My Beautiful Flower Gel Nail@Jun 10

今日去完benefits修眉先去做甲,雖然小玲之後係冇客,不過我都唔好意思要人等得我耐啦,所以個心情係好趕,下次都係分兩日做呢兩件事啦
我明明去之前一日都係諗住整黑/白色既甲,點知去到冇端端話要整到好colorful好粉色,所以小玲幫我揀左呢款,整左出黎仲靚過甲書,好sharp好靚好夏日呀!

小玲搬左個隔離舖,地方大好多,電視清好多,我相信佢執完之後會好靚,同埋佢會有兩張做腳既椅,個樣好似會坐得好舒服,又會有得做埋treatment,正呀~~

期待中~~

一週回顧 (2010年6月21日 – 6月27日)

6月21日:
Sick leave一日,有少少懷疑老公傳染比我,覺得眼暈暈又鼻塞,本來係一個好relax既日子,可惜比樓下個38搞到我勁唔開心,呢個38唔應該係我blog度留下任何痕跡,我只可以話佢真係不折不扣既38,我搬個日唔搞佢條天線,我唔姓陳~~

6月22日:
今日嬲左個死人老公,所以唔會諗dinner食咩,仲要放工去左ikea行左好耐先返mos,返到去連watson’s都唔放過,終於都去買返ad+既body milk同hand cream用。點解要話”終於”呢?因為之前執skin care,發現有d好貴搽面既野冇用到,好似好浪費,於是就拎黎搽身,又拎返之前買落既body cream黎用,不過用用下,唔知係唔係用得太雜,右腳濕疹又起返,所以都係要的起心肝用返一排ad+先得,左腳冇事冇幹,個印越來越淡,ad+真係好有用,我好信佢。另外因為見到watson’s門口有之前買過好好用個對鞋墊,因為冇野搵野買,所以買多一對白色試下有咩分別,買既藉口係著涼鞋要用白色,因為有時係個邊度露左少少藍色出黎真係好醜,呢個藉口真係好偉大,足以令我買對155既鞋墊都買得好安落,卡卡。

6月23日:
夜左放工,所以決定係mos食埋飯先返屋企,不過老公又未返到,唯有兩頭盪啦。一開始就買左本sweet睇,其實sweet係幾好睇,不過太貴,又唔會期期買,不過pat痕個時會係1st choice囉。之後碌左去新港城見到買japan snack個間小店唔知幾多週年又話半價咁,種類一d都唔多,不過伊藤園烏龍茶只係$19,真係平到爆,加上我覺得日本茶真係好飲好多,所以唔理重唔重,都買一支先啦,拎住支2L茶我都仲可以去pet line買野食比nic nic,幾勁呀。老公都仲未返到,游到去千色$10店,見又有返之前覺得好好用放耳環既盒仔,又買返幾個看門口囉,超冇聊。買完一堆野,老公終於都返到,我終於有得食飯,太感動喇~~

6月24日:
返媽咪屋企之前,偷偷做左d壞事,遲下先update件壞事,hahahahahaha~~
今日返到媽咪屋企終於都可以試big ribbon sandal啦,其實36真係有d細既,不過我覺得ok,我會要呢個size,再試下37可唔可以賣出啦,好開心次次返媽咪度都有野拎走,感覺非常好,哈哈~

6月25日:
黑到爆既一日,今個星期一直都為左一件production issue而搞到我好唔開心,唔開心唔係因為我做唔掂,唔識做 or what啦,唔開心係因為死肥野個態度真係超衰,做多左又唔高興,做慢左又瞄我,我真係唔知有咩得罪佢,佢要咁唔like我,激死!
今日又一早比我知道佢地有密訐傾,野又唔同我講,做又要我做,已經好唔高興,仲要做做下連notebook都唔爭氣,hang完之後就上唔返公司network,打晒電話求救最終既回覆係叫我拎部機返公司試remote control repair先,唔得先再搵人on site整,好唔開心呀,死死氣咪梳洗返工囉,返到公司都15:00,坐一陣就走,好冇聊。返工之後又去jusco買餸,樓下間jusco除左牛扒其實係冇野好買,咁就買牛扒,少少配菜,最癲係買左一盒榴槤,勁開心。
今日老公又話唔會太遲,結果我食榴槤都食到飽晒佢都未返黎,真係激死人喇~~

今晚睇kingsley大結果,睇到我好開心囉,呢套劇係抄,不過都抄得ok啦,係最後個兩節真係好低能姐,比起以前劇集既大結果都唔算差得好緊要,今次楊怡做感情戲真係幾好,好感受到佢其實好愛kingsley。

6月26日:
今日正常返2:30先睇michelle,不過又係遲到,癲左,下星期唔可以再遲啦~
今次老公拮到暈囉,我睇住佢冇端端面青唇白,好得人驚,最終原來係因為冇食過野,血糖太低所以暈,佢一定係覺得好冇面,hehe~
所以睇完michelle第一件事就係落樓食野,食完等佢舒舒服服先離開,本來今日又想去beyond organic買d野黎拎free parking,不過見唔駛泊3個鐘,咁就算啦,比兩個鐘錢。再之後就去左電器道搵我真真正正既第一個客仔,其實係我做nic house識既朋友,佢係第一個好快手就同我order野既人囉,我好開心,所以送貨送到佢shop,hehe~
其實我一心想去太古行下,老公又話好攰,又唔肯啦,最終我樣衰係架車,佢又係冇我苦要同我去apm行一轉,我居然可以係佢監管底下係d-mop買左一件marie top,勁呀~
食埋dinner就回家去,由於今晚都仲係落住雨,nic nic連散步都冇得去,慘喇,今個星期冇運動喇!!!!

6月27日:
係屋企hea左好耐,好夜先出mos買d菜返屋企煮飯,完全冇特別既一日,唯獨睇完波又唔覺得好眼訓,所以死都要帶nic nic出去散步,行完返黎都成點,又唔捨得訓,搞到2am先去訓,第二日眼訓都死呀,救命!!!

一週回顧 (2010年6月14日 – 6月20日)

實在格得太耐冇打blog喇,所以好多野都唔記得左,唯有好brief咁講下啦
由上星期五開始,正式努力update carmana’s closet,所以真係少左update自己個blog
6月14日 & 15日:
完全冇特別,睇返自己個expenses excel都只係lunch用過錢,好明顯呢兩日應該係返左屋企煮飯,仲要係食之前買落既野食,所以一毫子都唔駛出。

6月16日:
期待左好耐既public holidays,今日返tko食端午節+爸爸節飯,正日出去食野真係好難食,食到咀都歪埋,不過大家都對carmana’s closet既野好有興趣,係咁問,又話要買咩買咩,雖然全部都係屋企人買,不過過下手癮,有得比我一買一賣都好開心,同埋每次收日本返黎d貨都會非常開心,明明自己冇份都會好開心囉,超白痴~
食完飯之後去左pet line買伸縮帶比nic nic,準備星期六同佢去游水,yeah~~~

6月17日:
今日放工個時冇鬼聊聊去左jusco買野食,其實我都只不過係主打去買意粉汁汁,唔知點解買下買下又會買埋n個配搭既意粉配料,同埋又買灣仔碼頭水餃,近排好鐘意食,拎住一大袋餸唔係唔想行出去搭巴巴,不過去到樓下見到的士真係好吸引,所以走左上的士返屋企,超開心,勁快,買完野都早過平時返屋企,勁開心~~~

6月18日:
又係一個wfh既好日子,本來今日約左我第一個客去交收,之前email都講得好開心架,不過最後佢都冇留mobile比我,因為佢係第一個客,所以博一博出去,睇下佢會唔會打比我啦,點知佢真係消失左,再email比佢都唔reply lu,估唔到第一次就遇著個壞人,唉~~
因為唔開心啦,又因為度度都要等位,所以盲中中去左一間似糖朝既粥粉麵店,食物唔差,不過唔開心呀嘛,所以叫左個杏汁燕窩食,居然呢樣野係整得最唔好味,蝕左~~

6月19日:
今日要一早去睇michelle,因為佢下晝要走,最終約10:30,11點先到,唯有一個坐一個訓咁做treatment啦,超級唔好意思呀,睇完michelle先啱啱係lunch hour,真係太早喇,食埋lunch,約埋亞嫂比d野佢,再係ifc買少少野就走人。
返到屋企個時見仲未潮退所以大家決定訓一個晏覺,到1730見已經退左d,可以去玩喇,好開心咁帶住nic nic去游水,今次比上次行出左好多,隻傻nic係咁跳係咁打d水花又係咁追住d水花,真係好白痴,不過我見到又會好開心喎,其實5m長既狗帶落左水一d都唔夠長,不過冇法喇,我打死都唔會放繩架,因為我有信心nic nic會一去不復返,大家就下,我叫爸爸拖佢出d,水深d等佢游得開心d囉,玩左半個鐘左右就返屋企洗白白。唔知係玩得太癲呀?定係飲得太多水,洗白白個時已經嘔左一次,仲以為佢嘔完啦,點知吹吹下毛又嘔多兩次,真係頂呢隻衰仔唔順,成日玩完都會咁,要搞一大輪善後工作,佢自己又好嘆呀,一直都係訓係度,任我地舞~~nic nic天生真係黎我地度享福架,我懷疑做狗係開心過我做人囉,haha~
搞完一輪,豬nic訓到冧晒,我地都準備出去同6299食爸爸節飯,簡簡單單就咁去金滿庭食一餐就搞掂,今日玩左一日,攰得要命呀~~

6月20日:
要release尋日既攰,所以今日全日係屋企hea hea hea,賴到爆~~~

一週回顧 (2010年6月7日 – 6月13日)

6月7日:
一早返工個時老公都話唔舒服,一路出緊mos佢都仲係話唔係好想返工,咁我叫佢車我去車站就自己返屋企啦,點之佢又話都出左門口,照返啦。
點知去到12點左右,佢就打電話黎話好辛苦,要返屋企,又話去睇西醫定點?咁應該我唔想佢食西藥食壞晒個身體,所以叫左佢去睇michelle,咁啱michelle又趕住走,只係開左藥叫佢自己煲。怕死既老公返到屋企就開始要生要死,咁佢又真係好高燒,39.1度,不過睇左michelle就食左中藥先啦,我一路返工就一路好擔心佢,因為佢話佢會病死呀嘛,我又想早d返屋企睇佢,不過又唔敢開聲話想走先。最後一夠6點就碌去jusco買餸,本來係想買碎肉煲粥,不過原來呢間jusco係得牛扒,冇其他肉,咁是但啦,買左幾包水餃同埋諗住就咁瑤柱煲弼,同埋買左d退熱貼返屋企,然後極速打的返屋企,爽呀,25 mins就到喇。
返到屋企,老公真係好滾,我咪係咁同佢貂退熱貼,頭就一定要啦,又貼手,又貼腳,連頸背都貼埋,見佢出左一身汗,我咪幫佢抹下身先再訓囉,搞完呢個就快瓜既老公,我就出左廳同nic nic玩。由於老公死話唔食粥,咁我更加快手就煮左水餃比佢食就當一餐,我自己又食一包,正呀,灣仔碼頭又幾好味喎。
其實老公d燒一直都有退d,不過佢覺得好辛苦,好想食退燒藥,咁佢食過中藥,我唔知又中又西會唔會食死佢架嘛,咁係咁打比michelle囉,8點幾冇人聽,我留左voice mail同sms左佢,之後老公好似就快死咁,又話一定要出去,好啦,11點左右又再打多一次比michelle,confirm佢可以食西藥,我咪話同佢出去睇醫生囉,又話唔去睇急症,又要打比奶奶,跟住就有10萬9千樣煩野出現,最終搞呢搞路咪又係要出浸會睇囉,都唔知做咩又要問亞媽,又話要出mos,亞媽又話要陪佢睇醫生,真係煩到爆。
係醫院等左一個鐘左右終於都可以走,去到醫院又唔燒,得個37度,其實唔食西藥都得啦,不過佢怕死,鐘意食就食啦。搞完一輪,1點幾先有得訓,仲要訓得唔好,好攰呀!

6月8日:
老公今日sick leave,我當然繼續返工啦,佢就係屋企訓訓訓,我今日都ok忙,由於病到7彩,所以今日冇返日文,今晚煮左個蕃茄薯仔肉碎通粉,唔知點解我覺得好難食,完全食唔落,食左半碗就放棄。
其實我真係唔mind老公病,要我照顧佢都冇所謂,不過病可唔可以唔發癲,唔發脾氣呢?我真係好唔想受呢d氣囉。

6月9日:
Nothing special既一日,放工去左太興買左一set糭黎做dinner,都幾好味,不過原來我唔食得糭,因為糯米太難消化,對脾唔好,不過michelle話食一次半次就放過我喎~~

6月10日:
炒大鑊,因為錢既問題炒左一大鑊,比人鬧我用錢太多,太冇計劃,又話追唔返d時間,個一刻,我覺得係我自己錯,所以我一句野都冇講,不過諗諗下,到底佢d朋友升職,關我用錢咩事呢?係唔係升職個時要比人check saving先升得呢?白痴
同埋我宜家條氣係唔順佢鐘意就講分開,咁鐘意分,分飽去啦~~~

6月11日:
本來wfh係好free架,不過今日老公take leave全日係屋企,我覺得好唔free,同埋今日係做唔停手,又多電話,我真係做足9個鐘,不過今日都有update下我個carmana’s closet,總算有d貢獻

6月12日:
下晝出左去睇michelle,今日身體進展唔大,就算做埋”艾”都係唔好,死啦~~到底我身體係唔係真係咁差呀?醫極都唔好,我以前都只不過係日日訓4-5個鐘,鐘意係垃圾姐,唔係咁都差得咁緊要嘛?如果係咁,應該好多香港人身體都好差架喎,好灰呀~~
睇完醫生返去mos食餸煮飯,本來都開開心心架喎,點解我想買蘋果又話唔好,我要買廿蚊牛柳又話買10蚊得唔得呀?咁樣唔係叫慳,係叫咩呀?仲死口話唔係比說話我聽,比囉比囉,比飽去,唔用錢唔買野囉,我唔信我唔得,慶到爆。
明明michelle叫佢今日做d野,又唔做,又唔同我講一聲,完全當冇事發生一樣,咁算囉,宜家仲有6次機會之嘛,我唔相信會得呀!

6月13日:
如果今日唔係約好左去濕地公園,我估我會係屋企同佢開戰,係車度我都仲有話我唔開心,我好嬲佢,不過佢都仲係喎,咩事呀?唔係冇事咩?都唔知你嬲咩?好呀,唔知囉,我都費時理佢。係其他人面前我都盡量唔樣衰架喇,不過真係好難開心囉。我都唔明我全日都唔想同佢講野,佢都可以當冇事架喎,如果唔出聲係可以解決問題,咁以後都唔好再講野喇,白痴~

我與中醫的約會

同我熟既朋友都知道我為左bb而開始睇中醫,不經不覺都已經睇左6個月,一開始就已經係話我脾虛同腎陽虛,本來一直都有慢慢好,不過4月尾病左一病之後,拖垮左之後一直變好既身體,仲要點搞我既脈都好似up唔返,好大鑊。
近呢3個星期,我都好乖咁每個星期at least飲3次michelle叫我飲既湯,雖然唔係好貴,一包湯料5x-6x加多10蚊肉都唔駛100,宜家一煲會飲兩日,所以一個星期都係煲兩次姐,加上強烈要求要早訓,我都已經好努力架喇,不過一到星期五,六,真係好難12點前訓,仍需努力呀~~~~不過11:30訓,係我既角度係覺得人生冇意義,因為8點返到屋企,9點食dinner,睇電視劇,10:30之後先上一陣網,11點幾又準備要訓,好悶呀,第二日訓醒就要返工,咁樣既生活真係好悶,其實我以前都只係夜訓姐,又冇真係出街蒲,夜訓都搞到個身體差晒,我覺得好唔抵囉。
跟住michelle每個星期既藥都會再補d,希望我會有反應,不過好似都冇咩反應喎,啱啱個星期仲幫我試埋用”艾”,佢話一般好weak既病人用完都會有效,不過我做完都係成效不大,死得啦~~今個星期既藥開始有鹿茸喇,佢話話鹿茸係中醫既終極藥材,雖然佢話終極係要多多鹿茸加好多其他野先終極,不過佢係3個星期前先講過,我呢個年紀,佢唔想咁快係我身上用鹿茸,宜家我d藥都有少少,咁如果都係冇起色,下個星期都要多d架啦,好灰~~
識得michelle,佢真係教識我好多野,不少我知道脾虛係導致我肥既主要因素,因為脾虛,去唔到水,所以肥,佢話呢d叫虛胖,所以健睥利水就可以瘦。腎陽係for生育,到目前為止,我都唔知我既腎陽虛對想要bb有幾大影響,不過生仔始終都係o係我個肚入面,我諗我身體都要好好先會易d有掛,點都好啦,我真係估唔到我平時又冇咩大病痛,身體都會咁衰,一星期食6日藥,個個星期針灸都仲係咁差,其實我睇到好灰喇,睇我一定會繼續,因為michelle真係跟得我好足,不過佢話5成係靠佢既treatment,有5成係靠我自己,唯有改變自己既生活習慣,食得健康,訓得夠,戒凍野生冷野,同埋唔好再食我最鐘意既薯片囉。
其實呢,我對生bb真係越來越失望,當你每個月都要mark個表比michelle睇,隨時可以睇返一個月勤力左幾多次,我真係覺得好羞家呀,把口就話想要,其實咩都唔做,咁不如我單性繁殖啦,你話我唔嬲就係假既,不過嬲又有咩用呀?成個人都好灰,我好唔甘心咁就一世呀!!!!!!!!!

一週回顧 (2010年5月31日 – 6月6日)

5月31日:
因為尋日好想去monster sushi而比人拒絕,今日去benefits修眉本來打算修完就返屋企,點知有人好醒咁話食埋dinner先返屋企,所以順利成章去左食sushi喇,好開心呀,宜家覺得monster sushi係平民好味壽b,次次想食都去呢間,同埋isqaure環境唔差,唔多人,食野ok舒服。
今日修眉個時順便搞搞個lip,因為早幾日覺得好覺眼,諗住貴少少整一次啦,點之顧住傾計,我同個修眉姐姐都唔記得要比錢囉,唔知下次佢會唔會記得收返錢呢?我就係咁奇怪,去做facial又可以咩都同人傾一餐,宜家修眉又係咁,其實我買野都可以同人買到好熟,hehe~

6月1日:
今日極唔願意地去左上堂,今日返工好辛苦,做野做到個腦好攰,返學又返得唔開心,其實我好想放棄,不過又好想識一口可以同人溝通既日文,真係好煩,仲上唔上堂好呢?

6月2日:
今個星期真係好full呀,日日都有節目,今日要去整手&腳甲,宜家揀款超快,因為我覺得個個款都係留最多4星期之嘛,咪是是但但少少鐘意都揀囉,其實揀腳好簡單,總之揀一個百搭顏色,畫少少花上去就禮成。手,因為宜家勁多間條衫,所以今次揀左個間條間條波點波點既款,極易襯,手腳加埋要整成4個鐘,個人真係好攰好辛苦,好彩今日有老公陪我返屋企姐,hehe~

6月3日:
返tko食飯,其實今日既目的係要拎返晒所以日本order貨,對極高踭open toe真係要買大兩個size先啱,不過又真係幾舒服,咁死高踭,著咩都會瘦d,靚d,正呀!!
返tko之前終於都係jusco買野,第一個地方係leggings,不嬲都有一舖leggings癮,其實我著來著去都係個幾對,唔知點解一見到靚既leggings/絲襪就好想買,真係好白痴。第二站係買jelly beans,最終都買左個對係karen度試過既鞋,冇冇謂謂又買多對,我真係好服自己點解買野可以咁快手,哈哈!!

6月4日:
Work from home既日子我做得特別多屋企野,例如一早就開始洗衫,洗2-3機左右啦,煲湯啦,同朋友mail下咁,今日因為要出街,所以又要沖涼,又要化妝,又要揀衫,好多野做,好忙呀!!
今晚見返程爾雅真係好開心,小學個時同佢好fd好fd,雖然個時都唔係咩都會同佢講,不過宜家見返,覺得同佢好親切,好開心,真係好想呢段友情由宜家開始可以keep到永遠~我想講,我真係好開心呀!!!

6月5日:
帶nic nic去沖涼,之後去睇michelle,睇完michelle仲係度諗去邊度好,我好眼訓,但係又要等nic nic沖完涼湊佢,最終未離開central已經知道nic nic搞掂,好開心咁返tko湊佢,湊完佢返到mos散左一陣步之後返屋企煮飯,我就呆呆下等飯食,nic nic就係咁訓,真係好鐘意返到屋企咩都唔駛做既感覺。

6月6日:
今日有兩單health check要做,唔辛苦,不過我8:40起身prepare,以為自己早左啦,點知internet唔生性,我connect唔到公司network,好煩囉,又要問人d contact電話,又要打去pccw問點解,最終玩左我半個鐘先得返,好啦,做完9am呢輪health check,就去左訓覺,點知又較錯鐘,唔知醒,好彩有人打黎我先識起身,咁啱1pm呢輪health check有delay,所以令到我好似冇遲出現咁,最後delay左一個鐘先可以開始,搞多45 mins先完,做野唔辛苦,不過因為星期日要做公司野,條氣好唔順,所以我又死去訓,就係咁,好好地一個星期日咁就冇左喇,在訓覺中渡過~~~

My Gel Nail @ Jun 10

今期整左今期好鐘意既橫間橫間同波點波點,本身黑白都已經係好易襯,再加上我有9千幾次橫間衫,真係襯到絕呀~

呢款腳甲係唔駛5秒就揀到,因為好襯又有d野睇,好good呀,我真係襯唔同顏色既鞋都得,正呀!