一週回顧 (2010年5月24日 – 5月30日)

5月24日:
本來今日有少少唔多舒服所以sl,點之訓訓下媽咪打黎,之後又到亞哥打黎,我本來都唔想聽,因為我好唔鐘意訓覺個時聽電話,我多數都會熄聲由得佢miss call,不過諗諗下,亞媽又搵我,亞哥又搵我,好似有d問題,咁我就打返比媽咪啦,點之一打比佢就喊,又話爸爸唔彩佢,又話大家姐以後都唔返黎食飯,唉~~又係同一件事,我聽同講都好厭喇,基於個媽係街喊我唔可以唔理,我咪叫佢打的去我度休息下啦,中途又亞哥又大家姐咁係咁同佢地講電話,好攰呀~
最終媽咪黎到,傾左一陣,我咪同佢返tko湊兩個細路囉,最終又stay左係tko大半日,咁當然我亞媽唔蝕低,係要大家姐都表態,我覺得煩,一個係大家姐,一個係媽,想我點呢?媽唔係啱晒,不過老人家都唔會錯得去邊,個問題係白痴o個個好似咩都唔知就搞到我地一家都唔開心,一家都煩,我覺得好唔值囉,咁白痴o個個我control唔到,唯有調停自己屋企啦,搞左一輪,終於都好似settle返咁,咁我當冇事架喇!

5月25日:
可能擔心左一日,我個頭真係好痛,一起身就頭暈,好唔想返工架,不過又唔得,唔得係我唔想做壞自己個名,所以死撐返去,咁同人講下野,唔諗咁多,個人都舒服d,不過最後都係走堂冇上日文,因為我真係好辛苦呀!!!

5月26日:
屋企d野困擾左我幾日,所以今晚要癲喇,決定去又一城行下franc franc,買返對新杯先得,順便食埋dinner先返屋企,一口氣食左3隻黃金蝦,差d好嘔,卡卡。

5月27日:
返媽咪度食飯,飲左冬蟲草,以後會令我身體好d啦,點知星期六睇michelle個時都係冇好轉,食好野都係冇用,嘥氣!!

5月28日:
今日挑戰豬手,整得似模似樣,不過個皮都唔脆既,係個味ok囉,不過今晚整呢餐真係好抵,around 100個大洋就一枱都係野,好似好慳咁,hehe~

5月29日:
今日睇完michelle就要入元朗去亞哥屋企,一落車就見到個天黑到爆,不出3 mins就已經落狗屎,太恐怖喇,我地入左一個商場仔,終於都買到一條’盪落’褲,本來好鐘意條褲,不過返屋企睇真d,條褲有可能之前係賣$99 instead of $259,我覺得好唔開心呀,比d新界人呃,以後都係唔去d唔識既shop買野,哼~~~~

5月30日:
唔知今日癲咩野,老公冇端端整嬲我,所以我要求去ac,最終7點前去到,karen又趕住去睇演唱會,我都唔敢玩太耐,不過都買左好大堆衫呀,上次又話成個6月都唔買野,宜家未到6月都已經又買,唔得啦,一定要戒呀,買得太多喇~~
最終係熊貓酒店樓下間唔知咩rest食dinner,係得乳豬好味,其他野都係凍凍地,如果唔係想要free parking,都唔會係度食飯囉,不過因為買完野心情好,所以冇計啦~~~

work life balance

今日又係一個wfh日子,因為上一個星期日買左一隻豬手,所以一早打算今日煮大餐,最終煮左以下一堆野出黎,蜜糖豬手一隻,焗腸仔4條,沙律,金寶湯同埋法包。
神奇地,呢一餐好似好豐富咁,其實都只不過係用左100蚊左右,卡卡。

呢隻豬手賣相ok架,不過唔脆皮,好彩個味都唔差

每人有一碟菜,用左新買既紅梅醋,好正呀;兩條蜜糖焗腸居然焗出脆皮,咁豬手唔脆,腸仔脆都好啦;另外揀左4個唔同味既jam點麵包,呢d jam係好遠既軽井沢帶返黎,我次次食都當佢係寶架,卡卡~~

生活小記

不知怎樣分類,所以一篇生活小記便算了。
心心送的手信,kitkat兩包,一包已經吃了(是紅薯),另外呢包strawberry,其實我自己都仲有,哇哈哈。兩對襪兜都係心心送比我架,左邊係2010年禮物,右邊是2009的,哈哈,我估我又會唔捨得著。
2010呢對襪兜好得呀,呢d款係香港搵10世都唔會搵到,真係得日本先有得買,多謝晒~~

仲有仲有,我既only minerals,唔知好唔好用呢?如果好用,等我去個時買定多d慢慢用,始終日本仔野先係我杯茶嘛,hehe~

某日冇冇謂謂係mos買既cheap cheap絲襪,個packing真係好樣衰,不過呢d前後唔同色既絲襪日本又冇,所以唯有買呢d啦,真係好抵呀,呢3對都係45蚊,買二送一,即是30蚊一對~

對對杯

由一開始跟老公住,我便買了一對杯,因為我覺得一對戀人係好應該擁有成雙成對既杯,不過我一定唔會買個d一拼埋係一個心,或者個手挽係一個心,又或者係拼埋先見到圖案既杯,因為我覺得太嘔心,所以第一對買既杯就係sogo買,亦係我最最最鐘意既,因為用同一個色系整左一隻直間同一隻水玉既杯,好一男一女feel,不過當老公整裂左自己個隻既時候想去sogo再買,發現已經冇左呢個brand既杯,亦都唔知去邊度搵得返,所以爛左我都唔捨得掉。

第二對係franc franc買,好簡單咁一人一個色,呢個花我好鐘意,我有呢個花既碟,碗,豆豆cushion,cushion套同埋枱墊,不過一隻粉紅花花碗同呢隻杯都比老公打爛左,真係激鬼死~

近排係franc franc又買第三對杯,呢兩隻個色幾唔錯,因為我覺得幾有一男一女feel,又係花花款,冇辦法,因為一樣係近住夏天買,所以又係花,不過呢隻杯好似比上一次個隻厚d,希望老公唔好再打爛啦

順手係franc franc買左一個花花衣架係比我影衫用既,另外個熱水壺係我拎返公司焗杞子水用既,因為我覺得一般銀色個d壺真係幾樣衰,所以死都要買個水玉,hehe~

一週回顧 (2010年5月17日 – 5月23日)

5月17日:
上星期已經約好左今日去HS tower開會,約下晝係想早放工,已經以為自己好醒,約4:30開會,以為一個鐘左右會完,咁就可以早少少走啦,點知真係6:00先完,冇賺到添。雖然係咁,不過6點由HS tower去車站都比由mega box去快好多,不過因為返到mos想一日買晒星期一同星期三既餸,所以搞下搞到,搞到等埋老公到先一齊返屋企(因為唔駛自己行斜路返屋企,所以我宜家好願意等佢放工架,哈哈)。
返到屋企都係做列牌事,煮飯,睇電視,上網,訓覺~

5月18日:
如常地上日文,宜家上日文真係覺得好辛苦,因為太耐冇溫書,新教個d又好似難明d,可能年紀大,學野真係慢d,加上我唔係好鐘意宜家d同學,佢地要扮勁,我咪唔理,唔讀囉,卡卡。

5月19日:
一夠鐘就放工,因為今日趕住返屋企收狗糧,點之開飯個時就送黎,仲要落住大雨之到,又要老公行出去收,好麻煩,不過一次過order 3包,都有3個幾4個月先要再order架喇。
今日早左返屋企,又早左煮飯,成個schedule都好好呀,不過我真係冇能力星期六日買定晒所有餸,因為真係諗唔到咁多,hehe~

5月20日:
假期前一日,心情非常好,返tko之前死左去ac買野喎,仲要癲到係taxi去ac,taxi返tko,痴線架。End up買左好多好多野,d野仲要貴貴地,所以好貴呀,好犀利係我可以收晒入個手袋度,只係放左一包好細袋既野係環保袋,再加拎花花鞋返屋企,完全唔覺買左一大堆野囉~~

5月21日:
今日天氣幾好,可以如期帶nic nic去游水,本來開開心心去游水,點之nic nic去到亞哥屋企比porter咬,搞到我好唔開心,不過老公緊張到暈,仲要對我做出d不可原諒既事,激到我死,好傷心呀!

5月22日:
我極唔想同老公一齊去睇michelle,不過唔想再撩到佢癲,好啦,last min先叫佢起身,先問佢行唔行,佢咪拿拿聲出門口囉,全程車唔駛同我講野,我唔出聲佢又唔出聲,我一直都好嬲架喇,最終上到michelle度我忍唔住係咁喊,嚇鬼死人囉。最後我喊到個頭好痛,不過都要就去sogo買野,因為thankful week,點都要行個圈先安落,只不過係買左nina ricci同兩對leggings,仲有係supermarket買左d野食囉,今次算買得好少。

5月23日:
因為媽咪唔開心,所以同左亞哥返tko同佢飲茶,跟住搞搞下就食埋dinner先走,咁又冇左一日~

My Shopping Day@Sogo and Godiva

星期六已經習慣左一定會去中環睇michelle,由於星期五晚同老公鬧完交,我好嬲好嬲之後,以為去唔成sogo,點知佢氹得返我,所以去左cwb行街街,哈哈~
一上sogo,我一定會睇睇nina ricci係唔係出左新野,初時都只係見到上件11月出個色,點知睇睇下原來今年出左一個好唔顯眼既色,不過nina ricci呢個蘋果我係會盲目地買,所以唔理三七廿一就話要買,快到連個香水亞姨都唔信,我要講兩次佢先聽到,卡卡

暫時儲左既7蘋果,其實original個色我買左一個50ml同80ml,80ml已經用完喇(其實已經用完第二個,第一個蘋果用完比我掉左),個金蘋果蓋唔知點解變晒色,其他都冇事架,真係激死,7個之中,我最鐘意係青蘋果,覺得佢最sharp，襯得好好睇。

影開又影,呢個盒入面係我既kenzo collection,其實kenzo既樽我ok鐘意架,不過d味就越用越唔鐘意,所以冇買好耐lu~

再上一層就死唔蝕低買左兩對12分leggings,一對ribbon,一對星星,$159/8折,正常日本襪價錢。

再行再行都冇咩特別野想買,之後去左supermarket買左一堆野就走人喇。
+++++++++++++++++++++++++++++++++++++++++++++++++++
行返去times square拎車既時候,順手去jill stuart拎埋上年個gift,呢個drawer真係好靚,暫時唔知放去邊度用好,所以都係收收埋埋一排先啦,卡卡

為左要2 hours free parking,times又冇左watson's喎,所以去左godiva買左dark chocolate powder,呢d咁貴既朱古力粉,唔知會唔會好味到爆呢?
右邊係同事送既沖繩九州限定kit kat(咁啱心心又送左同一個味比我喎,hehe~)

Nic Nic 游水了~~

Nic Nic終於都去游水喇,今次爸爸同佢影d相好得意呀,我真係好鐘意nic nic呢個'疏肝'樣,好正呀!!!

nic nic: 媽媽,唔好捉住我,比我走啦~~~

去到亞哥屋企我已經換左衫喇,呢件over the moon第一次著,一路返屋企老公一路話隻兔仔同我好似樣,話好乞人憎喎,車~~其實佢都係想話我同隻兔仔一樣咁肥之嘛~
另外個張相如果唔係矇查查其實都唔錯既,nic nic真係好唔合作,好難同佢影相

梳妝枱大掃除

其實想執梳妝枱已經好耐,因為我想將d耳環同頸鏈放得就手d,等我可以成日用,又想清一清個枱面,唔想成枱都係塵同埋雜誌,又想清一清有d咩過期skin care,又想將d新野放返入櫃桶(之前係放晒入toilet,我覺得太濕,好容易會變),今日襯住老公的廳訓覺,又唔係好想打blog,所以入左房係咁執。

呢個香水辦display架已經比我打爆左好耐,之前因為仲未打爆,所以可以為左貪一個想要既香水辦而買一支大香水,好痴線,宜家爆左喇,又好似真係買少左喎,不過nina ricci既蘋果/雀仔樽 & MJ Daisy花花再出新色,我都會繼續買,不過好多時limited樽都唔會有sample送。

左: 執左我大半日,終於都執好喇,最好搞係枱面下面呢個大櫃桶,個面積太大喇,d野都唔知應該點放好終於用左好多大大小小不同size既兜兜砌好晒
右: 其實我最欣賞都係放耳環個格格,用人地放藥個d盒仔,一對對耳環放好,再打直放係一個大兜兜度,有剩既位,放左比較鐘意既頸鏈,因為鐘意多d,所以可以放櫃桶囉,同埋買左d紗布袋放鏈(紗布袋放鏈唔係唔好,睇得清楚又容易拎,唔會好似用膠袋咁,用多兩用會殘晒,不過索繩位好阻地方,真係唔知用咩放鏈先好呢?)

左: 好耐之前發花癲買的jill sweetness collection的蛋糕袋(在上面的圖,勉強見到蛋糕的正面,夾硬放左入櫃桶),因為沒有什麼好放,又唔想收收埋埋,所以是但放晒所以大膠珠既頸鏈。

右: 仲有d唔係話好鐘意但係有少少金屬既鏈就掛晒係枱面個首飾架

另外枱面仲有一個轉變就係將所有夾頭髮夾夾放入一個有蓋玻璃盒仔,之前我係用膠袋放係隔離個桃紅兜兜,因為覺得放到d膠袋好dirty,又好難摷,所以將佢地搬家,原來我有好多夾夾囉,我仲以為仲有空間可以買新野,噓~~

其實枱面仲有一個轉變不過冇影出黎,就係以前我會放晒d化妝掃出黎,不過我發現其實用來用去都係某幾支,有d就一直係度封塵,點知有日買完amala既cleansing milk之後,望望下佢個紙筒又覺得好似用得著,所以洗乾淨晒d掃之後就放晒入去,宜家只係放左日日用個幾支出黎。遲d等我deco下個amala紙筒先,其實佢個水松木蓋,我覺得好鬼靚架。

其他櫃桶:

呢個放晒所以未開既新skin care同埋我d冇謂jill stuart collection,望望自己其實仲有好多野未用,真係唔應該再買新野。

天使5桶櫃我都唔放過,都執好左兩格
左: 放滿左頭飾,有紥辮既又有大個夾,一打開就可以揀揀揀,好鬼開心呀
右: cream mask,有部份paper mask已經放左係梳妝枱既大櫃桶,呢度係一d cream mask/後補paper mask,一目了然,知道自己有幾多存貨

一週回顧 (2010年5月10日 – 5月16日)

5月10日:
話咁快就過左3個幾星期,又係時候整甲,因為今日小玲要我夜d先上去,所以今日要約老公出黎同我食飯。有得比我揀,我一定去家樂,因為可以順便睇下衫呀嘛,去得家樂就多數都會係易牙妙手食野,今日好癲,叫左好多野,但因為有8折,折完都係150蚊,真係好鬼抵,最好係佢d野都幾好味,我地兩個成日食都得架喎。之後拖住老公,其實都冇機會睇衫架,只係window shop,行完上層又行下層,不過想走個時我都係忍唔住同老公講,我好想睇衫呀,睇一陣唔買啦,所以就衝左入去faye fashion睇野,揀下揀下,冇端端揀左兩件cardigan,不過因為同左老公講唔買,所以決定叫亞B同我hold一hold先,我搵日再去買。睇完衫就慢慢行過小玲度,上到去我就係咁同佢講笑,又拎color出黎玩,老公全晚係度睇電視同玩color,我本來想整簡簡單單快d走,點知揀揀下整左一個麻麻複雜既款。
最後要11點左右先走得,都要等20 mins小巴先上到車,返到屋企好夜,好眼訓~~~ZzzZz

5月11日:
今日可以準時放工,所以我一野殺左去faye fashion,好快手咁買左3件cardigan,除左尋日揀左個兩件,又冇端端試左一件牛仔上身,覺得幾靚咪買得,hehe~
買完啱啱老公就到,我收收埋埋d野又去左易牙食飯,今日食得正常好多,連埋做功課,食完就去上堂。
今日上堂同上一堂一樣,都係呆呆下唔係好知講咩咁囉,越來越冇心機上,真係大鑊。

5月12日:
今日放工要趕入西貢幫nic nic買耳仔藥膏,因為用得好快,用左幾日就好似用完咁,買完藥膏去左旺泰買外賣,等緊個時我又係隔離隊燒賣,隊完其實覺得好辣呀,不過又費時飲埋野會仲飽,連飯都唔駛食。
拎完外賣啱啱趕得到最後一班99,今日著左上年係jeanasis買既羅馬鞋,個底係幾好著呀,就算高都唔會覺得隻腳痛,不過對鞋後面個位刮到我損晒,好痛呀,本來想叫老公入西貢車我,不過等佢都嘥氣,所以我自己返去好過,sigh~
見今日天氣幾好,又唔係好眼訓,所以今日又帶左nic nic去散步,落街密左,佢行得耐個樣明顯冇咁衰,好似好氣左dd,nic nic加油呀,你一定要減肥架!!!!!

5月13日:
今日好瘋癲,同d飯腳4個人走去叫左個6-8人餐食片皮鴨,食到飽到癲左,不過我一早講左我會拎個飯走,咁大家都覺得食少兩個炒粉/炒飯,應該好輕鬆,唔會食得好辛苦姐,點知大家都食得好辛苦,連點心都食唔晒。
今日返媽咪度食飯好開心呀,因為唔駛煮又唔駛諗,又有屋企飯食,而且今日仲有一大堆日本野返到黎,好緊張去拆,點知大部分都係size偏細,得對羅馬鞋啱著,好唔開心呀~~~
不過因為唔啱,瘋癲既我同大家姐,又即刻上網再買啱size既鞋,超低能,不過又好開心呀,卡卡。

5月14日:
今日全力留係屋企,一邊做野,一邊好努力咁係咁搞carmana’s closet,post左好多野上去喇,不過實物始終都係少d,所以影多d, post多d先叫d朋友幫手宣傳下,不過好開心連老公個妹未被通知都自己走左去睇,仲讚好好睇,咁魔魔集團更加係support support啦,卡卡。

5月15日:
今個星期michelle出左trip,唔駛去睇醫生,所以我地兩個悶人係屋佐呆左一日,我都有努力搞下carmana’s closet架,不過都仲係未得囉,要多d野先開業。
今晚叫左pizza返黎食,um….其實pizza hut真係唔好味呀,不過唔想出街,就唯有叫佢啦,冇辦法。
nic nic今日食左少少pizza,所以又要去散步,星期六晚仲買埋糖水添,今次叫左見到好多叫個d撈撈,um….一d都唔好食,下次唔食好過。

今晚big 4大四喜終於都做草蜢喇,好睇到暈,7點又睇,11點又睇都仲係覺得好好笑,卡卡~~

5月16日:
上星期老公幫我book左今個星期去massage,我好唔開心囉,老公係咁打電話催我睇我去到邊,我一落車見到佢就嬲,上到去massage,見到個姨姨都好黑面,因為我覺得佢又呃我老公買野,都痴鬼線架,明明massage應該係佢有油比我地,如果唔想佢地個d,先自己買架嘛,宜家用完我個支,我見我又唔去,費時買油比老公啦,點知佢宜家叫我老公買新油囉,成690架,我自己買,都係買d平平地,2xx一支架咋,仲要我懷疑比完錢都唔係比個d油老公用,因為我去到見個packing都係trail支油之嘛,都唔係佢poster個隻,痴線架,一直都好嬲好嬲,按完都relax唔到,因為我太嬲喇。係好嬲好嬲既時候最好就係買野,連係mos都唔放過,入左去一間賣cheap絲襪既地方揀野,終於都買到我想要既前後唔同色絲襪,本來想買一對,不過買二送一,冇理由唔再揀架,所以揀左3對,都係90個大洋,好抵呀!!!!
之後去左買狗糧比nic nic豬,老公仲揀左件玩具比佢,再去埋街市食餸就返屋企喇。返到屋企行行企企完一輪,老公居然訓左係sofa,咁我就入房係咁執個梳妝枱同天使櫃,執到我頭都痛埋都未執完,咁老公煮完飯,食完又繼續囉,唔知係唔係因為食完飯,定休息左一陣,再執好似順利好多,話咁快就搞掂。
休息左一陣又帶左nic nic出去散步,cool,nic nic你要快d瘦呀!

Shopping on 9 & 11 May @ Franche Lippee, Ka Lam & Faye Fashion

冇端端大好一個星期日走左入ac放血,由於購買慾仍然存在,所以星期二偷偷地都要買多3件cardigan才安落,很變態。
Outer:
現在手臂已經不同往日,除了不能再著背心外,連比較短的袖我都覺得著得好樣衰,所以近排發cardigan狂,夏天總不能再著長袖cardigan,所以誓要搶短袖的。
第一行: 左:深紫色短cardigan,顏色很美,而且鈕都相當別緻,在發瘋情況下買入;右:aunite rosa lace cardigan,就咁睇覺得好靚,好似好易襯咁,其實返屋企襯下,好似有d難度,而且襯裙好似靚過襯褲
第二行: 再影影見auntie rosa,其實扣晒鈕都幾靚,不過著左上身又好似怪怪地,當初買就係因為個袖好似斗蓬咁,所以買囉
第三行: 珠珠牛仔布外套仔,著上身又幾好睇架喎,同埋唔知點解見到佢由899減到599就覺得好興奮,所以要買,不過599其實都唔平啦,好痴線第四行: baby & baby cardigan,上年都有買,非常好著又好襯,上年d鈕的心型加珠珠,今年的鈕先透明有花花在裡面的

Vest:
冇端端都買左兩件背心,因為我諗到可以點襯囉
花花個件的oops黎架,一貫好oops feel既衫,襯埋新買個件baby,幾咁好睇呀,卡卡。
有隻蝴蝶結係腰個件係8ight,襯泡泡中袖打底都幾ok呀,我好鐘意隻蝴蝶結,同埋8ight真係好得,唔會太浮誇又唔多人著。

Top:

另外仲有4件top,兩件8ight同兩件franche lippee
Lace個件8ight其實同冬天買個件ruffle係同一個design,不過呢件個料薄d,夏天著會舒服d,另一件see through,影相真係唔多靚,同埋又塞到好皺,不過著起係好型架。
仲有兩件好鐘意既franche lippee,水玉個件好簡單,不過著起會瘦d,又made in japan喎,另一件花花top,好明顯一睇就知係franche lippee啦,同埋好似好柔和咁,所以買左。

好鬼靚花花ribbon甲

今日本來夜開始做甲,係想做得簡單d,不過揀揀下整左呢款
雙色甲係我第一次做,個d點點下既花花,我好鐘意呀,仲有整左兩隻蝴蝶結

小玲個女,color呀~~~~

一週回顧 (2010年5月3日 – 5月9日)

5月3日:
今個星期終於都清閒返喇,返工唔駛由朝做到晚,亦都可以6:15就閃人,今日終於都有得修眉喇,我足足兩個月冇修過,條眉好肉酸囉。
今日再見Ason,其實佢真係一個幾好傾既女仔,無無聊聊八八卦卦咁好快就過左修眉個20分鐘,太耐冇見一條整整齊齊既眉喇,忽然覺得好靚,不過應該係太耐冇修,今次整完成個眉位都好紅,第2,3日仲有d一粒粒敏感野,雖然係會散,不過要等到第4,5日先消,對眼先唔腫,又令我開始諗,好唔好試下bobbi brown呢?不過宜家Ason同我修得好靚,我好滿意喎,um…算啦,試下keep返4星期一次,下一次再睇下會唔會咁敏感啦。
修完眉老公都未出到tst,咁我唯有周圍盪,碌左去連根拔睇香水,issey miyake又出左新香水,今次個樽係紫白間,好似幾靚咁,同埋450/75ml好抵,不過再聞真d,個味好普通,係有d紫色好似幾靚,冷靜d冷靜d離開個counter先得。再盪盪下去左muji,買左兩個兜兜諗住用黎執好梳妝枱既櫃桶,又買左一個亞加力膠架放香水,同埋買左少少零食,join埋老公就一齊去食dinner喇。
Before dinner入左page one行一轉,唔入去都唔知原來我之前short左囉,明明個個月都係睇soup架嘛,唔知點解呢兩個月我都買左spring,仲要覺得本書薄左,冇端端有禮物送,總係覺得好怪,唔入page one都唔知我買錯左兩個月書仲要覺得係人地有錯,真係痴鬼線,所以今日要即刻買返soup黎睇,拿~~厚過spring,又好睇d,多野睇d,又平d,又唔駛收埋d唔係好啱用既袋仔,幾好呀!
今日係citysuper既food court食拉麵,拉麵就覺得麻麻(不過麻麻都好食過味千,同埋有隻好好味既半生熟蛋),反而叫左兩款餃子試,兩款都好好味,尤其是雞軟骨餃子,真係得喎,咁每當係tst想平平地食dinner既時候就可以去食喇。
食完飯就打道回府。

5月4日:
星期二,今日上堂完全不在狀態,突然間咩字都唔識睇,唔識讀,又唔係好明d新文型,好明顯係人老啦,追唔上,學唔到新野~~
上堂之前又反兜去食素菜,今次我係點菜,好味過上次好多,不過地方真係好淺窄,坐得好唔舒服。
係等老公出黎之前,係咁行始創,又睇鞋又睇衫,之前去過買衫間shop真係靚到飛起,又冇得試,我已經完全冇興建再買,見到有條karen都賣過既頸鏈,karen賣220,呢度mark 499/7折,差百幾蚊,真係夠我打一次的由tw返深山啦。再去jelly beans度睇鞋,其實佢有好多鞋都幾好睇,仲好係佢d款係齊晒色,可以比較下同款唔同色,不過又係冇興趣買,人又多,個大嬸又唔會招呼客人,你鐘意試就試,買就買咁,不過我見到有對vw絲襪,又係o係karen度買180蚊,呢度要250蚊囉,痴痴地。睇完一輪,上左樓上買左一盒有機麥皮就去素菜館等老公黎。

5月5日:
悶兜兜的一天,全日都係kln bay過活,原因係今日book左大榮華食媽媽節飯,又只係6:30既booking喎,照book啦,又唔可以遲到拎枱,所以我6:25就到左,雖然媽咪,二家姐,黃小深6:35左右已到,不過要傾要說要玩都已經夠了,呆呆的坐了一小時才可以起菜,原因是老公及亞嫂都要7:30左右才到。今晚的菜有80%以上是我點的,所以我覺得很好味及很滿足,價錢相當化算,如果酒樓可以給我book 7:30的時間會更加好。
吃過晚飯都只不過9:30左右,就算姐夫怎樣叫我地打的,我地都冇彩佢,兩個人慢慢咁行出去巴士站,消化下唔係仲好咩?返到屋企都係10點幾,早食飯其實都唔錯既,如果唔駛等就仲好囉。

5月6日:
因為尋日已經同左媽咪食飯,所以冇再返tko喇,不過因為今日搞搞下都成7點先放工,所以我地都係去美心食dinner,仲第一次睇"掌上明珠",雖然係老老土土咁,不過唔係用腦都睇得明晒佢地d橋段,都唔算太差啦。
專登叫多少少餸等我可以留返聽日做lunch,又買左肉同早餐,肉係聽日煲湯用,早餐當然係聽日食啦,食完飯打道回府陪nic nic。

5月7日:
又係wfh日子,今日真係好眼訓呀,所以做做下野係床上碌碌下,11:45訓著左都唔知,醒既時候已經係12:30,咁都已經係lunch hour,所以繼續訓啦,訓醒之後入左書房做野,又上下網咁,到咁上下時間就裝身出街,今日要同6299食mother's day dinner,揀左k11既aku爐端燒,食物質素唔錯,不過係貴左d啦,同埋始終都唔夠日本好味,但係貴日本一倍喎,我估我地都唔會再食第二次,不如去日本食好過啦。
食完dinner仲去買左awfully chocolate既雪糕食,佢既cake一早已經食過,唔叫好好味,當時買左chocolate banana cake,反而覺得banana係主角,蛋糕質地唔差,就係唔夠chocolate味囉,不過今次試佢既雪糕居然覺得唔錯,chocolate味濃過蛋糕,不過一個人食一定會飽到死同甜到死,兩個人既一球會比較好。

5月8日:
隔左一星期冇見michelle,佢當然佢關心係我情緒問題啦,其實過左一星期,已經冇事喇,反而我懷疑上星期老公同佢講過d咩呢?點解今次同我講野時,好似係專登同我講咁既?不過是但啦,總之達到目的,我咩都會聽下既。
睇完michelle去完cwb食左少少野同埋行左一陣franc franc就要去天水圍(入老公舅父屋企),當中當然係因為老公要我太早入去所以我覺得唔開心,又鬧交,又發癲又盛啦,事後我冇覺得自己啱晒,不過老公唔顧我感受都係衰架喇,我係女人呀嘛,所以一定要佢氹架喎,今餐飯都算幾唔錯,至少d餸唔會好油好悶咁,舅母後生少少,做d野係好dd既,不過佢真係幾浮誇,講左n次我地兩公婆好比面,救命~~

5月9日:
本來想襯老公出去massage個時我去ac一轉,不過又懶起身,到老公返黎都未梳洗,不過個心又好想出街喎,最終request左出街3小時,於是火速去左ac一轉,今次既收鑊係兩件franche lippee同埋幾件8ight,仲有兩件accessories,放到個環保袋滿晒。今個月真係唔可以再去ac啦,真係用左好多好多錢喇,係時候要停一停,儲下錢先得。

Nic Nic睇醫生

Nic Nic耳仔發炎了都一星期有多,終於都帶他去看醫生,順便打了一年一次的混合針,不磅不知道,原來nic nic在上年6月時先26.x kg,今日磅已經是31.4 kg,重得太過份了,所以要開始減肥,目標是出年打混合針時回復26.x kg。

今天本來想跟nic nic在西貢影相,不過又趕著要放低車修理再去看michelle,所以只好影影今天自己穿什麼,又影影nic nic跟老公便算了。今日穿的是8ight口水肩tee,原來買衫前不試真係很出事,覺得穿起了這件衫不太好看,慘~~~

我個樣好衰呀,因為d陽光曬住我,所以影成咁囉

老公&nic在診所