瘋癲日本行購物樂 の 飾物

首次係日本喪買飾物,今次真係買左好多好多,又係好似唔駛錢咁,卡卡~~呢d全部都係紥辮架,其中有3件係頭夾

除左用黎紥辮,宜家仲好興帶上手,又真係幾靚架喎

仲有少量頭夾,原來我買得咁少,早知就買多d啦

Earrings就係因為大家姐叫我買多少少耳環比佢揀下,所以買買下,買左10對,其實宜家睇返同諗返,我不嬲過到去都會買好多耳環,因為我覺得日本d款真係多好多好多,同埋好似靚好多咁架

左:前排都係一粒粒既款,我估大家姐會鐘意呢d,所以有d同款買左唔同色
右:多數都係蝴蝶結款,因為我好鐘意囉,特別係後排最左個set,唔知點解真係好鐘意;其實對花花都幾唔錯

手鏈&頸鏈:

Delyle首飾,老公覺得我買得好癲,不過最貴都唔過4000 yen,都幾ok呀,買左3條頸鏈,一隻手鈪,一條頸鏈

左:老公覺得呢隻手鈪真係太浮誇又唔match我style,不過我覺得真係好靚喎,死都要買

右:呢條手鏈係非常十分之鐘意,如果有同款既頸鏈我一定會買

左:係Lattice買既平平平頸鏈,315 yen真係平到呢,點可以唔買?

右:珠鏈3大條,右邊個個條可以拆散兩對帶架,幾好玩呀

左:毛毛波鏈兩大條,除左蝴蝶結,毛毛野我都好鐘意架

右:係香港都見過既earth music鏈兩大條,比香港平好多,仲要咁啱預到有幾日做9折,又再平d,bear bear係黃小深要既,蝴蝶結係我既,hehe~

到埗第一日買既長銀包,即買即用,超級好用,宜家好鐘意用長銀包,呢個用得2-3年,好大可能會買個miu miu,卡卡。銀包上的白色蝴蝶結係自己買黎襯既,好明顯我係pat痕買,呢d野可有可冇,不過有就開心d囉。右面係samantha電話繩,因為我忍受唔到我宜家用緊個條甩晒d石,所以要再買過。

最後影一影今次既飾物全部都係呢4間shop買既,heartdance係一間我好好好鐘意既飾物店,我次次去到都好似唔捨得走咁,亦都係買得最多野。紙盒個間係0101入面,又唔叫好好睇,不過勝在如果係0101買埋其他野,有得退稅好似好抵咁。Lattice係心心介紹我去既平價飾物店,我只係去左sapporo個間,唔多野睇,不過315 yen咁抵,唔多野揀都是但買d啦,卡卡。earth music & ecology其實香港都有,亦都唔係主打飾物,不過佢d紥辮我又真係幾鐘意喎,加上d頸鏈真係平過香港好多,唔買唔得,哈哈~~

瘋癲日本行購物樂 の 靴

話唔想買鞋,唔想唔想,不知不覺都買左9對,short short地,同埋又一次證明我真係好鐘意鞋,卡卡~~

一心想係日本買對over keen boots,不過睇唔啱同埋覺得宜家咁粗腳都唔會啱啦,加上日日都著住條moussy,都拎唔起個褲腳,都唔知點試,所以冇咩點睇over keen款,反而買左兩對平底簡簡單單既boots,仲要好平添。
右: pageboy第一對買入既鞋,9對裡面最愛既boots,好鐘意個隻窩釘蝴蝶結,襯牛仔褲好型架
中: baby & baby米白色平底boots,都係因為有蝴蝶結同埋係淺色,又平,只需7xxx yen,點可以唔買?
左: 冇心下買的ray beams,去到輕井沢實在太凍,咁啱係outlet既beams見到呢對好平既boots,又啱著,一著入去又覺得暖好多,所以就算冇我鐘意個隻金金地色,黑色我都照殺,諗諗下,其實呢對boots,黑得黎,簡簡單單又唔土,都幾好襯衫架,一諗起佢只係6xxx yen就覺得佢又平又靚又好著,著住佢行好耐街都ok喎

左: baby & baby粉紫絨面高踭鞋,其實又唔係真係好鐘意佢,係我第一日去完fint,知道買夠1萬yen有頸巾送,因為有兩個色,兩個色我都鐘意,咁我就想第二日買多1萬yen再要埋另外一個色,所以一次買呢對同對boots,點知比錢先知,送頸巾只係做一日,第二日已經冇lu,早知就唔買啦,不過好似佢好平,好似都係5xxx yen姐,都好抵著
右: cantwo買的平靚正淨色高踭鞋,呢個色同桃紅色我都鐘意架,不過我sales姐姐覺得我都揀左另一對紅色鞋,所以suggest我買呢個色,宜家有少少後悔點解我會唔買埋桃紅,呢對野係4xxx yen,真係好抵,仲要試個時係覺得舒服,至於係唔係真舒服,就要著出街先知喇

另一對係cantwo買既平靚正平底鞋,有兩個不同款的夾夾,好抵呀

由札幌睇到去東京先決定買的E hyphen world gallery蝴蝶結高踭鞋一對,好鐘意呢個色,好鐘意呢d扮斯文款,好鐘意有蝴蝶結,哈哈~

兩對好平的lowrys farm,3990 yen,點可以唔買呢?呢兩個色都係出秋裝時出,算好新色啦,雖然我唔知香港會唔會仲平d,不過係日本買開心嘛,所以一買就買兩對

最後,但都好開心可以買到既鞋飾物,其實買4 sets我覺得太少,不過都要1680 - 1980 yen一set,覺得唔平架,本來想揀夠5 sets,不過我見到老公個樣越來越衰,所以揀左4款就收手喇,左起豹紋毛毛帶,估唔到放左係隻鞋度又幾鬼靚喎,早知揀多一個款啦;左二:大大隻蝴蝶結,其實有一隻淺灰底,桃紅水玉係仲靚架,不過我係shop夾過唔同色既鞋,好似得白色鞋夾左先襯,呢個色反而容易襯d,所以買呢個色;右邊兩款都係寶石款,有好多色揀,其實我想買好多好多色,不過老公面口好衰,一時間又唔知仲揀d咩色,所以揀左一款大大粒長方既白色,貪佢極好襯,另外再揀多一款多石款,咩色都有,我估都好好襯掛。

右圖,d夾夾放左上鞋度,真係好鬼得,我好鐘意呢d鞋飾物,唔知香港幾時先會成行成市呢?

瘋癲日本行購物樂 の 袋袋袋

喪買袋,真係買得好癲,唔知點解覺得今次d袋真係好得喎,個個都好靚咁~~
第一個即買即用袋,買得好迷,因為全晚冇訓,所以見到少少鐘意就買買買,其實我好鐘意呢個袋既色同埋d窩釘啦,仲有d蝴蝶結,反而個bear bear就唔係好喜歡,不過都唔討厭囉,呢個係袋系中最貴既袋,接近30,000 yen,同埋都幾重,不過又放褸又放scarf都唔會好脹,都幾好用,袋係sapporo買,去到tokyo即用,死唔蝕~~第二個買的是一黑一白既delyle漆皮chanel feel chain bag,因為啤太想要的兩個款,店員都話sold out,所以有買錯冇放過,一次過買黑同白比啤太揀,不過最後去到東京反而冇呢個漆皮,有啤太鐘意既款,不過得白色,我都照殺,所以兩個白色,有一個會係我的,delyle係我第二第三個袋。moussy炭灰色窩釘袋,覺得個型好靚,同埋我冇呢d袋,加上10,000 yen都唔駛,所以又買,第一日,買入第4個袋,卡卡。

去到東京買手信比奶奶時,發現呢個好靚又好輕既rebecca taylor大袋,灰藍色真係好靚架,入面既花花裡布又靚,個蝴蝶結又可以拆出靚,都只係14,xxx yen,ok啦,所以又買!!

最後因為見到太多o架妹用呢個tres窩釘袋,諗左兩日,係最後一日都係買,其實有個桃紅係仲靚,不過我都有個桃紅miu miu,反而冇黑色袋,同埋黑色好似最classic,所以買,20,xxx yen,貴貴地,不過d猄皮好軟好靚架!!!

瘋癲日本行購物樂 の 生果

今次去日本算食得多生果
一開始係supermarket買既巨蜂,以為好甜好好味啦,但只係d汁好甜,d肉好酸,好彩係臨收工半價買,如果7xx yen買呢埋提子,我會覺得好貴!!

第二日買左一個好香既桃,冇影相,不過食又好似冇咩特別,不過聞係好香囉。 有一日去左場外市場食魚生,好多呢d粟米賣,可以生食,所以買左兩條,我覺得好甜好多汁,好好味,100 yen一支,平平平!!

最後今次終於都一嚐夕張蜜瓜,o架妹店員話呢個農場既蜜瓜係no.1,咁貴少少都買啦,仲要買兩個較大,我同老公屋企各一個,當然我地兩個係會食兩次啦,3800 yen兩大個,希望同我係蟹店食個舊一樣,係甜到癲啦~~

瘋癲日本行購物樂 の leggings/絲襪類

絲襪大合照,total買左14對,只係一對幫朋友買,其他都係買買下唔知自己買左咁多,卡卡

由於之前心心幫我買過一對我好好好鐘意既anna sui 12分leggings,所以今次一見到就死要買,同款唔同色,照買!簡簡單單淨色加一個anna sui logo,我真係覺得好靚喎;最右面個對anna sui,應該係成對黑色,小腿位係皺皺閃閃地深紫色咁,我估著左會好靚;anna sui相最左個對唔知咩brand,都唔平架,不過腳後一排既蝴蝶結,真係好鬼靚呀

另外一張,最右既tuche係豹紋絲襪;其餘3對都係12分leggings,兩對淨黑,純粹係想試唔同brand既分別,有一對係黑中帶銀線

有一對vw豹紋不是我的,其他都是見靚就買,burberry我好鐘意,我覺得相比vw同anna sui,burberry係最舒服,所以今次一定要買!!

就係咁,買買下,買左14對喇,夠short嗎???

日本行的紀錄篇 – 出發前+Day 1

今次行程出發前是喪多事要做,因為要搭凌晨機,所以沒覺好訓已經預左,為了養生,我沒有在16/10晚執行李,打算訓夠了,17/10下晝才執,又不知為什麼,每次去旅行我都會準備一張list要執什麼,每次都是對list執就可以,今次沒準備,所以執行李時要想得清清楚楚,頭上的冷氣對著我的頭係咁吹,吹到頭很痛,人都開始忟,所以臨出發都要跟老公大戰,戰完之後真的要準備出發,nic nic本來見我執行李,個樣衰得好緊要,不過他知道我們會帶他出街,又好似沒事一樣。
到達元朗,首先到亞哥屋企坐坐,讓nic nic見見他的表弟們,怎料他跟黑面狼狗開戰,真的膽大包天,既然此地不宜久留,於是我們便步行到pet shop,一入pet shop,店裡的哥哥叫我放開nic nic由得他跑,呢隻沒良心的狗,一放開了他便周圍跑,叫都叫不聽,我和老公看看泳池都好像很乾淨,所以決定加兩天游水給nic,我又怕他不開心,所以今天再加多一次游水好讓我們看看他游得開不開心,不出我所料,nic nic一下水便聾了,叫他上水又不理你,他在泳池邊,你一想捉他下來,他又游開,激死~~游了半小時,姐姐抱了nic nic沖涼,我們再跟哥哥傾多兩句便跟nic nic say goodbye,見nic nic不停望著我們離開,還以為他會掛念我們,我們真的大錯特錯。(事後根據大嫂及店員的描述,nic nic住得非常開心,住得玩得又訓得,最好我們不去接他,當我接他走的時候,他真的不多願走,真激氣~~)
離開元朗,再打的到九龍站作市區check-in,完成手續再到tst飲好朋友的喜酒,傾了一晚計,累得要死,在11:15離開tst轉搭機場快線入機場,一到機場有點點的興奮,不過頭真的很痛,想買藥但所有店都收了,唯有死頂。
上到飛機以為可以訓訓訓,不知怎的覺得機很細,很凍,很光,跟本完全訓不到,呆下呆下,又食下又飲下,話咁快就到羽田,由於第一站是去北海道,所以落了機取了行李,又要找地方再check-in,雖然到羽田是05xx,轉內陸機是0730,不過搞多兩搞,到真真正正可以坐下的時候都已經是061x,坐多一會又可以登機,羽田機場細是細,不過一路都有提示要去那裡轉機,我又覺得ok,但取了行李出海關的時候居然要開喼檢查,很無聊,因為海關堅持要開我的吉喼(大佬,我去11日呀,兩個人拎兩個大喼同一個細拖喼有幾出奇呀?講極都唔信d喼係吉,你要開就開啦,煩!!!),出了境要轉一程車去另一個terminal check-in,這程車很迫,幸好真的話咁快就到,再搭耐多一點點,可能會暈低。
在短短20-30分鐘等候時間內,明明不渴但都死唔蝕低要去買支綠茶飲,用yen買的特別好飲,卡卡。
上了去北海道的機,雖然是短短1.5小時的機程,但反而訓得好好,仲訓足全程,空姐更加連飲品都沒有給我。一出境幸運地不用等便有巴巴出sapporo,在機場附近看到少少的紅葉都已經we嘩鬼叫,10時多落了車,步行了大概5分鐘到酒店,今次選了chisun hotel Sapporo,比起上次住的keio plaza規模細很多,一樣是double room,都一樣細很多,不過地點比keio plaza方便,雖然步行到JR站都需要5 min,但chusin在大通公園及JR中間,去大通公園影影相都方便多了,反而keio plaza去大通要遠得多,而且chisun比keio平,正所謂平得100得100,住3晚都可以慳300個大洋,足夠我買多一件衫,那我當然覺得chisun都已經很不錯,下一次都可能再住這裡。放低行李,去去洗水間,都差不多11點才正式出發行街街。
札幌沒有想像中凍,很舒服,清清涼涼,在日本覺得呼吸一口氣都特別清新,尤其我跟老公都愛北海道。今天的節目主要是閒逛,所以沒有帶旅行書,因為我覺得我會認得路,只是帶了酒店的地圖及今天想去的餐廳地圖,行出酒店隨便選了一條路,行呀行,很快就到了大通公園,看見那個不記得名字的塔,感覺非常開心,開心是因為我又到sapporo,一個我覺得很美很舒服很多美食的地方,及看到有花的大通公園,感覺比上一次見到的白雪雪公園更靚,隨便影了相便入了最近的丸井今井逛逛,沒有什麼好看,是因為全晚沒睡,大家都很累,所以我沒有戰鬥力,眼看都已經快要12點,所以提議不如早一點lunch,看看lunch後會不會有氣有力買買買。怎料出師不利,明明上網還download得到31/10到期的coupon,估不到去到餐廳才發現不知搬了還是接了,總之就是吃不到想吃的天婦羅,因為執著,所以在附近都死要選一間天婦羅店,店子食物不錯,不過店裡很焗很熱很辛苦,吃飽飽便匆匆離開,本來我倆一人食一個set已經足夠有餘,眼闊肚窄的我,硬要叫多一客雜錦天婦羅,飽得要命。
吃飽飽還是像喪屍一樣在街上走,問了幾個路人才搞清楚JR的方向,去到stella上了3,4,5/F都居然出不了手,買不到東東,當我還以為自己變了的時候,不過當我行到B1,好明顯”我返來囉”,一落B1近電梯口就有一間samantha,我很愛samantha的袋,每次到日本都例必買一個,所以一進店,有理冇理拿著最當眼的袋左照右照,sales例必熱情招呼,拿了不同的顏色給我看,又左照右照,雙眼發光,在只自己細size的價錢下我要了一個大size,心想大size都一定不會貴很多,不看價錢也沒所謂;又由於在出發前揚言一定要一個長銀包,反正買開袋,不如又揀揀銀包,sales又好努力用她所識的英文去招呼我,而我又一心想買買買,所以都沒有compare其他牌子,我又選了一個長銀包,sales更加魔我選charm配襯銀包,其實一個charm都只不過是2xxx yen,我不知為什麼老公會覺得我被騙,他越樣衰,我越要買,其實本來我都沒有心要買電話繩,不過他樣衰嘛,我偏要買給他看,就是這樣選了4個items,around 6萬yen埋單,卡卡。
再繼續行B1,見到ORBIS,我便一支箭的入內買了香港沒有的兩款milk shake及兩款疑似粉絲的東東。Orbis隔離就是jelly beans,剛好今天stella有9折,本想本死都要買1-2對,不過揀來揀去,不是香港有,就是很怕香港會有更平,又找不到一對真的很愛的款,所以試來試去都沒有買,又由於老公的樣子衰得要命,加上剛好3pm,可以check-in了,所以打道回府。
回到酒店,休息了兩個小時,又再出擊,今次目標是行就近的東急,本來都漫無目的的,不過當去到blue label的時候,記起上次在這裡買袋的情況,又異常開心,所以死揀爛揀一定要找一樣東東買,而且好事成雙,隨了選了一件長身top,更選了一條scarf(好野,終於都擁有人生中第一條blue label scarf,hehe~),既然買了東東,可以退稅,所以多買了幾對絲襪。
買完東東,開開心心的去蟹將軍吃東東,怎料因為有人不懂路而樣衰,已經行到很累很累,加上看著衰面口,真的身心皆累,所以到了餐廳我要發一輛癲才心息,keke~發完癲加上食呀食,開開心心過了日本之旅的第一天,準備明天向富良野出發!!!!

(第一天已經令我很頭痕,因為連食連買,一共用了10萬yen,打後的行程怎麼算?)

魔魔集團第二次出擊@荃豐中心

荃豐像是有魔力一樣,一去到自自然然會很開心的買買買,今天本來只是想逛逛及拿回叫竹太及小仙女幫我買的東東,不過行呀行,又怎會不買?卡卡
今天最遲到的是我,我已經是打的到宜安街搭小巴到荃灣,不過都要等4-5架才上到車,都用了差不多20 mins才上到車。到達後第一站是「麗歌」- 小仙女推介的平平小店,不過竹太說麗歌經常很晚才開舖,有時是不開的,我有幸在第一次跟竹太shopping時,買到兩件平靚正top,上次魔魔集團出擊, 麗歌都沒有開店。在麗歌看見了一條我在聯合買的oops裙,很怕知道多少銀兩,我買的好像650個大洋,我覺得一條oops裙這個價都已經很ok了,所以買。最終在麗歌買了一件針織ruffle邊圓領top,我喜歡它的領,襯衫很好,老闆娘自動自覺減了我30個大洋,由280減至250,還有一條我覺得很樣衰既珠鏈附送,其實在店內,還有一件不知名的蝴蝶結背心ok,不過第一間又不想買太多,又不是很愛,所以放款不買,不過在我放了竹太幫我買的3件衫+小仙女的boots,袋已經很full,sigh~
行完2/F,當然要到我鐘意的膠袋ee shop搗亂,不過她應該是去了洗水間,沒有開舖。之後我們轉戰ka lam,Karen舖又是很多人,我拿著大大個shopping bag真的很難看,只是見竹太找到一件星星外套,很靚很靚,我又找到一件水玉斗篷,不過因為太多人,所以我們又沒有試,再看看膠袋ee開門沒有。
膠袋ee終於開門,一入內我就懶熟的跟她say HI,還要問她記不記得我,真是不要面,卡卡。本來膠袋ee都沒有客的,不過我越玩越多客人,摷得不夠痛快,但其實我跟竹太已經摷了她整袋scarf,揀了數條出來玩玩玩,我選了兩條叫膠袋ee給我hold起,心心選了一條oops裙,而我亦hold多了一件isbit冷外套。由於都是想看看karen有沒有比膠袋ee更好既東東,所以我們又回karen shop,我們不斷在兩間shop來來回回,十分搞笑。第二次到karen shop,比之前少了客人,我們又可以在此搗亂,看過掛出來的東東,我又開始摷人家大膠袋內的貨,摷摷摷,摷得我非常興奮,我跟竹太拼命的魔心心試一件baby & baby大花外套,真的靚到呢?又日本又襯心心,不過心心又覺得很細件,其實一點都不覺囉,karen見我們專摷baby & baby,她又拿了3件給我們看,兩件是同款的冷外套,一件是粉紫,一件是黑色,這件在小燕blog見過黑,白,灰,我在fluer fluer見過白色真身,真身很不錯,不過我不想要白色,所以有8折都沒有買啊,今次在karen shop碰上粉紫,我死拿著不放,其實我只是隨便試試就說要要要,因為我穿了的星星衫袖口實在太厚,怎試都不會好看,不過karen有suggest我除去面衫再試清楚,不過我說不用了,這樣都可以,只要不是太窄,我都會接受,因為我很愛這件冷外套的通花及領口,卡卡;另外還有一件我以為心心會買的baby & baby心心外套,上網見過很多次,其實我一次都喜歡,在膠袋ee見到紫色,不過我喜歡灰多一點,而且好像平膠袋ee 10個大洋,既然心心不要,那我就買吧,哈哈。
在karen shop,心心買了一件baby & baby花花外套,竹太又買了一件oops星星外套,小仙女對件皮褸心大心細,大家都很收鑊。之後大家又再在1/F兜兜轉守,我又到一間賣franche lippee的舖搞搞震無幫襯,看中一件背心羽絨,又有lace邊又有珍珠鈕,很女仔,很鐘意,不過問問價錢,比yen價貴少少,所以決定在日本找找看,而且我一直都很想到franche lippee shopping,所以不想在香港買。兜兜轉轉完再回膠袋ee舖搗亂,心大心細,我始終都要了isbit的冷外套,因為顏色實在太靚了,今次很成功,我不停的向ee發功,跟她講價,她終於都每件除了飛尾,再減多20個大洋一件給我,不過頸巾真的只可以飛尾,那都不緊要,成功講價都已經非常開心,付錢時見到一件herlam的毛毛背心,中間的鏈真的靚靚靚,試了又不是很細件,不過又不想買這麼多,但又死要ee平給我,我拼命的對ee說,你平多點賣給我啦,我會買的,最終ee除了飛尾都有平多20個大洋給我,很開心呢,卡卡。滿載而歸,打爆了我一整個lowyers farm大shopping bag,還要被竹太,小仙女說我像買了一張絲棉被~~~

扮勁車車碰上扮勁相機

想買想買,想買了扮勁相機都有半年了,由想買1000D到1000D phase out都沒有去買,沒買除了不想一筆過用大舊金錢,還沒有一個很好的藉口去買,適逢旅遊在即,加上今次去看紅葉,又一次很想買相機,經過和魔鬼的對話,很想很想買500D,再經魔鬼哥講講講,由原先想買副廠鏡,變成買Kit,左看右看,左問右問,我心中有數都是想在fortress買,不是它最平,而是我覺得差100幾10,我需要service。自己一個行MK,問價錢都還好,當我再問有沒有分期,10個sales有10個都狠狠的答我『冇』,但是真的沒可能大大間中原又答我冇,雷射明明有banner promote用交銀卡可以分期,但又答我冇,我慶到癲,所以當老公到達,我又逐一再問,有老公在身邊,就算我問同一個問題,sales都會有耐性答我,真過份,所以即使這些shop是平過fortress,我都不會幫襯,為什麼我用成萬銀買東東,要受你白眼?痴線嗎?
最終在我想放棄在MK買的時候,終於都給我碰上fortress的好人sales,服務態度好,有問必答,說得很詳細,氣順晒之餘更開開心心捧走了我的扮勁相機,我真的很很很開心。一回家當然是試影nic nic,呢個衰仔見到扮勁相機居然無左擰右擰,還乖乖對著鏡頭,他真識貨,普通DC仔,不願上鏡,見到扮勁就肯影,最威係佢啦,卡卡!!!

我要用心研究影靚相,要同nic nic影好多好多相,要去北海道影好多好多紅葉,yeah~~~~

深山的第一個中秋節

今年中秋,天氣算很好,沒有雨,清清楚楚看得到月亮高高掛,天氣又不熱。
在深山渡過的第一個中秋: 正日: 到老公的公公婆婆家做節, 翌日: 老公朋友house warming + BBQ + 追月

正日:
到公公婆婆家做節沒有什麼特別,最特別莫過於是舅母又主動跟我們搭訕,次次跟我地談話的話題都是「狗」,多數都會問「你地隻狗宜家點呀?」「佢幾多歲呀?」之後呢,舅母就會自己有自己係講,又說養寵物好好呀,屋企會熱鬧d呀,一返屋企就有隻狗歡迎你,真係好開心架,又話你開心唔開心,隻狗都會陪你,佢地真係識架。超,我很想很想答她,我由5歲開始有第一隻狗,中途大概只有3-4年沒有狗的日子,與寵物共處一室無25年都一定滿廿年啦,不再需要跟我說養寵物的十萬個好處,真救命!!!還有一個問題是,不要每一次見到我都問我的狗是什麼品種,問我狗狗叫什麼名字,問我狗狗多少歲,很煩呀!!!!
除了舅母,我老爺今次又有金句,話說飯後舅父提議吃畢整盒他今天買給小朋友吃的雪糕,免得留在公公婆婆家無人問津,我真的估不到,原來老爺很愛雪糕,一開始就要了大大碗,但我一見到dreyer’s已經完全沒有興趣,我最憎吃dreyer’s,除了喪甜+肥,想不出還有什麼,再加上一開盒,嘩~~~白雪雪的,一定是我最憎的雲喱拿,好像很早之前,我只知老公喜歡雲喱拿,我不知道原來連舅父這邊人都愛,太恐怖,我真的一點點興趣都無,所以我婉拒了舅父幫我裝雪糕,我說我不吃了,老爺見我不吃,又例牌好像不是直接說我蠢,但其實我又覺得他是真的想話我蠢,今日金語錄是:「其實雪糕最有營養呀,食得多都唔驚架,一d都唔肥架,其實雪糕係一d都唔肥又有營養,雪糕係最有益架,唔食就真係笨喇。雪糕用一小杯奶打就打到一大盒出黎架喇,真係一d都唔肥,又有奶,不知幾有營養!!!」
我覺得食了就真的很笨,dreyer’s真的很肥很肥,除了肥,其實老爺知不知道製雪糕還要很多糖呢?他知不知道要用多少糖才可以令雪糕又甜又好味呢?所有他喜歡食的食物,全部都是好有營養,好有益,唔食就笨,到底這個是什麼道理呢?很救命,最慘是他覺得他是正確的,覺得我是很蠢,因為我不吃,痴線!!!
胡鬧完一輪,由於我們今晚要買明天BBQ的食物,所以跟老爺奶奶一起到新都城park’n買買買(要和他們一起,因為不想他們自己搭車回家,反正車開了過tko,我地又順路一起回家,當然是等一等我們買東東再一起回去),我又發現奶奶對我們真的是過份溺愛,話說我今天帶了兩個大shopping bag購物,不過我的shopping bag是很立體的,在沒有放東東的時候看上來先很細,加上我是袋中袋的拿著到超市,奶奶一直在我身後細細聲的說:「咁細個袋邊夠呀?帶咁細個袋既」期間我好似有聽過她問老公要唔要多一個袋,說我們的一定不夠,不過我估老公聽不到,而我又不想回答,行行行,行行行,中途奶奶終於都忍不住拿了我送給她的大大個roo shopping bag出來,說可以借給我們,我說不用了,更出示了我的袋中袋,我說我有兩個已經夠了,當其時,奶奶其實還是不信夠放食物,因為她真的覺得我的袋很細,真救命。放心啦,我知道我今天要買東東,我一定帶足夠的shopping bag,其實我大個了,我真的憧安排事情,不必連一個小小的shopping bag都擔心我們不夠,又要自己借她的給我們,信我吧,我什麼都不聰明,買東東真的是我強項,我會很有planning的,最終剛剛好放滿我兩個shopping bag,奶奶又細細聲的說,哦!原來個袋都幾大架喎,真吹脹。

翌日:
為了今次的his friend gathering,老公緊張到不得了,所有事都想盡善盡美,想別人讚他的屋很靚,諸如此類,所以我都不敢懶惰,一早起床打掃屋企,弄得要死,又將一片混亂的家執到不似混亂,最終他的朋友都沒有參觀我的家,真嘥氣,打牌的打牌,不打牌的又驚狗,行都不敢行,噓~~~
不過地方大了,大家都多了很多走動空間,比之前的家舒服多了,今天天氣又很好,晚上BBQ的時候非常好風,一點都不熱,老公的朋友有一個好處,就是非常為人設想,他們其實都已經夠飽,不過見還有不多的食物,努力地燒及努力地食,非常幫手。因為老公的緊張,所以我們多買了一張膠枱,舊的木枱放上網架用來放食物,膠枱是用來安安落落的坐著進食/休息,雖然網架枱面是很雞,不過放到生的食物都ok吧,我反而很喜歡還有一張枱用來進食,好像很寫意一樣。臨放假前,我專登買了燈籠到天台佈置,老公的朋友又是掛住食食食,都無人欣賞,又是很嘥氣,幸好我和老公都ok欣賞這個簡簡單單的佈置,多了一點點氣氛。由2:30吃喝玩樂到10:00,其實我本身不是很累,因為要concenrate捉住我的可愛兒子,我整個精神都累得很,是夜洗澡後,我馬上立刻訓覺,連nic nic都攰到訓到第二朝都沒有起過床,他比我更累,哇卡卡。