小pp大日子

今日係小pp既大日子,約好左jenjen同姑姑一齊去同佢影張相,跟住我地自己係屯門食飯,哈哈,哈哈,尋日我買左半打出奇蛋比出奇小pp喇,好好笑,我一路整一路都覺得好笑,嘩哈哈
希望今日可以10點返到屋企啦,尋日落雨冇同nic nic落街呀,今日一定要落架喇

Nic nic婚紗相

今日媽媽一早出左街,不過佢出街前係咁喊唔知做咩,佢出左街之後,爸爸就係咁作文,冇耐佢就帶我出街,仲要係坐的的喎,唔知去邊呢?嘩,一去到個唔知咩地方,就有個好靚既女仔叫我nic nic,我都唔知佢係邊個,再近d?我知喇,佢係媽媽呀,媽媽著左一條好大既白色裙,好令呀
我好開心咁係咁跳,係咁跳,仲有jennie姐姐呀,今次係我第一次見佢,佢好好人呀,係咁陪我玩,又冇鬧我
冇耐,我就同爸爸媽媽一齊影相,唉~~~好攰呀,影到我好眼訓呀,我都唔知影左幾耐喇,總之人地眼訓到死,佢地都仲係咁nic nic叫我,我連眼都唔想開呀~~
跟住jennie姐姐就帶走左我,嘩~~正呀,我見到一隻好似我既狗呀,原來佢係boo boo,我同佢係jennie姐姐屋企係咁打交,好好反呀
Jennie食完飯就帶我返爸爸媽媽度,咁我地一家三口就返屋企lur,今日好攰呀~~~

我的證件相

呢張係我既證件相,係唔係好靚仔呀???呢個係我5個月大時影架,宜家我已經大左好多,爸爸有次問媽媽:我地仲同唔同nic nic豬影證件相呀?
媽媽答: 等佢一歲先再影啦
好野,又可以見個肥姨姨,佢影相好快架,又影得我靚仔,我覺得自己好幸福呀~~~
(同場加映bob叔同cook姨既證件相,cook姨好靚女呀~~~~)