Nic Nic與風爽的一點一滴: April 2010

Tuesday, April 27, 2010

食藥食藥又食藥

由上星期一開始有少少唔舒服,去到星期四喉嚨很乾,痛又不是很痛,不過完全訓不到,所以早走去睇michelle,當時michelle話我上次的心火已經扯左上黎(好得人驚既形容),意思是指我的血液循環比正常的快,好似水滾一樣,加上我的脾產及腎虛都回來了,嚴重到連針灸後都沒有明顯好轉。好了,回家飲了兩日中藥,喉嚨明顯舒服了。
星期六再去見michelle時,又轉回主打補身。不過星期日跟了老公出去和婆婆食生日飯,回程時開始覺得唔多舒服,已經比平時早訓,星期一返工感覺越來越差,連book左brow service都唔想去,放工就返左屋企,是夜繼續比平時早訓,不過星期二一起身連聲都開唔到,好想sick leave,老公又死叫我沖涼先,因為我找不到michelle,不肯定她會唔會返診所,好了,沖完涼終於都找到michelle,所以決定sick leave,真的很辛苦。
於是打完電話返公司我又繼續訓,訓到11點幾12點起身睇一陣電視,食lunch,行行企企上下網又再訓,臨訓前叫了老公一個鐘後叫醒我,怎料他3:05才打來,匆匆忙忙的趕出門口,又要上山,又要等巴士,又搭馬鐵,火車再轉地鐵少到中環,真的給老公玩死,好好地他2:30叫我起身,我就不用趕,明知我病仲要我趕住去睇醫生,本來我打算在mos搭巴士去中環,舒舒服服。見了michelle,她說我好明顯是感冒,忘記了是什麼風起,是初起感冒,我說初起都很嚴重,她又說這是快來的感冒,如果調理得好,都可以很快好,今次針灸要針滿全脊骨,手腳都要拮兩支,而且今次不是開藥粉,michelle說感冒藥是’辛’,辛的藥煲會比較好,所以開了3張藥方給我,第一張是煲藥,執兩劑,每日飲一次就可以了,第二張是給我返工焗來飲,又是執兩劑,連續飲兩日,第三張是補身的,平時煲湯飲,不過她說一星期最好飲3次,至少要飲兩次。
慘~~感冒藥真的很難飲,希望不要再為感冒而看michelle了~~~

Monday, April 26, 2010

徹底戒口

其實我唔係唔知炸野,熱氣野對身體唔好,不過要我戒又真係好難,我已經好努力咁飲少左好多凍野,估唔到最終連我最鐘意既薯片都要戒,好痛苦。
點解要戒呢?原因係我中毒太深,睇左3個月中醫,次次都針灸又食藥,由最初一星期食5日,已經變左一星期食6日,照計我身體應該已經強返好多,冇理由隔一個星期唔睇又會再虛返,同埋當我知道原來我d乜虛物虛同我想要爽爽又有關係,我唔容許我呢個大計會受我身體影響,所以我要戒呀~~~
話戒話戒,其實我都仲有食紫菜,又有食朱古力,不過已經冇成包薯片隊,出去食飯又冇係咁叫熱氣野,都算好好架喇,至少踏出了第一步,雖然今日只是決定戒口後的第4天,但一諗起以後都冇得食薯片都仲係覺得好生不如死。

Sunday, April 25, 2010

一週回顧 (2010年4月19日 – 4月25日)

4月19日:
今日一起身就覺得鼻塞塞眼暈暈,咁又好眼訓,所以sl一日,最終全日係屋企冇所事事咁上下網訓下覺又一日,唔駛返工真係好開心。
仲要老點老公放工返媽咪度拎湯,拎得湯又叫媽咪比d飯同餸我,唔駛煮又一餐,又開心。

4月20日:
今日返工好忙好忙,冇咩時間玩,仲要做到7點先走,出到mk,都7點半啦,半個鐘食埋個dinner就返學,今個星期要戒口,點之老公suggest去食齋,我仲要叫佢叫定野,點知佢叫到一枱都係豆腐,粉絲同埋白菜,玩咩,樣樣都涼架喎。最搞笑的放學後老公話以為間齋舖呃人,打開個menu,又有叉燒又有鰻魚,所以他叫左一個鰻魚粉絲煲,豆腐煲同炸豬扒,黎到既時候,要我食入口話好似鰻魚喎,佢先知係假野,同埋我一食就知係豆腐,所以食左一舊就算,豆腐煲仲要有d白菜,真係好似玩我咁。
由於上次冇上堂,今日唔知要test,又係冇溫,又係唔知寫咩,哈哈。全程都好眼訓,好不容易先過左1.5 hours,好攰呀!

4月21日:
今日放工偷偷去左搵karen,好開心呀,我又買左好多野,哇卡卡。
返到屋企樓下,仲要撞正老公,好鬼驚囉,好彩佢又唔係好理我,hehe~
不過唔知係唔係開心得滯定太頻撲,夜晚有少少燒。

4月22日:
今朝起身冇事,不過都仲係覺得好唔舒服,所以一早send sms比michelle問佢要唔要見一見佢,咁佢suggest我睇一睇,既然book到最後一個booking,所以去睇啦,仲要call taxi去,快到20 mins由kln bag到central,本身已經早左半個鐘上michelle,點知之前d客又有遲,我足足等左一個鐘先有得睇,今次michelle話我好虛呀,拮完針都仲係好虛,大鑊喇。
睇完之後,老公都差不多放工,去city super買左d又貴又唔好食既麵包就搭690返媽咪度,個人好攰,不過又訓唔著,好辛苦呀。
返到媽咪度又好似玩我咁,煲左冬瓜湯比我飲,雖然有薑,試後問返michelle,佢話有薑係好d,不過都係唔可以食。

4月23日:
又到左好開心既wfh日子,今日好冇精神,又唔係好想做野,所以都係send下mail下,lunch訓下,之後影下相,update下blog又一下。夜晚老公買左金滿庭返黎食。

4月24日:
今日要帶左nic nic去沖涼先,跟住先去中環睇michelle,隔左兩日去睇,michelle都仲係話我好虛呀,所以今日又拮多一次,仲要比平時拮既時間耐左,終於都好返少少。
去左魚米家食左個tea之後就上左堅道global essence,返到ifc又去beyond organic,買買買~~
臨出車之前唔知去邊好,咁就打一打比大家姐啦,原來佢地返媽咪度,咁我又返,斬左乳豬上去,點之媽咪知我又返,又去左斬燒鵝同叉燒,所以今日係燒味餐。
今日nic nic比平時早沖完涼,所以湊左佢上媽咪屋企,bob叔超憎佢,吠到成隻都震晒,個心又跳到好快,超好笑。之後仲帶埋黃小深返屋企玩wii,反正都買左,搵個人返屋企玩好似抵d,放埋床單,搞呢搞路我都成3am先訓,老公同黃小深就5am先訓,癲架~~~

未返屋企之前,我地有同nic nic散步架,估唔到nic nic會跟黃小深,反而唔跟6299,哇哈哈~~

4月25日:
訓到自然醒,老公出去massage,我開左機比黃小深玩我又再訓過,等到老公返黎就食食食,之後洗下床單,沖下涼就要準備出去食飯,順便車返黃小深出去游水。
今晚係食老公婆婆既生日飯,原來出去食一餐飯要小心起上黎我係會有9千幾樣野唔食得,咁唔食就算啦,當減肥。出左去食一餐飯,個病又好似嚴重返,不過返到屋企又好似好返少少。

Saturday, April 24, 2010

我和nic nic的生活

星期六去睇michelle之前帶nic nic去沖涼,係車度冇野做,最鐘意就係影相,不過nic nic係由細到大都唔鐘意影相架

好八卦咁望街

我見好耐冇同nic影過相,所以自拍

幾鐘意呢張,因為睇得出我真係好鐘意nic nic,卡卡~~

呢張好麻麻,不過我會照keep架

正面衰nic~

夜晚返到媽咪度,同bob叔影下相先,hehe~~

我有我的護膚新態度

自從看過兩本關於skin care成份的書後,開始轉用ATORREGE AD+及同廠的Satys,皮膚馬上好了不少,面紅現象比以前少,不過AD+的foundation就不是太好用,覺得有一點點厚,反而loose powder是非常好,不過又很貴。因為AD+的foundation不好用,同一時間魔魔集團開始玩Jane Iredale,所以差不多同一時間連粉底都轉了用沒有chemicals的產品,感覺真的非常良好。
幾個月後,小腿突然起了一腳濕疹,看了很多次醫生,連急症都入了,都是看不好,搞了我3-4個星期,連面都好像有一點點痕,由於太驚,所以馬上立刻再去買satys的claming lotion+claming gel,同一時間試試AD+的body lotion and hand cream,當時都不知道是媽媽的湯水有用,還是AD+這麼好,全腳和手腕地方都馬上好起來,連印都好得很快,自此連body wash都轉用了AD+的,雖然是貴,不過都只是我一個人用,而我好了之後都沒有戒口又沒有做其他事,touch wood過了大半年有多都沒有再翻發,所以我不得不信冇chemicals的skin care是有多好。雖然AD+ / satys的products已經是非常的好,不過擔心的女人還是喜歡去尋找新skin care,不過試還試,我始終都只會選沒有傷害皮膚成份的用品去試。
其實有朋友問我是不是一定要用organic skin care,其實我不懂答,到底沒有化學成份是不是等於全植物成份呢?我真的不知道,想了很多次找不到答案,其實美容成份多是從植物提煉出來,有些會加入一些化學東東去將不同的美容成份+科技來讓所有成份混在一起,而沒有化學東東的就只是用科技。如果我這個假設是成立的話,即是沒有化學成份的skin care就是用上全天然的材料去做,如果是全天然材料,應該是organic的植物比一般的上乘。說了一段連自己都未必會看得明的東東,不如直接看看近排在那裡放血吧。

Global Essence:

右起: 紅色盒是魔魔集團送給我的生日禮物,盒入面有一支價值連城的'甘露',gorgeous的rose water,貴到連想都沒有想過會試,居然今年生日會收到,開心到我呢~用了之後一定會靚爆鏡。’甘露’的右邊是dr Alkaitis系列,細細支的亦是生日禮物之一的eye cream,大支的一支是serum一支是cleanser,已經是第二次買入。應該由1月左右開始用dr Alkaitis,從來都沒有用過,就算連很久前買東東送給我的sample都沒有用過,居然在1月頭夠膽差不多買下full set去試,當時買了cleanser,serum,treatment oil和super mask,另外再在1月尾加買了smoothing gel和day cream,其實除了night cream,我已經買了full set去試,用了3個幾月,皮膚又真的好像好了一點,而且dr Alkaitis的賣點是很快比皮膚底層吸收,絕對適合朝早趕著化妝的時候,因為不用等皮膚表面乾爽才上粉。逐一介紹下先:

Cleanser: 買的時候,好好心機的姨姨說可以當是每天使用的溫和磨沙,可以去死皮,令皮膚柔軟,其實好用程度跟ad+/satys的foam差不多,純粹貪得意,所以繼續用,不過我還是跟satys foam間著用的。

Serum: 一支toner+serum function的東東,吸收的很快,其實算是有幾勁的酒精味,不過算是植物酒精,不會傷及皮膚,所以照用,而且不用再塗serum,真的很方便。

Eye cream: 用了差不多一個月,真的覺得可令眼紋減淡,非常好。

Smoothing gel: 當cream用,其質地非常爽,絕對合我,不過每星期會有一晚加兩滴treatment oil一同使用,令皮膚更亮。又如果皮膚有一點點乾時,不想用太多treatment oil,之後會再塗day cream。

Day cream: 不會每一天使用,而且會當night cream用,當天氣乾燥/皮膚有一點點痕,塗完smoothing gel後會加用day cream,不得不讚連cream都可以吸收得很快,真的不錯。

Treatment oil: 超推介的oil,之前看erica的video說除了補水,皮膚同樣要補油,她介紹了squalane,不過每晚用都好像有一點點敏感,用了半支後,nic nic還拿了來吃,那我便算了,不再買來試,之後一直都很想找一支適合的油用,誤打誤撞買了這支,除了塗面,身體任何部份,連頭髮都可以用,不過手腳沒有試過,只是電髮後,頭皮很敏感的時候塗過幾天,頭皮真的沒有再痕,每星期找一兩晚用上兩滴,第二天起床時,面不會油淋淋,而且很柔軟又有光澤,真的非常好。還有,試過想起敏感時用,亦可舒緩敏感,真的非常非常好,很值得一試。

Super mask: 是一隻powder mask,其實我覺得用時是非常麻煩,但因為用完後暗粒減少,黑頭又生得慢一點,所以很有心機每星期都用一次,其實除了清潔作用,如果加入牛奶可變滋潤mask,如果加入麥皮便有助去死皮,兩個用法都沒有試過,只是用水都已經覺得很好,至少我眼下的暗粒真的少了,所以覺得它真的是super mask,所以等到某年某月,我想我會試試加牛奶用。

數了3支dr Alkaitis,隔離是再買的hand cream,臨訓前用,總覺得香味能令我容易入睡,不過滋潤的持久度,好像都是ad+ hand cream比較好,可惜沒有香味。
再隔離是shop manager送給我的just rose body wash,just rose的bath powder試過,真的頗滋潤及滑溜,如果body wash跟bath powder同一感覺,其實會是不錯的選擇,不過不知道價值會唔會比ad+更貴。前面有一支Naturelle d'Argan的cleansing milk及磨沙,cleansing milk是卸妝用的,試過一次又真的很乾淨,不過味道有點難接受,另外磨沙會在一兩天內試試。
最左邊的是gel,一向用開aveda已經覺得非常好用,試買新東東,是因為想盡量避免chemicals,而且百多元一瓶值得一試。

Beyond Organic:

放血情況異常嚴重,支數不多,不過極之昂貴。比較平的是用過的shampoo同新買的minc eye powder(兩樣都分別是145個大洋及185個大洋)。
Do organic及amala都真的很貴。

首先介紹下do organic先,do organic是日本首個organic brand,日本東東嘛,一定想試,其實massage bag早幾個月已經買了,因為上一個星期六為了free parking而買東東,所以就算未用完都翻兜。暫時一共用了兩個massage bag,第一個很乖乖的真的用了4次就掉了,第二個用了5次才掉,其實我覺得每次沖乾淨又風乾了就可以用多一兩次。Massage bag是可以吸走面上的油脂及污垢,亦有淨白效果,295一盒只得6個波波好像貴了一點,不過如果用上5次,其實都可以接受,用後感覺良好。
另外今次買了extract lotion同power serum,其實extract lotion主要是軟化肌膚令之後的serum更加吸收,不過我不明白為什麼店員叫我用完extract lotion後再用自己的toner才再塗serum,而我理解extract lotion不就是toner作用嗎?還要再用toner?我一定要再去問問才開始用。
Power serum勁貴,少少的30ml貴得要命,應該是打了矇仔針才買,不過買了,希望它真的十分非常極之好用,powder serum主要是補水,緊緻作用,試過上身,感覺很水很舒服。

Amala之前其實只是試過一包包幾ml的sample,body butter的香味很好,又沒有敏感,雖然一早知道價錢不平,不過只想跟ad+間著用,所以想買來一試,就是一瓶body butter令我放血,因為現在vip promotion,只需買一件正價產品便可以85折買travel set,travel set有purify series的skin care及detoxify的body care,不知為什麼一聽見body care便好像癲了一樣,明明只有body wash,body polish及body butter各50ml都索價560個大洋還是照買,一口氣擁有了全線body care產品,又不知為什麼明明global essence給了我卸妝cleansing milk試,試都未試我就去買了一支amala的hydrating cream cleanser,回家發現其實我有一包rejuvenate的cleanser milk亦是用來卸妝,不知為什麼ifc的姐姐仔要介紹hydrating給我,其實水份好還是抗氧好呢?星期六試了global essence的sample,感覺不錯,只是氣味不太好,星期日試了amala的sample,氣味好得多,同樣卸得很乾淨,希望hydating的氣味都不要難聞,如果不是,我會很後悔無端端買了一支臭野回來洗面。
同一日在global essence及beyond organic買東東,在global essence感覺好得多,可能global essence只有一個員店,而且她又是shop manager,感覺細心又專業,她很詳細解釋給我聽用cleansing milk卸妝一定要tissue off了一次才用水洗,這樣除了可令過水時較快洗得乾淨,tissue off的好處是連死皮,污垢都可以一起去掉,比起只用水會更乾淨,而且她很熱情的介紹其他東東給我用,當我說不用sample時,她還努力地選一些合我用的東東給我,非常非常好。Beyond organic似追生意多,店員的態度不差,不過就是沒缺了什麼似的,而且當我開口說想試什麼什麼的時候又沒有sample,雖說她會紀錄在案,下次有盒仔的時候會再給我,不過我覺得我用完所有東東都不會打電話給我,所以以後都是去比較偏遠的global essence好。

Fancl:

第三樣補給品是fancl,其實我有大量dr wu的paper mask,不過因為覺得dr wu的是珍品,不是很捨得用,所以多數都會用fancl paper mask,雖然又知道paper mask不及cream mask好,但我用paper mask好像比較適合,不知是不是每次敷cream mask都實在太過份,一定over 20分鐘,所以令到皮膚很易有暗粒,而敷paper mask時刻都會提醒自己不要過時,所以效果好像較好。另外上幾個星期買了fancl新出的home spa massage facial mask(其實都不知是不是這個名,好明顯是老作),試用了一支感覺不錯,幫大家姐買wash powder時見到出了另一款又買來試試,兩者有什麼分別呢?黃色比較rich,質地好像厚一點,綠色的一塗上面真的有清涼的感覺,而且可以relax皮膚,收細毛孔,好像比之前買的更適合。所以買呀買,越買越多。

其實面只有一塊,一星期又只有7日,我那來這麼多時候敷面呢?每一樣都說一星期用一次就可以,但我手上又怎會得7種mask這麼少呢?下次買之前都應該要停一停,諗一諗~~