Nic Nic的快樂聖誕

第二年同nic nic一齊過聖誕,上年帶左佢去亞哥屋企反,今年改左除夕去,聖誕嘛,就只有爸爸媽媽和他一起過,踏入聖誕週天氣有一點點涼,所以我地就決定打邊邊,坐在側邊的nic nic豬,睇住我地打邊邊,當然係無比不安啦,一來佢貪食,二來一陣陣既香味,佢又點忍得住乖乖的坐定定呢?其實我地一邊食一邊都有比d唔叫肥既野佢食,仲要係比好少好少,佢既口水漏到一地都係,最後最後我地將食餘的「牛肉」(買時話係肥牛,但我一d都唔覺得佢係肥牛,同一般牛肉完全冇分別)全都給nic nic豬,便製成了以下的聖誕大餐,食飽飽的nic nic個樣非常滿足,好像很幸福的,希望佢真係覺得自己幸福。

nic nic的聖誕大餐
等食的nic nic

一週年快樂

話咁快就結婚一週年,不過我地冇特別諗節目,因為我地一心就係諗住要去harbour plaza hotel到食食食,哇哈哈。
訓醒睇下電視到真正出門時好像已經是下午3-4時,老公早幾日答應我去買紅色大褸比我,所以我地就去mk出發,又去我最愛既日本衫舖頭仔,老公買了一件褸和兩件top給我,算是週年吧(開了舖後,是他第一次非常願意地買衫給我的),shopping完後都差不多夠鐘食飯,於是我地就由mk搭巴巴去黃埔啦,由巴士站去酒店真係話遠唔遠,話近唔近,尤其是我次次去都係坐車架嘛,所以我一路行一路嘈「點解要我行呀,我要好高貴咁係門口落車架嘛」
入到grilled harbour既時候,場面非常冷清,連同我們只有3 tables,好高級的餐廳啊,如果唔係有coupon,我諗我地係永遠都唔會入去呢度食野,由於場地問題,我沒有為食物影相,菜單如下:

1. 清水一支 (50個大洋)
2. 麵包一籃 (大概有4-5款,我只試了三款,很香口,很鬆,如果牛油可以像小樽的heat住比客人用,我相信會更加好)
3. 白松露鵝肝炒蛋 (白松露味道很濃,係好特別既味,不過我都係唔知點解會值咁貴)
4. 龍蝦濃湯 (老公的,佢話都幾濃,幾好味,值得推介)
5. 黑松露雜菌湯伴煙肉 (好香口,好rich,黑松露冇白松露既味咁濃,湯入面有d碎煙肉幾好味)
6. main course - 老公的鱸魚 (我不嬲對魚都唔太喜歡,老公話好入味,正喎)
7. main course - 我的tenderloin (嘩!係一舊好好味好好味既牛扒呀,如果佢可以再生多少少,我覺得會仲好,外層有一點點像炭燒既感覺,有d咸,雖然我覺得係熟左少少,不過整體都係好'林',好有牛味,比起我曾經喜歡既mr. steak牛牛,呢次真係令我好滿足,正呀!!!!)
8. dessert - a. blue berry : 有一件蛋糕仔,一個雪芭同埋一件好似撻既野啦 (麻麻地,可能太飽喇,覺得有d甜), b. pineapple : 有幾片好薄既pineapple,個口感都幾得意,薄食pineapple好似好食過一舊舊食喎,一件pineapple味既cake,ok呀,唔太甜,仲有一個我覺得好好食既mango雪芭,好似食緊一口口凍冰冰既芒果,我非常喜歡
9. 餐茶40個大洋一杯 (hot lemon water & coffee)
10. 廚師一開始送了一人一件好似手指公既大既頭盤比我地,waiter話係海膽,但可能太細,我同老公都食唔出有海膽味,不過感覺太清新
11. 上餐茶時又送了4大粒朱力力給我們,不過我真係好飽,食時有點想吐的感覺,不過粒粒都係我最喜歡既dark chocolate,睇個樣都知應該係好好食既 (其他3粒都係老公食晒)

呢一餐係我地兩個食得最貴既一餐,一共要一千六百個大洋,不過我地有一張800 coupon,咁我地都係用左八百個大洋去食姐,即刻覺得好超值,正呀!!!!

X'mas Gel甲

開始整gel甲係因為結婚想靚d,所以就去整整整,整左足足一年有多,上年x'mas我當然係冇整應節既款式啦,因為我要就big day嘛,跟住新年呀,呢d節日我都冇刻意去整應節款,唔知點解今年會發花癲整到好鬼聖誕喎,但本人整個聖誕節除左23/12跟老公去開party之外,其他時間都係o係屋企訓訓訓,所以今次既x'mas甲真係自娛之用,哈哈

又是小玲的偉大傑作,佢畫花真係好靚好靚,好有心機!!

P.S.今次上magic nail以為我最愛既karen冇做,我頓時好心灰意冷,因為佢係我最最最like既一個甲師,又真係快靚正又整得合我心意架,不過後來有朋友通知,佢又好似出現返,真係難明,如果有一日,karen真係走,我諗我真係會考慮唔再反甲lur

P.P.S. 自從沒有上班後,我經常遲到,今次終於都比人大鬧一場,當然有點兒不開心,我是客人,為什麼要給我面色?無論是我錯都好,客人永遠是對的,我諗我都算算地係大客仔啦,次次都整discount左既4-500,真係好快好快就用完3k,我有時又會做下treatment呢,既然有「法例」係唔可以遲到,我唯有又再諗諗好唔好stop唔再反呢樣啦

貴夾閃的12月gel甲

一早都講左今次唔駛咁浮誇,因為我keep 3個星期就會整x'mas款,不過搞搞下都仲係我一貫既作風 -- 誇

今日karen冇返工,carman同小玲同我諗,我覺得佢地係想我做白老鼠,比個新人同我雕花,所以佢地話雕花襯我,同埋我都有一年冇反呢樣野,好啦,就試啦,一路整我都覺得係好靚既,不過整完比錢既時候,先知我宜家整既雕花係叫做兩層喎,要50個大洋一朵,我一隻手有三朵,兩隻手就300個大洋,我覺得太貴,同埋可能唔係karen同我一早諗好,我又唔係好鐘意,總之靚就係好靚,不過實在太貴了~~~~

左手
右手,合共104粒石,貴貴貴,$$$$

You Tube

哈哈,我終於都的起心肝去睇下u tube點反,原來都好簡單姐,一upload完就可以post上blog,咁我就可以post好多傻nic既怪事喇,哇哈哈(nic nic又再一次比我出賣,係人都知佢係傻架喇,卡卡)
1. Nic Nic回家篇(多麼多麼可愛的Nic Nic,真係人見人愛,車見車載)


2. Choco大戰大隻Nic

3. 半歲大的傻Nic,同Choco玩完一日,沖完涼就要Zzzzzz~~~~

4. 簡直的笑笑小電影啦,Nic Nic都睇電視

My Lovely Son - Nic Nic

都有好一段時間冇update Nic Nic既近況,其實佢大左之後都唔會有好多奇狗奇事,叫做定左少少啦,不過我都已經見慣不怪架喇
首先,因為開左nic house,所以少左時間同個仔玩係真事,為左盡一下我地為狗父母既責任,係得到爸爸approval底下,我買左好多玩具比nic nic反,第一次買個d,三件玩具,第二日得返一件可以繼續反,一個爛到唔可以再要,一件要等我修補,一件其實本身係響既,宜家比佢反到唔響,於是乎再接再厲,再去第二間pet shop買玩具,呢次呢d襟反好多,至少反左半個月有多,都未有事,幾good呀
中秋節時,我地又帶左nic豬去買月餅,仲發生左「差d拉死亞媽」事件,話說去拎月餅間pet shop係個shopping mall度,係要上扶手電梯既,大鄉里nic nic當然係驚到唔行啦,吸住個地,死都唔上,第一條佢都係吸左個地一陣就成功比我拉到上去,到上第二條,佢吸得好實,死都唔上,因為我又白痴,我一隻腳上左電梯,另一隻腳又唔係喎,咁隻死仔又唔行,就係咁,我差d扑死,不過我既反應係情願掉底個手袋,跟住企返成個人係電梯再死拉nic nic上去,最終總算有驚冇險,成功去到pet shop,好似亞笨與亞占咁,真係唔得死呀
都係唔講咁多,睇相好過啦~~~~
第一次買既玩具,有兩件係玩完即棄,好唔環保呀
第二次買既,今次就抵玩好多,玩左半個幾月都唔厭,又冇爛,good呀
幸福Nic的所有仲可以玩既新玩具
見到野食既傻樣,其實佢係做緊"叫我"既comment
最正經就係呢張相

1. 飛虎Nic(因為同佢上左狗帶搞好耐都未同佢落街,佢開始做出詭異行為,哈哈)

2. 亞媽瘀爆事件

日本之旅summary

7月去完日本,都冇時間打返好晒成個行程,出左trip5日,我好似5日都有買自己野,仲買得好開心下,點買法都唔駛多講啦,識我既人都知我係幾short,行程的第4日係私人shopping day,係我帶領底下,我地三姐妹由新宿shop到原宿,d野重到死死下,其實老實d講,係我一個係滂沱大雨下,都買買買,買到遮都冇手開咁滯,係唔係好得人驚呢?如果老公係我身邊,一定會有d唔高興架喇,因為真係成腳濕晒,我都仲可以周圍行,周圍買,好似10年冇去過街咁,以下就係我今次既戰績,一定一定要做好心理準備呀~~~
今次比上次買鞋既數目少了,係因為o係香港都買左好多,同埋比人問左我一句,你係唔係一個月都唔會重複d鞋著,所以我就收左手喇

一大堆連自己都唔記得買左d咩既衫,哈哈
直至今日為止,我都仲係有d未著,死未?全個trip最貴既野,有一條牛記都未著,唔知仲啱唔啱添呀~~~明明都唔係好喜歡belt,不過都買左3條,宜家只係用過一條絲襪,今次只係買左一對(左上),其他係上一次幫家姐買既,佢宜家送左比我,所以我一次過同佢地影相呢兩個袋已經用到有d污jor,成日都話要抹下佢,今時今日都係唔理佢地架有10塊面,或者一日化10次妝都用唔完既妝物

好多妝物都未開封,尤其係jill stuart collection,我真係好似要黎收藏咁,好多都唔捨得用,只係用左03 e/s,一支lip gloss同埋卸妝油,呢支卸妝油超級好用,乾唔乾淨,同我用開既shiseido一樣,我覺得ok,最重要係,佢比我最愛既kp還要香,呢個item一定會成為入貨hit item,真係超級超級好呀~~

放假一天

今日戰績(mtm除外)

今日終於都可以放假一天,所以今日比平日早起亦都早左少少開舖,係因為要等二家姐同我睇舖,本來叫左佢一點半前黎,點知遲左,成兩點先到,所以我整甲甲就遲左半個鐘,不過都唔緊要啦,放假感覺是久違了,呢種感覺真係非常良好,最好可以變返以前5 days work就好喇,嘻嘻
整左3個鐘甲甲,我就一定係去家樂買下日本衫啦,一個月行一次街,真係覺得個街有好多野睇,不過可惜我得一個鐘時間反,跟住又要去做facial,所以鎖定左目標,去一間shop就夠喇,揀呀揀,都揀左好多野,幾件衫同一對鞋,鞋係因為上一個月落左訂,不過冇貨,所以死唔順氣,係都要揀返一對綠色鞋,平時著開M碼,有時著到S碼既我,居然今次買左對L碼,是但啦,唔會飛出黎就得啦,因為係魷魚款,真係大d都冇所謂,因為以前買過fit size既,緊到飛起,著一次就比我打入冷宮直至死為止,今次呢對,我諗…我諗我應該會唔只著一次既,嘻嘻
至於衫,自從開左nic house之後,我以為自己係日本人,我好似好耐好耐都冇著過local衫,一直都係著日本買返黎既衫,或者係o係faye fashion買既日本衫,真係short得好緊要架,anyway,今日shopping唔係我最最最開心既事,最開心既係,因為我比錢既時候係咁叫姐姐平多d比我啦,佢話8折已經係最平喇,我話cut尾數啦,佢都話唔得架,不過講多兩講,明明係計左1173出黎,佢就冇端端收我1130,可能佢記錯左係1137,所以平多7蚊比我,比錢個一刻,我已經知道佢計錯左,不過最估唔到既係,我再自己計多次,我發現佢計少左我一件衫錢呀,哈哈,可能因為我上次已經比左鞋錢,佢就話鞋就一換一,所以佢又誤會左我只係比3件錢就得,唔知點解錯啦,只係知道成堆野,冇端端變左6折有多,真係開心到我不得了呀,哈哈

點都要買既魷魚綠色鞋

7:20去mtm做facial,因為闊別左20多日先再去做facial,所以又出返好多粒粒,是但啦,我宜家都冇咁緊張喇,因為我覺得我越緊張,d皮膚好似越反我,我唔理唔理,佢好似好得快d,針清時冇覺得特別痛,ok啦,今次順便買左d用完既day cream,eye cream同mask,不過over 3k又有一set野送,見個set都ok,又可以同我blend埋,所以買多左一個mask同一支cleansing,我今次又買錯左cleansing喇,其實我應該係買支night既,上一次都應該係咁,不過唔知搞咩同人講,我要day,今次又錯,又係要左支day,不過好彩,因為我今次冇拎一個mask同cleansing走,所以下次做facial時可以換返,如果唔係,我屋企就會有兩支新既day cleansing架喇
快快樂樂又一天,啱啱完左facial,老公又過左黎接我,所以一齊去食飯飯啦,唔知係唔係好耐冇出街食飯,兩個都好似好鐘意食咁,叫叫叫,食到爆肚,坐車返屋企既時候仲有d想嘔添呀,不過咩都唔緊要啦,最開心係我今日過左兩個月黎最free最開心既一日,哈哈。

上:係我不嬲都好喜歡既款式,最愛著件樽領落底,完全唔覺肥呀,死未?

中:相傳會著瘦人既直條,個款好日本囉,之前去日本真係好多呢個cutting既衫,不過唔敢買,唔知點解今次會買

下:經典蝴蝶結款,黑色穩穩陣陣,good呀

突破100

手指
腳指

今日去整甲甲又遲到,自從唔再係放左工去整甲之後,次次都遲到,我就快比人bad list我架喇
今日遲左半個鐘,一入到magic nail大家都好緊張叫我快d坐低整,不過我要去洗一洗隻手先,如果唔係又上唔到gel,好似上次咁,個邊唔夠靚架喇
一坐低,karen就話: 「你唔好講野,坐低比我整就得」哈哈,感覺良好呀,最鐘意就係有人同我諗好,一路整又一路有surprise喎,幾好呀
整好左個粉紅底,就見karen拎左好多石出黎,我就知佢今次應該係同我反石喇,我一直都唔望佢整咩,直至佢整好左兩隻手指叫我睇下,我先睇,哇哈哈,真係開心呀,浮誇到不得了,閃閃閃,閃閃閃,正呀~~~~

整左3個鐘,終於都完成閃爆清純甲甲喇,同腳指係一set架,哈哈

十隻手指同十隻腳指,好得人驚呀~~~~一set架,幾令呀,呵呵

很久不見

已有一段很長的時間沒有update我呢個日記,究竟我係好忙呀?冇心呀?冇時間呀?定係咩呢?
宜家開左間舖,始終都冇以前日日坐office咁多發夢時間,同埋好少可以靜靜地坐係度打打打,所以令到我呢度變左雙月號,真係慚愧。
由7月resign開始,宜家都有個半月喇,um...開舖最開心係啱啱set up既時候,因為有好多地方可以比你發揮,最悶係要日日看舖,遲開舖會有人比說話你聽,早開舖要我傻左咁坐係度,我又真係覺得好悶,唉~~~~做sales始終都唔適合我,我想我會係不久既將來會搵返份工,受老闆氣,都可以係背後鬧佢,做得幾唔開心都會有糧出,開舖要受老公氣,要同人交代,要冒險,要做好多好多野,但到宜家為止,我都係冇糧出,好似要老公養,好似冇以前講野咁大聲,原來我既決定係錯左,我又可以同邊個講呀?家姐會明我,不過我又唔方便同佢講太多,老公?好似外星人一樣,我真係同佢溝通唔到,甚至乎我有時會覺得我係嫁錯左添,近期心情有點低落,所以激發我想update一下個blog開心下
發洩完喇,等我update下d開心野啦

9月紅噹噹浮誇水手甲

勁嗎?夠閃嗎?夠浮誇嗎?

上次整完cutie bear bear甲之後,發現自己真係唔係好慣有d閃閃令令同凹凹凸凸的石,所以今次一坐低就話要浮誇,整左足足3個鐘,終於都完成呢個偉大的建設,哈哈

嘩,今次真係好令架,嘻嘻

8月cute爆熊bear bear

冇用石但幾sharp既花花甲

其實呢個gel甲已經整左一段日子,不過一直都冇post出黎,今晚等佢見下人啦

今次又整手又整腳,不過過程相當快,小玲整手都唔算慢,karen整腳可以叫快啦,兩個半鐘就搞掂晒,真係好good呀

今次整甲沒有特別事發生,只係我遲到半小時,所以冇得做腳treatment,只係磨下腳皮,比人笑我落雪落唔停,所以karen suggest我下次整手時真真正正做一次腳treatment喎,是但啦,比人搞下都好既,自己又鐘意著涼鞋,但係又唔會定時定後take care下對腳喎,咁一個月比人整一次,都唔係太過份既

只有手指公才有bear bear架,其他手指係彩色花花,都幾鬼靚,哈哈

一隻女仔一隻男仔,真係cute爆呀,好彩我呢個年紀都仲可以整,如果過多兩三年,我諗我已經冇呢個勇氣整d咁cute既款

久未update的nic nic生活誌

自從開始搞nic house之後,真係少左好多上網既時間,其實休息既時間已經比以前多左,不過可能因為開舖時冇得上網,返到屋企又要照顧下個寶貝仔,又要同老公傾下計,所以都冇心上網,今日專程同豬老闆請左幾個鐘頭假,希望可以係一個鐘頭入面盡量update多d我平時既生活,嘻嘻!!!

入貨之旅 - day 2 summary

買完一輪公貨,再埋私貨,心情非常愉快,是日晚餐去左我好想再食既和幸,吉吉野真係好好味,連飯都好似好味過人架,肥豬睇到d相時真係好憎我,因為我有好野食,佢冇得食
總結今日既戰績:
海渡戰績,包裝非常精美
F.O. Kids寄比我既貨,終於都收到,安落晒

大大小小今日既收獲,圖中只係公貨,私貨並沒有曝光,哈哈

入貨之旅 - day 2 (見識日本的批發街)

未去呢個入貨之旅之前,我同老公已經睇左兩本書,大概都知道批發個邊係咩一回事,所以我有準備好所需既文件去申請批發卡架

一朝早打算去食mcdonald早餐,仲以為佢地同香港一樣係11點前架嘛,我地10:40去到都冇早餐喇,不過都叫左個香港冇既蝦包食,個樣好靚,味道都非常好,好心香港就學下人啦

連放係個盤都齊整過人,真係唔得佢死

塊蝦餅真係好多一隻隻既蝦仔,好彈牙架

食飽飽,我地就出發去批發,係搭JR既時候,因為去到某一個站唔識轉邊條線,所以我地企埋左一邊係咁研究,有個好好心識國語既日本女人就黎問我地想去邊啦,我地又唔識講車站名既國語,咪指比佢睇啦,反左一大輪,原來我地三個既國語都好差,係完全同佢溝通唔到,佢都覺得有d奇怪咁走左去,哈哈。 睇書時都見過呢度大概係咩樣,個感覺好得意,我終於都到左日本傳聞中既批發街,哈哈

好不容易,我地終於都到左批發街,仲好易咁搵到做批發卡既地方,幫我地做卡個人,又識廣東話,又識國語,又識英文,係日本,呢個伯伯都算好叻架喇,雖然樣樣都只係識幾句,不過都好ok,過程好順利,做完卡,我地就開始行據聞係最大規模既批發「海渡」

本來對日本批發都有d期望架,點知一入去就覺得唔多對路,d野好似好outdated喎,不過一場去到,就點都要行下架啦,首先入場既時候要show一show我地既批發卡,然後就去放低手提袋既地方放低我地個袋,佢地會比個透明袋仔我地放返d跟身物品入去既,個袋仔真係好搞笑,不過佢係唔比影相,所以冇得影返黎比老公睇,如果有機會,真係好想同佢去一次。
開始行既時候,我地就上最高一層睇文具,精品同零食,文具都幾平又靚,不過我係唔賣文具既,再睇下精品啦,呢一刻fei e係癲左,因為有好多好多好多麵包超人,原價都已經係平過香港買,宜家我地仲可以批發價買,所以真係好抵,係佢揀揀揀既時候,佢叫我買d袋仔賣下,或者買滿幾多錢就送比人,咁麵包超人都ok既,除左hello kitty之外都算係另一個受歡迎既卡通人物,係精品零食層,我買左兩大包日本糖,手袋仔,同埋好靚既衣架。

再落一層就係童裝,嘩,完全唔得,真係嚇死人,第一係唔靚,第二係貴,咁死貴,我返香港點賣呀,真係唔得佢死呀,我係咁易行左一陣就再落同fei e睇大人衫,都有少少係ok既,都可以揀下,有d就我同大家姐自己要囉,用批發價買衫,感覺真係非常良好,如果要我原價買,我地都唔會買,因為又唔係真係好好好靚,如果要用2-300既價錢,係大減價既時候真係可以有好多選擇,anyway,我地行左三層就走喇,我最多既收獲係買左10幾把遮,都幾得意架(一個月之後買左一半出去,都ok啦)

行完海渡,我地再周圍行下啦,因為時間都唔早喇,批發好似5點就close,宜家就係3點幾就快4點囉,拎住d重到死既遮周圍睇下仲有冇好野啦,無意中發現左一間叫東洋衣料既童裝批發,佢既衫同我係香港入既貨有d人一樣既,我就專攻佢price down既衫同埋一d唔貴既牛記,佢d牛記都幾貴靚架喎,啱晒我呀,因為我係香港真係入唔到bottom野,宜家就啱晒喇,揀呀揀,揀左幾萬yen貨,當佢包起既時候就知大鑊,重死!!!

我地三個人出盡各種方法去拎最多既野,係未到JR站前由於太肚餓,所以都係去麥噹噹醫一醫肚先,呢間麥記比今朝sunshine個比細好多,亂好多,不過都冇發啦,真係好餓呀,咩都要食架喇,為左振奮大家,我就suggest不如將d野lock係池袋車站,跟住我地去0101行一轉,食埋dinner就返酒店,然後再出黎一次,拎埋d貨返去,大家聽到有街行都好開心,咁快快食完,大家都唔講野,專心拎住d貨就行行行,車程都ok順利,唔會比人逼到出唔到站,去到池袋搵左一個最近我地既酒店既locker放低晒d野,跟住就出發去0101,嘻嘻。

去到0101真係眼都花埋,一入去就落B1,大家分頭行事,我去睇鞋,佢地就去gap睇牛記,睇鞋真係一件好開心既事,花多眼亂,都唔知咁揀好,不過訓練有素既我,係唔會令人失望架,繼一朝早係sunshine既red shoe買左一對之後,宜家都揀多4對,好似唔駛錢咁就買買買

今次出trip買既所有鞋,除左左上個對布鞋同埋右下對拖鞋,其他個d都好好著,平均一對都係2xx,真係抵呀,卡卡

買完鞋就去返gap搵大家啦,我就冇野啱,不過就買左好多特價既細路牛記,個款好靚,cutting好好,真係有牌子係唔同d架,一買都買左10幾條,買完褲,我就叫fei e去睇下01 model既衫,聽聞係一d靚既大碼衫,我同大家姐就再上啦,一入01既時候,我地都比皮帶吸引,所以自自然然就去左揀,大家都揀得好快,一啱就買,我地大家都揀左3條,揀完就比蚊蚊啦,比蚊蚊既時候我就叫大家姐去搵fei再去tax refund到等啦,我就去睇一睇袋,一定用盡每一分每一秒,今次終於都比我搵到我一早喜歡既車厘子袋喇,二話不說就拎起唔同既size試下,睇左一陣都係覺得細size好睇d,咁就買啦,由於個袋唔係貴,所以我連好無聊既掛飾都買埋,真係無聊到極,買完袋就跑去退稅喇,係退稅既時候又再一次比人問我,老公係唔係識得印銀紙,真係好down,唔好再講啦

上圖:極速揀既皮帶三大條

下圖:尋日買既波點袋同埋今日買既車厘子袋,兩個都好好好鐘意,哈哈