風爽一歲生日會

呢個係風爽生日會既backdrop,真係好靚架

 本來呢個係用黎印我同爸爸件衫,不過最終用左backdrop,呢個只係印左cushion

爽爽既衫衫:
風風既衫衫:

風爽11個月之山頂遊

大個左好多喇,佢地可以自己企埋一齊影相,好得意呀!

第一個冇特別的母親節

雖然母親節不嬲對我都係冇感覺,不過話晒都係第一個,個心好想老公同我講聲辛苦晒架,不過冇架,咪又係同平日一樣咁過啦,都預左架喇,冇期望唔會有失望

風爽打半歲針

爽7.14kg,64cm,風8.47kg,67cm

風風有少少燒,食左兩次退燒藥

食奶奶

5個月零25日,風風識自己拎奶樽食晒成支奶

轉身

5個月零9日風風轉身,5個月零19日爽爽轉身!

買到怕

今朝起身就出去買餸,呢個星期完全唔敢泊街,泊左入停車場,其實行去街市都ok快既,係再去百佳就遠左d囉。

我平時買開個菜檔冇開呀,好鬼驚,我買慣買熟,你唔好唔做喎,希望你地係去左選特首而冇開,唔好唔做啦。好彩今星期要清雪櫃,所以買好少菜就夠,又要分開幾檔買,又冇得慢慢揀,好煩呀,買完菜老公放返去車,我就繼續買魚,買肉,見到檔活雞仲有雞,其實好想買架,不過諗好左今晚食魚就唔食雞啦,如果都係要雪,咁不如買冰鮮,由於太少野買,所以好快買完就走人。

再殺去百佳,我明明話只係買雞,唔知點解越買越多,痴痴地線,所以真係唔好比我行超市,次次行都會買好多野架。自從carita話次次買野都會比人收多錢之後,我都會check單,真係check到嘟多左錢架喎,咁鬼抵死既,雖然都係幾蚊既出入,但都覺得好唔啱,所以追討,但我早幾日先趁人出錯去搶尿片喎,卡卡。買完一輪,因為太餓,所以一人食左一件夾餅,飽到爆炸,仲要食到一身都係,如果第日風爽同我地一齊食,4個人都食到一身都係,係人都知我地係一家人啦,卡卡。

買完返去,爽都差不多要沖涼同食奶,我就趁atik沖涼時我執雪櫃,真係好彩當初我地買咁大個雪櫃,如果唔係,都唔知點放得到一星期食物,執執執,其實都真係好攰架,執野都要有條理先放得好晒d野,唔係亂放就得,由冰格執到去中格,當中仲要風風醒左,喊到拆天喎,佢訓左好耐,成6個鐘先食奶,所以喊到癲左,settle down晒佢地之後,佢地訓左都已經3點,我都要訓一訓,真係好攰,所以入房烚左半個鐘,老公就一返屋企就訓覺,佢仲好意思問我食左野喇?我話我冇食,好似有野食我唔叫佢咁,仲要問我搞咩搞咁耐,佢試下搞下咪知有咩要搞囉,其實我本來都真係唔mind要我做晒架,你唔好我做咁多野,都仲好似要怪我唔叫你起身食野,我做咁耐仲好似我辦事不力咁架?痴痴地。

End up我真係幾黑口黑面出去買燈,為左買燈又鬧交囉,我想個牆有d光比工人上落,佢死話唔駛,其實係因為貴,但我個point係要有d光,其實佢都覺得要有光架,咁佢又唔諗下有咩平方法可以有光,只係為反對而反對,低能架,真係唔係一句對唔住就過骨囉,我真係覺得溝通唔到呀,冇問題咪好囉,有問題根本講唔到野,我唔知仲可以點,痴線。

圓方

風豬今日走3場,一早出左去散步,跟住睇醫生,之後又要出去食嫲嫲生日飯,唔知點解同親佢地出街都麻麻煩煩咁,可能我太有bias。例牌豬妹又著到去飲咁,繼續低胸,普通一家人出黎食飯姐,唔駛去飲咁掛。跟住叫野食又你推我讓,去食泰國野但話唔食辣喎,黎錯左碟芥蘭,老爺第一個就食左,跟住我地話冇叫,係佢大大聲第一個話冇食到呀,比返佢囉,如果比我食左,我應該會話要左去,咪唔出聲囉,如果收錢未算,唔收就賺左,唔會食左又話冇食。

跟住為左一隻青口,係老爺自己唔食,又叫奶奶唔好食,跟住奶奶又話比豬妹,豬好又話不嬲都唔食,又夾住話比豬,痴線,你唔食放埋一邊,唔好夾咪得囉,點解要一粒青口不停咁夾來夾去,又要叫呢個食,嗰個食呢?煩唔煩呀?

我今日已經好冇眼睇咁,一早比左風爽佢地兩個架喇,又係例牌只睇住爽哈哈哈哈,叫佢地唔好摸風個面,硬係要摸,個男仲要癲到knock我風風個額,點呀?公仔呀?我冇眼睇,風都冇眼睇,係咁訓,爽就仲叻,喊添,我都唔知點解成日都要當我兩個仔女係公仔咁玩,都痴痴地架。

由於我太憤怒,所以入左zara狂買野,不過咁啱又真係好多新貨喎,終於都買到想買比風風個條爛牛仔短褲喇,勁開心,不過女仔真係好易買,爽爽有好多裙裙著囉,哈哈。

第一次幫風風沖涼

因為我太肉赤個仔下巴同頸都紅晒,今日踏出第一步,同風風沖第一次涼,哇卡卡。媽咪成日都話我得架喇,成4個月都唔自己沖,咁我見姐姐都沖得幾好,個個星期六日想沖又話凍返,我咪懶得就懶囉,不過同bb沖涼都ok攰喎,但係風又好鬼得意,不過我沖得好慢,又整濕晒咁,爽爽望到好似好驚咁,哇卡卡。

沖完涼幫風搽藥膏佢好似好痛咁,狂喊,真係心都痛埋。

風呀風,你快d好返啦,媽咪肉赤架。

蕭醫生

因為風風個下巴同頸越來越嚴重,雖然馬鞍山個醫生係幾好人,不過街坊生意,佢可能d藥都唔靚,所以都係決定帶風去睇一睇蕭醫生。一去到診所,勁多人勁恐怖,又唔知可以去邊,因為旺角都一樣係恐怖架啦,揹住風唔想行多人地方,又多人食煙,所以都係坐係度等啦。等到夠鐘食奶都未見曙光,所以拿拿聲餵左風先,佢真係食得勁快,叻仔。

入到去見蕭醫生,佢講左好多次恭喜晒,唔知佢仲記唔記得我地係要生育輔導既呢?不過點都好啦,風爽已經係我最偉大同最成功既製成品,佢地係點樣黎,係點辛苦,除左老公要識得珍惜之外,其他人我都冇所謂喇。講返蕭醫生先,唔知點解佢好似後生左咁既,不過佢都仲係好詳細,姑娘都仲係好幫手,同埋可能地方夠大,又會磅埋重同比地方我著返衫,唔會好似係馬鞍山度除開左d鈕,又冇時間又冇比地方我著衫,不過見夠近同平先去佢度食輪狀咋。

風爽,你地一定要身體健康呀,媽咪同你地出旺角睇醫生真係好有難度架,係蕭醫生我先有信心架咋。風風,你快d好返啦,媽咪見到你成個下巴同頸紅晒,真係好肉赤呀。

註:今日風風食飽同著住濕片磅重有8kg,嚇死我喇,點解你重得咁快架?

一家五口散步去

今朝終於都完成到我好想好想做到既野,就係一家五口去散步,其實都冇問題呀,一個推車,一個睇nic,好開心呀,係得風一個唔開心,成日一出街就呆晒,爽就好開心周圍望,仲成日笑添,雖然今日都趕趕地時間,不過都已經行得好開心喇,如果風爽大左,可以自己行仲得意呀,卡卡。

好期待拖晒三隻出街既一日,哈哈。

媽咪過黎

尋晚今晚打黎話會拎兩隻儍黎比我,佢話趁新鮮買左先喎,所以問我今日係唔係o係屋企,如果係就過黎,媽咪都幾早黎到,未lunch就到左,佢一黎到我更加冇心機做野,同佢傾下計又做下野咁囉。我叫佢等埋我放工一齊去西貢,我想拎返錢比佢,同埋睇下有咩海鮮賣,不過咁夜已經冇晒喇,但係我就買左cookie比媽咪囉,咁啱行去,好似懶好味咁,即管試下啦。

唔知點解見到媽咪好開心,其實我好想講比佢知我開始見輔導,不過又怕佢擔心,咁算啦,都係冇開聲,做左媽咪之後,就算媽咪點煩,我都覺得媽咪好好,唔知點解我今日會做得出攬住媽咪一下,其實我個心好鍚你架。

跟住係搭緊車返屋企個時,whatsapp問下watson個promoter放工未,如果未,我就過去買埋ad+先返屋企,費時星期六日冇時間買啦,竹太一早就魔我話買$388就有h&m,真係勁吸引呀。明明本來想買4樣野之嘛,搞搞下買多左3支hand cream,得到3大張$50 h&m,正呀!

全城搶片

今朝係公司玩fb時,見到1111媽媽圖文並茂咁話係百佳買左兩包huggies中碼公主學習褲係$35.9/48片喎,初初我都仲未覺得要去搶架,不過諗諗下,真係見幾多買幾多都好喎,$35.9/48片喎,加上我又開始見到其他媽媽話買到,我就copy左叫大家姐放工幫我係tko睇下,我就返mos睇。

點之大家姐好叻,佢lunch已經幫我係科大間百佳買左兩包,仲比埋張單我睇,真係平到唔信呀,之後我成日下晝都睇住fb update,睇下有冇邊個媽媽又買到,講講下,有人話watson都係$35.9,不過好短時間就已經有人話watson已經改返佢地system,要$96一包。放工之後,我仲專登行出去搭車,諗住入百佳望下,點知九龍灣呢間跟本冇學習褲買,好失望啦,咁我又行埋過去telford watson睇,係連片都冇得賣,極度失望,跟住我就猶疑應該入mos睇好呀,定去西貢好呢,西貢少人d,可能執到喎。其實係我行緊出telford個時,大家姐已經話比我知,佢又係坑口百佳買到4包,即是佢個人紀錄買到6包,真係好勁呀,好啦,講講下,我決定入西貢博一博,點知西貢watson又係冇學習褲既,百佳就唔知係冇中碼賣定賣晒定收起,個貨架就係放到密晒,不過係冇中碼囉,唉,我居然一包影都見唔到,好鬼失落,買左d魚蛋牛丸就等巴士返屋企喇。

老公放工話係中環幫我睇下,佢一共打左三個電話黎問我買咩,幾多錢幾多片,答完佢,佢話比我知,咁冇喇,車,真係嘥氣。等到佢9點都未返到屋企,我未食飯先囉,食食下飯點之佢話mos百佳有喎,我叫佢拎去過機睇下係唔係$35.9,係就幫我買盡去,過左一陣我見佢冇打比我,我咪打去問下囉,佢話過機係$35.9,不過個亞姐拎走左包片,話要問下經理喎,好彩最終佢都成功買到4包,佢返到屋企,我真係好開心,人地唔知,以為我執到金添呀。

由於老公話你買時仲有好多,所以我死心不息,好想出去再買,點知去到都好似比人收埋晒咁,咩都冇喇,咁再為左死心,去多一間百佳,呢間直情冇貨,咁終於都死心返屋企,今日收穫係買左10包平片,哇卡卡。

Gathering with TKOGSS classmates

自新年後就已經約話見多次面,上次都傾唔到計,今次上左may may屋企就好好多喇,至於可以坐埋d聽下嘛,加上係屋企食飯,傾下玩下咁,幾開心呀。今日風爽訓左係may ee張床呀,may ee快d生返個bb同風爽玩喇,佢地都會係好朋友黎架,hehe~

第二劑輪狀

今日9點就打出去診所問有冇得掛號,佢地話冇,一定要人到左先,咁所以我就叫老公車我出去先,跟住先返黎湊風爽出去,咁nic就想出街,我地又同佢出去行下囉,佢開心到死呀,哈哈,媽媽見到nic,風爽開心都會好開心架。

知道要等成個鐘先有得見醫生,我就打電話叫atik幫我手沖左涼先,返到黎仲有一個未沖,等佢沖埋涼我執少少野就一齊出去,風爽去食輪狀,atik就放假出街。都已經成11點先出到去,都仲要等多半個鐘先有得睇,順便問埋醫生風風條頸紅晒個問題,佢話係汗癬喎,開左d汗癬膏比我,不過有類固醇,我自己真係唔係咁想比佢搽,不過宜家咁紅,都冇辦法,一定要搽啦。

食完輪狀,我同老公食左野上車食,食完就返屋企餵奶,之後執袋就準備去街街喇。

註:風風搽左兩次藥膏係好似好左,不過一停佢係再紅再多,之後再搽都已經冇用,所以都係決定睇蕭醫生,蕭醫生一見到d藥膏就話唔好再搽,佢個表情話比我知,呢隻藥膏好似唔好咁,所以我以後都唔想再係馬鞍山睇醫生喇。