我的大眼妝物

其實我貼假眼睫毛唔叻,買既次數多過用既次數,不過之前買來買去都係d台灣睫毛,今日pat痕所以買左d東洋野玩,一係唔買,一買就買一大堆。

Koji no.4睫毛,得一款揀,照買

卸同貼睫毛東東,sell唔會傷眼皮,有護膚成份,所以買,呢兩支野好貴,一般膠水係十幾至幾十一支,呢兩支野各自要125個大洋,希望好好用啦,卡卡

臨比錢都衝去拎個case黎買,完全係因為無聊而買,冇原因

仲有買左一個輔助貼睫毛既夾夾,唔知會唔會好好用呢?

Shopping @Global Essence

某一個星期六去了global essence進貢的skin care,右起: Naturelle的cleansing gel,cleansing milk, Dr Alkaitis mask and Just Rose Serum
約略介紹下:

Naturelle的cleansing gel & cleansing milk:
兩樣都試過sample覺得不錯而買的,cleansing gel其實是磨沙,是jelly狀的,質感好爽,可以一星期用2-3次而且用後不會有刺激既感覺。
Cleansing milk是用來卸妝的,近期喜歡用milk來卸妝,因為覺得第一次用tissue off既時候可以一拼抹走好多面上既污垢,但其實我仲有半支amala cleansing未用完,又有一支新既ad+ cleansing gel囉,不過價錢算平,$3xx/250ml,但就有d怪怪地既草味,不過比amala平得多,加上好耐先會上一次堅道,所以行開就買定先。

Dr Alkaitis mask(灰白色))跟之前買的綠色粉mask(universal mask)用法一樣,一樣是要加水成糊狀才可以上面,我一直都以為之前買既universal mask係清潔用,唔講都唔知係補濕,去暗啞,不過我又真係覺得用完幾乾淨架喎。其實我到宜家都唔係好搞得清楚universal mask同今次買灰白色既mask function上有咩唔同,只係記得灰白色呢隻係軟膚,平時global essence只會用來幫客做facial,今次只是拎幾盒出來做retail,好似好珍貴咁,所以買囉。同埋唔講又唔知,原來用呢兩隻powder mask最好想過濾水開,唔好用水喉水,如果捨得用toner開仲好,所以宜家用左do organic支toner加埋一齊用,又真係比之前效果更好,敷完之後成塊面都覺得乾淨左同柔軟左,其實兩隻mask有咩分別我feel唔到,兩隻用完都好乾淨,所以宜家一隻星期三用,一隻星期六用,卡卡~~

Just Rose Serum都係軟膚用途,等之後再搽既野再吸收d,所以店內ee suggest我夜晚用呢支,朝早用返Dr Alkatis serum,不過為左試個效果,我一星期早晚都用呢支serum,吸收得快,有淡淡花香味,咁又真係覺得個面好似係有d柔軟左既,not bad~

另外sample有just rose body wash同body lotion,感覺不差,不過價錢不平,body wash $300, body lotion $280,如果用呢個價錢,我會鐘意AD+多一點。
還有一隻不知道是什麼brand的cream,可當base用,比較水質,其實搽上面效果不錯,不過我會鐘意jane iredale有dd調色作用。
還有tea bag幾個,當感冒初起時可以即飲,ee話好有用。

一週回顧 (2010年7月19日 – 7月25日)

7月19日:
老公今日要一早去QM做blood test,我冇車坐,唯有自己call taxi啦,唔駛自己由雅典居行去車站感覺良好,汗都唔出多一滴,正~
今日lunch買左好好味士多啤梨,一返屋企就同nic nic一人一粒,食到lam lam脷,不過我地兩條懶蟲係會等到爸爸返屋企煮飯先食野,情願餓死都唔會自己郁手架,最終我同nic係sofa度碌來碌去等爸爸返,真係懶得可憐呀!!!!
白汁帶子蜆肉意粉 + 食人士多啤梨 = 滿足的dinner,老公煮意粉越來越好味,早知我一早比佢煮飯啦,都係忍幾個星期唔好味,宜家都有成績,佢又煮得開心,我又食得開心,卡卡

7月20日:
今日放工返屋企個時唔知係唔係冇得坐,企到我頭暈暈,一早約老公係mos等埋去買野先返屋企,點知佢電話一直都唔通,我又唔多舒服,又搵佢唔到,心情好差,坐坐坐,坐到冇唔舒服,我決定買一d佢唔比我買既零食返屋企,第一站去零食物語買個痛快,雖然買得100個大洋,不過已經好耐冇見過卜卜脆係屋企既我,已經有足夠既開心。
再殺上park’n,一黎就食個臭得死佢既榴槤,再黎又係咁買個d粟米餅呀,蝦餅呀,芋頭餅咁,仲有好多好多好好味又唔健康既野啦,wahahaha
因為等到佢好夜先返,所以去左美心dinner,美心個menu好似唔同左少少,d野好味左,連甜品都好得喎,咁以後又多一個食點。
返到屋企,死唔蝕低就拎個榴槤出黎攻佢,感覺開心,因為我又覺得好味,又可以整到老公,good呀!!!!!!

7月21日:
今日終於都買左leg mask喇,希望可以去下水腫啦。等埋老公返到mos又周圍行,試左’蘇太名醬’,又好似幾好味喎,亞ee又比晒d味我地試,咁平平地買一樽細返屋企食啦,反正屋企個樽都就快比我食晒,老實講感覺上係好似鮮過李錦記少少,不過又貴d,係唔係真係值呢?um….都係再食真d先比到comment,不過ee比我地撈公仔麵試,又真係幾唔錯既,哈哈~
返到屋企即試xo醬炒翠肉瓜,不過不失啦,下次試下食水餃個時再試真d先得。

7月22日:
放工先黎黑雨,我仲以為自己會濕晒先去到媽咪度,點知最大鑊都係等左40 mins車先上到mini bus姐,上車個時都唔係大雨,去到tko時只係落過一陣,再到欣明苑已經冇雨,真係好彩,因為我拎住一大袋crabtree野架嘛。
今日我公司終於都有crabtree黎,不過冇咩好野買呀,是是但但買左3支body wash比老公,又因為佢之前偷左我條毛巾用,我要報復,所以唔理咁多,我一口氣買左3條,又同同事share左一支body lotion,坦白講,body lotion我真係唔啱架喇,所以返到屋企就送左比媽咪囉,我驚佢以為我唔要先比佢,所以專登過係公司買比佢,等佢開心下,hehe~ (扮乖)
今日好開心,因為有我自選既釀反轉豆卜,又有梅菜肉餅,食得我好開心啦,今日冇得又食又拎喇,因為份量啱啱好,飯後仲有大大粒車厘子,已經係第三個星期有車厘子食,好滿足啦,我自己買個d係靚,不過都幾貴下囉。

7月23日:
又係去QM既日子,好彩之前有一日compen,如果唔係我都唔知點去得到,d時間怪到爆,要人1pm去到醫院,唔請一日都唔得啦,本來唔想揸車出去,不過漏漏氣氣又要唔可以搭車,車泊係ifc再打的上QM。
一去到就見到joe joe,當然係咁傾計啦,似去傾計多過去聽talk,係醫院呢幾個鐘心情係比之前好,因為有人同我有傾有講,同埋又搞笑,今日要見一個亞差醫生,好彩今日我真係冇咩問題要問,如果唔係會比佢嚇死我,不過老實講,呢d外籍醫生感覺nice過香港人好多,所以由醫院出黎個刻我一d hard feeling都冇,仲好開心碌去ifc食tea同買野。
為左泊車,其實我真係有連toner想再買,所以去左beyond organic啦,點知do organic既face cream因為買開野而有7折,所以二話不說咁買,sales好努力說我買埋同樣7折既power serum,不過我又真係覺得冇咩用,唔想買,所以冇買啦。點知我自己又pat痕喎,問人mask會唔會有sample試,大好機會sales一定sell我啦,試左yogurt mask同collagen mask上手,其實我睇來睇去都覺得yogurt mask會好d,不過因為collagen可以改善膚色同毛孔喎,所以都係買collagen啦,反正重水份既mask我都有,買完之後越諗越覺得一次買一大支好似好傻仔,不過大支真係抵好多喎,反正用過amala既sample都冇敏感,我估mask都唔會有問題啦 (用後感另打blog)。
等老公出車再泊車返黎我地就提早睇michelle,update左佢今日去醫院既野,同埋我地終於都冇遲到,唔駛好似阻住人咁,感覺好好啦。睇完醫生再去拎車都唔駛比錢,又係覺得好抵,我呢d人真係好鐘意貪泊車便宜,卡卡。
之後出左facess修眉,又係時候買course喇,平時買5送1,宜家買10送3,唔知點解聽到個一刻覺得好抵,因為我完全唔記得左平時係買5送1,一聽到10送3,抵呀抵,就買左,開卡個時先知又好似唔係好抵姐,13次可以用一年喇喎,買咁多仲咩呢?不過上左車再計計下,除開每一次再平多10蚊,$115一次又好似真係幾平喎,最好係佢修得好,個人又好,又好傾喎,因為幫我修開既Ason千祈唔好係一年內會轉shop啦,我會10萬個唔開心架。
修完眉去左ucc食dinner,越來越覺得出街係意粉好唔抵,其實同老公煮都唔會差好遠之嘛,不過係海港城有消費,仲要weekday可以free 5 hrs,又係一蚊都唔駛比就可以出車,感覺好好呀!

7月24日:
下晝出發去mega box睇唐山大地震,超級白痴,我一直都以為imax=3D,點知去到入場個時,點解個女仔係派tissue,唔係派3D眼鏡既?唔通佢知道我有眼鏡?一入場已經開始緊,點解個畫面唔重疊架?個一刻我先知原來imax唔一定等於3D囉。唐山大地震係中學時好鐘意睇既一本書,佢係唯一一本我有一頁一頁睇晒先做book report既書,其他書我都係睇頭睇尾睇序再加老吹,吹唔到又睇下中間有冇靈感,所以一知道有呢套戲我就好想睇,所以好快就買左飛,就算要黎mega box睇都冇所謂。呢套戲講一個小家庭被地震既影響,主要係親情多,不過好真實,冇賣弄感情線,真係好touching,我隔離個男人好早就已經開始抹眼淚,老公話隔離個女人係由頭喊到尾,我自己呢?有喊,不過冇勁喊,已經算好好啦,可能我不停咁諗,如果我係親身係現場,我係佢地其中一個我會點呢?我仲可唔可以生活落去呢?我估我呢d人應該一早瓜左架喇,仲邊會32年後都仲係度呀。
睇完戲帶左老公去食好好味牛角包,之後去左行jusco supermarket,買左兩塊牛扒,雪蝦,仲有其他好好味既野返屋企,一出kln bay好塞車,都估到係大件事,返到屋企先知原來5pm個時有車禍,好彩我死要買野咋,如果唔係食完tea,老公根本就係想走人,如果個時走,好大機會預上車禍啦,除左尖叫,我應該咩都唔識做,如果老公坐係我隔離流晒血,我又唔知可以點,扯佢走呀,唔理佢呀,定係點呀?又唔知d人幾時先黎救我地喎,車禍發生於5pm,我地係mega box走個時係5:30pm,如果唔買野,應該4:50pm左右會離開,行得咁上下就係有可能遇上囉,所以呢,買野都有好處,好彩我唔願走~~~
返到屋企我地一家3口又大訓特訓,訓醒都9:30先黎開餐,我負責焗薯角同指使老公煎牛扒,過程好順利,亦都超級好味,我發覺我control牛扒既時間越來越好,牛魔王唔係浪得虛名架,卡卡~~~

7月25日:
帶nic nic去沖涼,唔知點渡過呢幾個鐘,所以上左大家姐屋企打機,我自己買左super mario十世都未開過黎玩,估唔到睇人打又幾好玩喎,不過我唔想同兩個細路一齊打啦,反而老公第一次玩都ok,好啦,我地今個星期開封,自己又玩下先得,反正呢排唔玩得wii fit,咁玩mario啦,hehe~食飯前nic nic已經沖完涼,所以食得好快,之後仲湊左nic nic上大家姐度,nic nic出奇地乖,佢宜家越來越懂事,去到人地屋企都唔會搞事啦,good boy黎架~~

詭計失敗

上次大大隻字諗住等某人偷睇完我blog之後就宣佈加密,點知有人冇睇好耐
加上我一直等呀等,又唔update blog,最終成個月都冇update過,蝕晒~~

又一次玩死左自己,唉~~~

一週回顧 (2010年7月12日 – 7月18日)

7月12日:
睇波睇得太興奮,是日休息一天~~

7月13日:
今日老公pm leave,佢帶埋nic nic黎接我放工,真開心,加上今日比死肥野激親,一放工就見到nic nic既感覺超好,同埋我一早估到老公今日會整黃金蝦比我食,所以又係好開心呀!!!!!!
返屋企既途中我地決定帶nic nic去散下步先,但係好熱,行到nic nic呆呆下,幾驚佢中暑呀,係咁比水佢又唔飲喎
返到屋企我地兩個好似大爺咁,一個訓地下,一個訓sofa等食飯,feeling so good!!!
今日d餸全部都好鐘意呀,有黃金蝦,銀雪魚,正呀!飯後仲有送到入口既蘋果,真係無比幸福,hehe~

7月14日:
今日等老公放工個時又去park’n,sasa同watson’s買野,不停買野感覺真好。去park’n買洗冷氣東東,不過洗完覺得冇料到;去sasa買mascara,我支mascara早應該要買過支新,不過一直拖拖下姐,呢支已經係第三支同一款既mascara,佢唔係特別長,特別黑,不過我鐘意呢支好易卸,所以唔想換;再去watson’s買瘦腳褲,想買左好耐,不過一直都心大心細,是但啦,冇所事事就係會買冇謂野架喇,好彩m size都仲著得落
尋晚食得太油,所以今日去左食粥,隔離枱亞伯話我地支洗冷氣野唔得,會洗爛個冷氣,老公當然唔想我用啦,不過都買左喇,在某一個星期五我已經自己用左,不過真係冇料到,冷氣涼左少少,我完全覺得係我洗左隔塵網,唔關呢支洗冷氣東東事囉。

7月15日:
返媽媽度食飯,又有好漏既花膠湯,為左健康,點都要飲,仲要飲到好似好開心咁,因為唔想媽咪以為我唔鐘意呀嘛。不過今日有新菜式 – 牛展,又整得幾好味喎,食唔晒我仲拎埋返屋企第二日食做lunch (其實我係想拎返屋企同nic一齊食呀,卡卡)

7月16日:
估唔到叮返熱既牛展比尋日更好味,食到我同nic nic好滿足,我好耐冇試過星期五有正經lunch食,感覺好好。今日全日都一直有d野做,搞到做唔到自己野,不過是但啦,我都係hea hea下做,都唔會辛苦,越來越鐘意wfh,因為Friday wfh永遠都跟住我啦,hehe~

7月17日:
今日又係上晝睇michelle,因為覺得上晝睇,下晝d時間好好用,所以試下啦,不過又遲半個鐘,唔好意思啦,就算我地一個坐一個訓咁拮都係唔好意思,本來今日唔會咁遲架,不是有人cut唔到線,兜大圈,又發癲喎,搞到我唔好意思啦,不出我所料,當見到外人既時候,癲人一定會變正常,好似冇事發生咁,真係好神奇呀!!
睇完醫生去左醫肚,食最肥又覺得好好味既太興濕炒河,真係太肥喇,食唔晒成碟,都算係一件好事,好過食晒呀,肥少d。食飽飽行上堅道global essence,其實只係想8下有d咩on sale,點知去到on sale個堆野少到睇唔到亦都唔知係咩野product,之前好似一直都冇見過,咁唯有買下d就快用完既野啦,順便幫朋友買埋baby boo body wash,我自己收鑊好豐富,買左cleansing milk,cleansing gel,mask同埋serum,又有一d sample喎 (詳情另打一篇)。買完野,心惰非常愉快咁返屋企~終於個下晝又係拎黎訓覺,其實星期六日就係不停咁訓,都唔明點解我地兩公婆同個仔都可以不停訓,好恐怖~~

7月18日:
星期五買飛睇toy story,今日開開心心出isqaure睇,仲買埋薯片入場,1.好耐冇睇戲,2. 好耐冇買零食入場,所以好興奮。不過睇呀睇,點解講到咁慘架?我死忍死忍唔想喊出黎,忍到個頭都痛埋,好彩都忍到,只係鼻好酸,眼好濕姐,同埋好好彩我地坐得後走得快,去washroom都快d,當我出返黎個時大排長龍,慶幸自己行返兩步,如果要等,我一定又發忟架喇。
由於冇食lunch,所以大家都覺得7點唔夠就食dinner係好正常,所以入左moster sushi勁啪壽b,唔係好敢係生野,不過熟野都仲有好多選擇,飽到死呀~冇意中今日食左一個唔錯左既小食,d蝦仔幾唔錯,下次可以再叫,wakakakaka。
食飽飽去返海港城消費,去city super買返d食材第二日煮飯,買夠數泊車啦,點知行去化妝品個度,見到冇冇聊聊既假睫毛,又有d話唔傷皮膚既膠水同卸睫毛野,一時興起係咁揀,再叫老公找數,心情大好 (其實呢d野,我都唔知幾時有閒情用,返工一定用唔到,平時去街又趕頭趕命,真係唔知幾時先用得著囉,不過又買得好開心先唔得我死呀嘛,haha~)

Happy Day with my family

Nic Nic接我放工,不過影相個時已經係返到mos,宜家等緊爸爸係街市買蘋果,哈哈~

今日有3餸1白飯,不過好肉酸咁用左雜誌紙墊枱,好醜呀~~

我最鐘意食既黃金蝦,其實唔會好好味,不過老公既心思令我好開心呀,卡卡

一週回顧 (2010年7月5日 – 7月11日)

7月5 – 7日:
呢幾日都唔記得發生左d咩事,用錢唔多,大概每一日都只不過係返工放工咁啦,不過呢幾日老公都放好夜,返到屋企同nic nic玩一陣都好似冇野好做咁,又冇得去散步喎,我估呢幾日我應該有一日半日係開左wii fit出黎玩,以為自己好瘦咁啦,hehe~
同埋太無聊,又比我發現有人偷睇我blog,所以成左篇野串人啦,點之失敗左~~

7月8日:
Karen係日本返黎喇,好想好想去,又好驚去唔到,最終都攝左少少時間過去ka lam先返tko,嘩哈哈,其實好多野啱又唔係,不過摷啱啱係日本返黎d野真係好開心啦,今日主要揀左好多accessories,衫係得一件franche lippee外套仔,ok啦,好好玩好開心,卡卡

7月9日:
又黎到開心星期五,全日係屋企發毛,有野就做,冇野就hea,冇冇聊聊又一日,係屋企陪住nic nic既返工日子真係好開心呀!!!

7月10日:
因為今日一早約左心心去JD,所以今日上晝睇michelle,不過經過佢一輪解釋,我地決定拿拿聲返屋企做d好緊要既野,之後先出去meet心心。
今日行JD好開心,好多收鑊,不過批價都好貴,我估最終都係我自己著同用架喇,哈哈,不過今日真係行得好開心,好想再開舖呀,揀大人衫仲開心過揀小朋友衫,不過個本要更大,同埋我未係好知個價要點set囉,苦惱,真係好想有一日唔再打工,所以開舖自給自足。

7月11日:
又全日都留係屋企,係夜晚先同nic nic出去散步,訓下又醒下,食下又訓下既hea日子真係令人心曠神怡架,但係就好似好浪費咁囉,不過對於我地呢d住深山既人,hea就係我地本能,好彩去街心癮不嬲都係我強過老公,如果我冇呢條癮就一d事都冇,hehe~

請不要再偷看我的blog

你呀,我宜家係講緊你呀,我叫過你好多次唔好偷睇我個blog架啦,我根本就唔想你睇,比返d私人空間我,比我輕輕鬆鬆講下我自己既生活同感想得唔得?我就算blog既內容係同你有關又點呢?我唔想你睇就係唔想你睇架啦,你可唔可以尊重下我呀?
我知你宜家知道返點黎睇野,你一定會晚晚係咁睇架啦,你咪睇囉,我宜家就話比你知,過左今晚之後,nic nic happy life會privacy架喇

再見啦,你冇可能再睇架喇,死心吧!!!!

一週回顧 (2010年6月28日 – 7月4日)

6月28-29日:
又係因為太遙遠的事,完全唔記得自己做過d咩,總之係有返工,係屋企食晚飯,好似老公好夜先放工,自己冇咩特別事做過。

6月30日:
因為之前兩日老公都夜放工,所以我作反,放工去左ac be crazy,係賣franche lippee個間hold左好多野,一直都冇去睇,因為好驚會買呀嘛,不過hold左人太耐喇,唔係幾好意思,咁加上ka lam有野玩,所以一放工就去喇喂,卡卡~
第一站一定係同karen打個招呼先,跟住再去franche lippee放血,今日認得我個兩個sales都放假,不過今日呢個大大隻sales又ok喎,叫佢平d都算鬆手,最終買左兩件4折top同一件new arrival,其實買franche lippee都真係買得好夠啦,個cutting唔會差好遠,係d布有唔同分別囉,算啦,今次我冇再hold貨,應該可以唔再入去lu~
買完再去ka lam試返第一around hold左既野,都唔係件件啱,感覺好好,最終都係揀左d特價野,都幾抵呀,然後馬上碌返屋企,神不知鬼不覺,hehe~~

7月1日:
今日帶左nic nic去沖涼,順便同爸爸媽咪飲茶,飲完茶上左媽咪度拎野同埋同bob cook影下相就過去大家姐度睇下佢d新傢俬,等到nic nic沖完涼就一齊去坑口買野,對於uniqlo呢d百幾蚊貨仔既野,其實都可以令我揀得好開心,買下room wear,買下打底,老公又揀下tee,個個都有收鑊。
買夠喇,湊埋nic nic返mos散步,雖然係黃昏,不過天氣都好熱好辛苦,行到叫救命,返到屋企我同nic nic都好似死左咁,等爸爸煮飯比我地食,簡簡單單同nic nic出下街,見下屋企人,又買下野,又有老公煮飯,如果第日退休都可以有呢d生活,我會覺得無比辛苦,哈哈~

7月2日:
今日老公pm leave,因為要去公公個喪禮,所以下晝有人買lunch比我食,加上媽咪去左我屋企,下晝d時間過得好快,5點鐘走人打的上寶福山,之後就係咁執野同燒野,都ok辛苦,不過最後睇到d人打齋,真係嘆為觀止,連老公既舅父都話請佢好抵,笑死人。
最後成12點先返到屋企,又有天地豪情睇喎,幾正呀
最終3am左右先訓,第二日要8:15出門口,成個人都好攰

7月3日:
今日行程好full,首先9點前要到寶福山,做完一輪法事之後,大家一齊搭車返tko係lunch,本來以前食完就可以走,去媽咪度拎d野,點知搞到3點都未完,不過因為要出去睇醫生,所以一定要走。
睇michelle個時眼訓到爆,拮住d針都訓得著,仲要訓到michelle第一次入黎轉d針個時,我仲要覺得係比動物咬我隻腳,好彩冇踢腳,如果唔係會痛死。
睇完都未夠6點,不過又約左老公d朋友8點dinner,唯有周圍盪,最終都試左老公一直都好想食既乳酪,真係好多人排隊,不過我又唔覺得好好味姐,不過佢開係ifc,可能呢d野係啱老佬口味啦,我就唔咁鐘意喇
碌左一輪ifc又碌左一輪cwb,不過一d野都買唔到,兜多兩兜本來想搭巴巴去mk再轉去tst,點知冇端端比我地發現有巴巴去tst,仲要有位坐,好開心一上車就訓訓訓,卡卡
去到join老公d fd打邊邊同睇波,最終攪到12點幾先返到屋企,訓又唔係,唔訓又唔係,今晚0300要做live test,洗完面都尚算精神,咁睇返d錄影,搞來搞去,搞到0300等到0315都未有電話,原來system未得,最後要等到0345先做完,好辛苦囉,上網又睇唔到波,又悶。做完之後,9秒9send mail出去扮勤力,之後上床訓覺,不知訓得幾好。

7月4日:
尋日太夜訓喇,本來想早d出去見下wrinkie同coco,點知訓訓下搞到3點先出門口,真係唔好意思,好彩都可以一直傾到5點左右先比人趕走,太耐冇見,好多野想講,不過兩個老公都係度又有d野唔想open講,唯有玩下coco,影下相,傾下冇謂野啦。
傾完計,大家分頭返屋企,我地去左買少少野返屋企煮,咁就一日喇。

與CoCo初次見面

第一次見coco on 4 Jul,coco影影下相已經訓著左,好得意呢~

Nic Nic: I LIKE SUNSHINE~

Nic Nic襯我上天台洗衫又跟我上埋去,不過佢唔係vv or ngng,純粹上去訓下,本來佢係成隻訓左,不過見我影相,佢就起身打喊露

開始唔鐘意我影佢,擰開面喇

不過我死都要影
nic nic: 媽媽,你唔好再影喇,我好憎你呀

nic nic is so cute!!!由細到大我都鐘意幫nic nic影呢d大頭相,好鬼得意架 (上圖係4歲4個月既nic nic ; 下圖係兩個月大既nic nic)

之後佢都冇我咁好氣,唔鬼理我,繼續訓覺Zzz... ... ...

最終曬到成個身滾晒,就係天台急步返入屋,一定係好熱啦,卡卡~

夏日新睡衣

由細到大都冇專登著睡衣訓覺,通常都會拎唔鐘意 / 著殘左又唔捨得掉既出街衫黎訓覺著,唔知由幾時開始買左第一套uniqlo既room wear,就愛上左佢,話佢好好著呢?又唔係真係超好,不過百幾蚊貨仔,又唔係真係好睡衣既睡衣,我就好鐘意囉,其實我估我都係貪佢係日本野囉。
之前個批夏天room wear都著左兩年左右,好殘喇,所以一口氣買左3 set room wear,有兩條裙同top+short pants,近排好鐘意著裙訓覺,覺得好舒服喎。買開野,又有理冇理咁揀多一件打底,唔理買平買貴,總之有得買野心情就會非常開朗,卡卡~

My new marie top + Nic + Bob + Cookie

7月1日,下半年既新開始,著左新買既marie衫帶nic nic去沖涼,件衫冇影相呀,所以著住影下啦
d-mop買入都幾得意呀,平時去下mos,返下tko著都幾好呀,不過老公成日都話好低能囉

好耐都冇同nic nic影相啦,佢曬到開唔到眼,好搞笑

放低左nic nic沖涼,就同爸爸媽咪去飲茶,飲完返左上屋企,順便又同bob bob, cookie影下相先
兩個都樣衰,唔知點解唔願影相

快快樂樂又一日