一週回顧 (2010年3月22日 – 3月28日)

繼續全個星期返工都好辛苦

3月22日:
平時星期一唔會回魂既我,今日個肉體真係攰到爆,不過我個精神都應該係仲係深山,又7點放工,痴線架

3月23日:
今日真係好想買野,不過太攰又趕時間,只係睇下一轉faye fashion就去食飯,食完又拿拿聲去上堂,今日得好少人上堂,最鐘意呢個感覺,卡卡

3月24日:
老公今日去打籃波,由於今日出左bonus (雖然得好少),不過都夠我去散財,所以自己單拖去左ac,除左因為多左錢,要去散財,仲因為今日真係好辛苦,我忍左好耐喇,係時候要爆,哈哈(藉口多到爆~~)
今日karen冇咩新野返,所以係咁摷佢d leggings買,連佢賣剩4對既襪兜我都買晒,卡卡
之後自己一條友又去beautiful song,又去神犬拉西度,最後仲去埋膠袋ee度添
Shopping on 24 Mar @ All Crazy (Kam Lam,膠袋ee,神犬拉西,beautiful song)
癲癲地咁仲要今晚同左karen同karen媽媽一齊去沙嗲王食飯,more more group覺得我已經係ka lam既vvip~~

3月25日:
我今日真係好想好想早少少放工,但係做下做下,都係要近7點先放工,其實7點放工好似一d都唔夜,不過如果10個鐘唔停手,唔停口,唔停腦咁不斷做野,真係會好攰,由於撩起左個條shopping根,所以今日返到tko點都要碌去pet line買禮貌比bob cook,已經欠左佢地兩個星期啦,今日好喪咁買左千幾蚊零食,返到上媽咪度,我以為自己買左好多野比bob cook啦,原來買左咁多錢,係因為我買左4包蔬菜骨比nic nic,一包13x,買4包都5xx啦,咁仲有其他野,唔怪得用左咁多錢咯。Anyway啦,bob cook生日一年一次,我年年都唔會太孤寒既,見到啱佢地食既野都會買,同埋今年已經係14歲喇,我好驚好驚,好驚有一日收到屋企打比我,話佢地有咩事,我估我會係公司喊出黎,然後要call sick走人,好驚呀,希望佢地會有20歲命,繼續健健康康,開開心心咁生活。
其實我一直都覺得我搬走左係對佢地唔住,因為好少時間見,又唔多理佢地,以前係我主力負責架嘛,bob cook,其實我個心都仲係好愛你地,你地唔會感受唔到架,係唔係?

3月26日:
終於都星期五喇,可以wfh,上晝既工作唔係太繁忙,不過當我話今日想放工呵呵呵之後,講完就勁多野做,最終都要成6:30先可以走,不過我call左的的去tw,賀karen生日同分店開張,新店d貨比我想像中少,是是但但求求奇奇買左兩件衫同3對leggings,算係多多幫襯啦,中途老公殺到,所以都唔敢再行第二間shop就同老公去左sammi’s kitchen食野,今次食牛仔骨比起食意粉好味,食完飯,好快就返左屋企lu~

3月27日:
一早車左nic nic入tko沖涼,其實我地book左5點,因為老公諗唔掂路線圖,所以一早就車nic入tko先,之後我地就去中環睇michelle,睇完醫生,老公一定會問我想去邊,今日是但講,去左又一城,因為我好想行下又一城franc franc,果然有好野賣,我想要既執衫用具都買得到,雖然特價係一件好事,不過就冇晒我想要既桃紅色,咁是但啦,米白色都要。揀呀揀,仲揀左一個桃紅內裡既盒打算用黎放leggings,仲有買左兩隻雪糕杯同一個飾物器皿。
買完晒野,決定返tko食dinner,順便搵埋大家姐去fancl買paper mask,仲有係時候去藥房入貨,搬左9個月,我都仲係好鐘意去新城藥房買野,可能就係因為每樣野都會平幾蚊,所以可以揸開車返tko都要入貨。買完野之後再去味千食埋dinner就湊nic nic返屋企,仲有仲有,大家姐仲比埋幫我買既大鞋盒,等我easter可以執野。

3月28日:
今晚約左6299食生日飯,全權由老公負責,結果佢居然冇記低個detail address,只係記住邊條街,話去到問人,又話好出名,大佬,你宜家去私房菜呀,我唔覺得會係人都識囉,又唔記但tel喎,3條矇柄跟住一隻豬係條唔長唔短既街度來回左3幾次,好彩終於都搵到source,問到呢間私房菜係邊,我都一早手指指話係呢度架啦,又問我憑咩咁講,老公真係超低能。
呢間私房菜唔可以叫唔好食,不過一定唔係好食囉,食完唔會講得出有d咩一定要試,我覺得好嘥氣,好彩99不嬲都覺得老公做野只要有心就得,如果我生日佢帶我去呢間rest食野,我一定會發癲。
食完飯,同99去左配眼鏡,唔講唔知,原來漸進鏡片比近視鏡係貴3倍,好crazy,好彩我冇近視,如果唔係我呢d咩都要用黎襯衫既人,一定會買好多囉,同埋老左要用漸進鏡喎,貴死。宜家99同老公母子裝咁一齊戴dior,真係好笑好爆,卡卡~~

我的kit kat

近期買的kit kat,一向見到不同味的kit kat都會買,不過買完食完又會記不起自己食過什麼味,所以決定以後記得都要影相,好好記低曾經吃過的kit kat,哈哈~~

Shopping on 24 Mar @ All Crazy (Kam Lam,膠袋ee,神犬拉西,beautiful song)

由於係karen度冇咩野可以買,所以買左n對襪,分別係4對襪兜,一對vw同一對唔知咩brand但好貴既leggings,仲有一對花邊12分,係膠袋ee度買,比sogo足足平左14個大洋

第二站去左beautiful song,冇咩特別野買,只係買左3件打底同一件lace飛飛下背心

上兩件同一個brand,叫gem咩咩咁啦,made in japan,200個大洋一件,望上去個袖唔窄同埋質地好挺,所以呢個款買兩件;下面個件係lace袖,我好鐘意個領口,不過好似上面個款simple d,所以呢個款買一件就夠,180個大洋;lace飛飛下below 300,係mk見過,要399/8折,所以係beautiful song一見就買,哈哈

因為window display有一件osmosis,所以入左神犬拉西度,佢地繼續係好煩,同埋發現同一件osmosis,膠袋ee平佢幾十蚊,所以我以後都唔會去神犬拉西度買野,條黑色吊帶裙腳可以較長短,2xx好似好抵;條短裙諗諗下都唔知買黎做咩,去tb買好過啦,係呢度買要200,咁我都係著落抵之嘛,噓~~~

總之我以後都唔會係拉西shop放低銀兩架喇

最後買野去左膠袋ee度,都係膠袋ee d衫令,第一套係isbit,返到屋企我先知入面個條係褲唔係裙,忽然唔知點著好,不過面個件橫間我好鐘意喎;紫底青水玉個件唔衫唔裙,我自覺係我既野,所以要買;灰色個件係osmosis,呢d衫,我估要著起先覺好睇,影相真係一d都唔覺佢靚;最後係兩件osmosis打底,下面個cut好令,著上面又得,打底又得,得左,240一件,有黑,白,深灰,淺灰同我買左邊個件唔知叫咩色

~24 Mar shopping報告完畢,多謝收看~

Shopping on 21 Mar @ All Crazy(Franche Lippee,Ka Lam)

今日一心係去買franche lippee,一共試6-7件衫,最終買左3件,好變態!!
頭兩件都係睇圖留既,第一件係3件中最鐘意,唔知點解,解釋唔到,總之就係鐘意
第二件好夏天,著起左真係幾靚,所以買
第三件又係3D野,今次係op唔係tee喇,一件比一件既print靚,3D print真係好得~~

呢件係臨尾係同一間shop買既3件衫,170個大洋,好抵呀~

@Ka Lam

左: 8ight長身tee,因為好鐘意呢個色,所以要買,其實我已經有一件同一個款既8ight,著起個型幾得架
右: 又係gem closet,呢件係karen極力推介要我試,估唔到試起左真係幾得架喎,掂呀!

呢件romeo y julieta,真身靚過上鏡好多,同埋比我塞到皺晒,所以影唔黎唔係幾靚

isbit豹tee,個型好得架,不過又係星期六日先可以著囉,好彩唔貴

呢件唔知咩brand,只知係made in japan,著起真係型到爆,好得好得,正呀~~~

呢件tee其實好妹妹仔,不過d色真係太靚喇,所以都照買

最後呢兩對襪兜係一田買,好明顯係pat痕啦,卡卡~~~

Shopping on 19 Mar @ Fluer Fluer

今日去完QM見醫生,由於做野太辛苦,所以決定係去fleur fleur放血,其實最主要我係去拎返好早order左既野,唔想好似order完又唔要咁。

isbit窩釘蝴蝶結手挽袋,好靚架,不過karen都有返貨,即是我買貴左好多囉,sigh~

呢件都係isbit既衫,質地好舒服,成set仲有一條黑色短裙仔,短裙仔應該著唔起架喇,不過呢件衫可以前後著,如果我想,應該一年4季都可以著,同埋比我預期平左喎,咁當賺左啦,卡卡~

終於都買到一樣鐘意又啱著既lace野,呢度係一set,價錢又係ok喎,著起左比掛起靚,入面件打底都要好夠長,襯第二d衫都得,very good!

呢件係好貴既jilky,不過一拎上手就好鐘意,就算係星期六日先可以著,我都好鐘意,其實係我對jilky有辟好就真,d蘇係有少少閃閃咁,好令架~~~

變色甲@March 2010

因為今次上完日文堂先去整gel甲,所以我要快快快,最後選了深淺藍變色gel+星星圖案,很快,不到兩小時就完成,正!!!!

發leggings癲+lace熱

自從買過spanish harlem著瘦人蝴蝶結後,唔知點解好鐘意買leggings,cotton leggings又買,絲襪質地又買,見到12分就更加要買,但其實我唔係成日著裙,唔知點解要係咁買,有一鋪買黎儲既癮,加上今期lace熱,所以買下買下,我應該係一個月內買左8對,wakaka
除左最左個對,其他都係sogo買
左起:
1. city super冇意中見到,唔明點解叫14分,明明買開呢隻長度叫12分架嘛,不過見89個大洋好抵,同埋我冇扎染款,所以買啦
2. sogo ee叫呢隻做漆皮料,著起左好型架喎,呢對係豹紋踩踭,有對係10分皺皺腳係斑馬紋,我鐘意皺皺腳多d,不過豹紋又好似靚d,咁老公同sogo ee都要我揀豹紋,咁我就買左呢對
3. 呢對係sogo ee勁力推介,佢話好少有lace 12分喎,同埋好少有紫色,夏天紫色係大熱,佢話更係買紫色呢,黑色common好多,所以我揀左紫,其實我好多時都著黑色架喎,我有好多紫色褲都未著,都唔知買紫仲咩,好唔好搵日去買埋黑色呢?
4. 扮牛仔褲紋10分leggings,可以接起,又可以唔接,見model著起好似幾令咁,所以試下啦,都唔知點襯好
4對lace leggings,其實黑忟忟都睇唔到係咩,不過我又唔想著上腳影相喎,咁是是但但都影下啦
左起:
1. sogo買,12分leggings,上截係cotton料,下面係lace,我覺得當佢10分,皺皺腳咁著應該會靚d,$150 made in china,會唔會係貴左d呢?
2. kwai fong買平到笑全lace leggings,9分,通花lace,30個大洋,拎上手覺得好彈,唔知係唔係我太肥,著上身又好似完全唔彈咁,不過30個大洋就算啦,我見mk要49.9架,我同老公講,都係差20之嘛,佢話20係唔多,不過我買入只不過係30,如果再貴20,個%差好遠,咁又好似係喎,所以覺得好抵,唔彈都係好抵
3. faye fashion買既日本野,要250個大洋架,都係全lace通花,踩踭,著起左一隻腳黎試,唔算好肥腳,幾令架喎
4. mk買平靚正10分cotton leggings,全條都係cotton,係前面加多一塊lace,唔透肉,估佢唔到雖然係80個大洋,都唔會鬆泡泡,都著得隻腳幾ok架喎,有機會搵日再買,hehe~

Nic Nic的傑作

唔記得左呢d係幾時既破壞,如果唔係update blog用upload d相都唔記得左呢件事,呢堆野係有一日返屋企見到既,係佈滿左客廳每一個角落,執返好,再睇一睇,點一點,原來只不過係冇左一支body lotion姐,傷亡唔算好慘重~~~
satys既野,好多都係咬爛個盒,入面係冇試既,可能因為入面仲有一個袋入住product啦,ad+個d就慘d,兩支cleansing foam,一支咬頭,一支咬pat

呢支個pat比nic咬到咁都唔穿,都算好好野架喇

Japan Spa 湯の花

已經是第二次買湯の花,第一次買了兩個溫泉的湯の花+一些好似會勁爆瘦既浴鹽,勁爆瘦個d就冇咩用喇,反而湯の花真係幾relax,至少浸完之後條腰真係可以冇咁痛,keep住一星期兩次左右真係幾唔錯,同埋用完皮膚又真係浸d架喎,所以係差不多用完第一around買既野,宜家order第二around,今次order左4個唔同溫泉既湯の花,試下有咩唔同先。

上圖:第一次order

下圖:第二次order

作死咯

真係作死咯,足足一個月冇打blog,到底我係好忙定好懶呢?真係唔記得
唯有宜家急起直追,打返四個星期既回顧一週先啦,其實我諗來諗去,都覺得應該係「一週回顧」先啱錯左既就由得佢囉,由2月開始,更正為「一週回顧」