新舖開張

二家姐新裝修既舖終於都出世喇
尋日一早打黎問我可唔可以幫手,好啦好啦,就幫下佢啦
放左工我就即刻出去旺角喇,一去到大家姐已經到左,一入舖到,裝修唔錯,好光猛,好舒服,不過d衫好似真係麻麻地喎,唔係好靚又好少,同埋仲要好皺,一睇就知冇燙過啦,於是我唔理咁多,叫二家姐去入水,我就幫佢steam衫,嘩嘩嘩,反到成9點先走,仲要係steam左一半咋(大家姐應承左今日都會出黎幫手,所以我都出),不過我真係好想睇溏心,唯有走走走啦,返到屋企都係睇得半集咋
到左今日,去到旺角,我就周圍行下,睇下見唔見佢地賣緊既衫啦,得好少shop有得賣,咁見到既都賣得既貴,不過都係放出黎咋喎,間shop都冇人行既,我同大家姐其實都好擔心佢地架,所以大家姐上網係咁搵搵搵,搵到d online訂貨既批發商,d衫都幾ok,同埋我見個場都冇呢d衫賣,都幾好呀,唔知佢地會唔會訂啦,我地兩個要做既野都只係得咁多
咁我行完一個圈,自己忍唔住買左3對耳環,係,我又買耳環喇,耳環真係好好反架,咁都ok平啦,d款同ans差不多,唔知佢會唔會有d係大陸野扮日本貨呀,咁百多d一對都可以接受既
去到fei e度,我又開始steam衫喇,我steam完就比大家姐剪線頭,我地好似工廠女工咁,係咁幫佢整整整,終於都整好晒喇,同埋叫放多左d貨出黎,又同佢地襯左衫,好似好睇左少少啦,希望佢地既生意會好少少
二家姐,你比心機啦,唔可以衰架,勤力d,試多d唔同既貨,睇下邊d好賣就賣邊d啦~~~

胎死腹中的Nic House

本來熊心壯志咁搞我地既Nic House架嘛,貨源方面有進產呀,不過個吉舖比左希望我地,又唔係真係租得成,真係激死人呀~~~
話說打去問shop既租金呀,其他雜費時,個staff都ok架,佢好肯答我野,態度一般,直至我話要約睇舖,佢都ok架喎,跟住睇完舖,大家都覺得細係細左少少,不過啱架喇,太大我地都可能afford唔起,於是我就再打去還價啦,佢又冇叫我填form,咩都係喺電話度講,態度超差,我都算啦,我以為佢點都會同我做野呀,我星期四還佢價,佢就話過幾日覆我,我星期六都有少少擔心架喇,咁又再打去,佢就話要星期一二覆我,好啦,我地等,到左星期二,老公又打去,佢話負責個同事放假,要聽日先覆,到左星期三,老公一早打去,條蛋散話其實有人比到20k既offer,仲差不多傾成,就快簽約,頂佢呀,差不多傾成,唔係呢幾日既時呀,咁你仲比人睇?比人睇都唔緊要,我還你價時,你都同我講聲已經有人比到個offer呀,我都比到,不過我想平d先再還你價姐,都short架,d死人landlord真係黑人憎呀,問佢野又十問九唔應,答得黎打聲又衰,真係好想一把星佢呀~~~
到最後,我地Nic House就係衰左係舖上面,唔知幾時先可以搵到間啱既shop呢?唉~~我又要做做做,做死去喇,慘~~~

好忙,好忙,好忙~~~不過勁開心

由星期一開始,返工除左做公司野之外,我都用左好多時間去做私人野,忽然覺得自己真係好efficiency,明明平時自己d野都做到short short地架嘛,宜家唔知點解可以好快做完,又可以上網係咁搵自己要既野
自從美夢成真之後,個腦都冇停過,有好多不同既idea走出黎,雖然好攰,好辛苦,真係好多野諗,不過真係好開心呀
如冇意外,我下下個星期就可以咩咩架喇,跟住7月頭出trip,yeah~~~我都有得出trip呀,真係開心
尋日同老公講,我宜家好勁架,我係buyer, shop manager, relationship manager同埋account添呀,哇哈哈哈哈

觀禮篇

有個我同老公既舊同事今日結婚,不過佢唔擺酒呀,所以佢叫我地觀禮,我地都應承左佢,不過由星期六開始就落雨,尋日出門口時真係好唔想去架,係咁落係咁落,不過算啦,見應承左人就去啦,同埋又想見下d舊同事,不過估唔到,除左我,冇一個已走既system同事到,唉~~~早知真係唔去呀,估唔到佢地咁唔俾面喎,或者我應該話估唔到佢地咁俾面我,因為我結婚時,大部份人都係黎飲架,哈哈
係教堂行禮,我諗除左係jenjen個婚禮我唔覺悶之外,都應該冇一個我係覺得唔悶架,不過好彩,今日呢個婚禮都好快,話悶就都有少少既,不過又未至於好想訓個隻囉
其實最開心既,係我地撞到alex囉(my memory既其中一個攝影師),哈哈,老公叫佢,佢初初都好疑惑架,不過望多左一陣,佢又認得我地,仲到我地影左一張合照好開心呀
希望我呢個舊同事會比返呢張相我啦,我估會幾令架,哈哈!!!

美夢成真

美夢成真既感覺真係非常良好,我足足開心左幾日,但係又好擔心,一來怕自己handle唔到咁趕既project,如果唔趕,我又怕間舖等唔到我咁耐,不過都唔可以驚咁多架喇,盡力啦,我會努力努力架喇
多謝肥豬老公!!!!

千呼萬喚始出來的My Memory大相簿一本

等了又等,打了無數個電話,終於都等到my memory既相簿draft,等既過程冇謂再講,不值一提,不過佢地既product真係好好,我就覺得唔錯喇,老公就話好似人地個d靚d(鬼咩,你拎住大相簿睇,一定靚過係17"mon睇架喎),大家比d意見呀~

cover page (好令好令,真係好令)
back page
page 1 and 2跟住順序一共有22 pages

老闆,老闆,我真係好想做老闆呀~~

都唔知從何年何月何日,我會好想做老闆,可能一早就知自己根本唔想向上爬,但係又知道宜家既人工一定唔可以滿足我既生活需要,所以一直都好想買下賣下,從中取利,好彩既,我有一個同我一樣諗法既老公
尋日老公同老爺奶奶講起做老闆既事,出乎意料,老爺奶奶冇我地上次講既時候反對得咁緊要喎,不過佢地就一定要知道我地個plan係咩,究竟可唔可行,唔知佢地係耍我地呀?定係真係如果可行就會比我地搞啦,不過我由尋日飲完茶開始,個腦就冇停過咁,係咁諗,係咁諗,有d咩可以做,終於都比我同老公有少少頭緒,今日好努力計左條數出黎,好似唔係好難,不過都真係要做下stat先知有冇咁既生意額
Anyway「人生充滿希望,前路由我創」呢句野一直都係我個腦入面,真係好想好想係我冇仔女既時候去做呢件high risk既事呀,如果我一世都唔做,我真係會覺得好遺憾。

香港搶福袋事件

ans福袋一個,其實係睇到入面d野架,所以可以揀呀揀,揀到自己鐘意為止
前一排係Apita啱啱join左ans既member,佢好快就打比我同我講,黎緊11-20號,佢地會做vip pre-sale,叫我有時間就去睇下,好啦,見今日係happy friday,肥豬又未放工,我咪自己一個行去cwb先囉,去到sogo第一站就係上左9/F特賣場睇bra bra,我仲以為有wocoal,原來大牌子係得private shop,唔係好啱,不過係唔啱既地方,我都可以買到兩對婆仔襪喎,其實就係上次係Apita買,唔知令唔令既婆仔襪囉,我見佢8折,同埋又真係幾好著,唔理咁多喇,美女shopping,買左先講,哈哈
跟住就行行行,行去3/F既ans睇野喇,本來我係打算買多一對半對耳環,用左公司送比我地既100 gift card,不過...咦...有福袋既,99蚊一個,仲要係用紗袋裝,咁即是可以自己揀啦,所以我就八八卦卦自己企埋一邊揀喇,每一袋都有3個item架,一般都係一對耳環+一個夾+一隻戒指/一條鏈(唔知係手定頸啦),不過比我搵搵下,有d係有兩對耳環架喎,其實我係無比開心架,因為我最鐘意就係買耳環,一定啱架嘛,戒指同鏈,我鐘意鑽鑽多d喎,我揀晒人地成兜福袋,終於揀左3袋有兩對耳環既出黎,跟住當我好開心,仔細咁睇緊要邊袋時,有個sale就埋黎同我講,呢d係vip優先選購架,我今諗你又知我唔係vip?你同我講做咩呀,個一刻我係好唔開心架,你宜家係唔係反野先?趕客呀?我冇理佢,冇表情,冇睇佢,自己有自己好開心咁揀,揀完之後,佢好快就話同我keep起去,是但啦,你keep就keep啦,我都唔知你咩居心,宜家係唔係唔係vip就唔可以揀你d野姐?都short架,所以我揀多一陣耳環,我就去比錢喇,唔想再係呢間野度買野,你d唔知咩sale,激嬲我,最憎~~埋去比錢時就用左公司送既100大元gift card比錢,哈,估唔到最終我會蝕左一蚊比公司喎,不過是但啦,除左個sale之外,我真係揀到一pack我好鐘意既福袋,同埋又唔駛自己比蚊蚊,開心始終係大過不快既

福袋入面有兩對耳環,一對係270,一對係190架,其實呢兩對宜家都可以散買,做緊8折,所以我覺得好抵,唔會比d舊貨你,仲有一隻都ok靚既夾,我都有用既,都值60個大洋架,我用左99個大洋就可以買到呢3樣野,真係好開心呀(白珠個對,有一刻想買架,不過270好似太貴,所以唔買,估唔到咁都比我買得到,我真係一個shopping天才,哇哈哈)

各位都想係ans買野既朋友,你地用我個mobile,check返record都一樣可以有vip優惠架,不過最好唔好去sogo個counter啦,哈哈(我仍然小氣)

5月七彩french nail

七彩french nail
又到左一月一次既整甲甲日子,一直都冇咩idea今次整咩好架,咁就諗住上去睇下書先決定啦,一睇就揀左兩款出黎,一隻係彩虹閃石,我諗整一隻手指都要50粒石,所以呢個一定唔會整啦,再跟住就係七彩french喇,其實個圖係粉藍,黃,紅,青同橙,不過magic nail冇黃,所以我揀左紫色,同埋人地係雕星星,不過我就揀左用星星片,好啦,揀好晒色就開始整喇

第一隻整橙色時都幾令架,跟住再整綠色我就唔鐘意喇,個綠個名叫mint,不過都唔mint既,好似人地d玉咁既色,再整紅時,發現自己揀錯色,應該揀血紅色,唔係揀宜家呢隻,到紫同粉藍都令架,不過已經比之前既唔鐘意打沉左,所以整左出黎都唔係好鐘意,不過是但啦,都係對一個月姐,好快過,下個月6號又可以整第二d野喇,可能我會係呢個月自己搽下甲油啦,因為今次冇整石,可以自己搽,yeah~~~

就係唔鐘意呢個綠囉,好核突呀

後記:今次又再一次同姑姑一齊整,佢既粉紅french加閃片好令呀,其實我見到佢整時,我想轉整白色french加不同色既閃片架,不過唔知點解唔出聲呢?好似好豬咁

後後記:magic nail搬左舖,大左光猛左,不過櫈唔多好坐,可能我個身太短,我要坐直晒個人隻手先舒服,不過冇法啦,好彩宜家個電視好睇左,我睇左成套溏心先走,真係唔得你死呀,卡卡

幸福無比既nic nic豬

其實究竟做一隻幸福既狗開心d呀?定係做個人開心d呢?
我時時都覺得nic nic比我更幸福,因為佢冇煩惱,每日只係玩,訓,食同落街
佢日日都可以訓到好晏,仲可以午睡
訓醒佢會自己玩一陣,玩完肚餓我又有放低野比佢食
等到我地返黎,佢又可以同我地玩下,睇我煮飯,最開心就係食完飯同佢落街,如果有時見到d啱玩既fd,佢就仲開心,返左屋企,有人比佢清潔,買少少野或者玩一陣,佢就會訓覺,呢d生活真係好滿足呀
雖然一日有10幾個鐘係要自己一隻係屋企,不過佢都好似幾自在架喎,要玩就玩,食就食,訓就訓,夜晚又有爸爸媽媽鍚,幾好呀等食野既可憐樣落街開心無比既樣
同fd一齊訓既樣 等媽媽煮飯既樣草地奔跑既樣

Spiderman以外的收獲

5月1日全城震撼,spiderman 3正式上映
初初都冇打算第1日就睇架,不過見51又冇咩野做,就試下買飛啦,豬本來想買apm,不過冇位,咁我就試下tko metro啦,點知又有喎,都ok啦,唔會太前,都叫第一日就有得睇呀
睇之前,亞哥帶左冬冬&多多同nic哥反,嘩,佢地唔知做咩呢?隻隻落到街都好攰咁,仲有就係冬冬同nic既心痛好嚴重呀,佢地係貌合神離架,真係好笑
呢張都唔算貌合神離,算影得好好架喇
反完之後食左少少野就去睇戲喇,不過未入得場既時候,係戲院外面見到隻既得意既扭蛋,所以扭左一隻,出左黎又真係好得意喎,不過我冇10蚊同埋又要入場,所以冇繼續扭,不過出左黎之後,我就死唔蝕扭多左幾隻,直到尋日要豬生同我扭多5隻,不過都唔齊一套呀,差minnie,咁算就,我扭左100大元喇,呢個係我極限,我唔會再扭架喇
一set有6隻架,不過我扭左100蚊都係得5個款,算啦,我放棄喇,5隻都好好架喇
睇完戲,扭完蛋,我地就入左西貢拎我個張訂左好耐既天使高櫈,個樣真係好令呀,同埋方便左好多呀,至少我想拎衣櫃上面既野時,我係夠高囉,同埋我又可以坐係度化妝呢,幾好呀,除此之外,買多左兩個盒放下d飾物 高櫈一張,真係等左好耐,好彩都好滿意
木盒兩個,今期試下買呢個天使,其實究竟櫈既天使令d呀?定係呢個孖天使令d呢?
係勞動節呢一日都真係幾勞動同埋我終於都冇去annual dinner,實在係我心中所想,哇哈哈哈哈

鬧交過後的shopping篇

由星期三開始就唔開心唔開心,唔開心到星期五,所以我都唔理咁多,總之我就係要買野,第一站去左bv.blu睇衫,揀揀揀,揀左好多野試架,不過因為太肥,所以好多都唔好睇,最後都只係買左兩件衫,一件花花既唔衫唔裙,一件我鐘意左好耐既褸,第一次見呢件褸係上個月既事,個時啱啱買左件差不多既粉紅色,所以冇打算再買,佢地亦都好快就冇貨,所以係冇眼屎乾淨係情況底下,我係可以唔買架
不過今日情緒高漲又從遇至愛,買就買啦,終於都買左我好愛既藍色trench coat返黎喇,哇哈哈哈哈
行完bv.blu,殺埋去sogo,其實冇特別野想買架,不過叫行下咁囉,點知什麼51黃金週,nice claup居然買滿1000即半價,好死多人呀,不過都是但啦,揀揀揀,揀左一大堆衫去試,不過又係因為我太肥,好多都唔好睇,同埋我target係買最接近一千既衫,所以最終揀左一件唔衫唔裙,一件針織top同一件小背心,埋單5xx,真係開心
買完就快快食飯,跟住趕返屋企等亞哥帶多多黎展開佢3日兩夜既寄宿生活

左: 花花唔衫唔裙一件,折左都係300左右,ok啦,平過係旺角買
右: 鐘意左好耐既藍色trench coat呀,呢個藍真係好少見,所以好鐘意,好過我次次都粉紅粉紅,好得人驚呀

半價既nice claup

道歉圖

各方好友:
宜家心情好多了,因為收左以下既圖片,氣氛總算緩和左,不過我仲有一篇文會收架,收埋就應該ok架喇,同埋request左要個lv呀,不過都係嚇下佢既姐,我又唔係真係好想買,不過quota係我手總好過咩都冇呀

妙語連珠

哈哈,一直以來同呢隻豬鬧交,我都真係好想記低佢d妙問妙答架,我地成日都笑老爺奶奶9唔搭8,時時都表演妙問妙答,其實佢地個仔一樣深得佢地既真全,唔信?你睇下就明架喇

情況1: 今日lunch時一見到面,明明我仲係好唔開心,佢死晒狗話要黎wan chai同我食飯,好啦,我落樓第一眼見到佢,居然係一個好樣衰既樣,好嬲,我知道佢係嬲我仲係唔開心,一行出lobby佢就大大聲好惡咁同我講

“嬲嬲嬲,你嬲完未呀?大帝!你嬲咁耐為咩呀?”

情況2: 坐低食飯時,豬都仲係有d惡同唔願意咁同我講

“今晚去行街啦,去食飯啦”
“我唔去,一早話左我唔係想去街”
“咁你即是想我買野氹你啦”
我搖頭
“即是你想我做d野氹你啦”
我點頭
“唉~~我唔識呀!我真係唔識呀!!”

情況3: 我真係唔開心到食食下飯d眼淚湧左出黎,不過都只係飲泣,個頭亦都垂到好低

“你唔好喊啦,你喊咩姐”極不耐煩既聲音
我默不作聲
“唉~~~~~~~~~~”掉包,用雙眼狠狠咁掘住我

情況4: 講出左我想佢係放工前諗定去邊食飯,冇其他要求,唔駛送禮物,唔駛買好名貴既野

“我唔覺得一定要一早諗定囉,係唔係一定要諗定先得呀?我打算同你一路行一路諗”
“次次出街都係咁架啦,我就係想你係特別既日子為我安排少少野”
“我同你根本就有!!!分!!!!歧!!!!!!冇野好講,同你溝通唔到”

錯晒錯晒,說話越講越難聽,短短一個lunch足以令我個心更傷

心情依舊

今朝一覺醒來,我從來都唔相信我會係個d訓醒就咩事都冇既人,我係個d如果今日唔解決件事,我係會訓得唔好,同埋第二朝會心情好差既人
讀書係咁,做野係咁,對愛情都係一樣
曾經我要求過我既男朋友,無論發生咩事,都唔好比我訓之前唔開心,如果唔係,我既唔開心只係倍增,第一個男朋友,到分手前總算可以做到呢點,第二個男朋友,都有一半時間係可以做到,第三個,即是我老公,我諗佢只係低於10%既時間係記得同做到我既要求,每一次鬧交,無論係我冇理取鬧,定係佢明知自己錯,佢都會以為訓醒左就咩事都冇,呢樣野,我同佢講過9千10萬次係冇可能,唔好以為奇蹟係會出現,不過佢依然好相信奇蹟係會發生係我同佢身上。
尋晚我專登一直上網到兩點先入房訓,個point係我唔想你又未訓,我又唔眼訓,我就係你隔離嬲嬲嬲,你就若無其事,我一定會鬧你架喇
好啦,我夜一夜入房,你係顧住打機唔訓,第一刻,我覺得你係等我,所以冇聲冇色既等我入房,不過我入左房,你又唔係同我講野架喎,一句對唔住都冇講,見我訓低就問我係唔係訓喇?我唔彩你,係因為我唔想出聲鬧你,唔知有咩好同你講,熄晒燈,冇端端問我:“老婆,你做咩姐?你宜家做咩呀?”聽得出你把聲係好似想發惡,我依然保持住唔發脾氣不過唔開心既聲音去答你:“有咩做咩呀?”,你:“我問你野,你又唔出聲?”,我:“咁你見我訓低左,同亞nic講晒good night,咁都唔係訓覺呀?仲要答你呀?”,大家又再一次不了了之,其實我好唔明,你問我做咩係為咩呢?你係唔係都仲係度期望我會同你講一聲:“冇野呀,訓啦,我冇事呀”
你唔好傻啦,我係唔會講呢d野架,唉~~~
今朝起身如常,只係我今日冇懶床,冇同你講野,一起身就真係起身,帶左nic出去食野,然後自己梳洗,到出門口時,你都一直冇同我講過野,到排隊等小巴,你又開始你既精彩妙語,我又再一次失望

“嬲啦嬲啦,嬲完啦,你嬲左好耐喇”
“對唔住(囉),今晚同你去街喇” (又係個囉字,對唔住就係對唔住,咩野係對唔住囉呀?即是唔願意講啦)

聽得出你講呢兩句說話既時候係好冇心,你只不過係想草草了事,我唔係只係想去街呀,過左一晚,你根本冇好好諗過點樣可以令我開心一d,算啦,呢個老公由始至終都係咁,我都冇謂對佢有希望喇

到最後,大家差不多要行唔同路既時候,你終於都心急喇,語氣開始重,然後同我講
“對唔住喇,我應承你出年我一定會準備得好d,我應承你啦”
呢個說話聽起黎係幾好架,好似好有心悔改喎,不過我可以90%肯定,你出年唔會記得你今日講過既野,知唔知點解呀?因為上年鬧完交,你都有話過今年會好好地過架,可能今年唔鬧交就係好好地過啦,可能我要求係高左d啦
我聽完你呢個說話只係答左你一句:“算啦,過左喇,你乜野都唔好講啦,已經過左喇”
之後我就自己一個人行去搭巴士,你就去搭地鐵,一路行唔知點解我真係好唔開心,我好想喊,兩隻眼都係水,睇唔清前面條路,忍呀忍,行到個站時,因為冇人,淚水終於都一滴一滴既滴出黎,我搵來搵去都搵唔到tissue,只係見到自己既眼淚一滴一滴咁滴落個袋入面,好不容易,眼淚先可以停止,呢一刻個心真係好痛,每一滴眼淚都好似刺我個心一下咁,好難受
返到公司,我都仲係好遊雲,不過真係好多野做,我冇辦法唔將我既私事放低一陣,不過係百忙中去washroom既時候,個一下既心痛又忽然湧起,眼淚又再一滴一滴咁滴出黎,夠喇,究竟幾時眼淚先唔會再湧出黎呀!
係12:30,心情依然係好差好差,覺得好灰,三年來第一次感覺到個心比刀割既感覺,我唔嬲,我今次真係唔嬲,不過係好失望,好心痛,覺得你莫視左一個我認為應該重視既日子,你呢一次既表現,比你完全唔記得係咩日子黎得心痛,因為你係知道而又什麼都沒做,直至我唔開心,你都好似若無其事,好似件事會冇聲冇色地好了一樣,令一樣係令我最心痛既,因為我覺得你好似冇用過心去感受一下我,唉~~~

灰灰的拍拖三週年

好灰好灰的一天
三年前甜蜜蜜的被你拖起我的手
兩年前開開心心的送了一條鑽石鏈給我
一年前我以為你會同我求婚,點知鬧交收場,鬧咩我就唔記得喇
今日你一早已忘記了,好灰好灰,原來你對我既熱情同心思只能夠維持一年多,唉~~~實在令人失望

今日本來應該要好好慶祝一下,因為今日係我地3年既大日子,唔知係女仔實在太緊張呢d日子呀?定係男人真係一d都唔在乎呢?
係一個星期前,我講笑咁同你講,不如2號你請假呀?你放工同我去玩呀?你只係"吓?你講真架?",我半笑著:"講下姐,咁我都冇假啦,你有假又冇時間放,我都係提議下你係亞邊個放產假前放下假姐,唔放都冇所謂"(不過心諗,一試就試到你一d都唔在乎啦,不過算啦,你呢個反應係正常過唔正常,我都只係想比你意識一下,下個星期就係3週年姐)
尋日,你收到個電話對話如下:
"喂,係呀?點呀?打波?聽日...應該得,冇問題.仲有咩人呀?... ... ... ... ..."
我聽到眼都突埋,你聽日打波?唔係化?你真係唔記得架?咁我就狠狠地撞左你一下,做口型同你講,你聽日真係打波呀?
放下電話一臉不耐煩的你問:"聽日有咩做呀?"
我:"聽日冇野做呀,不過聽日係5月2號"
你拎返起個電話同人講:"哎呀,唔好意思呀,原來我聽日唔得呀,我唔黎喇"
(心諗,你咁講即是又比人覺得係我唔比你去打波啦,一,極之唔開心你唔記得,二,你又一次put me on the table,加埋有10個唔開心)
今日lunch時問你:"打算今日點呀?",你話:"你咁問,即是想去街啦?",我:"唔係呀"
大家不了了之,我又唔想再講,你又好怕再諗
放工,我因為一直都冇機用,直至5:30先可以用返電腦,所以專登check晒d mail再打下電話同人傾下d公事,意圖係想等你放工,不過等到7點打比你,你都未放得工,我略帶失望的問你:"你有冇諗去邊呀?",你:"你即是想去街啦,去銅鑼灣囉"
又係"囉",我心諗你又一次令我唔開心喇
我答:"我唔係一定要去街,不過想有d野做姐,算啦,我返屋企喇,bye bye"
你好似一點點悔意都冇
8:15分,我啱啱從小巴落車你就打比我:"我放工喇,你係邊呀?"
我:"啱啱到左屋企樓下"
你:"今晚你煮唔煮飯呀?"
我:"是但啦,不過我咩都冇買呀,只係買左兩排益力多"
你:"咁你即是唔煮架啦,咁出街食啦"
我:"你想食就煮啦,有肉餅... ...唔講喇,我有lift呀"
心諗:想點呀?放左工呢一刻,你都冇諗過要氹我架喎,我真係唔開心到極點喇,由10個唔開心直升到60個唔開心喇

好啦好啦,我返到屋企整好晒野,諗住打比你,睇下你有咩打算啦,打左一次比你,又冇人聽,又唔聽電話,我都唔知你要個電話黎做咩架,算,我唔嬲我唔嬲,唔聽就唔聽啦,我連飯都唔想食呀
9:15分,你再一次打黎:"我搭緊小巴喇"
我:"咁即是點呀?"
你:"你係小巴站等我啦"
我:"下?點解呀?你買野上黎食啦"
你:"食club house呀?唔好啦,你未換衫呀?你落黎啦"
我:"你返緊黎架喇喎,去得邊食呀?"
你:"去坑口囉,你宜家落得樓未呀?"
我:"未呀,你返上黎放低袋換衫先啦,我要寫blog呀"
9:2x分,你返到屋企,冇驚喜,冇對唔住,咩野都冇,自己換好晒衫就問我行得未
咁寫完個blog我地就起行
最終去左坑口村大排擋食飯,全程我唔講野,你又唔講野,我就快痴線喇,我已經好刻制自己唔發脾氣架喇,容忍真係有個限度架
食完飯,一直行去搭車時,你終於都開口問我:"你嬲咩姐?你嬲我夜放工呀?"我搖頭,你再問:"你嬲我咩都冇安排呀?"我點頭
你再一次唔出聲直至行到去小巴站,肥豬精景語錄終於出現

"都唔明你嬲咩架?有咩好嬲喎"
"其實點解要慶祝姐?安安落落係屋企食飯未好囉,點解一定要出街食?"
"你當尋日慶祝左得唔得呀?"
"補返啦,今個星期六同你補返呀",我:"唔得,多多黎我地屋企",你:"咁星期五啦,星期五補返呀",我:"都話左唔得落,多多星期五晚就黎架喇"

我的心底話:
1.有咩好嬲你都可以問,其實你係唔係真係一隻人型豬黎架?
2.點解要慶祝你都可以問既?你個人都真係好得意喎,仲要加多一句點解要出去食飯?唔係一定既,你有心思,我接受係屋企食架喎
3.請問尋日有d咩慶祝過呢?尋日好似係我亞哥帶狗狗入黎同nic反,唔關我地事架喎,跟住去睇spiderman,我都係為左唔想去annual dinner,所以專登搞到自己趕唔切,仲有呀,d飛都係我買架咋,如果唔係,戲都冇得睇呀,睇完戲就入左西貢home collection拎櫈同埋買左兩個木盒仔咁大把,食飯都係去左買kfc咋喎,你覺得尋日過得好特別呀?我一d都唔認同喎
4.補返?比機會你星期五/六補又點呀?你都係是但同我去行下街,當滿足下我既姐,我唔係要呢d呀,我想你真係有刻意諗下,可以帶我去邊,或者帶我去食下d特別野呀,或者唔知去邊行下呀,個d呀

唉,你一d都唔明,仲要一d悔意都冇,仲要覺得我好似好冇理咁
係呢件事上面,我除左好失望同好唔開心之外,我仲發現左一件事,原來我可以一直都唔發脾氣,由得你講,由得你唔講咁,總之我個態度就係我要講野,就是但講兩句,我想你收聲時,只要同你講一句"你自己諗清楚啦",或者"你再講只會令我越來越嬲,你可唔可以唔出聲呀?"
原來,原來我既界線又再一次降低,今日全日都可以唔發癲唔發脾氣,我真係好想好想比10個叻自己呀~~~哈哈哈哈
我呢d係唔係叫苦中作樂呀?究竟對呢個日子,我係唔係唔應該再有期望呀?其實我都只係要求,我生日,情人節,拍拖紀念,結婚週年同埋聖誕有d野做下姐,唔通一年365日入面,比5個特別少少既日子我過都叫要求高呀?
好彩,好彩我冇去買衫比你,如果我買左野比你,而你又一d安排都冇,你一定要化內疚為力量去發癲,去發我脾氣,你個口一定會話因為你咩都冇準備而我準備左比你,所以你好唔開心架
我都知你唔會有任何禮物送比我,我亦都唔想我買左野比你,仲要受你d脾氣,所以我今次醒呀,我咩都唔買,不過我真係冇諗過,我三番四次開口提你同話比你知,我真係想過得特別少少,你真係可以唔知,唔理,唔記得,額頭寫住冇時間,冇記性囉
算啦~~你係呢方面,係永遠都唔合格架喇,我都冇希望架喇,或者係每次我都會比d希望自己,諗呀諗,直至回到現實,我個夢就會醒,咁可能我既心情都曾經有高低起伏過,可能我咁,會開心過由始至終都係一條打橫既平線呀~~~

Sunday街訪

今日放工冇所事事,心情悶悶不樂,所以買左本東方新地上車睇,揀呢本書並唔係因為封面吸引(我並不愛看八卦新聞),不過有時睇同事本more,都有少少fashion野睇,咁好自然就買左呢本喇,宜家入面仲有一本叫sunday go shopping既書添,呢本野之前係街都派過架,時時都介紹下邊度有d又平又令既衫褲鞋襪賣架
今期sunday go shopping入面有一個我好鐘意睇既topic,就係街訪喇,由細到大,睇yes又好,non-no又好,我都好鐘意睇街訪架,睇下d人平時用既野幾多錢呀?職務係咩呀?袋入面有d咩呀?諸如此類啦,有時覺得係d雜誌作野架,以前睇yes,一個學生隨時身上既物品係可以過萬架,我試過同我家姐反,我地發現我地當時著晒同帶晒最貴既野上身,最多都係2-3000,睇完呢個最鐘意既街訪(今期主打係睇ol手袋同入面放左d咩,仲有都會講下身上著既衫係幾多銀兩)之後,我都要檢查一下自己先,卡卡卡卡

職業:銀行界蛋散一個

slient worth上衣/370(購自銀行中心)
bv.blu西褲/around 400(購自cwb bv.blu)
jelly beans涼鞋/450(購自始創)
(拍自lift口,因為屋企既直身鏡地方實在太暗,唯有走出門口影,不過好驚有人行出黎,見到我係度自拍,哇哈哈哈哈)

blue label手挽袋/24000 yen(around 1600)(購自日本)

seiko手錶/around 1500(不記得,因為n年前買)

4C結婚戒指/around 6500(購自times square4C)

中指圓鑽戒一隻/幾萬(老爺送)

無名指方鑽戒一隻/萬幾(購自css,老公送)

閃閃手鈪/幾萬(購自css,媽咪送)袋中物件

上:gucci化妝袋/990 (朋友送)

中:(左)手提sony ericsson k750i (兩年前購入,3xxx,不過宜家應該值around 1000), burberry電話繩/490(購自burberry shop),(中)gucci心心散紙包/1450(老公送),(右)gucci銀包/2xxx(老公送)

下:NDS/1550(購自先達)化妝物品

上:red earth睫毛夾/around 50

下:左起: kiehl's潤唇膏/60, pn lip gloss/around 120(購自shiseido counter), ipsa眉筆/1xx(購自ipsa counter), kp胭脂掃/2xx(購自kp counter), mj mascara/1260 yen(around 80)(購自日本), shu胭脂/1xx(購自shu counter), mj eye shadow/1575 yen(around 100)(購自日本), mq 2-way cake/300(購自shiseido counter)

~街訪完畢,多謝收看~