奶奶回歸

今日係99回歸既日子,就係因為62死要揸車去接佢地,搞到我冇車用,我仲要有成4袋野拎去姐姐屋企,鬼死咁辛苦,痴線架!


去完party咪返mos同佢地食飯囉,點知個妹又要訓覺,都見唔到佢,都係同6299去食海港,超爆唔好食,又食得勞氣,都唔知去黎做咩。我真係好怕好怕老公一痴去佢地度,就成個人變晒,變返成個癲佬咁,好討厭呀~~~~

6299繼續都唔覺佢地有咩點關心我囉,見我個肚咁大個,都唔會問下我係唔係好辛苦定點架喎,痴痴地!!!

Abby’s birthday party

今日係abby既bday party,姐姐諗來諗去最終決定係自己屋企搞,我覺得呢個決定最好,因為比我都唔會出去搞,留係屋企咪算囉,其實我都唔知有咩人要請,卡卡。
上到姐姐屋企好多氫氣球,好靚呀,個生果盆栽都好得,一坐低我就係咁食d卜卜脆野,食到好鬼飽,鄭生仲係咁拎野出黎比我地食喎,真係唔食lunch上去都得呀。
當拎出主角個蛋糕出場時,由於大家都覺得勁靚,好大聲咁「嘩~~~~~」,點知abby乘機喊到唔收聲,喊喊下仲訓左,因為佢發眼訓癲喎,所以佢冇切蛋糕,冇睇,冇吹candle,冇端端就訓左,變左其他小朋友興奮地吹candle同食蛋糕,個蛋糕係好靚,不過真係好漏同好甜,hehe~
最後送出我地既大禮個時,姐姐居然覺得我揀既整野食玩具係玩佢,我真係覺得好好玩喎,玩完又有得食,幾好呀,如果你真係唔玩,我唔mind你留返比我同風爽玩架,哇卡卡

再之後就送埋momo kit set比心心喇,估唔到d男人都覺得rody好得意喎,我真係有眼光架。其實我見到momo個kit set都覺得好開心,又有靚野,又有實用野,心心收完都好開心架,momo呢度係咁多個姨姨既心意,祝你肥肥白白,身體健康!!!!!!

又頭暈,所以放假

今朝返工返得我好辛苦,我由落車一刻已經覺得好辛苦,咁硬死頂行到去shuttle到上車,以為坐左一輪會好d啦,到返到mega box又係好辛苦,好似想暈想暈咁,搭緊lift上office我已經腳軟,死撐先可以坐到返埋位,我連去pantry都唔敢呀,一直坐坐坐,但都唔見得好好,所以叫左carita幫我斟水呀。
咁啱同開姣精講野,我咪同佢講我好暈,可能下晝要睇醫生,不過唔知book唔book到,咁dr yu又未返,諗住搵dr lau睇返我啦,點之佢又唔係clinic,好彩姑娘好好人,話幫我試下book同clinic既另一個dr,要去仁安睇,咁是但啦,總之就係book左2:45係仁安。
最後連lunch都係carita幫我買,我都唔係咁想行,一路食我都仲係覺得頭暈暈架,真係唔得佢死。仲有一樣激氣野,我成朝同我老公講唔舒服,佢就當我玩野咁,唔緊唔盛,仲要話睇dr lau好貴,叫我夜晚放工返mos是但睇個醫生都得,我唔喊都唔得架,我真係好辛苦呀嘛,痴線。
2:00係mega box打的去到,登記埋,度晒高量晒血壓就啱啱好2:45,全個仁安婦產專科都係大陸人,我懷疑得我一個係講廣東話囉。等到3:00左右見醫生,醫生又問我有冇耳水不平衡,其實我有過,不過我唔覺得關事,都唔係同一種暈,又照過bb,風爽都冇事,仲要比個醫生話佢地好生猛添。
最後用左我成千蚊拎左一星期假去休息下,原來我係mega box去仁安係平過仁安返屋企,真係估佢唔到。

Uni-mate gathering

襯kelly生之前,我叫左小玲幫手搞呢個gathering呀,今日kelly個肚其實同我差不多,我有少少覺得我自己個肚大d添,但人地差不多30 wk,重左廿幾磅,瘦人真係好,重咁多都一d都唔覺,哈哈。
今日最大收穫係希望ronald真係幫到風爽入保良局學校,入到保良真係好,至少有好多band 1選擇,又有幼稚園,小學同中學,希望成事啦。
今日kelly已經送左禮物比風爽,係我第一份收到既禮物,好surprise呀!!!多謝晒,我好鐘意呀!

7月花甲

有左之後都唔想做太複雜既甲,因為坐定定係度都真係好辛苦,所以一定要快靚正,今次係抄竹太拉花款,真係好掂,又快又有款,睇落一d都唔似一個鐘就做完呀,勁!!!

勁醫生做結構

本來18/7去做第二次結構既,因為醫生話23 wk做已經遲遲地,胎水少左會比較難睇,但老公因為公司既麻煩同事,搞到我要改到今日先做,今日己見係23 wk 2 d,應該唔會同23 wk差好遠掛。
今日一早起身陪老公去睇左醫生先,跟住先出去,點知我地呢d遲到人,明明話10點去到診所,係都搞到10:30先去到,好彩唔算等得耐,睇完食埋早餐都係11點多d,老公拿拿聲去拎車,入油就出發中環。本來好地地,遠d就遠d泊去ifc都係遲15 mins左右到,因為老公唔想我行,諗住泊近d中建,點知又行錯路,又要兜一大個圈先去到landmark個邊喎,又唔知架車泊邊,最終佢是但係附近放低左我自己上診所先,佢就再去泊車,最後我要12點多d先去到,遲左半個鐘有多,真係勁唔好意思,好好彩,醫生同姑娘都真係好好人,我地好快就開始上床照風風爽爽喇。
一開始係照爽爽先,到爽爽差不多照完,老公都黎到,醫生好好心機再快速講一次比老公聽照左d咩,之後再繼續睇埋風風。Dr Yu呢個介紹真係好得,佢好細心好nice,問佢問題都答得好詳細,完全令睇佢既人覺得好舒服,成個過程用左個幾鐘,就算有時風風爽爽爬起度,醫生睇唔到想睇既野,醫生都會話,唔緊要,我地睇第二度先,佢同鬧耐性,比起上次起勢ee ar ar係贊育幫我照個姑娘真係好得多。呢d就係5千同免費既分別,Dr Lau令我好放心啦,佢個總結係可以照得到既所有野都睇晒,全部都正常,叫我地應該要安心架喇,hehe~
今日除左因為呢5k覺得用得值得之外,意外地仲見到爽爽個樣,我上過呢個診所個website睇過,知道佢地會有3D同4D,不過只作診斷用途,唔會作非診斷用途,未去之前其實都真係好想叫醫生影個樣比我睇下,諗住影一張半張唔緊要啦,但最終因為朋友始終都覺得太高頻既u/s會對bb有影響勸我唔好照,咁我唯有自己唔request啦,如果醫生真係覺得有需要先照。到照照下睇肋骨個時,醫生轉左做3D喎,好得意呀,雖然得一排骨,睇真係好清楚數比我地睇有12對肋骨係冇問題睇,睇睇下爽爽個牙床同咀唇,突然又轉左做3D,開心死我,第一眼見到爽爽覺得佢好靚女呀,好似老公囉,不過老公又話好似我,總之我就係覺得好似我地是但一個,唔係mix埋,同埋個樣好女仔,哈哈!!
照完晒所有野,一路都好開心諗住爽爽個樣,但因為係隻dvd度,又唔可以即刻睇,所以唯有係咁諗。睇完醫生,去左太子大廈睇下bb野,本來見到polo on sale都有d開心既,不過d野都唔靚,加上減完都仲係好貴,完全冇意思想去買,是但行左個圈都係覺得上樂天買啱心水好多。之後仲去左vero食cake,老公仲飲埋杯signature dark,我試左一小啖,好濃好香,但好似飲緊一舊dark chocolate咁。行返去拎車個時就順手睇埋老公成日話同事去執平野既利源東街望下,我又真係唔覺得好平,雖然有d所謂剪牌sugarman,但我覺得係假野,唔係剪牌咁簡單,不過都ok既,但一個款得一件咁,80 size又唔靚,所以一件都冇買,有d好平好歐美款既body,嘩,但真係好核突,我一定唔會買,老公指左件風褸出黎,我只覺得好普通,但都要$198,一d都唔值囉。我自己再行埋隔離個間似韓國又似日本既童裝,都唔係好得,唔算靚但貴,d牛仔褲都冇zara咁靚都$199,咁我買個d都係$159之嘛,冇需要係呢d地方買囉。
行完街街出發去小玲度整甲,下晝整好舒服,小玲唔趕,所以我可以遲下到,今次整都係要快靚正為主,1個鐘走得,之後去左風月堂食tea,食完又慢慢行返去拎車就返tko喇。
今日返tko係突然架,因為有車,所以去左南豐買埋個音樂轉轉轉同埋姐姐個帳篷,返到媽咪度仲有rody既玩具,一大袋衫仲有大家姐幫我買既鞋盒同車好左既床單,好多野拎呀!!!!!!
今日出左一日街,雖然好攰,不過冇浪費時間,做左好多我一直好想做既野,至少拎晒日本d貨返屋企,個心好似開心d,hahaha~~~
行一日換黎既後果係抽筋抽到癲左,第二日起身都仲好痛呀!!!

Hacken Lee Concert

今晚要去睇concert,所以下晝出去mos食tea同埋買定餸,我地宜家買餸真係好hea,個個星期都煲粥食兩日,懶到出汁。買完野返屋企本來想訓一陣先出去,但又要放好晒買返黎既野,又要晾衫,搞搞下都冇時間喇,係sofa捱左一陣就出發睇克勤。
今次老公好醒,睇定晒邊度最近泊車,真係比平時近左,但附近冇咩好買黎食,我只係食左蛋糕仔,食個時就覺飽,好鬼快就肚餓啦。
我地個位超靚呀,雖然係第10行,但其實前面有條走廊,克勤係會行過黎,開左場冇耐,我就已經握到手,佢仲應該見到我大住肚黎睇佢concert添,哇卡卡。我仲拍風風爽爽叫佢地聽歌,我覺得佢地幾鐘意三弦,聽三弦個時反應好大下喎,到第二次再行近我地,今次老公都握到手,開心死我地。不過我坐坐下真係好鬼肚餓呀,早知買多少少野食啦。睇完演唱會,老公專登入一入mos買三文治比我做宵夜,除左三文治,我仲要食埋生果先夠飽,真係大鑊,宜家成日都要食呀!!!!

沙田晚飯行

今日係屋企全日,真係好悶呀,dinner老公話出mos食,真係冇選擇,唯有是但啦,不過開車冇耐,老公自己話一係出沙田喇,我更係lur食應啦,去遠d好似開心d,仲去埋太興dinner,其實我係好想飲佢杯紅豆冰,卡卡。
老公都好似生蟲咁,我地叫左3樣野,本來話左食唔晒就拎走,點之食食下,老公係食晒全部囉,痴線架,佢唔肥就奇喇。食到飽飽滯滯所以係新城市行下街街啦,其實都係行zara,想睇下會唔會有d咩突然間又再平d,點知都有d驚喜,男仔鞋有d款減到$79同$99喎,雖然有兩對再減既款已經買左,不過死唔蝕再揀多一對比風風,爽爽都揀多一對,好彩女仔鞋冇再減姐,因為買比爽爽既鞋多d,仲揀多左件新款比黃小深,$99一件10幾歲著既衫,其實真係好抵呀!
行完zara,成個新城市都好似就快會趕人走咁,不過去car park條路見到uniqlo,咁過去睇下有冇home wear有減價囉,裙就冇喇,短褲有減都ok,所以是但揀左條短褲就走人。開開心心返屋企,haha!!!

又比人鬧

唔知點解今晚又冇端端比人鬧囉,正死肥豬黎架,自己比公司個叔父激親就冇端端鬧我,佢煮飯個時我不嬲都係玩電話同睇電視架啦,到佢坐埋位我先一齊食野架嘛。今日佢叫左我一聲食飯,佢自己又未埋位,就冇端端鬧我煮完又唔食,快d過去食飯啦。痴痴地,我嬲到爆炸,如果唔係肚餓,我真係少少都唔想食呀,食完餐飯都唔同我道歉,我就一直嬲,訓覺都仲係好嬲,叫佢氹返我又唔氹,仲繼續鬧我,好憎佢呀!我成日都訓得好差,又比佢激到我個心跳得好快,賤人,憎死佢!

第二日當然未可以settle件事啦,我嬲到又頭暈又抖唔到氣,最終早走去睇michelle然後返屋企訓覺,真係激死我!

Zara shopping again + sugarbabay shopping

今日唔知點解好想行街,但又冇帶電話,姣蛇又出去開會,但我都唔理得佢咁多,照send sms比佢話我唔舒服要早d走,如果有問題先打返office比我,咁我見夠鐘都冇電話比我,我咪走人囉。
專登打的去elements,點知間zara完全冇料到,好鬼失望,唯有死死氣出返tst個間睇下啦。估唔到再睇多次,都仲有d鞋仔可以執下,真係有d後悔第一日減價我都唔揀下鞋,個時揀應該多款好多,不過今日都唔蝕,每人買多兩對比佢地,卡卡。行完zara,急急腳出去搭車返tko,因為我仲要去南豐買埋d麵包超返屋企,今日終於都可以帶細箘人同毒箘妹妹夾衣返屋企,我真係鐘意左好耐,一田太貴,樂天搵到又冇貨喎,仲有個餵奶枕啦,兩塊防水墊,一pack口水肩仲有一pack紗巾,今日終於都join埋vip,落到樓下仲咁啱有taxi可以搭,正!唔駛行。
返到屋企試飲媽咪d燉湯,其實都幾飽,不過希望飲完唔好再成日暈啦!

結構@贊育

冇啦啦前一日老公話牙痛,一定要睇醫生,我咪順便叫佢陪埋我去贊育同埋下晝interview工人囉,點知佢條淆底王又冇端端唔敢放全日,話放半日,仲要唔睇牙醫,睇左個普通科係消炎藥就算,我都唔理得佢咁多,佢可以陪下我,我都已經好開心,哈哈。
今日居然早到左,等左一陣就可以開始,我只聽過過oscar會係姑娘做,估唔到結構都係,真係作死,個姑娘其實冇咩特別衰,不過講野勁細聲,我聽唔到佢講野囉,痴痴地!!!唔知點解仲照到我頭暈暈要打側身訓先舒服d,抖唔到氣好辛苦呀!!!姑娘又唔係識照晒,又要等個醫生再照下,其實個醫生都冇一邊照一邊解釋,我都唔知佢地照緊咩。其實我連照完都唔知,係醫生話,好喇冇問題架喇,我先知原來完左,佢地態度唔係好差,不過服務一定冇囉,連手指腳指都唔數齊比我睇,自己睇完就算,傻傻地架。不過hea照都照左成個鐘,等埋出下次覆診紙再休息多一陣就走人,因為我真係照到好頭暈呀!!!
之後返落中環和民lunch,未夠12點完全唔駛等位,一去到就入得,一到左12點,出面就有人龍,係中環食飯就係咁煩啦。開開心心食完飯同返老公行過ifc,我又要去zara行下,今日有3對鞋同一條牛仔褲既收鑊,之後我就搭地鐵去hsbc centre搵eric,佢話有衫仔比我,寒暄左幾句再去佐敦conference interview工人。

ac shopping

請完工人,偷偷去ac shopping,偷偷係意思係唔比老公知,但其實約左竹太,卡卡。本來係佐敦我知道係有小巴去tw架,已經問左元朗小巴司機,不過都係搵唔到,最終又係打的。去到karen度主要係坐同傾計,佢已經冇咩衫啱我著,又冇鞋啱,所以今日好慳,買左一件top同一件外套咋。買完玩完乖乖搭巴士返屋企,仲可以訓一陣老公先返到,哈哈。

請工人

其實我今日冇打算confirm請工人架,因為老公都冇陪我,不過ivy話hold唔到咁耐比我,如果啱就要confirm喇,咁其實都唔知有咩好問,問咩姐姐都答「係,太太」,「知道,太太」「冇問題,太太」「好,太太」。我最緊要工人姐姐知道佢要係我同99屋企做野,總之係跟我,我放假幾個月一定係o係我屋企架喇,咁問晒個姐姐驚唔驚狗,有兩個bb,兩個工人,要去兩間屋到做野,佢咩都話冇問題,咁我仲可以有咩問題呢?所以好快就已經confirm左請佢lu,希望個工人真係乖啦,我唔想勞氣呀,估唔到個工人老公一眼都冇見過我就confirm,我覺得好搞笑。但我估個個請都係睇彩數,都冇得問d咩架喇,咁又搞掂一件事喇。

肥仔house warming

肥仔又搬返去kln bay,今日去佢屋企玩下啦。唔知點解好唔想打牌,所以全程老公打,不過呢d黑仔明,打親都唔會嬴,好冇引架,宜家大住個肚又唔可以同人地個仔玩到癲喎,一路坐係度睇電視好悶呀!
好唔容易先等到食飯,其實宜家都仲未可以食返正常份量,好快就飽,又係冇咩引,食完又要睇電視,老公又要打牌,悶死我~~~

Zara shopping

剪完髮去左海港城拎車,唔知點解心血來潮想行下zara,平時我對呢個shop一d興趣都冇,自從睇過佢d童裝覺得幾唔錯,所以就開始留意佢幾時會減價喇。點知今日係第一日減價喎,亂係亂d,不過都揀到野呀,d牛仔褲全部都減到$159,我覺得好抵,同埋風風冇牛仔褲,多數都係爽爽架,所以係咁揀d直腳款比風風囉,又揀左一件jacket比佢,爽爽呢,揀左兩件jumper,一件tee同一條leggings,買左8樣野都係1k多少少,抵呀抵呀,比錢又唔算好多人,好鬼開心。
買完野,心情真係好左好多,所以都算幾開心咁返tko接nic nic返屋企,哈哈。

爽爽既:

風風既:

Hair Cut

今日未平息件事,但因為要湊nic去沖涼,所以冇法啦,焗住要比佢車,不過車完nic,買左d日用品我就想自己一個出去剪髮,佢又唔想我自己一個出去危險,又唔氹我,又唔出聲,有咩好講姐。最終咪又係喊到我死去活來好辛苦囉。但算氹返囉,車左我出去剪髮,我剪完又黎接返我。
今日剪髮唔靚呀,因為我主要係想剪晒之前d鬈髮,個型都唔好睇,成個波咁,d蔭又太齊,唔好睇,不過是但啦,冇晒d鬈好留d,好快就長啦,同坐月個時就可以紥起佢,我忍~~~~