好嬲好嬲,真係好嬲呀!!!!

尋晚凌晨時分又比破壞王nic nic豬嘈醒,佢之前都踩過我一次架喇,不過我冇理佢,好似推左佢落地,我又再訓返,不過唔知訓左幾耐,破壞王又唔知咬咩,嘈醒左我,佢狗就係我床邊,唔知佢玩緊咩喇,不過我只係見到大妹又再一次比佢拖左落地,我以為佢只係拖左佢落地,我都冇嬲架,我拎起大妹,摸下佢隻手,都係得一隻手有事姐,另一隻冇野,我仲以為可以放心,不過我一攬住大妹,想放返佢上窗台既時候,我就感覺到佢隻耳仔出左事,唉~~~個一刻我大叫老公起身,我話我唔想再見nic nic,趕佢出去,我話大妹連耳仔都冇埋喇,跟住老公就起左身睇下咩事啦,跟住我就開始拖行nic nic出房,佢又係唔肯行,痴實個地,死都唔郁個款,好似好驚咁,不過我已經嬲到唔想鬧佢,唔想打佢,只係唔想見到佢,推下拖下咁就推左破壞王出房,跟住我閂實左度門唔比佢入房。
直至今朝老公起身,因為佢唔記得閂實度門,所以我鐘響既時候,隻死nic仲好開心咁擺晒尾爬上床叫我起身,因為我都仲係好嬲,所以我冇摸佢就推左佢落床,跟住佢又係痴實個地,我咪又再一次拖佢出房門囉,跟住二話不說我就閂實個門唔比佢入返黎,到我起身時,佢不嬲都會好開心歡迎我架,不過我行左出廳見佢好似好慘咁訓左係窗台,對眼望住我擺尾,不過就係唔敢行過我度囉,都好,佢都知死,都知我真係嬲佢,平時我一起身就會比早餐佢食,今日冇呀,唔比唔比,唔摸佢,因為我真係好嬲,望左佢一眼,我就去左洗手間,我知佢跟住我仲訓左係洗手間門外面
好啦,我搞好晒係廁所出返黎,我又見到佢好似自閉咁,趴左係晾衫架下面,個樣真係慘到不得了,好似比我遺棄左咁,佢唔拍廣告真係嘥晒呀,不過我繼續唔理佢,入房閂門,其間因為老公較左鐘響,響響響佢又唔整熄佢,我聽到nic nic豬係門外面‘um’左幾聲,好似好想入黎咁,跟住老公第一個搞掂d野,跟住一出房,佢就好開心咁行去老公度,不過我都係冇理佢,繼續係房化妝,咁老公出門口先啦,同我搞掂,我行出房,隻死仔冇歡迎我,都仲係靜靜咁係遠一遠望住我,不過我入廁所gel頭,佢就跟左入黎又想拎d襪出去玩,我咪乘機鬧佢,同埋捉返佢出廳囉,跟住一路著鞋一路都仲要鬧,你咁鐘意咬,咬咬咬,咬爛晒屋企d野啦,咬啦咬啦,咩都咬啦,跟住連平時我臨走一定會同佢講既「乖喇,nic nic豬,媽咪放工就返架喇」,都冇同佢講,眼尾望左佢一眼,我就走人,到呢一刻,我都仲係有d嬲
不過老公應承左買過大妹比我,但係宜家被nic咬到變殘廢既大妹都唔會唔要,可能兩隻一齊囉,唔知呀,總之我宜家都仲係好嬲呢隻死仔啦,真係激死我呀!!!!

回歸10年

睇到有朋友係自己blog度講10年,令我諗起宜家日日電視都講緊10年呢個話題,我都好想係呢個時候諗下我10年前做緊d咩 1997年18歲,覺得自己真係大個女,自己去拎身份證,因為當時太樣衰,所以張身份證真係好核突,我係十分唔願意既情況下比返我張兒童身份證d職員,真係有d後悔我冇copy一張做留念,因為11歲個張身份證真係幾靚女架,卡卡(好彩因為有智能身份證既出現,我終於可以係上年拎過一張新身份證,仲要影得都ok既,好過18歲個樣,嘻嘻) 97年既上半年我記得係過得好胡混,因為當時係過緊honeymoon form 6,唔知點解以前d人會話form 6係honeymoon架,其實升左上F.6應該仲要比心機過考會考,因為d野真係深好多,難好多,但係我呢d懶人又點會努力讀書呀,考完會考好似就完左咁,升上F.6係我意料中事,一直都覺得可以憑住我自己既小聰明又可以過關,加上我要係pure math上面鋒芒畢露,所以我只專注pure math同applied math,其他既科我真係好冇心機,最終就搞到大學時讀唔到一d想讀既科,同埋係97既上半年,我居然好認真咁暗戀一個同學,佢好叻,佢樣樣野都好突出,係得pure math我係可以好過佢,所以我更加努力讀我既math去教呢個男同學,爭取多d傾計既機會,不過好境不常,雖然我都feel到佢對我都有d野,不過佢F.6尾就話要移民,所以同佢亦都從來冇開始過,不過因為呢個男同學,令到我有努力讀過書,所以由不嬲都係考十幾既我,冇端端考到個第8返黎,仲要係同佢一樣(佢不嬲都係考三甲架,不過因為移民,佢都冇咩心機考最後呢個試),呢次係我中學階段入面考得最好既一次,簡直係奇跡。 亦都因為呢個男同學,我開始成日上網玩,因為我想夜晚都同佢ic蕉呀嘛,點知就係呢個時候,識到我第一個男朋友,唔諗都真係唔記得,原來我同佢識左10年,原來10年係過得咁快,初初開始既時候,大家又點會諗到,10年後我已經嫁左比我深愛既肥豬,而你,我唔知你仲係唔係同緊一個由唔愛變極愛既女人一齊,總係唔知點解曾經心深過既情侶點解分手後一定要變成陌路人呢?不過無論有冇答案都好,我都唔會介意亦都唔會深究,總之宜家我日日都有一個極愛我既老公同我一齊,我就好心滿意足,我係呢一刻,真係覺得自己過得好開心,好幸福,同肥豬結婚係我人生中其中一個成就(因為我將會有更多更多成就,所以呢個係我其中一個,不過無論將來係比宜家好定係比宜家差,我都相信只要有老公係我身邊,我就已經夠了)!!!
至於97既下半年,我呢d懶人先識死囉,覺得好似好快就A-Level但係又樣樣野都好似唔係好識,同埋跟本係唔夠時間教書架,我最叻既pure math,F7先死去教differenation,F5個底已經唔係太好既我,宜家覺得呢個topic好難好難,到真正考既時候,我又因為太想呢part可以好d,所以花左好多時間去讀,搞到algebra個一part好似洗左腦咁,連自己最有信心既一part都衰埋,仲成日妄想自己可以pure math攞B,真係發夢都冇咁早喇,至於applied math,其實不嬲都讀得好好,我真係handle得到,好衰唔衰,升左上F7,教我地個亞sir冇端端轉校,變左個唔識教math既廢柴教,咁死得啦,applied出面好少地方有得補習,你叫我自己讀咩,我連少少background都get唔到,我真係好難自學架喎,下半年就係o係惶恐之中過渡,轉眼間好快就去到1998,1998年係入左地獄BU既一年,呢3年令到我唔想再讀書,亦都令我冇信心再讀書,稱之為夜暗3年,過左呢3年,好似就開始好返少少喇。

有驚無險的第一次business trip

由confirm租到舖開始,我同家姐就已經開始plan應該幾時去日本,plan plan plan,最終決定係11/7 – 15/7,由於決定既時候係大家姐放annual leave,所以等佢返工(18/6)第一件事就係book機票,一book先知原來來回程都要係waiting,上個星期,大家姐已經同我講,好驚去唔成,因為waiting可能真係會冇,咁我仲大大聲同佢講,點會呀,我去honeymoon個時都係wait啦,咪又係有得去,唔驚唔驚
不過今日,大家姐又打黎話亞May(travel agent)同佢講,去得到既機會好細,咁就死啦,點算呀?唔可以唔去架喎,大家姐都好醒架喇,叫佢check check check,check下早d呀,遲d飛有冇位啦,都係冇,唯一有既就係JL齋相票,盛惠4630一位,唔計酒店喎,初初我地睇中既package再加多住既酒店,三個人都唔駛12000,宜家實在太貴,於是我又發揮我既小宇宙,操控我兩個家姐同我做野,一個就返tko既旅行社問,一個就去銀行中心問,因為我要做facial,我就set左個budget比佢地,如果唔貴個某一個數就同我confirm啦,我覺得我好似真係做生意囉,於是我做完facial就打比其中一個家姐就聽到個好消息就係機位confirm左,宜家只係等酒店confrim就ok喇,價錢比原先貴左3k,不過都好啦,宜家都仲係11去15返,同我地既schedule一樣,而且仲可以早少少上機,之前book既係9:10上機,宜家坐NW,8:30就上機囉,當早左幾個字要貴d啦,end up係有驚無險既情況下,我既首次business trip總算順利。
(我真係覺得自己係好叻架,係我大家姐仲講緊佢好唔開心同埋唔知點算既時候,我就即刻叫佢去同我搵旅行社同埋叫二家姐去銀行中心囉,我相信過多一日我大家姐都應該會諗到呢件事,不過已經慢左少少啦,我發現做左幾年project manager,我problem solving既skill真係都算ok,雖然都唔算得上好叻,不過至少個腦轉得快囉,哈哈,我又再一次讚自己醒喇,真係唔得我死呀~~哈哈)

Facial

上一個星期係fei e間舖度見到李淑華(係我既表姪女,我睇住佢出世,睇住佢大架,不過就唔算好熟),佢話佢宜家係美容院做,叫我同二家姐去做下,諗左幾日,好啦,當支持下佢啦,我都預左唔會好舒服,亦都唔會比到d咩驚喜我架喇,不過又係個句啦,人地細路女開到聲,真係當支持下啦,反正我都好耐冇去做facial
尋日佢打比我,問我可唔可以早d到,邊得呀,我已經book 6:30,叫好早架喇,如果唔係宜家resign左,我都唔敢唔理咁多,6:00即走架,所以我reject左佢既要求,話6:30已經係最早
首先講下個地方先啦,其實就係金都隔離既大廈,好舊個d呀,一入大廈就非常唔鐘意,因為真係太舊,上到個層樓,差不多行左一個圈先見到佢地個單位,我覺得自己好似去左工廠大廈咁,好啦,按鐘入去,一開門我都打左個突,入面好黑,見到亞表姪女同埋佢老板,仲有一個男人,佢地個個都好似好熱情咁,我好驚呀,最得人驚係個男人,雖然佢真係好nice,不過佢既熱情令我覺得好恐怖,後尾證實左呢個男人真係老板既老公,我都估到係架喇,不過身為一個男人,我覺得佢當我透明係最好既,我都幾唔鐘意係d好似係屬於女人既地方見到一個男人,個嚇人度係同我係女廁見到男人一樣咁得人驚,嘻嘻
由於我好急,所以我坐都冇坐就入左toilet,出返黎,老板就叫我揀做咩facial,望一望個價一d都唔平,最平都係290,跟住有d係3xx,有d係4xx,連5xx都有,佢一開始就介紹我做個美白水份facial,不過我驚佢d唔知咩美白,所以唔敢做,跟住我就問個膠元蛋白係有d咩,原來係敷紙個隻mask,我最唔鐘意呢d架喇,我覺得好似冇敷過咁,跟住我話我鐘意敷軟模多d,佢就介紹左個460既比我,話唔知好咩成set,呢個好好,是但啦,我估佢點都會比discount我,所以460都是但啦
一開始係我表姪女同我洗臉,跟住反左一陣,到steam既時候就開始係老板做返喇,其間亞表姪女係咁同我傾計,17歲既小妹妹真係得意,成日都話我好靚(落左妝冇可能係好靚囉,加上我近期有一邊面係勁多瘡),跟住又叫我比隻手佢睇下,一睇就話真係好靚呀,要整幾耐架?要幾多錢呀?2百幾得唔得呀?我就答佢整左3個幾鐘,今次好多石,所以要3百幾,佢就即刻話,嘩,女仔既錢真係好好搵,咁就3百幾,其實我心諗我整都唔算貴架喇,有人估過我要整成千蚊一次架,卡卡
佢睇睇下我隻手,又忽然話:「你d手指好長好幼呀,我個d好粗架」,我都唔知點答佢,我唯有話:「係咩?都唔算好長啦,宜家肥左,d手指都肥左好多架喇」佢又話:「唔係呀,好長架喇,d人話手指長又幼既人係好幸福架」我心諗,係咩?我剩係聽過手掌好肉既人係有錢人囉,肥豬正正係擁有一隻肥手既人,哈哈
跟住再講再講,又講下佢同佢家姐細個時,我地陳家三姐妹有帶過佢地去海洋公園玩,佢覺得好得意,好開心,睇返d相都覺得開心喎,咁又講下佢亞爸有幾鍚佢地(我知我表哥,即是佢亞爸真係好鍚佢地兩個架,雖然唔係大富大貴,冇咩野可以比到兩個女,不過佢真係盡佢做爸爸既責任同努力去照顧佢地同鍚佢地,相反佢地亞媽就好唔生性),再講講下,佢又無端端話好想快d結婚,我問佢點解,佢話好想30歲前結婚,我就話好易姐,不過就千祈唔好因為要30歲前做呢件事而是但搵個人結婚,佢又好似明,又好似唔明咁,我都唔知點同一個17歲既妹妹講結婚呢回事,再講講下,我諗係我影響左佢,佢猛話佢要個好浪漫既婚禮,我話好呀,你比心機呀,跟住又話我結婚時好靚,好開心,好浪漫,我當時即刻“叮”左一下,哦,因為參加左我個夢幻婚禮,所以佢對結婚好有憧憬,我只係同佢講,結婚係好長遠既事,一定要諗清楚,個個人鍚你,愛你,對你好,你先好嫁佢,個人浪唔浪漫唔係最重要,最緊要係對你好,你明唔明呀?佢又好似好明咁,又識得話宜家又冇事業又冇錢,都唔知點結婚,我就再同佢講,你仲有好多年時間,慢慢黎啦,唔駛急,第日你結婚時可能仲開心,仲浪漫架,10年後既婚禮同今時今日又會好唔同架喇,講講下我都唔知點樣終止左呢個話題喇。
我只係知道亞老板好比心機同我針清同埋電眼睫毛,第一針清方面其實都唔算痛,同埋end up整完都唔係好腫,我覺得手勢都ok既,不過係咁既地方用咁既價錢,我覺得好貴,同埋我唔會繼續做,第二,電眼睫毛其實我係好唔想架,不過亞表姪女叫左我幾次,咁就是但啦,反正都好快變返正常,點解我唔鐘意電呢?我就係覺得好假囉,同埋會整短左我d眼睫毛架,因為正常你自己夾,只係個根向上翹,咁你條睫毛係唔會彎到向返住你對眼架嘛,咁當你用埋mascara d睫毛咪好似太陽花咁向看伸長囉,宜家電完之後全部都彎到個尾尾係對住我自己隻眼,咁就算我用mascara增長呀,佢都係對住隻眼,完全冇左向上伸長既效果,真係唔得你死,當我用返mascara既時候就發現對眼冇之前咁大,好唔鐘意,都唔知幾時會直返,等我每晚洗面既時候都輕輕拉下佢,等佢直得快d先得
到最後埋單時,佢比得個9折我,我覺得太少囉,連埋電眼睫毛一共用左我520,好唔抵好唔抵,舒服我又唔可以話唔舒服,不過個環境令我覺得佢係應該值200囉,再加上我問左一次係用咩brand既料,佢又好似聽唔到咁,咁我都冇再問喇

後記: 忽然令我好想join之前係cwb試做過既一間公司,呢間公司環境唔錯,同我做既人都好好,幾細心,同埋唔會太貴,佢唔係join course,佢係買5000既package,好似會送多1000定2000啦,跟住你每次去,佢就睇下你個日應該做咩facial,或者你自己揀facial去做,每次扣數,好似我去做甲咁囉,我覺得都ok架,最緊要係佢真係幾舒服,價錢又ok,同埋我知佢係用咩料嘛,covermark一共仲有23次facial未做,真係好想唔再去做,不過肥豬覺得我好嘥錢,所以我都唔敢話要去第二度開course喇,唉~~~

唔買唔買都唔知點解仲要繼續買

哈哈,話說係唔知邊個星期既weekend,我一口氣買左好多衫,我仲應承左老公唔左買野架,不過唔買唔買,越係唔想自己再買野,就越係買,真係唔得我死,唔通我真係有病既?
係過去兩個星期入面,我又買多左6件衫,好得人驚,我諗…我想…我應該…我要收手了上yahoo買既oops衫,我睇左呢個人好耐,我見佢d野都幾靚,不過好似貴貴到,但係我終於都等佢到平喇,一件係半價,一件係6折,我仲要request買兩件平d,佢真係平多左少少比我,仲要包我掛號,呢個人真係ok,可以繼續留意上次bv.blu唔鐘意件綠衫top換返黎既唔衫唔裙,其實同之前買既oops蝴蝶結衫好似,不過冇咩好揀,呢件算係最鐘意架喇(好皺唔係因為件衫唔靚,係因為我已經著過洗過,但係又冇燙就影相)

又係去左我好愛既家樂日本衫shop買既,條裙好靚,真係愛不釋手,睇真d個花真係好正架,yen價係14xxx,宜家699仲有9折,真係好抵架。仲有一件oops既top,呢d top好呀,肥一肥都著到,又唔會好熱,返工又得,去街又得,good呀!
係tko既momo house買,話說呢間shop之前係cwb都有,我都有一次同舊同事一次過買左好多件衫,不過我再想去時,發現佢已經唔見左,原來開左去tko,真係奇怪,其實又唔係好鐘意呢個shop,不過真係好想買件衫襯返上次浮誇桃紅裙喎,所以買左一件啦(上圖),不過返到屋企先見到有d問題,想換另一件,再去既時候就見到一件jill stuart既top(下圖),質地唔錯,仲要唔貴,我一心諗住就算唔係真野,呢個價都真係ok呀,所以就買多左一件,不過兩件都比我塞到皺晒,因為我買左返屋企一直都冇放佢入衣櫃,一直都係比d野塞住左,所以好樣衰,哈哈

我的Jill Stuart Collection

自從May May幫我買左第一盒jill胭脂同一塊鏡開始,我就勁愛呢個brand,跟住再麻煩維尼太幫我買左一盒shadow同兩支lip gloss,我就再鐘意再鐘意佢多d,到5月,姐姐去旅行時,我又再叫佢幫我買一盒shadow同一支mascara,真係令人愛不釋手,連男同事去honeymoon,我都唔放過機會,要人地幫我買一盒新出既summer collection既shadow,哈哈哈哈
買買下,我已經有一堆Jill Stuart既化妝品,成為左我既Jill Stuart collection,我會為呢個collection再添新成員架喇,你地等我呀,哇哈哈
用後感:其實買左一堆野,我都只係開左shadow黎用,個個色都有用,佢最好既地方就係夠閃夠shape,真係好易上色,係非常非常好用既shadow,比起我以前好愛既kp,我覺得jill係超正,又容易handle,仲有塊鏡我都有日日用架,不過都係鏡一塊,我又冇覺得佢會照得我靚d,其他野暫時都仲係收藏,個胭脂個個買左既都話好用,但係因為我係出街先開始化妝,所以我遲遲都未開黎用,不過應該係我出發前,我會用一次,試下係唔係真係咁好,可能我會買埋橙色返黎,哈哈~~

火拼MTM

上上個星期收到mtm既email,係我做左佢既questionnaire就可以有100 cash coupon同travel set送,咁我死都做啦,做完之後先知,將coupon係25/6先開始可以用,不過唔緊要,我只係得eye gel想買返,咁咪等下囉
點知上個星期又收到可靠消息下個月會加價,真係唔得佢死,都已經貴架啦,仲加,點好點好,點都會去買多一次,睇下用得幾耐得幾耐架啦
好啦,擇好良辰吉日就決定今日去,仲要搵埋老公做我friend get friend既人選,哈哈
一放工我就去左mtm先,費時搞得夜啦,老公最終要7點先放工,我都差不多傾好晒我有咩要買架喇
其間Gloria都覺得我左邊面既細瘡真係好多,佢suggest我日日用有少少消炎既水份mask,跟住一個星期用兩次消炎mask,希望快d可以令死人瘡消失,跟住佢都有介紹我最貴既Botimate eye serum,我明明係esd到話左我決定唔買架嘛,因為維尼太話去黑眼圈好,姐姐就話冇咩用,咁我用左三盒eye mask都冇咩用,所以都唔係好想買,但係佢一話可以去眼紋,我就真係好有興趣,係mtm度照塊鏡,其實真係好似Gloria咁講,我黑眼圈其實唔嚴重,反而有少少眼紋,又係喎,又真係有少少喎,不過好明顯,用左mtm半年,眼紋真係冇咁深,所以,所以好啦,買就買啦,反正佢話可以用8個月,都算係一個好長既時間呀,再揀揀下,我又問佢有冇野可以收毛孔,佢就介紹我Botimate既serum,不過呢支會慢d,兩個半至三個月先見效果,但係佢講得真係好好囉,又話真係將底層收緊,所以收毛孔會long last d,如果我只係用面頰位,一支可以用一年,唉~~算啦,試一試啦,如果真係可以收到我面既毛孔,2500都真係要值得囉
經過一輪喪買之後,肥豬老公終於出現,佢係負責填member form(其實係我填)同埋比錢,哈哈
等呀等,等左都有20-25分鐘先blend完我既野,對完貨就走人,等既其間,老公係咁問我點解唔走,跟住我又答返佢,你比完錢見我有野可以拎走咩?走走走,走咩呀,佢都真係short架

用後感: 新既serum感覺良好,好似好快吸收,希望真係有用啦,不過我覺得自己即刻靚晒,哈哈。Re-blend既cream非常好用,簿身左好多,感覺好舒服,同埋好似有一盒新cream用咁,好好呀~~~
火拼mtm既戰績
開晒盒再影多張,死未?
送既靈芝沖涼travel set,個味好香,Gloria話係冇得賣既

很累的一天

由於nic house進展得如火如荼,我都差不多用晒我所有既私人時間去搵貨,搞呢樣搞個樣,真係估唔到我除左可以去日本入貨之外,我都要同d大陸廠打下交度,同佢地拎貨,所以今日一早上左大陸入錢比兩間公司,自己又開左一個account方便第日做online payment,大家可能覺得點解我唔匯款,要自己上大陸呢?其實好簡單,一句講晒,小姐,我地冇呢個服務,原來係銀行係唔可以匯人民幣去第三者戶口,港幣就可以,大佬,人地收人民幣架,咁即是點都匯唔到比人架啦,再加上一條transaction要收我350,實在太離譜,我自己兩個人上去再加飲埋茶都唔駛咁貴,所以辛苦d都上一上啦,上左一個上晝,下晝3點幾返到香港。
於是我地就去左沙田宜瓜睇下有冇啱既傢俬可以放係nic house,行完宜瓜其實我真係好攰好攰,不過我真係要買支卸妝油(200),所以一定要行去新城市廣場,咁行得過去,又想去西田睇下d日本童裝,於是又行行行啦,途經豬2000見到有見背心都ok,又唔係貴又可以襯底,所以又買左(156),去到西田,睇完要睇既野,行過ans,我發現我真係好需要一把cut uv既超輕遮,所以就揀下啦,揀左一把都幾令又唔會太貴既就買買買(162),之後走既時候見到kose,我就去買埋一直都好想買返既痴黑頭mask(150)。上左巴士之後再諗一諗,嘩,樣樣野都係百幾二百,不過買買下原來都買左成700架喇,駛錢真係好快,不得不套用姑姑既名言
「駛錢係光速,賺錢係龜速」真係一d都冇錯~~~

對不起,大妹!!

怪既只怪我呢個媽咪做得唔夠好,搞到大妹變左殘廢,我都好傷心架,我諗住帶大佬mon同大妹去nic house吸引多d小朋友入黎,點知慘劇就發生~~~唉~~~我...我...我都唔知點好喇,唯有去搵隻靚靚手套比大妹帶住啦!!!

可憐大妹既殘廢手,慘不忍睹(大妹其實係最大隻既女仔monchhichi,係我06年既生日禮物,死仔nic又再一次咬我心愛既野喇,真係激死我)

對唔住呀,大妹,媽咪唔會再比nic哥咬你架喇,我今日已經打到佢好驚,佢唔敢架喇

比人罰都仲要笑既死仔nic

大吉日 – Gucci shopping day

搶老公bonus得返黎既戰利品

一直都好想買個gucci腰包去旅行,早左上個星期一已經見到gucci on sale,仲有我鐘意既腰bag居然有discount,仲要有粉紅色,個一刻真係好想買,不過我都忍住,因為我有張卡本身已經有500 spending credit,如果我遲d activate佢,仲可以有多50添(呢個program係我做架,所以我一定要拎到呢50 spending credit,我當時做得好辛苦架,趕到我死),基於呢個原因,我就同老公講,如果等到我拎到呢50蚊都仲有呢人個腰bag,我就買買買啦,佢都話好架
點知事隔11日,老公帶左一個好消息比我,就係佢有成個半月bonus喎,所以即刻拎我想飛去買我既心頭好,適逢今日我早放工,老公又未放,於是…於是…我就自己一個去左landmark喇,行經lv,都有一刻心頭想買monogram mini lin架,不過都係唔好,真係好唔想入香港既lv,我會覺得自己好似自由人,所以算把啦,縱使你問10個人,10個人都會答你lv好用好多,又com用,不過我真係獨愛gucci喎,唔好諗咁多,繼續向我目標出發,一行到入去,首先係睇下飾櫃入面有冇d小包包可以放相機,死啦,居然比我見到,個心即刻寒一寒,我覺得我會買囉,不過都唔好諗呢d住喇,去搵返我個腰bag先,好快,9秒9我就行左去放腰bag既地方,而且好快咁叫人拎比我睇,當時放出黎既只有粉藍,仲即刻問佢仲有冇粉紅色,佢答我冇啦,其實我都預左,之後我又再問佢,咁其他shop仲會唔會有呀?佢又答我,冇晒架喇,全線都冇,呢個都唔係得返好多,跟住我拎住個粉藍色又想要又唔想要咁,望一望塊鏡(其實我今日既衣著係同個袋極唔襯),個心就開始比藉口自己喇,其實…其實…藍色都唔係好差呀,係就係鐘意粉紅多d,不過你已經有個粉紅袋啦,又粉紅呀?唔好啦,試下粉藍啦,粉藍都幾靚呀,就係o係個腦度諗左唔夠10秒,我就同哥哥講,好呀,你比個新我呀,跟住我仲要好似闊太咁同人講,我想過一過個條睇埋野先呀,跟住我又行返去有相機袋既地方,有兩個我都啱既,一個係同我散紙包一樣既全皮包包,一個係粉紅邊既包包,當然全皮既會貴好多啦,個價就係差大概1k囉,個心都有諗過要全皮好,定係布加粉紅邊個隻好,不過個問題係,皮o個個就fit好多,仲要入面有個格格可以比我返多一舊電而布包包就冇呢個格,同埋布既係大d,仲有一個問題係,皮o個個出面有個位可以比我套相機繩入去而布既又冇喎,唉~~~點好呢?擺明係貴既好用好多,又啱我心水架啦,不過真係好貴喎,點好點好?於是我又問左哥哥一個好冇聊既問題,呢係拎住個皮袋問人,呢個袋係唔係放得落一般size既相機架?(我想佢答我唔得,因為咁就唔駛買),但答案係可以,仲要話如果唔係太大個d都可以,跟住我又再問,咁係唔係canon個d應該ok呀?佢就好高興咁講,哦,呢隻一定得啦,於是…於是…我又再一次講,好啦,我要呢個呀!!
就係咁,係gucci留左唔夠10分鐘,但就用左差不多一個星期既人工喇,嘻嘻

再近睇d,其實兩樣野我都超級鐘意,不過我都仲未夠膽比個相機袋比老公睇,我怕佢問我幾多錢,哈哈

我們的Nic House

越搵資料就真係越覺得日本童裝真係好靚,尋日行times既時候,發現原來都有一間係賣日本童裝既shop,嘩,好多都係我上網見過架,真係好靚好靚呀,不過佢賣得勁貴,一件tee都要3xx,不過佢呢個款好似係要4千幾yen,不過都貴啦,貴過yen價好多,斷估佢一定唔係retail價買返黎賣架啦,佢真係賺好多呀,不過佢係呢個地區,租金又貴咁多,一定要咁做架喇,如果唔係佢點交租,點請sales呀
好啦,好啦,等我post下d靚靚日本童裝啦,唔知會唔會有機會入到呢d貨呢?好緊張呀~~~~

由希望變為事實

尋日新都城好快好快就同左我地傾,我地租得成間舖既機會好大,因為佢地唔想吉間舖太耐,所以希望我地可以6月30日pack up間舖,我計計條數,好似太快喎,我未夠時間resign,唔得唔得,於是再同佢夾夾d時間,佢就幫我試3個星期既裝修期,如果佢地比到3 weeks我,就真係好好多喇 由尋日開始,我個心就係咁諗,點好,點好,係唔係要即刻resign呢? 拿,首先諗諗先,佢宜家就一邊幫我地拎d文件比老闆批,一邊就幫我地整份臨時合約,咁做好晒d手續就好大機會6月30日pack up舖頭,之後當佢兩個星期既裝修期啦,即是7月15就起租囉,我當我豪兩日比佢執貨,我都要9號個week過去入貨啦,咁…咁…咁我未即是要即刻resign囉 尋晚同肥豬同大家姐商量過,其實都博得過既,因為人地唔通冇端端同你搞咁多野都反你咩,同埋佢都同左我講左幾次好大機會,同埋我地request既租金都好貼近,好啦,好啦,就咁決定,今日遞信,今日返到公司,二話不說我梗係上網搵template,再加加減減打好封信啦,仲要衰到自己冇信封,問左個marketing同事拎(好彩佢冇問我要信封做咩咋),跟住等呀等,諗住lunch之前比老細啦,點知佢又成朝唔係度,直至就快lunch佢先出現,咁…咁…咁唯有lunch之後先比佢啦
兩點鐘返到公司,見到老細仲係到,咁我就諗住比自己多d心理準備先比信佢啦,點知一開電腦,就見到佢send mail出黎話佢下晝要去IPT開會喎,真係比佢嚇死呀,於是我唔理三七廿一就急急腳去佢個位(當時好少人,其實真係一個好時機)
我一坐低就同佢講,我要走喇
跟住佢異常冷靜話,係..係..
跟住就開我封信啦,咁睇左一陣就話,11號effective呀?呢個要同HR傾傾喎
我: 哦,好呀 (但我心諗,點解要問HR呀?都係扣錢既姐)
佢: 點呀?去邊度呀?
我: 冇呀,我想休息下呀
佢: 嘩,你就好啦,少奶奶,我都想做少奶奶呀
我: 哈哈,唔好咁講,你宜家養緊個個都係少奶奶啦
佢: 做咩呀?好辛苦呀?
我: 唔係呀,不過真係想休息下
佢: 啱既,慢慢抖夠先再算啦
我: 唔…都係呀
佢: 呀,不如你改過個DATE啦,你寫你11號比信啦,咁就唔駛煩喇
我: 下?哦,好呀 (心入面超級開心,可以扣少我兩日錢,嘻嘻)
真係估唔到,要黎既時候就要interview兩次,要走就只需輕輕一句就已經完結,真係太~~~順利喇,卡卡

屬於我的生日

這是朋友send給我的email,有d都幾準架喎

2月27日 熟知週遭世界
2月27日出生的朋友喜歡研究他們生活週遭的。他們會花很多的精神來研究日常生活，比如說，事情是如何運轉的、為何有些人會有這麼做啦、怎麼做會比較好呢……。不過，這只是開始，2月27日出生的人還會把這種精神推展到社會、國家甚至是全世界。也由於那種積極鑽研的精神，所以他們才可以很有自信地運用平常到處收集訊所累積的經驗以及智慧，去達成自己的理想(yes yes yes)。
對2月27日出生的人而言，最大的困擾在於他們的感情生活。奇怪的是，這些最瞭解世界也最能在世上生存的人，競然都不太瞭解自己真正要的是什麼樣的感情。他們對愛的需求很明顯，可是他們憑直覺選擇的關係又常常最不適合，所以他們的愛情生活大多是以混亂吵架的結局收場。所以浪費很多精力在羅曼蒂克的愛情生活(矛錯)方面，而沒有去探討他們內心深處真正的需求。而且，在一段關係剛結束時，他們總會很快地就又陷入另一段感情，幾乎沒什麼「空窗期」。
明白自己想要的和真正需要的，是不一樣的東西，對他們而言非常重要。因為惟有滿足他們心底的需要，才能找尋到真正的幸福與穩定的感情生活。所以，若能真正地空一段日子讓自己好好地一個人獨處，會是比較有用的方式。況且基於他們思考及敏感的天性，他們可以不需借助別人的力量就有所成長，這可不是人人都有的能力。
2月27日出生的人喜歡讓思緒無拘無束地漫遊，同時也希望他們的朋友或伴侶一起加入這種思維互動、腦力激盪的遊戲中(係呀,係呀,完全啱晒)。這一天出生的人對社會的看法很矛盾，他們既想躋身名流去主導社會，又想起而重整整個不公平的社會。他們想操控的慾望很強烈，再加上他們又極具魅力，所以必須格外小心，別把身邊的人壓得喘不過氣來。
如果2月27日出生的朋友失去了道德觀，那麼可就要小心了，他們有很大的能力可以用各種方法摧毀自己或別人。他們的能力不只是探索事情的真相而已，更可怕的是，還具備了超人的意志力與果斷的行動力，為了實現他們所想要的，這天出生的人會不擇手段，甚至不惜挑戰道德或倫理。

幸運數字和守護星 2月27日出生的人受數字9（2＋7＝9）和火星的影響。數字9對其他的數字有很大的影響力，同樣地，2月27日出生的人對周圍的人也有很大的影響力。火星是強勢又極具侵略性的行星，受到火星與海王星（雙魚座的主宰行星）雙重的影響，使得2月27日出生的朋友擁有幾乎可以催眠別人意志的莫大力量(係就好喇)。

健康 出生於2月27日的人，他們對健康的知識懂得真的很多。不過，他們總會週期性地遺忘他們所有的知識，進而反其道而行地走向不健康的方向。接受醫學或健康咨詢權威的服務，對他們的健康非常有益。這一天出生的人適合有活力的運動，例如：慢跑、有氧運動、體操、舉重、攀巖、游泳等。另外，固定性生活的滿足也對健康有益。不過，2月27日出生的人要小心可能會有酗酒與沉溺性愛遊戲的傾向，所以他們必須發揮意志力，格外節制這樣的天性。

建議 把探索大環境的能耐用在探索自己的內在。追隨自己的精神力量的發展，但是別咄咄逼人。專注於私人的事，別半途而廢。

塔羅牌 大秘塔羅牌的第9張是「隱士」，他提著一盞燈、拄著枴杖，代表冥想、孤立與寂靜，象徵智慧的結晶及絕對的紀律。隱士是嚴厲的導師，他運用良心使人走上正途。牌面正立時表示有所堅持、有目標、深沉且專注；牌面倒立則代表專斷、不易原諒他人(老公成日話我嬲人可以嬲好耐,唔識原諒人,其實我覺得係佢火上加油,所以我唔原諒佢)、多疑以及氣餒。 靜思語 「需要」是一個相對的語詞。
優點 有魅力、有能力、有才華(我覺得自己好有才華,能力同魅力架,哈哈)。
缺點 不自覺、傾向苛求(有時我真係幾苛求,樣樣野都想做到係心中所想)、情感過於混亂。

Nic House新希望part 2

星期六去左一期度睇舖,呢個舖都ok喎,四四方方,間隔一定好過二期,不過個位置始終都係二期好d,不過我地企左係度10分鐘左右,其實都有好多人行過架喎,可能近離就係恆生,再過d就係海港,人流比我expect既更多,都唔錯呀
所以我地決定今日入紙申請,價錢方便,我地足足減左人地20%,唔知得唔得架,不過佢個asking真係幾高下,同埋佢地d雜費係貴過二期架,所以一定要減佢地,希望快d有回音啦,如果一切順利,今個月尾都有d機會可以resign架,咁就可以7月尾去入貨,8月開張,呢個又係一個好完美既schedule囉,真係唔知得唔得,唯有等下啦,in the meantime,我地又搵到一個啱既批發地方,真係要搵日去睇下先得
~講完~

Shopping魔週未回歸

星期五六發癲得返黎既戰利品,3件top,4條褲,兩條legging,一條半截裙同兩對鞋,其中一件綠色top,我係會拎返去bv.blu度換第二樣野,希望唔駛加好多錢就可以換到心頭好啦

死啦,死啦,都忍左一個月左右唔買咁多野架啦,點知星期五去bv.blu時,終於都比我搵到條淺色又著得唔係好肥既褲,所以一買就買兩條,仲有一條桃紅好浮誇既半截裙,一試就好鐘意啦,所以就買買買,仲有一件買左返屋企又唔係好鐘意既唔裙唔衫,我唔會要架喇,不過係未換第二件之前都同佢影下相啦,卡卡
仲有架,星期五除左shop左bv.blu之外,仲去左levi’s買牛仔褲,美其名係要同肥豬買,不過佢揀完之後,我就死唔蝕揀左條窄牛喇,um…不過冇得影相,因為肥豬個條要係第二度transfer去cwb,我個條要改長,所以要等等等,我地為左入會,肥豬就買多左一件polo shirt,呢度仲貴過我去bv.blu買野呀,不過mainly係肥豬囉,但係佢一定會入我數架啦
到左星期六,我整左甲甲就去左家樂度行街街,我一心都係想買legging同一條黑色短褲返工架咋,點知… … …變左喪買,我果然係癲架,嘻嘻
去家樂既原因,係因為老公等我既時候過左去行,佢發現有d裝修都真係幾靚,所以同我上去再睇多次,有某一兩間,我地真係可以攞佢個idea去整nic house架,老公今次眼光真係唔錯呀
行呀行,我見到以前我成日去買野嗰間cat fashion(宜家已經改左名,不過都仲係有我識既sale係度)變左賣好多jelly beans,仲好似有好多好靚既衫喎,一心諗住去睇下有冇啱既褲,點之一入去就…就…就出事喇,話說我一入去都係睇下鞋,都有一兩對幾鐘意,想試下架,不過算啦算啦,都係睇褲先啦,其實呢間shop真係好難揀野,因為佢太多野喇,如果唔係sale介紹,其實自己係揀唔到架,不過好彩d褲佢地都放得幾好,幾容易睇,有一條我都幾鐘意,我咪拎埋鏡拼下囉,真係估唔到,以前都同我幾熟個sale居然認得我,佢第一句就問我:「你好耐冇黎喇喎」
我好開心咁答佢:「你…你…你認得我?我肥左好多,同埋真係好耐冇黎喇」
佢話:「我認得呀,宜家都唔係好肥姐,係你以前好瘦,咁你認唔認得我呀?」
就係咁,我地就開始傾起上黎,佢仲介紹多一條三個骨牛仔褲比我試,於是我就拎住兩條褲係一個好細既空間度試,首先試黑色三個骨,yes,我就係想要條呢d褲喇,所以個心一早就決定要呢條,再試牛仔褲,真係估唔到著左上身真係幾靚,好lady,著對高踭鞋真係好正呀,所以就買買買啦
跟住我又忍唔住試下d jelly beans,我自己就揀左兩對,一對紅色,一對小鳳姐蝴蝶結鞋,小鳳姐嗰對好靚,最衰就係佢得返一對s,但係我都啱著呀嘛,你話點可以唔要佢呀,跟住未試對紅色時,sale姐姐就拎左對珠珠鞋比我試,嘩~~~姣令呀,casual得黎又有d野睇,好鐘意呀,再試埋自己揀對紅色,就覺得自己揀d野都唔係好令,比起珠珠鞋,珠珠真係令好多呀,所以決定要晒小鳳姐同珠珠,嘩哈哈,呢個時候我都已經覺得自己好過份架喇,個老公就係出面等我,我自己就係度係咁揀,係咁揀,好似d野唔駛錢咁,試完鞋,姐姐拎左一件佢話會著得好瘦既唔衫唔裙比我,呢件衫一望就知好日本啦,尤其佢隻死人蝴蝶結,係d架人先會咁鐘意蝴蝶蝴蝶而又唔娘架,望一望個價,都好似幾貴,不過姐姐話有折,一定唔係呢個價比我,好啦,要一件都冇妨呀,咁揀左一堆野,我好似由始至終都冇睇過佢d衫喎,於是就慢慢睇下啦,自己又揀中左一條超級靚既裙喎,係15/16底下,我都係戰勝唔到shopping魔,所以決定要埋佢,見自己都好得人驚下,所以就同姐姐講,唔得喇,唔得喇,我要走喇,再唔走唔得掂呀,咁就計數埋單啦,得二話不說就出左門口拎左老公張card黎碌,仲快快手比佢簽名,完全唔比機會佢睇幾多錢呀,哇哈哈
事後佢都有問我買左幾多錢,我一講比佢知,我就已經好內疚咁同佢講,得啦,得啦,我兩個月唔買野啦,你唔好樣衰呀,不過佢都樣衰左一陣,算啦,今次我都覺得自己好過份既,比佢樣衰下啦,我真係會忍手架喇
返到屋企再睇睇我d戰利品既時候發現,原來我買左個兩件衫都係oops黎架,係我近排先識既brand,呢個brand d衫幾靚架,不過都幾貴,跟住我再上網搵下啦,佢d裙下下都過萬yen架,所以我宜家買左個兩條其實仲平過yen價,真係唔知佢呢d衫係邊度批返黎既呢?如果fei e賣呢d衫就好啦,可以批發價買呀,正正正~~~

上個星期係新之城買既耳環,右下角個度係星期六係家樂買,88蚊仲有9折,好抵呀~~

Jelly beans兩大對,點解對珠珠鞋好似好大咁既,不過我唔大架喎,唔知係唔係我放得唔好,一前一後,同埋對小鳳姐真係細d既,係S碼,對珠珠就係M碼,不過都唔會咁誇張架?真係奇呀

Bv.blu浮誇半截裙同埋一件唔係好鐘意既top 1,2,3,4,5,6條褲,兩條三個骨,兩條西褲同兩條legging
裙裙兩條,不過間房好暗,影得唔靚 左邊條裙其實同呢件衫係一樣既,不過一件係top,一條係裙姐,如果比我見到件top,我會揀top唔揀裙,不過宜家條裙都好靚,我一定會著架

就係死係呢個蝴蝶結手上囉,我真係覺得好日本feel囉,大大個得黎又唔覺好娘,真係好正~~~

呢件唔係今個星期買架,係上個星期係sogo買既泳衣,我一定會係2007年著住佢落一次水架,一定一定會

夏日新腳甲

挨左兩個月,終於都可以整腳甲喇,其實不嬲都係6個星期一次架,不過上次整到好短,整左一個月既時候我覺得佢唔係好長,所以就諗住慳d,兩個月先整一次,點知到6星期既時候,我已經覺得佢好長,所以我自己有磨磨磨,磨短佢,都ok既,不過就磨左好耐先係短少少,但可接受,我下次都係兩個月先整一次喇,咁樣會平d呀,卡卡
好,今次我忠於自己一個月前既想法,最終都係整左french,我初初係想整french加閃片,不過karen幫我揀左french加閃gel,ok呀,好靚,又唔會好單調,好乾淨好整齊咁,著埋我d靚靚涼鞋,簡直係good到震呀,哈哈哈哈
(我左腳腳指尾,終於都生返d正常色出黎喇,我諗再下次整,應該會再生好多出黎但又唔會可以cut晒d瘀,不過都幾sure,下一次就算再整french,都應該可以遮到,yeah yeah,好開心呀)

French+閃gel,好整齊呀
Close up睇下,d閃好低調,不過d腳指好醜,咁大個女都未試過close up影腳指,咁近睇,好核突呀,哈哈

My Memory相簿完成圖

唔知等左幾多個星期,my memory終於都改返好我地本相簿,同埋加多左兩頁,唔知end up佢可唔可以係我地結婚半週年前整好比我地呢?真係超級期待呀~~~ (11/6打左電話比my memory,佢話兩星期就有相簿拎,聽住先啦,已經提左佢地我係有一大一細相簿,分別係12x15同5x7,我覺得佢end up係會比左d細相簿我囉,我一定會追究架)

呢頁冇咩特別要改,係將個our串返啱姐
新加既greeting page,個南瓜車同蛋糕都好鐘意呀,佢呢個design都幾好喎
一樣係新加既cheers page,睇得出大家都好開心呀,卡卡
呢版改左幾個人,宜家個個guest都係我地既要好朋友/親戚,總之就個個都熟架啦,唔會有d三九唔識七既出現,哈哈

Nic House新希望

自從上次nic house胎死腹中,比新都城條粉腸玩左我地一輪之後,我真係冇咩心機,冇心機返工同埋又覺得就算你有錢,都未必會搵到間心水舖,因為d死人場覺得你冇經驗,佢地要扮高貴,鐘意你有經驗先比你入場一齊玩呀嘛
不過唔知點解,今次係肥豬冇放棄過喎,佢好努力咁聯絡唔同既商場,宜家我地搵到兩個都叫ok既位,不過就真係要認真諗下邊個location會suitable多d
第一個係新都城一期,佢一定係冇二期咁多人架喇,不過勝在近酒樓,都應該會有幾多人行過去,但係租金一d都唔平,比起二期個間佢仲要貴少少,可能因為佢大d啦,真係要諗下條數計唔計得掂先呀
第二個choice係南豐廣場,對呢個商場好感就冇咩架喇,間舖都幾大,同埋勝在好近扶手電梯,人流都ok,不過望落就唔係好似一d會捨得用錢既人囉,同埋同場有好多童裝,有一間新開既,直頭同我個idea一樣咁滯,所以有d驚競爭好大
聽日約左睇一期間shop,仲有會有人同我地講下申請既情序,咁就聽左先算啦

日本空運抵港 – 食人士多啤梨

哇哈哈,呢個就係6月既食人士多啤梨甲甲喇,今次去整,有開心,有唔開心,唔開心既係,我明明係約左手腳一齊整架嘛,點知搞亂左,變左第二個人整喎,所以我只係整到手,要星期六再去多一次整腳,真係煩呀,開心既係,今次又係Karen同我整,始終佢整我會開心d,感覺上佢整得令d同埋有心機,肯幫你諗下點先襯你
上到magic nail,上一輪整既人都未整完,所以我可以好安心咁食dinner同埋睇下雜誌,一路睇一路睇都冇idea架,等Karen做完佢個客,我就問佢有咩好整,佢就suggest我整銀底車厘子,um…其實都ok既,雜誌有個款係白底,紅色french再畫車厘子架,好靚好sharp,不過我又唔可以exactly整到一樣,Karen話銀粉底都好閃喇喎,叫我信佢,好啦,我信啦
到開始整時,Carmen問我決定整咩未,我話車厘子呀,佢就叫我不如整士多啤梨啦, 士多啤梨都好靚呀,或者你整5種唔同生果啦,啱你呀,um…又好似有d見地喎,又係雜誌度見到真係有5種唔同生果喎,都好似幾好,跟住問下畫花既小玲可唔可以咁做啦,佢話ok,不過我同Karen都諗唔同個底用咩色好,因為銀色唔襯橙,諗呀諗,我再睇下本雜誌,終於都見到一隻又浮誇,又可以跟住整既款喇,就係食人士多啤梨加石呀,個圖係3隻手指畫士多啤梨,兩隻用石,個底就係閃粉french,好喇,終於好肯定咁話我要整邊款喇,閃粉都揀好晒,開工開工,整呀整,其實只係整左閃粉french都已經好靚,我始終都係鐘意d閃閃下既野,所以上次既彩色french我一直都唔鐘意,整完一隻手,就比小玲畫,Karen一直都好強調同小玲講,你畫大大粒,好juicy咁就啱晒佢架喇,咁小玲都畫得好靚呀,真係又大又juicy,好正呀,同整另一隻手時,佢仲suggest我,畫士多啤梨既手指可以唔同左手,好啦,我就調下位啦,效果真係唔錯,畫完畫,同返Karen同我加石,嘩嘩嘩,真係閃爆呀,超靚,今個月終於都可以整返一款我滿意既款式喇,哇哈哈,真係好開心呀~~~

影相始終都係冇真人咁靚,真身真係好閃好正架

右手,你睇下中指個d石呀,一隻手指都有15粒架,幾勁呀,卡卡

左手,食指d石其實我個原意唔係好想咁架,不過唔緊要啦,都好似幾cutie呀,粒粒士多啤梨都好大粒架,好正~~

郵購日本商品的代辦公司

幫人bid japan auction既公司/人真係越來越多,以佢地既service charge又真係五花八門,如果你唔介意有少少既差別,其實搵一間好似可靠d既公司就已經得喇,佢地會同你bid野或者買d只售日本國內既物品,一般收費會分以下3類:

1. 匯率計0.08 – 0.09,包括所有手續費,我搵到有一間就對0.076,不過佢另外要加多$25手續費,如果唔係買太多野,呢間都ok既,不過好似唔多可靠(純粹係個人感覺) (例: 買10000yen貨, 10000x0.076+25 = HKD785)

2. 匯計比市價貴少少,比如宜家係0.06365,佢就可能收你0.065/0.066,另外要收10% servicing charge (例: 買10000yen貨,日本銀行手續費250yen,日本郵費500yen,日本寄香港(EMS)1000yen, (10000+1000+250+500+1000)x0.065 = HKD828.75)

3. 匯率係計每日銀行既匯率,每5000yen收HKD50手續費 (例: 買10000yen貨,日本銀行手續費250yen,日本郵費500yen,日本寄香港(速遞)600yen (10000+250+500+600) x 0.06365 + 50 = HKD772)

我今次揀左4件衫,總數加埋係around 15000yen,其實我計來計去,好似最大既different就係$50左右啦,初初我係聯絡第3間公司既,因為佢覆得好快,效率真係好高,跟住計計下,我個case又好似第2間公司會平少少,咁我又send mail比佢啦,點知佢兩日都唔覆我,算啦,今日終於決定要第3間幫我order貨,唉~~點知因為過左兩日,4件衫,有一件就冇左我想要既色,一件就冇stock喇,都有少少唔開心架,冇左鐘意個色個件,好彩仲有一隻色我都喜歡既,咁冇問題啦,咁冇貨個件我就要再揀過第二次喇,其實呢,可以唔買咁多既,不過見買開,咪一次過買多幾件囉,如果下次再鐘意就可能要又要order某一個數先抵,因為你買少少,日本既銀行手續費,郵費都係要比架啦,不如要多一件啦,最終就揀左一件其實一早就鐘意,不過驚自己著得唔好睇既裙囉,希望希望返到黎時,我會瘦左dd同埋會著得好睇啦,因為呢條裙係貴少少架

好緊張呀,唔知d衫會幾時到呢?以前識得個yahoo日本朋友,佢都有幫人係yahoo bid野架,佢就好快囉,一般4-5日就會收到貨架喇,希望我今次呢d衫可以下星期初就有啦,好緊張呀,哈哈
oops雪紡上衣,成件衫都好日本feel,個袖位好靚呀,可以遮住我既肥臂

silent worth唔裙唔衫一件,自從買左第一件silent worth之後就深深愛上,今次專登揀一件同我上次買個件唔同cutting既黎試下,其實佢d衫個cutting好多都一樣架,不過真係好多花款,買多幾件你都唔會覺得好重覆囉,好正,計埋service charge,返到黎都仲平過香港買,仲可以少左一個買左老翻既擔心添,幾好呀~~
silent worth tee一件,呢件就係我鐘意既color,不過冇都唔緊要,下面個件綠色我都鐘意架,揀色既時候,我都係呢兩個色上面諗左一陣架,所以冇左上面個件都唔係好傷心下圖係背面,好型呀,不過我d頭髮都會遮住架喇,哈哈

都係silent woth出品,呢件就係最後揀既,我要左白色,其實係冇色可以揀,黑色已經冇晒,不過如果有,我都係鐘意白多d,呢條裙好靚好斯文呀,希望我會著得好睇啦,我唔想要黎收藏呀