



後記:由於上一次唔記得一次過book手腳一齊整,腳甲長到好似恐龍一樣,於是我忍唔住自己剪左去,我又唔覺得有咩問題喎,唔現啦,腳我會暫時唔整住,我自己剪下挫下就算,同要show出黎時先再諗下仲整唔整gel啦,又慳返,卡卡