風爽4個月大喇,時間真係過得好快,以為人地湊仔快過姐,原來自己都過得好快。4個月大既風爽,佢地兩個已經有互動,有時會望住大家叫下,不過主要都係爽鐘意同細佬傾計多d,佢成日見到細佬都會笑,有時風風喊,佢都會笑,風對家姐講野好大聲架,不過風風都係比較鐘意同大人傾計,成日都笑到卡卡聲。
風風開始學坐,佢好硬淨,放手佢都應該坐到1秒既。爽都有學,不過我會保護爽多d,用手護實佢,佢始終都未有細佬咁實,女仔嘛,慢慢黎囉。爽爽4個月大,唔知點解都仲係細粒粒,成個公仔咁,姐姐成日都叫佢做公仔bb,呢個名好好笑。
今日自己係屋企磅佢地,爽6.4kg,風7.6kg,爽又升呢啦,已經上到50線,風直頭去到75線,所以我落order唔比風食咁多,肚餓飲下水啦。
仲有,佢地兩個已經少少識玩玩具,風其實可以拎住玩好耐,爽就唔係好想拎,你拎住比佢睇,佢就好開心囉,同埋兩個都好鐘意睇電視,電視精呀!!!!!
No comments:
Post a Comment