Swimming

好野,今日媽咪又帶左我同booboo一齊去游水呀,不過我未去到狗公園,我係車度又嘔,都唔知點解我次次都嘔,可能我唔可以坐好耐車
嘩,今次一樣係好開心,除左同booboo反,我仲同一隻10個月大既金毛打交,有相架,係唔係打得好型呀?哈哈
真係好開心,一個月游兩次水,不過媽咪話今次係今年最後一次喇,因為天氣會開始涼,要出年先可以再游,不過都唔緊要啦,我宜家覺得好幸福呀,爸爸媽媽成日車我周圍去反,你睇下我跑到耳都飛起就知我好開心啦,嘻嘻

Facial

哈哈哈哈,又話做完宜家仲有個14次facial就唔再做,不過今日又加左12次喇,不過呢兩次去都好舒服,又乾淨,仲要今次係3800有12次,一樣有返晒美白個d,仲有就係連頸喎,唔駛額外再加錢做頸,都ok既,做埋頸白好多,算啦算啦,宜家個個星期去,去到big day都做左8次喇,都係多左4次,一係一直都係一個星期一次,係咁做,係咁做,睇下塊面會唔會靚d囉,宜家咁用左3800,同上次我想去csb join 4000都係差不多,我計過比4000就大概可以做11次,不過唔知會唔會要我加咩加咩,宜家係covermark,話晒都叫有個熟d既人,拎sample又容易,同埋今次都駛得開心既,算囉,最緊要係靚呀嘛,嘩哈哈

新相架

尋日自己一個放左工,因為做野太辛苦,所以要去行下街,開心下,本來係想搵下有冇d好閃好閃既石用埋反手指,不過石就搵唔到,就搵到對好靚既涼鞋,仲要係有金有銀色,兩隻都靚呀,我仲諗住買對銀啦,點知36又唔啱,35又唔啱,其實唔係個size唔啱,係個款我著唔到,佢最面個位我著唔穩,所以咩size都係唔啱架,好失望~~
不過行行下,又見到個好得意既相架,係一舊四四方方既水晶相架,好得意架,佢係用折射既原理,令到唔同角度可以見到唔到既image,就係咁比佢吸引左我入呢間舖,跟住比人sell sell下,自己又睇睇下,又買多一個紫色硬膠相架,跟住佢又sell我另一個lego相架喎,我見$42就買啦,都好平姐,最貴個水晶cube相架都係$138,個紫色就$32,見咁平就買買買囉,就係咁成惠212大元,卡卡
駛錢真係好開心~~~~

做~~~做~~~做~~~

做做做,做鬼死我喇,個it八婆真係好煩呀~~~~跟佢既其實都好煩,不過好佢dd囉,唉,可唔可以再唔同佢地合作呀?
佢地都short架,一早問又唔彩,宜家冇時間喇,又話好樂意答你,去死啦,好唔好呀?我都係想搵兩餐姐,大家合作d得唔得呀?都真係short short地架,唉~~~~

大隻nic衝出馬路事件

尋日落街時,媽咪一見我痾完ng ng,就放左我自己行,不過個度我係可以自己出馬路架,媽咪有信心,我唔會出去,不過最終我都行左出去,仲好似好開心咁「嘩,正呀!!!好大條路可以跑呀」
不過我一行出去,爸爸就追左出去救我,佢仲跌親添,返入行人路,媽咪已經拖返我,跟住問爸爸有冇事,爸爸發緊脾氣,佢唔彩媽咪,其實媽咪好驚,好驚我地兩個有事
不過爸爸就鬧媽咪唔緊張佢,好似若無其事咁,仲鬧到媽咪喊,跟住又’鶴’媽咪,好大聲鬧佢唔好再喊,我知媽咪好唔開心,一直都好唔開心,不過爸爸都係咁鬧佢
我唔知呀,唔知媽咪同爸爸做咩呀?媽咪又好似有佢道理,但係爸爸都好似冇錯,不過媽咪喊,爸爸係唔應該仲大聲鬧佢架喎
都唔知點呀,我想佢地開心d,我下次唔會出馬路架喇

Our wedding website

仲有55日就結婚喇,我地個wedding website終於都update左喇,不過有d野錯左呀,上輯相,我地係winter 2005影架,唔係spring 2006,仲有呀,點解開頭個flash opening唔好新相既?我見人地都有轉新相啦,我都仲係用舊相,我真係要反映下先得呀,不過有一個好處就係個movie真係可以double click就變大左,好得呀,卡卡卡卡
真係要鳴謝nicole同我反映,多謝多謝

www.joy-to-world.com/carmanajimmy

肚痾

星期二,媽媽胃痛,所以係屋企陪我,唔知係唔係因為我見佢唔舒服,我自己又唔舒服呢?下晝既時候,我無端端痾完一次又一次,跟住媽咪拎佢d嫁妝出黎影相時,我都仲好地地,影完相,自己一個坐埋一邊,跟住就嘔喇,仲嘔左幾次,媽咪好驚,見我呆呆滯滯咁,不過佢都冇話同我睇醫生,只係觀察下姐
不過我尋日又冇事喇,爸爸媽媽仲一直擔心我自己一個係屋企會唔舒服都冇人理,擔心左我一日,不過佢地返到屋企,都係見到我拎左d廁紙出黎玩,又冇肚痾,咁我當然係比人鬧啦,不過今次都唔係鬧得好勁,係夜晚落街時先見到我痾既ng ng係點樣,媽咪話都仲係有少少痾喎,不過已經好左好多,我諗我冇事架喇
我係大隻nic,哈哈

被罰

呢張係我上個星期五反轉左屋企之後比媽咪罰既相,媽咪唔比我走,仲要我影相,真係唔狗道呀~~~好慘呀~~~

嫁妝之一 ~ 龍鳳被

有一set床笠+枕袋,一張被同埋兩個送既cushion(仲有一隻nic nic,哈哈)

呢套就係個set床笠+枕袋,係king size黎架

好靚既龍鳳被,個花真係好正~~~

送既cushion,好抵呀,送兩個大cushion,雖然個花係唔同,不過都可以當一set既,卡卡

我的帖

呢張就係我張帖喇,好鐘意,真係好靚呀~~~呢個係draft,張帖係金色,個花都係彩色,最鐘意係個圖章,真係好型呀~~~
到入面喇,當然最型係d字體啦,係唔係好特別呢?係我自己揀架,本來要大大細細好似要加錢架,不過佢都free比我
最後係個信封,個封係金色,個公仔係燙紅色,我相信係會好靚好靚,最重要係有我地個名,既型呀~~成張帖都係用中文,我自己就好少見喇,好多人都係中英對照,不過我張帖咁中國,好似用晒中文既靚好多喎,唔理62講咩,總之我宜家so far比人睇,都大獲好評啦,卡卡

Oct Nail

呢個係10月整既手甲,好靚呀,今次除左閃粉仲加左乾花,好正呀,咁多顏色,啱晒我啦,同埋今次整左好短,覺得好方便呀,唔知會唔會繼續整呢?
我已經比左2000開個package,宜家有85折,今次折左就整左306蚊咋,都ok啦,下次唔知又會整咩呢?
宜家我好努力搵緊sawrovski既石石呀,因為呢間公司d石唔夠勁呀~~~卡卡,希望搵到啦

東東

亞父買左隻東東返屋企呀,佢係一隻拉布拉多,都幾得意既,不過都係我細個得意好多,佢去左我屋企訓左一晚,我同佢係咁打,係咁打,好開心呀,唔知佢幾時大個仔,可以同我一齊落街反,不過佢好似就快要搬屋,可能好耐先會見佢一次lur~

Choco

今日係19號呀,choco死左一個月,呢個月好似過左好耐咁既,唔知佢宜家點呢?係唔係排緊隊投胎呀?choco我好想見返你呀,你係唔係真係有signal話比我知,你係choco呀?我好想養你,對你好,比最好既野你,同nic nic一齊玩呀,你地會相處得好好架

一星期一吵

哈哈,真係有趣呀,我睇返blog,原來我地係上個星期四鬧交架,一星期都唔夠又鬧,根本都唔似就快結婚,算啦,算啦,唔結就算啦
唔開心又點呀?唔開心,我喊個幾月,唔食野個幾月就冇事架喇,仲好啦,一定可以瘦返到100磅 呀,唉~~我真係唔知可以同你講咩,既然你咁唔甘心,咁唔鐘意,由第一日同我一齊開始就知我係咁架啦,你都接受唔到,算啦
不過你d牛脾氣,唔係第一日同我一齊我先知,係過左一年至年半你先比你個真面目我睇,我以為我可以接受,不過你宜家越鬧交好似越開心咁,越鬧就越高興,我冇野好講喇
~瘦身行動開始~

媽咪

唉,尋日媽咪冇返屋企,我當然又係街都冇得去啦,都唔緊要,只係知道爸爸同媽咪講電話,講到好嬲,好惡,我都唔知咩事,唉~~
媽咪今朝係爸爸走左之後返左黎,比左d零食我食,又睇下我有冇狗糧同水,其實媽咪好掛住我,佢走時同平時返工講bye bye nic nic係唔同架,不過我唔知可以點,佢先會開心,我見到佢拎左件衫同鞋走,唔知佢今晚返唔返黎呢?唔知我駛唔駛去bob叔屋企呢?真係好多唔知呀~~~我好掛住媽咪呀~~~~

冇街去

尋日媽咪唔多舒服,冇同我落街呀,爸爸就同我玩左好耐囉,又打下,又鬧下,又玩下,都唔知佢想點呀,今朝鐘響,我咪上床叫媽咪起身囉,爸爸又打我,唉~~~佢真係麻煩呀~~~~

紅酒

仲有63日就big day喇,本來一早問左may may可唔可以幫我買到又平又靚既紅酒,不過個客好似冇contact喇喎,咁佢都有幫我問下其他同事,不過都冇咩希望架喇
好啦,鼓起勇氣問下edison,順便同佢講我結婚啦,冷淡到不得了,車,好巴閉咩?我又唔係冇左你唔得,你唔駛比把好似好cool既聲我聽喎,宜家咩事喎,仲諗住請你黎飲,宜家唔請喇,好似打比你,我會有著數咁,真係激死呀
不過宜家唔知問邊個幫我買酒好喎,一係問下joe joe啦

DIE~

星期六晚媽咪開始教我die,個晚都唔係好識,不過都夜喇,所以我地就訓覺,第二日媽咪再教我,原來我已經識左,tum得媽咪同爸爸好開心呀
今日爸爸又訓練我,今日做得好好呀,係成隻都反轉左,四腳朝天,哈哈,我覺得好開心,因為訓係度就有野食,唔知下一次,媽咪又會教我咩呢?
好似係back呀,唔知難唔難呢?

Rundown

我個rundown好簡單,同幫ann整既一樣,已經搞掂喇,再諗埋d details少少既野就ok喇,嘩,我覺得自己好叻呀,話咁快就整好左,宜家乜都早d整好呀,到過完大禮就要開始派帖,又要約人,又要食飯,會好忙好忙,仲有就係要扮靚靚,要休息,唔可以做咁多野架啦嘛,如果唔係,我癲都似呀,仲有65日,真係有少少緊張添~~~

黑仔

今日真係黑仔,已經遲左要搭8:25班車架啦,都已經係遲,仲要去到tko隧道口下層爆玻璃,搞到要等下一班車,終於成8:50先上第2架車,要9:30先返到工,好醜呀(雖然我都遲開,不過都好少遲咁多,真係核突死呀)

交相比my memory

今日上左my memory交相,嘩嘩嘩,個女仔傻架,同佢講咩都聽唔明,真係激死~~~~~
不過算啦,我見上去交相就唔同佢嘈,我下次一定要搵返irene同我傾架,下次要傾rundown架喇
仲有呀,人地想整cheque架嘛,800太貴喇,要同irene講下價,我比左咁多錢,唔係一張cheque都要收我咁多呀???

反腳甲

一早起身就係為左反十隻腳指,好眼訓,訓訓訓,訓到9點半先起身,仲以為自己可以半個鐘出門口,最終都要十點半先出,一落樓就有小巴,上左一陣就開車,仲要係車接車上,我仲以為唔駛遲好多,點知都係遲左7個字,好彩冇比人黑面,嘻嘻
今次整腳好快呀,兩個半鐘就ok喇,不過都係要整閃粉喎,整左粉紅色,好靚呀,呵呵
星期四就整手,都只可以整閃粉,仲已經揀左一隻紫藍色,幾靚架,唔知上左手係點呢?
諗多兩諗,都諗住整多幾次手同腳,所以都係買左2000套票,有85折抵好多呀~~今日都係352咋,同上次手一樣,咁就算啦,計過差不多係free一次囉,都抵既

租van仔

好開心,廖生終於都覆左我租van個期ok,仲要宜家係一架28座,一架24座都係2280,平過classic rolls 220,雖然220唔係好多,不過唔鐘意佢地個時又叫我big day前一個月先firm佢要唔要van仔,宜家又話加左價,叫佢平d都係平多80比我,條氣好唔順呀,所以先打比廖生,宜家仲好呀,又唔駛比deposit住,同用完車先比,人地又開心有單生意,幾好呀,好野,又ok多一樣野喇,好開心呀~~~~卡卡卡卡

反腳指 + my memory

聽日約左11點整腳腳,好早呀,不過是但啦,本來約左sammi出黎tea,不過佢有野做,要下星期先tea得,咁我就book左my memory 4點上去,亞jim就1點去威利度錄歌,唔知今次要錄幾耐呢?
聽日去my memory,我想大概同佢地傾下個rundown下,不過今日心情好差,我諗應該都寫唔到架喇,今日都唔知有冇心情搵埋d小朋友相呀,真係煩呀~~~

今日落街

今日居然爸爸一個帶我落街,不過佢一見到媽咪就話以後都唔自己一個同我落喎,佢真係好煩呀
媽咪同ann姨姨& may姨姨食飯,食完返黎去左長廊搵我,我初初都唔認得媽咪,係叫叫叫下,叫叫下,我先知佢係媽咪,我玩到癲左喇,邊個係邊個都唔知,真係難搞
今晚我又訓訓下起左身玩,嘈醒左媽咪,不過佢都有細細力打下我,同好細聲鬧我,不過媽媽叫醒左爸爸,叫佢幫手縛返個垃圾袋唔比我玩之嘛,佢就發晒癲鬧我,鬧到媽咪都癲左,跟住媽咪仲帶左我出廳訓,個衰老豆都冇出黎,跟住媽咪訓唔返,諗住入房拎衫,早d沖涼,個衰老豆醒左,仲要大聲叫媽咪全名,仲要佢自己拎返d野入房訓,我知.我知媽咪好嬲,佢係咁對住我喊,同我講左好多野,雖然我都唔係好明,不過我有tum佢,我有嗲佢,又有lum佢,佢好似開心返少少,不過都唔夠爸爸一個粗口傷害大啦,唉~~~爸爸,你真係冇用喇,連媽媽咁易tum都唔識,佢喊你就好似我咁嗲佢,佢就會開心返啦,你仲要鬧佢,我都唔知你係唔係我亞爸,我咁叻,你咁蠢架~~~~

Nic Nic心聲

呢排我又有d唔聽話,又有時好乖,媽媽就覺得我冇問題,佢覺得我細個要比多d耐心同耐性我,不過爸爸就成日鬧我,仲成日發媽媽脾氣,佢真係好衰架
我已經連續兩日都係得媽媽同我落街,爸爸唔係話攰就係要做家務,咁佢做家務要媽媽自己一個同我去都冇所謂既,不過整整下,佢根本日日都係藉口之嘛,佢就係懶,唔想同我去,好彩媽媽堅持堅持,所以我都係得星期一冇得去街姐~~~哈哈~~媽媽真係好鍚我呀
尋日呀,媽媽同我行行下,我又訓係地,唔肯行,tum又唔得,鬧又唔得,最終媽媽話唔要我,仲放手唔拖我,仲同我講bye bye,仲越行越遠,我好驚呀,媽媽行行下,我就跑返去佢度喇,我見到媽媽好開心我跑過去搵佢,佢仲一路行,一路讚我乖仔呀,哈哈,媽媽,我知錯,我唔會再唔跟你架喇
尋日行到返玩開個d,見到oscar啦,sky啦,icy啦同發仔,我玩左一陣就要扭返屋企,搞到媽咪要好大聲同oscar爸爸媽媽講:「我地要走先喇,byebye」
唔知點解我成日都係玩兩玩就冇氣,唔知去多d街會唔會好d既呢?

Honeymoon

經過9千幾次鬧交,宜家終於都firm左去14日honeymoon,30/12出發,12/1返hk
行程係4日大板,跟住去5日北海道,最後一站就返東京5日,駛晒d錢之後就返hk喇,卡卡卡卡
我終於都去日本喇,由細到大都好想好想去既地方呀~~~~死喇死喇,我一定癲晒呀,又玩又買野又食食食,神戶牛柳,我黎喇~~~~~~哈哈哈哈
呢d就叫一係唔去,一去就癲囉,一去就去3個地方,真係搞笑呀,不過honeymoon喎,honeymoon都唔去耐d,第日隻死野一定唔肯同我去咁耐架喇,去邊都話冇野玩,佢都未去過,點知冇野玩呀???去台灣又係咁,去韓國又係咁,都癲架,我08年約左小玲去澳洲呀,唔好跟我,我自己去,好叻咩?澳洲我識識地呀,我都唔怕自己去,反正佢去都係同我鬧交,影響我心情之嘛,哼~~~~~

983 wedding

好開心,今日終於都揀左帖,終於都放棄左一開始勁鐘意既h 2c ards,去左983 wedding,好彩5月去問過價,個時又有寫低先可以有返舊價咋,嘩嘩嘩,隔左半年,貴左幾蚊一張,最終我地都係揀返鴛鴦圖案,全中文,封面用中文名,內容都只係中冇英文,仲要用行書體,好似毛筆字,好型呀,卡卡。
不過我居然冇堅持要佢地design logo比我,因為個時問同宜家個價差幾百蚊,我又講唔返平d喎,同埋睇睇下,我地張咁中式既帖好似同一個好英既logo好唔夾喎,所以我宜家要左對中國孖公仔印信封,好得意架,我地揀左燙紅色呀,其實我估呢個公仔真係比一般囍圖案係貴d架,不過宜家都係一蚊一個,仲有,仲有,公仔隔離又有我地中文名,哈哈,我真係從來都冇收過一張帖係咁中式,咁型架。
最後我最成功就係由一蚊一張既年曆卡,講價講到$100/250張,係唔係好叻呢,其實我對呢樣野唔係好大要求,不過我見過上次亞jim個亞公拎出黎話佢收過呢d野,佢好似好欣賞咁,如果平平地我咪要囉,不過冇印名呀,印名又貴d,而且我覺得唔要名,可能d人會用返喎,有個名佢地可能覺得唔知點咁,唔用,是但啦,都係100蚊咋,用又好,唔用又好,自己開心就得啦,哈哈。
我會自己keep起一set做紀念架,另外宜家要等經理honeymoon完返黎教我整postcard,夾埋落呢張型帖就ok喇,好開心呀
又ok多一樣野~~~~

冠南華

今日打完羽毛球去左鄭生度買返我一直都好想要既頸圈,好鐘意呀,最衰個時比返個衰人啦,個時平d呀,個時係500冇discount,宜家discount左都要780,不過算啦,老公送唔同d
跟住我扭要去冠南華買繡花鞋,終於都買左喇,嘻嘻,仲要買左最貴個對,成218,我成日以為幾十蚊,不過真係好靚既,哈哈
跟住仲有睡衣,明知一定貴過金都,不過好開心呀,亞jim又話買囉,所以就買買買喇
一共買左500大元,係就係貴d,不過真係好開心,值得既
p.s.之後去左金都睇下有冇我地既鞋同睡衣,鞋就一定冇,睡衣有類似,不過我地個套滑d,唔緊要啦,第日都著返咪得囉,得我地自己係屋企,著紅色都唔係好驚姐,嘻嘻

中秋節

今日係中秋節呀,一陣要返去世伯伯母屋企過節,完全唔記得上年返去唔知係唔係勁塞車呢?宜家仲諗緊搭咩去好呀~~~真係煩死
16:44,仲有一個鐘先放工,仲唔知可唔可以sharp走,真係好灰呀,有同事下個星期就走喇,今日講handover既野,一聽就想死喇,勁勁勁多野做呀,死啦,千祈唔好太多呀,我唔捱得架,仲有75日就結婚架喇,我一定要好靚好靚好靚架~~~~

My memory

今日終於都有人打電話比jimjim,叫佢交相去做片頭喇,唉唉唉,要搵相喇,好難呀~~~~唔知可唔可以今個weekend搞掂佢呢?
歌就決定左喇,本來想用威利首歌,不過首歌叫「夢幻婚禮」喎,同片頭好似好唔match,所以我地宜家決定左片頭用「愛一次便夠」,「夢幻婚禮」就用係早拍晚播度,好似個日先係我地既夢幻婚禮,會match好多,同埋我想將呢首歌做到好似大會主題曲咁,係咁播,係咁播,等人上晒腦,走時都識唱呢首歌,哈哈哈哈

落街~~~好開心~~~

好野,媽媽連續3日都有同我落街呀,我好開心,媽媽都好開心,因為我尋日一落去就ngng同vv喇,媽媽讚我好叻同好乖呀~~~(其實我都唔知點解周圍痾都叫乖),不過媽媽讚我,我會比心機d架,我知道我冇行行下訓低,媽媽都已經好開心,尋日我地由我屋企去到小鴨屋企用左1個鐘呀,因為媽媽見我好攰同埋都夜喇,所以我地搭的士返屋企,媽媽攬住我,好warm呀,連司機叔叔都話我好嗲媽咪,我見到媽咪好開心,因為佢最鐘意我嗲佢,哈哈

係呀,近期日日都落街,我食野都食多左,仲快左添呀,搞到爸爸媽媽好開心,爸爸仲成日讚我good boy添~~我諗我開始大個仔,開始聽話喇
爸爸媽媽,你地唔駛再時時話我激你地喇,我會乖,我會聽話,唔會落街失禮架喇
今晚我想同b-lu玩呀,唔知我地會唔會見到佢呢?