尾二次再見Cookie

8月28日睇完演唱會,返到屋企fei e話cookie個粒野有少少損,同埋好似大左,我叫佢再觀察下佢,如果真係再大就一定要再睇醫生。
8月29日,fei e再打比我,話cookie唔係好食到野,同埋個身好紅,佢同媽咪都覺得係因為cookie食左藥,藥物敏感,我直覺覺得唔關事,不過都叫左佢停藥。
8月30日,fei e打電話去book睇醫生,約左星期二夜晚去,咁我話我會一齊去,放工最多打的姐。
8月31日,fei e上晝打比我,話診所叫佢盡量下晝2pm帶cookie去睇醫生,可能要同佢urgent開刀,我好擔心呀,fei e拎左time off,我都拎左pm leave陪cookie睇醫生
去到診所,我等左20 mins, cookie先到,cookie成個身都好紅,不過精神似ok,行得,有反應,不過cookie肚下個粒野真係大左好多。入去見醫生,醫生好想同佢即刻做手術,因為驚佢好危險,叫我地再諗下,當時我已經好想比cookie做,因為覺得做仲有希望,唔做就咩都冇,不過fei e唔想,佢話cookie入左去就冇架喇,我都唔知點解佢要對cookie咁冇信心,當時個心好酸,好似要睇住cookie等死咁,最終我地喊住咁拎返cookie返屋企,醫生開左d藥比cookie,睇下佢到底係藥物敏感定係點。
返到tko,我一直係房唔想出廳,因為我接受唔到要睇住cookie等死呀,我好嬲架,不過話左我唔做最終決定就唔做,臨走個時我係咁鍚cookie,因為我覺得我好似要同佢永別咁,一落到樓下,打比老公,我又癲左咁喊~~~

Cookie is sick!

之前二家姐有話cookie肚個粒野越來越大,所以我話同佢去睇醫生啦,最多今次我出,所以約左星期五放工即入西貢meet cookie再睇醫生咁。
醫生話cookie唔痛,又冇嘔,照完x-ray都話佢有70%係小腸氣,叫我地諗諗同佢做手術,唔做既風險係可能跌左d腸落去,咁cookie會好辛苦,會係咁嘔同埋可能救唔返。聽完之後,個心一定唔好過,因為cookie已經14歲喇,仲點做手術呀?唔知佢會唔會醒唔返架嘛,不過冇理由有得救都唔救佢架。
二家姐同我都打算去完旅行先再比cookie做手術,咁方便d照顧。睇完醫生,我地仲去左旺泰食野,我就等老公黎接,所以一直都抱住cookie係身,估唔到,呢次係我最後一次抱住cookie咁耐,我仲好記得cookie好乖咁坐我大脾,個樣好想食野,校長比雞肉佢就食,我比佢仲吐出黎,我仲話佢咁麻煩。
Cookie,對唔住呀,其實你一d都唔麻煩,你仲好可愛添~~

Grasshopper

搶先打blog,由知道草蜢今年會開演唱會開始就已經唔知會唔會miss左買唔到飛,跟住睇報紙知道個期喇,又唔知邊間bank有得pre-order喎,直至問到人知道邊間訂啦,原來已經開始左。超失望~
好啦,有一日搭車返工個時冇咩訓覺,見到隔離坐份free newspaper話加場,咁勁開心,搵人幫我order尾場,又好順利咁好快訂到喎,超開心!!!
一直都希望佢地唔好再加場啦,點知有一日係車度見到出面個巴士站廣告話23-28/10喎,問問見到係18/8公開發售架啦,咁一心諗住18/8去tom lee買飛,點知今日9:45去到,一個人都冇,我仲以為咁好?冇人?到差不多開門,個staff先話佢地未login度system,仲話比我知今日唔係第一日公開發售,超唔開心囉。
憤怒離場後返上office online買,$450同$250都有飛,$450已經去到20行,$250居然係24行,所以二話不說就買,咁宜家即是27/10睇$450,28/10睇$250。
Yeah~終於都有尾場睇,好野!!!!!!

一週回顧 (2010年8月9日 – 8月15日)

8月9 – 12日:
其實星期一至四都係好苦悶,日日都係返工放工,忙碌由星期三開始,忙都只不過係因為有個煩麻manager要我地做野都算有d無理,加上我地’聰明’既老闆,咩都應承人,所以令到我地多左workload,我仲要擔心呢隻不嬲都睇我唔順眼既老闆突然問我d無聊問題,戰戰兢兢咁終於都過左4日office working day!
呢4日等一日自己煮飯,又要食一日燒味飯同外賣,好彩逢星期四都有mama dinner,星期四煲左鹿尾巴,其實我覺得好難飲,不過媽媽一片苦心,點都係要照飲架啦~~

8月13日:
又到左wfh日子,今日好冇mood,咩都唔想搞,見到一枱面都係袋,好想執好去不過又唔想郁,總之就係懶啦,全日渾下渾下等到6:30就off,等老公返黎dinner,好呆既一日。
唯一叫做叻d既野呢,就係自己一個玩mario都過左3關囉,已經係好勁架喇,哇卡卡!!!

8月14日:
尋晚pat痕約心心去JD,所以今日睇完michelle就join埋心心一齊去JD,今日心心冇咩時間陪我,同我上左去之後就走左,我自己一個係度玩,其實都真係幾開心架,揀呀揀,買呀買,又買左一大袋野返屋企喎,不過好懶,唔影相,唔upload,唔知自己想點,不過我次次望住d野都會好開心囉。其實我真係有病架,買完野真係好好好好開心,好crazy!
是日係citysuper買左soba煮日式dinner,正!!!

8月15日:
以為今日老公會去massage,咁佢去既時候我就去ac行下,點知今日老公冇book喎,我本來想自己一個去,佢又話一齊,最終佢車我去,不知幾好,唔駛左轉車右轉車,今日都係試下鞋,傾下計,又比karen話我大隻左,超~~宜家真係冇辦法,除左食得健康d去減之外,咩都唔做得,算把啦,我真係一座山黎架,其實我好唔開心架,不過有咩辦法呢,希望一兩年後可以變返以前既體重啦。
買完野,老公仲好好咁同我去左食豬手,好耐冇食真係覺得勁好味,食唔駛仲拎左返屋企比nic nic食,一家三口都好開心呀,卡卡。

就係咁,冇冇聊聊,呆下呆下又過左一個星期喇,時間真係過得好快!!!

一週回顧 (2010年8月2日 – 8月8日)

8月2 – 4日:
星期一: 今日係第一日要返工又要比nic游早水既日子,比平時早左10 mins起身,一起身就同nic上天台,再比佢vv先準佢落水,之後我就自己入返屋梳洗,到我搽晒面之後,就上天台叫返nic返黎食飯,抹身開冷氣,然後我再換衫gel頭出門口,過程尚算順利,比起平時仲早左5 mins出門口。
除左朝早同以前有分別之外,星期一至三都係返工放工,返屋企煮飯咁,星期三因為老公太攰,所以轉食叉燒飯。
係,星期三發生左一d令我唔開心既事,就係白痴公司大有可能有白痴安排,將會令我以後既工作好唔開心,我唔望呢件事唔落實,因為講得出黎我都覺得一定會做,只希望呢兩年過得快d,有d快bb,咁不少可以比我呆呆下過多40個星期先啦。

8月5日:
好期待既一日,因為由wrinkie放完產假開始我就約佢今日half day leave去食野同行街,最主要係行街,吐下苦水啦,本來我地係想食tea既,不過最終都係是是但但係泰蘭花食lunch set,再直殺入all crazy,哇卡卡。
下晝入all crazy真係好好,人唔多,又可以慢慢揀慢慢試,又傾到計喎,我同wrinkie係兩件西裝褸上周旋左好耐,1.唔知要邊件好,2.呢個款又要咩色好呢?最終wrinkie要左一件冇領黑色,我就買晒兩件,仲要兩件都係灰色,係深淺不一既灰,我真係一個灰色人,我唔係特別好鐘意灰色,不過每每揀衫既時候,我都係覺得灰色順眼d,所以我最多係灰色衫。
揀呀揀,買呀買,玩左一個下晝後送左wrinkie去搭bus我再上karen度hea多一陣,因為我返tko都唔駛咁早,傾多一陣想走之際落雨,所以係karen度借左把遮走,把遮好女人,我好唔鐘意呀,hehe~
返到媽咪度老公都未到,感覺良好,哈哈!

8月6日:
今日唔覺唔覺,我全日都有野要做,好似冇得休息咁,又要準備出街gathering,全日係屋企都好似好忙好忙咁。今日都好期待,因為我可能見到我個半價anteprima袋,同埋又可以見返同我好fd好fd既小學同學,唔知呢,我見到佢又唔會好多野講,不過一見到佢就覺得好開心,始終識得太耐喇,就算20年冇見過,見返都好有親戚感好開心。好明顯唱k宜家真係好差,新歌唔識不突止,唱歌唔夠氣唔夠聲,以前成日同老公去唱k lunch,好高音都唱到,宜家真係好退步,不過冇所謂啦,志在聚一聚,見一見姐,開心就得啦~~

8月7日:
今日見michelle冇遲到,仲係我等佢,非常好。今日大叫自己好肥,又好腫,所以michelle幫我落左d去水腫既針,同埋d藥都會幫到手,希望有用啦。又係一個cycle既新開始,希望今次順利啦,last 4 chance,好珍貴呀!
食完lunch,係ifc買埋野,本來打算去唱k架,不過坐坐下好眼訓,所以都係返屋企,訓到屋企係咁訓係咁訓,好爽呀!!!

8月8日:
勁打機既日子,由飲完茶返屋企有新電開始,我地兩個勁打機,又叫又打交又鬧人,玩到nic nic好唔開心(因為我地唔理佢呀嘛),最終我地敵唔過nic nic,所以停手唔打,煮飯食。玩下玩下,食下食下又一日,放假真開心。

一週回顧 (2010年7月26日 – 8月1日)

7月26日:
今日終於都有得整甲喇,手甲都唔算太長,不過腳甲真係長得好恐怖,次次小玲都會話我係恐龍,卡卡。今晚老公都schedule左去hair cut,剪完之後就黎停我一齊返屋企,本來我叫佢買野上黎一齊食,不過去到mk個時太餓喇,所以買左兩串篤篤野食左先。
整甲之前去左mtr station交收,感覺良好。
腳甲仍然係揀淺色底+少少colorful野,所以今次揀左白色底+橫間粉色閃片。手甲真係揀左同竹太一樣既款,不過用左深淺紫去做,感覺完全唔一樣。老公上左小玲度之後,玩到color半死,係咁撩color跑圈,見到color個樣都知佢好攰,之後小玲話我地一走,color就訓到死豬咁,叫極都唔醒,哈哈~~

7月27日:
今日硬係覺得唔多舒服,所以好快就放工走人,返到mos都唔理得咁多就打的返屋企喇,好似好攰咁。今晚好hea,又食燒味飯,不過今日超好笑,明明老公打電話問我食燒味飯好唔好個時把聲都冇野,返到屋企佢d口面好難睇,我問佢做咩樣衰,佢叫我由得佢,咁好啦,我有我食,佢有佢食咁,我都醒目叫左nic nic坐我隔離唔好理佢架啦,點知個癩人食食下飯都可以整跌晒d叉燒,咁我咪叫nic nic食晒去囉,不過個時佢已經好癲架喇,趴係枱面度係咁塞d飯入口,隻眼好邪惡,食完飯佢會要泊返好架車,咪由佢囉。過左一陣返屋企,又已經冇晒事,原來係佢自己白痴,初初因為有車係後面,咁佢就亂咁泊左車先,等d車過左先再泊返好d,點知架車泊埋左一邊喎,佢話個司機冇落車,佢就以為人地專登睇戲,睇佢點先可以泊返好架車,於是係車度同人對峙左15 mins,人地唔落車,佢又驚d飯凍晒,所以都係返屋企,返到屋企又要忟,再落返去泊車個時,佢話個架車已經走左,頭先應該係等人先會停係度,係唔係超低能呀,自己嬲一輪都唔知為咩,仲要跌左半盒叉燒出黎,卡卡。

7月28日:
半夜起身m黎左喇,好失望呀,失望到都唔理得咁多,半夜黎已經當一日,所以今日sick上晝打算去QM抽血,點知又一直都落雨,又賴喎,最終都係take whole day sick,出門口個時我知道係黃雨,又call唔到taxi入黎喎,咁唯有自己死死氣行出去啦,成腳都濕晒,上左小巴冇耐,老公打比我話已經黑雨,不過當時又好似唔係落緊狗屎,咁都ok。但係去到中環係勁大雨,又冇的士,當我以為一定要等小巴既時候,咁啱有人落的士,所以上到,去到QM before 4:30pm,抽血好快,等幾個就到我,不過每次去既感覺都唔好受,我好抗拒。
走個時,見到排的士係少d人,加上一直都有的士上緊黎,以為打的會快d啦,點知突然間一黎就黎左3間小巴,所以我又轉軚去等小巴,直至第7架小巴終於都上到,我一直都有留意之前排我前面個人會唔會上的士先過我,原來時間差不多,我估佢比我上早幾分鐘啦,咁$6.5 vs $50,時間唔差得遠,搭小巴都ok啦。
去到中環都只不過係5:30,所以即搭mtr cwb買左jill stuart先,其實我最想要個blush架咋,見新出同埋自己用開個盒都差不多用完,但買完再諗諗下,我好想仲有d pressed blush未用啦,咁即是又double左,仲有新出既eye shadow今次個色幾唔錯,所以又買,仲有我好鐘意既jelly eye color,又因為差$40可以有化妝袋,如果冇記錯好似係之前買magazine送o個個,都幾靚啦,所以買多一盒jelly eye color囉,其實諗諗下,係唔係全部野都可以慳返呢?拎到返屋企都冇好開心咁拆過黎睇,真係幾過份。
之後因為太餓,自己一個去左食toast,又估唔到times呢間餐廳又幾好味喎,不過一個餐一件厚多士,兩隻蛋,一杯飲品真係太飽喇,啱啱坐低老公打黎話可以放工,所以叫佢去cwb搵我,hehe~
落到cwb行左一陣sogo就去食飯,啱啱先食完一個set,完全冇胃口再食,所以只係叫左個甜品就夠,真係好滿足,因為時間仲早,可以去toyrus睇下想買埋nic nic個swimming pool,點知我地睇中o個個就冇喇,反而見到個大d又貴d,不過好似深d,nic nic應該游到,唔會浸only,不過老公要諗諗,又要度下個天台呢,睇完之後都係早仲可以舒舒服服搭681返mos。

7月29日:
今日返tko食飯,不過太心急想買swimming pool比nic nic喇,就算我拎住6盒250ml都照等老公,拎到隻手好痛呀,因為個紙袋條繩太幼,如果放上手臂又會有一條條血痕,好辛苦呀。好唔容易先等到老公返到tko toyrus等,本來想compare多次長方型pool同圓型pool個size,點知tko呢間冇圓型喎,有既,係過千最大o個個,完全冇興趣囉,於是即管問一問人會唔會收埋左啦,點知話899個size呢間分店係冇,係好絕望之際,個姐姐仔話有貨返,會有我地想要個size喎。個一刻,我地兩個癲人係諗都唔諗就話要一個,完全唔記得左初初話要再compare既事,好啦,比錢個時等左好耐好耐,因為cashier好比心機咁幫我地紥住去(我地兩個係完全冇拎過個pool上手,冇idea係幾重),到真係走得個時,老公一拎先知死喇,重到爆呀,跟住我拎個pool cover都唔輕,仲要拎埋個6盒250 ml呢,重到我呢~~
只係由toyrus行返媽咪度都已經停左4-5次先返到,好辛苦呀!!! Nic呀Nic,你一定要記住我地兩個真係好鍚你,為左你,咩都做得出架,hehe~
食完飯返到屋企,我一直都好想打開個盒黎玩,點知老公一直都唔比,同埋我地拎野都真係拎到好攰,冇力氣再打開個pool睇,算把啦,是夜早d訓,第二日又wfh喇,哈哈。

7月30日:
今日真係好想好想開個swimming pool比nic nic玩,見一級一級咁拎上樓梯都冇問題,咁就拎上去啦。嘩,打開左又好似真係幾得咁喎,不過一定要插住個filter先得,如果唔係會有兩個窿,砌個filter都需要d時間,砌下又做下野,又上又落,搞到我一身汗,好不容易先將filter同swimming pool結合,終於都開水喇~~~~
開左水冇耐,我就教nic nic入水,只有好少好少水佢都好似好開心咁,我見佢玩,我就返入屋返工,得閒又上去望下去,搞左成個鐘先叫裝滿水,不過可能我冇一路睇住個水池啦,一路裝水佢一路斜左d,所以d水唔夠深,游唔到,不過nic已經足夠開心,玩左足足一日都唔厭,連晏覺都冇訓過,次次都要我上天台的佢入屋先肯入,好好笑~~
Nic Nic,你鐘唔鐘意爸爸送比你既終極禮物呀?希望你生活係我地呢個家,你會覺得無比幸福啦~~

7月31日:
上晝睇michelle,睇完之後去左九龍城買&拎abby既生日禮物,之後要出小玲度整返隻腳指,由於想食下野,所以泊左車係家樂。
係易牙妙手度食野真係超抵,本身已經係唔貴,再加上有8折卡,次次食完都覺得好抵好開心,因為一個lunch set,一個tea set再加一個小食都只係60蚊,真係平到呢~~
食飽飽就行過去小玲度,真係好熱呀,行一陣都成身汗,去到小玲度又好似唔係好夠冷氣喎。痴返粒心心之後,幫color洗左手腳就走喇。再一次返家樂,終於都忍唔住要睇下野,不過都係買左一件top同一件打底姐,去開karen度,真係冇咩心機係家樂揀衫,因為好貴。又玩又買完一輪之後,終於都捨得返屋企。
雖然nic nic隻手損左,不過我覺得好少事,所以最終都放左佢上去游水,佢都不知幾開心呀,卡卡~
夜晚出左mos同6299 dinner,是日活動完畢。

8月1日:
「亞比蓋爾程」第二生日
今日天氣好得太緊要,好曬好熱好好陽光,沿路入disney一直都好曬,架車開大冷氣都好熱好熱,係car park度撞到啤生一齊行去酒店,到lobby再join埋啤太就一齊去餐廳。竹太係第一個度,一見到markus就聽到佢係咁叫d卡通人物,真係勁好笑。全程markus好忙好興奮,一有idol黎就會含羞答答,實在太好笑喇。相反,一一見到係大喊,好驚好驚,連帶心心b都好驚,一齊喊。主角亞比未至於好似markus咁興奮,不過都接受到,同埋佢今日表演唔錯,完全冇喊過,兩歲喇,係唔同d既。狄狄黎到既時候訓左,所以小仙女可以好得閒咁係咁影相,直至大合照時間狄狄先起身。
亞比真係好多好多表情,好古靈精怪,好得意。今日我係咁發女瘟,攬住心心b唔放手,仲抱埋心心b代表送禮物比亞比,哈哈。亞比見到ipad枱個表情真係好開心,好驚訝,好似做戲咁,我好滿意今次我地又送出浮誇禮物,雖然ipad枱唔算好大張,不過夠大堆頭,好正呀!
食飽飽之際,好多謝姐姐送大合照比我地,thank you!
最後最後,由於天氣太熱,酒店都好熱,所以我地影左一張大合影就走人呀,今日真係熱得要命,好辛苦呀!
Abby, Happy Birthday!!!!