圓方

風豬今日走3場,一早出左去散步,跟住睇醫生,之後又要出去食嫲嫲生日飯,唔知點解同親佢地出街都麻麻煩煩咁,可能我太有bias。例牌豬妹又著到去飲咁,繼續低胸,普通一家人出黎食飯姐,唔駛去飲咁掛。跟住叫野食又你推我讓,去食泰國野但話唔食辣喎,黎錯左碟芥蘭,老爺第一個就食左,跟住我地話冇叫,係佢大大聲第一個話冇食到呀,比返佢囉,如果比我食左,我應該會話要左去,咪唔出聲囉,如果收錢未算,唔收就賺左,唔會食左又話冇食。

跟住為左一隻青口,係老爺自己唔食,又叫奶奶唔好食,跟住奶奶又話比豬妹,豬好又話不嬲都唔食,又夾住話比豬,痴線,你唔食放埋一邊,唔好夾咪得囉,點解要一粒青口不停咁夾來夾去,又要叫呢個食,嗰個食呢?煩唔煩呀?

我今日已經好冇眼睇咁,一早比左風爽佢地兩個架喇,又係例牌只睇住爽哈哈哈哈,叫佢地唔好摸風個面,硬係要摸,個男仲要癲到knock我風風個額,點呀?公仔呀?我冇眼睇,風都冇眼睇,係咁訓,爽就仲叻,喊添,我都唔知點解成日都要當我兩個仔女係公仔咁玩,都痴痴地架。

由於我太憤怒,所以入左zara狂買野,不過咁啱又真係好多新貨喎,終於都買到想買比風風個條爛牛仔短褲喇,勁開心,不過女仔真係好易買,爽爽有好多裙裙著囉,哈哈。