由冇到有

返工第三日,我終於都有自己既email,不過自己個login都係未用得,不過一有email我就非常極之唔開心,因為真係比我講中,我係冇external email架,死得啦,一定悶死我呀
懷著極之唔愉快既心情,終於都度過左呢一日,我一放工就巴巴巴,係咁搵人黎鬧,除左做bct個1年我冇得上網同冇external email外,我係冇試過冇呢兩樣消閒小幫手架,唉,好啦,鬧完一晚,第二日都係要返工
第二日一返工又試下自己個id啦,終於都用得喇,我仲懷有一絲絲既希望,希望可以有得上網,點知個答案係… … … NO呀!!!
唉,又係超級唔開心,不過係我亞姐出左去食飯既時候,我見到前面個contract好似有得上網喎,佢好似睇緊d唔係工作既野,碌碌下碌碌下,我見到佢睇yahoo新聞呀,我即刻好緊張問佢,你點上網架?我冇得online既,佢就答我,我唔知呀,我一有自己login就有架喇,我仲以為人人都有,咁我當然係叫佢幫我整啦,不過佢話佢唔識,um…我都冇法,唯有去左食飯先
食完飯之後,以我有得玩就死唔放棄既精神,連一個電腦白痴都走去click d setting黎睇,我睇睇下覺得有個位我係應該入野架,不過我係blank左,咁我就問下前面,佢個setting係點,佢都係同我一樣係blank,不過就比我見到另一個同我唔同既setting,於是佢非常好人地,print screen send左個email比我,我一入返d野,哇哈哈,yahoo我黎喇,我終於都可以上網,仲要連web email都冇block我,咁我就有返自由喇,可以上網,可以send email,可以寫blog
星期五下午,我上足4個鐘的網,很開心很愉快,哇哈哈哈哈!!!

上班了

由2007年7月開始就沒有正式返工既我,對於要開始返工,的確有d恐懼,我既恐懼應該由我去in呢份工開始:
話說我隻死肥豬一味叫我搵工搵工,今日send完cv出去,第二日就問我有冇人打比我,煩煩煩,煩到我同佢鬧左n次交,我唔係唔想搵工,都要好做先得架,是是但但搵,我咪又係唔鐘意,又係黑口黑面囉,但我從來都冇覺得過佢有理過我感受,一味想我快d有工返,快d有人工,唉~~我都知我地間舖係養唔起我,雖然係急,不過我真係好憎人迫我同吹我,係好憎好憎,我記得細個,父母從來都唔會理我既功課,我只會自己做,做完亦都唔會report比人知,總之我第二日返學會交整功課啦,考試測驗甚少過問,不過有時都會問下,如果我答「未做呀,睇埋電視先」,若然我亞媽都叫我快d做功課啦,快d咩啦,我一定會坐係度,郁都唔郁,你地訓晒,冇人理我,我咪去做囉,我就係咁,你越迫我,我就越唔做,所以我對於今次肥豬既所作所為,我今時今日都仲係好嬲好嬲,亦都令到我應承自己,一日我仲有能力去搵錢,我係會自己搵比自己,我會努力搵努力駛囉,費時用人地d錢咁激氣,所以由宜家開始,我都只係希望我自己發達,我唔覺得老公發達我會開心囉,我唔知係自私,任性定係咩啦,提早退休呢個夢已經醒來,我唔會再諗,總之我既願望係做一個高人工既蛋散,哈哈
好啦,開始有多d工有聲氣,我都一早話左contract我唔做架喎,佢又叫我去見,我都一早同佢講,就算請我,我都唔會做架,因為我知道係bank做contract真係好二等架,冇咩人會理你,同你做野既人會唔係好肯講咁多野你知,唔會正式介紹所有同你有關既同事你識,分分鐘連external email同上網都冇架,所以我真係超級唔想做,不過同呢間公司deal既時候,由初初比唔到我expert既,到整多個約滿金出黎,都算ok啦,比起以前,我確實係多左人工,不過我係呢一年裡面,一定一定唔可以sick leave囉,一日都成千架喇,我絕對唔容許自己病,我死都要死返公司,哈哈(呢個係我一年裡面既目標)
由見工到有offer,我已經有萬個不滿,加上為左份工又鬧過n次交,所以係超級唔願意既情況下,終於都到左返工大日子
首先係冇返工既日子,我日日都會同我既寶貝仔落兩次街,我宜家已經可以令佢唔再係屋企度大小便,我覺得好成功架,屋企真係少左一d怪味,同埋都唔駛做下洗洗洗,洗到手都爛埋,所以呢,由我有offer開始,我就同nic nic講,媽媽好鍚你架,我會6點起身同你落街,跟住先返工,但係隻死豬都話我唔會起到,哈哈哈哈,我就叻比佢睇,第一日雖則做唔到6點起身,不過都6:30起身,7點3同仔仔落街,7點9返屋企食埋個breakfast就返工喇,我都真係覺得自己好鍚好鍚nic nic,從來都冇力量令我會早起身,自從出黎做野開始,我遲到既日子真係比準時多,所以今次真係好勁,引以為傲呀!!!!
返到公司,我亞哥同我brief左一陣宜家project既進度,跟住就到亞姐入黎同我講details,很悶啊,我差點訓著了,好彩11點聽完晒d briefing就返自己個位發呆,呆左一陣間,亞姐同亞哥去左食飯,我就一身鬆晒,lunch時我當然係同我可惡既老公食啦,一路食我就一路鬧佢,我都唔算係鬧得好開心架咋,不過我見d同事同個environment都冇咩特別唔高興,所以我先唔係鬧到佢上天咋。
食完lunch,最眼訓既時刻終於都到喇,我係3點多時,終於都忍唔住入左toilet眠一眠,好好彩呢度個toilet係超級乾淨,比起ifc two還要乾淨,真係very good呀
訓完一陣,總算ok啦,冇驚冇險,係6點多我就放工,終於都完成第一日既扮工作既日子。

行山

記得前幾年,媽咪同大家姐好鐘意相約行山,我也有跟過一次,不過我真係覺得好辛苦,所以冇再跟第二次,今日約左大家姐同兩隻小鬼放狗,其實冇打算行山架,只係想玩下,不過平時去開既海濱長廊好多狗仔呀,為免掃興,唯有轉移陣地,就係行去草地。
平時我放狗,我行一段直路就會走架喇,今次兩隻小鬼好似行極都唔攰咁,所以同佢地行高d囉,段路其實好短架咋,不過對肥大肉厚既nic nic係一件好辛苦既事,所以行完之後,佢同死狗冇分別,橫屍街頭,哈哈!!!



Nic Nic個樣的極度辛苦,返左屋企之後佢訓左好耐好耐,連第二日都好似未recover得到咁,乜都慢幾怕,真係冇鬼用呀!!!

小吉又來了

同我熟既朋友都知我屋企養左一隻小吉,佢鐘意食相機,搖控,八達通,本來佢係八達通我都費時post上blog比人知架喇,但係今次佢食左我把新遮,我都真係不得不將佢既罪行比大家一齊睇,唉~~~每次見到小吉食我d野,我都唔知係好嬲定好笑,鬧...我係會鬧,不過鬧完我又真係覺得好好笑,比大家睇下佢既傑作啦
咬到面目全非既access card同octopus