一週回顧 (2010年2月15日 – 2月21日)

2月15日:
年初二,正常會返6299屋企拜年,不過因為訓晏左,要等大家姐佢地黎,所以唔理啦,冇返6299屋企呀,直接出去西貢買少少零食同野飲就返屋企打牌,今年黑爆,打左一晚,食得兩鋪,仲要係好細喎,輸就輸8番個d,痴線架。
不過我屋企好凍呀,個個都話我屋企凍過tko,連亞哥都話凍過元朗,有冇咁恐怖呀?
今日亞哥帶左東東表弟同多多表弟去我度,隻多多好惡,係咁胡我個仔,我唔鐘意佢喇!!!

2月16日:
年初三,本來想去玄圓學院,不過媽咪又叫我地唔好去,咁算囉,夜晚去左敏玲姨度接爸爸媽咪入mos食飯,其實食得好悶囉,出年可唔可以唔再食呀?之後車返媽咪返tko,我地返到自己屋企,終於都拎張新carpet出黎用,嘩!!!好靚好舒服呀,不過係franc franc度買carpet都幾貴,200cm x 200cm要over 2k,係新年有promotion先平少少咋,其實係nissen訂都唔差,不過就好煩囉,有機會再係franc franc買啦,真係好鬼靚呀!!!!

2月17日:
年初四開工大吉,夾埋都係派13封利是,都唔知點解d老人家要避開唔派,其實都幾開心呀,我始終都覺得派係開心過收囉,哈哈。放工本來係想煲粥既,因為食左好多人油野,不過去到西貢,見到旺泰有開,唔理啦,唔想煮呀,買外賣算,見上到巴士,老公都返到mos,咪話係bus stop等佢,咁我就唔駛行斜路返屋企啦,點知等呀等,我等左2x mins,好凍好辛苦,不過等得一陣,又唔想自己行返屋企,所以死等囉,凍死我喇。

2月18日:
天氣都仲係好凍,已經凍到我個鼻好痛喇,真係好唔想返工,返到工都唔想做野,好不容易等到放工,係mos bus stop見到有熱辣辣既蕃薯,買埋x春蛋同栗子就返屋企,返到屋企食左半條蕃薯就已經飽到死,所以冇搵屋企仲有d咩可以食,老公返到屋企因為半條唔夠飽,所以我見佢全晚都係咁摷野食,食足全晚。

2月19日:
終於都頂唔順,call sick,成日係咁訓訓訓,真係好開心,等到老公放工返黎車我返tko同爸爸食生日飯,訓下訓下,食下食下又一日,真爽。
今日都算好勤力,洗左兩機衫先出門口,算係咁啦,上天台真係生不如死架!

2月20日:
約左michelle 1:45,不過今日想早d出去H&M搶野啦,點之自己又唔願起身,咩都搶唔到,係7-11度食左燒賣就上michelle度先,估唔到分開黎拮針,真係會用足1.5 hrs架喎。睇完醫生想去九記食麵又未開市,最終去左食我好鐘意既牛油雞翼,宜家覺得好肥,好油,又唔覺得好好味咋喎,我係唔係變左呢?
食飽飽,出發去馬灣,環境係好清優,不過我又麻麻地呢d咁大型既屋苑,不過空氣係幾唔錯。上kelly屋企最開心係開左個fb係咁笑d大學同學,騎呢人無論過幾多年都係騎呢,kelly老公仲要話有幾個男同學似60後多d,wakakakaka,我地呢d一睇就知係80後黎架啦,hehe~
食dinner出返kwai fong,食完之後,大家意猶未盡,就去行下街街,女人睇衫,男人行埋一邊傾計,我就成功買左一對30個大洋既lace leggings,都好似幾好樣咁,30個大洋真係好抵!!!

2月21日:
一早同6299去左黃大仙,不過幾早都冇用,因為等解簽等到傻,同埋支子女又係下下纖,我開始唔想再去再知,連自身我都唔想再求啦。搞左一大輪,我冇得同皇后去all crazy,真係好唔開心,不過唔蝕輸,本來只係想放企封利是就走,都比我撞到竹太,同埋拎左兩件衫走囉,卡卡。
去到竹宅,d bb已經warm up晒,好似好好玩咁,最好玩都係markus啦,佢識最多野,不過比我有幸見到abby發癲,我都覺得好開心,最鐘意就係d癲仔癲妹架喇,wahahaha。今次gathering又係食埋dinner先走,估唔到去完toilet出黎,會突然一黑,我仲以為自己撞到個牆既switch,原來係魔魔集團同我慶生日,我覺得佢地係同我慶生日架,不過見到kuromi又覺得個蛋糕唔係我,所以好迷茫,唔知迷左幾耐,我鐘意都醒起3月1生日既心心,wahahaha…我真係覺得自己2月生日係大晒架,哈哈!!!
好開心呀,好surprise,同埋都好開心收到既生日禮物,global essence既甘露同埋dr a既eye cream,好正呀!!甘露我一定唔捨得買,eye cream係我下一步想買既野,真係好開心,thanks so much!!!!

我的情人節禮物

再post多一次我既情人節禮物,雖然係fb已經post左,不過始終打落blog先算係真真正正紀錄低我既生活點滴,所以點都要post多一次

issey miyake係屈老公買既,我從來都唔會好狠要issey miyake,不過見出左呢個木樽好似好特別,所以就買啦,卡卡,仲有中間個爛鬼木牌送。

右邊既daisy係老公專登買比我既,好開心呀,我叫左佢買比我兩個月架喇,最終都買左喇,卡卡

前面中間個盒係朱古力,我覺得唔好食,老公話預左,只係試下

因為今年初一=情人節,連一朵花都冇,我覺得好唔開心呀~~~~

一週回顧 (2010年2月8日 – 2月14日)

新年前一星期,好忙好忙好忙呀~~~
2月8日:
放工去左tst修眉,老公約左d中學同學食飯,咁我修完眉咩都冇買就返左屋企,叮返熱d粥同牛仔骨食,是是但但又一餐。

2月9日:
一早約好今日去all crazy,等左好耐亦都好瘋癲,首先係A&J(以後會叫佢做franche lippee)買左兩件franche lippee,一件係之前要留既3D top,望落好似有d細件,不過我好鐘意呀,所以照買,另外一件係覺得好鬼靚既旗仔op,貴,不過好靚,因為新年嘛,個人高興就要買架啦,哈哈。之後因為karen好多人,咁去左神犬狗舍,不過我冇野啱,所以我同竹太去左膠袋ee度,係膠袋ee度都玩左幾耐,買左一條isbit既毛巾料op,一條粉綠色蝴蝶結leggings(over the moon),同埋一件culture medium既簡單黑色衫。等呀等,終於都等到karen少d人,我地直頭閂埋門玩,4個女人仔,係咁癲係咁癲,end up我買左兩對jelly beans,兩條灰色outfitters(一條送比大家姐既),一件over the moon既童裝size衫送比黃小深,我要左一件over the moon既rabbit粉紫間top,一件cantwo灰白間長身top,玩到成11點先走人,大家都好攰,不過又好開心喎,wahaha!!!!

2月10日:
今日最冇咩特別事要做,不過唔想煮飯,所以放工去左金滿庭食外賣,等左老公好耐先返到mos,悶到我傻!!!等外賣既時候係千色店既$10店度買左兩個藥丸盒,想試下用黎放耳環,不過過左一個月都仲未執野囉。

2月11日:
因為星期六係PH,所以要今日睇michelle啦,本來上次佢明明話幫我地book架嘛,點之又冇book,突然間要4:15到佢診所,咁我咪好緊張同我老細講囉,講完之後,食埋個lunch,好快就走人lu。去公司行去九展搭bus出tst再轉mtr,果然比直搭mtr快1x mins,去到等左一陣就有得睇喇,今日第一次拮肚,好驚又好痛,不過我都係拮個時驚姐,拮完又冇野,仲要去埋boris度買花,又因為pat痕,拎住扎花去埋all crazy添,係karen度hold hold hold,又hold左一堆野,因為太多人試唔到,咁周圍行下,去左神犬度,兩公婆都好煩,不過我都執到幾件平野,都ok既,之後再返去karen度都仲係好多人,我唯有走先啦,係膠袋ee度都hold左野呀,因為有幾條8婆係膠袋ee度,所以我完全唔想買,haha~~
之後神不知鬼不覺就返到mos會合老公,一齊返屋企。係屋企執d食得既野出黎食就當一餐lu!

2月12日:
星期五喇,我都執袋走人既時候,白白痴痴既老細先行出黎叫人準時走,都痴既,我都走緊啦,你唔好聽日先講?
好快就出到mk,我都知小玲會有delay架喇,所以未上去之前問下佢得未啦,佢未得我就死左去faye fashion度買野,好快手咁買左一件紫色spanish harlem大蝴蝶結top,仲有一件鐘意左好耐但覺得唔啱著既cantwo黑底彩色蝴蝶結print top,好明顯係新年pat痕買,其實我都冇試,唔知自己啱唔啱,行行下忽然記起仲有一對lace leggings想買,唔記得左買,所以叫亞B幫我hold起先,新年後先去買。之後急急腳上小玲度整手整腳,期間知道左d野,唔知點算,希望小玲會解決度啦,今次整左橙橙地色既腳指,加好和風既手指,d手指好鬼靚呀。整完手腳,老公去到mk同我行花市,冇咩特別,純粹趁下,買左虎年揮春同埋雞仔餅+香蕉糕,不過唔知點解我全晚都好似好開心咁!

2月13日:
年三十晚,本來想執下屋企既,不過因為太眼訓,訓到好夜先去6299度食團年飯,食完睇多一次2D AVATOR,等到過左12點,拜埋神,我地就打道回府。我地呢d人,下晝就用黎訓,夜晚就用黎執屋,最終又吸塵又拖地,有限度咁執一執個廳,封埋利是都3:xx am,好眼訓呀,要去訓喇,訓之前,我地比左利是nic nic,哈哈!!

2月14日:
年初一又係惰人節,老公咋咋帝今年只係買左一盒朱古力比我,慣左年年都有花收,今年冇,覺得唔開心囉。訓到夠晒就出發去媽咪度,估唔到我地係最早到,通常都係食下蘿蔔糕呀,齋呀,呆下呆下就一個下晝,舅父佢地黎左冇耐,我就要去會合6299同公公婆婆食飯,今年去大榮華都食,比起平時係公公屋企食好味得多,不過飽到癲,我地仲拎左好多野返屋企,準備聽日叫大家姐同亞哥黎我度。

虎年和風超靚甲

我的Boris & Matthew新年花

靚爆+貴爆的新年花,不過一年一次,算數啦!!!!!

一週回顧 (2010年2月1日 – 7日)

踏入2月,人都變得開心,心情亦變得非常好!!

2月1日:
7:20pm返到mos,街市已經收到七七八八,快快手買完野返屋企,再快快手煮飯,真係唔知點解,點快都要1個鐘先完成,歸根究底,我覺得係因為以前有3個爐頭,宜家得返兩個,以前用飯煲煮飯,宜家用煲仔,所以煮飯既時間耐左,我以前明明半個鐘至9個字就可以煮完架嘛

是日晚餐: 叉燒醬排骨,照燒雞翼,生菜,袪濕冬瓜湯

2月2日:
唔知由幾時開始,總之個日放工唔去街,就係返屋企煮飯,所以今日又煮

是日晚餐: 臘腸煲仔飯,炸菜蒸豬肉(炸菜咸爆,好失敗),唔記得煮左咩菜,蕃茄薯仔肉碎湯

2月3日:
又到左一星期一次睇中醫日子,不過收到bad news,michelle要搬返父母屋企,唔可以再上佢屋企睇醫生喇,要去中環診所,除左遠,我仲好擔心價錢問題,不過michelle話會幫我地bargain,咁我信佢啦
睇完醫生,去左易牙妙牙食dinner,都順路去左faye fashion,居然咩都冇買,好勁呀!!

2月4日:
返tko係團年飯,未食得之前係千色店booth買左全盒零食,今年差不多買晒朱古力,之前買糖都唔係好食,不如食朱古力好過啦。買完飯,亞哥車我地去kwun tong搭車返mos,路過apm,死唔蝕要去ete睇鞋,結果睇來睇去都揀唔到最後一對,睇揀個款又冇碼,d 35唔係好迫,不過好怕買左會後悔,所以我堅持要36,最後個對買左彩藍色冷麵鞋,著左一次去放狗,好似唔多好著喎,唔知點算。

2月5日:
因為karen返新貨,所以放工即刻死去all crazy,玩到竹太都放工都未玩完,不過老公又係咁催,最終咩都冇買,咩都冇試,只係hold hold hold就走人。搭mini bus出到mk,係langham食dinner,同埋老公等我既時候,買左daisy比我,之後睇返單,原來佢冇叫sales比9折佢,蝕左79個大洋添

2月6日:
本來今日夜晚要去老公既公公屋企做節,不過一起身,食左d零食,又整左個咖哩酥食,食完之後好唔舒服,又頭暈,又手軟腳軟,又想嘔,又頭痛,可能係中左味精毒啦,於是訓呀訓,老公居然見我唇都白埋都叫我去公公屋企,我辛苦到死,end up發完脾氣就唔駛去,仲煲埋粥比我食添。
夜晚訓到傻傻下既時候,老公話比我知佢日文fail,又叫我起身check,我話我唔check啦,連佢都fail,我都係一樣之嘛,聽日先算,佢就一邊係咁話唔開心呀,唔合格呀,我咪叫佢算囉,自己再係咁訓訓訓。

2月7日:
訓完一日,今日起身好返好多,起身居然都仲記得要check日文result,好啦,我就check啦,喜出望外,我比合格資格高出1分,就係咁,我合格,佢fail,其實大家只係差4分,wahahaha,我發現其實我真係叻過佢好多囉,我明明係好冇信心架嘛,居然係我得左,yeah~~~
Check完result就出去做massage,個ee又話我皮膚差,又叫我keep下啦,其實我好唔鐘意,既然老公咁鐘意比佢massage,我好想叫老公幫我做晒個course囉。我按完之後就去左買餸,買完一大輪都係用得45 mins,係shop等佢按完等到我好悶呀。

是日晚餐: 炸菜牛肉餅煲仔飯,醬燒牛仔骨,腐乳通菜,袪濕茶包+冬瓜湯 (飲到老公係咁痾,我自己都有少少,應該係排毒掛)