期待已久既MJ RD332

其實4個色都幾鐘意架,不過BR731我都有cdp既啡色,所以唔會再買
GR744,綠色係我好like化既色,不過我係日本買左兩盒不同既綠返黎都未用,所以都唔會買
VI343同RD332真係好難取捨,因為個人本身鐘意紫(不過次次買親紫色,上左眼都唔係好鐘意),所以次次見紫色都好想擁有,不過諗呀諗,我發現1月時我買左一盒MQ紫色其實都好令,所以就大膽想試好難handle既紅色喇,希望上左眼會ok啦

打從一知道mj出左新一季既shadow時,我已經深深愛上RD332,不過又唔想係出面d水貨店買,所以就打算上網bid啦,睇來睇去有一個價錢合理既seller喇,不過佢啱啱冇晒貨,我只係買到兩樽face color,佢初初話下星期會返貨,於是我等呀等,等佢有貨既消息啦,不過最終都係冇貨,咁我就打算去靚靚買喇,不過行左兩間都冇呢個色,我上網再搵,有d買到135/140,我又唔想買喎
終於有一日,心血來潮又再上yahoo搵下有冇平d啦,終於都比我搵到有個賣129既(比起原先我搵嗰個都貴左9蚊架喇),好啦,既然咁鐘意我就買喇
點知買完我又病左好耐,一直都冇上網,唔知人地比左account no.我未,到好返時,我就即刻過數比佢啦,終於係今日收到我好愛好愛既RD332喇,卡卡
不過仲未用呀,等放假先試下用啦,因為返工成日都係喺車化妝,始終紅色都係想認認真真,坐定定化得令令先出街見人
RD332,你等我呀,我星期六日會用你架喇,哈哈!!
新鮮收到既mj新shadow,哇哈哈

耳環耳環,我愛耳環呀~~~

星期日晚上,我好努力執好我既耳環,其實我一早有個耳環盒架,不過一來唔係好好用,二來又full左,所以我新既耳環係左一對右一對咁,於是今晚我就係咁搵我屋企有冇d適合放耳環既海綿,終於皇天不負有心人比我搵到喇,於是我做下手工,整整下,就整左一個可以拮耳環既櫃桶仔出黎,真係開心喇
於是我反呀反,抹抹抹,抹乾淨晒我d新耳環就好小心咁拮拮拮,拮落我自製既耳環櫃桶度喇
你地睇下?我由12點幾反到3點,終於都比我好整齊咁拮滿左一個櫃桶喇,不過我仲有好多耳環未整,所以要擇日再戰
好有成功感,好開心呀~~~yeah~~
我努力左一晚整既耳環櫃桶

抽左出黎,真係成個滿晒架,係唔係好勁呀?宜家整好左,第日要揀都好方便,不過呢度只係我一半既收藏,卡卡

Nic Nic的新玩具

話說今日本來打算出旺角去拎返照胃鏡既report同埋叫醫生幫我填claim form,不過醫生趕住要入醫院救bb,所以report係拎左,不過唔識睇,claim form就要等醫生返黎先同我填,所以我地就係旺角行一陣喇

食完飯之後,豬生就話想去銀行中心個新商場,呢個場好靜,一樓就好多買bra bra既shop,wocaol都有,同埋係個角度,大大間都幾好

二樓就多d不同既野,有d似樣既衫,有間都幾令既自助香水店,首先我係喺一間運動舖買左一件新玩具比nic nic,肥豬覺得自己好叻,識買呢d野比佢,其實個sale都有問要唔要整返脹個波,不過如果比小朋友或者狗仔玩就可以唔駛咁脹,其實好多人都識買小型足球比狗玩架啦,我都唔知點解佢會覺得自己好醒,噓~~~

nic nic豬既新玩具,佢真係反得好開心,30蚊唔駛,反爛又可以再買過,真係抵過我買比佢既好多既

跟住再行呀行,有一間裝修到好似我地曾經想裝修既浴鹽舖一樣,不過佢係賣香水,係自己溝既,我初初真係好有興趣想自己整一樽架,因為價錢唔貴,一支好似30ml既都係168之嘛,咁我就興致勃勃咁入去啦,入去睇呀睇都好開心架,直至個sale serve我,我就知有問題喇,其實個客係唔識溝香水架,同埋sale只會suggest 2-3個味mix埋一齊,不過出面買既香水有4-5隻味,又有中調咩調咁,宜家呢隻又冇喎,同埋每隻味用幾多份量又唔識,如果溝左出黎唔好聞,真係好大獲架喎,所以最終我都係走返出黎,咩都冇買

咁都冇咩目的咁再繼續行,不過行行下比我發現有間賣衫既,有好多唔衫唔裙賣喎,而且都幾令,所以好自然比佢吸引左,又好自然咁買左一件佢話係日本返既衫,價錢ok啦,本來想買多一條架,不過好似,好似太浪費喇,一件先啦,遲下有興趣先再買多一件啦 呢件就係日本衫喇,我幾鐘意佢d花花,同埋個兩粒大鈕,大鈕我一直都好愛架

行完銀行中心,我就話要去始創朝聖,真係有d新鞋返左呀,不過我買左好多喇,只係係咁易試下反下就走左喇,之後係de dalco買左杯雪糕食,我就一路食一路扭肥豬同我去多次九龍灣,好啦好啦,佢同我去喇,不過去完今次之後真係可以死心喇,我一直都好想買既小木買,佢可以貴西貢差不多一陪,同埋佢好多野都冇放出黎,成日咩都問佢,我就唔係好想同呢個店主講野囉,所以以後我想再買手繪野,我都會入西貢囉,不過宜家可能會試下返大陸見唔見有,如果有,我可能會大手買入一d小物件,卡卡卡卡

日本人氣百貨APITA

日本人氣百貨APITA(個袋都唔係好日本姐)

今日係APITA既soft opening,又適逢今日係happy Friday,所以我就決定放工去太古睇一睇有幾人氣喇
一去到太古都唔係好多人咋喎,我心諗一定係同以前uny差不多啦,不過都唔理喇,肥豬又未放工,我又同左佢講,佢再唔放工我就要買買買架喇,所以都懷住既興奮既心情shopping架,一去到就見到好多牌寫住opening sale,有幾sale呀,咪就係服裝有9折,超市就95折囉,不過要申請我公司既credit card,我又唔係好想,所以算啦,我都係買左190蚊絲襪之嘛,平個19蚊,算把啦

第一站,我去左睇絲襪,一直都好想買肥豬最唔鐘意但係宜家好興冇腳板,好似一對褲個d絲襪,睇來睇去都唔知要咩款好,有一對有d款既,不過要1xx蚊,有一對就最普通既,就6x,咁係我諗緊既時候,我就睇個d花邊船襪啦,唔知點解,我一睇就有幾個人堆埋一齊睇,仲好似係搶咁,所以我都唔執輸喇,死都拎幾對係手先啦,睇下又諗下,究竟我會唔會著呢?著左會唔會似一個亞婆,定係會好kawaii呢?於是我就買左兩白一黑試下,同埋揀左一對最普通既絲襪褲試下,呢d就係我係apita既第一樣消費既product 就係買左呢幾對絲襪喇

(後記:第一日就即著d婆仔花邊襪仔,其實都幾令架,不過唔知係唔係自己睇唔慣呢?好似又唔係好襯我,不過都買左喇,我點都會著晒佢地既,同埋著左又幾舒服喎,因為佢個底有一塊薄薄既墊,又唔太厚,唔會迫住隻腳,不過又比就咁著鞋舒服喎)
呢對就係其中一對著起左既襪,好似幾令,又好似幾唔令,唔識分呀,不過幾舒服就係真既

反左好耐,隻豬都未收工,於是我又再行行行啦,行到去ans,我前一排都好想係呢度大手買下d得意/有d款但係唔太貴既耳環架喇,宜家見佢寫個牌出黎,一次過買滿800就即是有8折仲可以join埋vip,我一路揀一路諗,死啦,好唔好真係揀800 join個vip呀?其實要揀就一定揀到,不過好似好浪漫囉,買平價耳環都買800,咁我最初揀左3對,加埋就3xx,咁sale就問我揀唔揀多d join vip,咁我就問左佢點join呀,有discount既野係discount左800,定係正價800就可以join,點知係正價滿800就可以即是有8折,如果揀既貨係已經有discount,就要discount左夠800先可以join,死啦,我d耳環全部都係9折架喎,咁既然人地問,我咪話我再睇下囉,其實我係想諗清楚我買唔買咁多好,不過肥豬又未到,我又唔知做咩好,所以我就繼續揀,最終我揀左6對耳環同一個肥豬key chain就夠數喇,算啦,今期真係好鐘意耳環呀,買就買啦 喪買耳環6大對(其實有D係3隻一set,覺得呢d好抵,卡卡)

呢3對,我最鐘意玫瑰個對

呢3對,最得意係糖同雪糕,平時襯tee好啱,另外兩對(其實係兩set)都係有3隻架,係我至愛,因為好似好抵咁,卡卡
肥豬key chain呀,我專登買架,嘻嘻

反完耳環,老公終於都到左太古喇,咁同佢周圍再行下,我地就去食飯,其實想去超市買野架,不過好多好多人,同埋我好肚餓,所以大家都覺得如果食完野佢未close,我地就買啦,點知食完dinner又真係未close喎,於是我就上演瘋狂買零食,連nic nic都有3包made in japan既snack架,哇哈哈哈哈,其實佢有d日本snack真係好抵呀,唔買唔得架,買左3大袋之後,我就好滿足咁走喇,卡卡

Note:其實apita同uny係冇大分別架,不過宜家opening就真係有d野係平既,如果近近地既朋友,其實係可以去一去既

唔照唔照還須照 (終結篇)

終於都到左我去照胃鏡既日子喇,個老公居然唔陪我,我其實係有d唔開心架,不過…唉~~算啦,我病時佢都陪左我兩日,我諗今日家姐陪都ok喇掛
好啦,一早打電話比二家姐叫佢起身,咁我自己就懶多左幾個字床先起身,一路出旺角都係靠打機去忘記我將要做既野
去到診所,姑娘好似好nice,登記左一陣就叫我去量血壓,哈,唔知係唔係我好緊張呢?量唔到喎,又再量一次,跟住右手又量多一次先ok
咁量完,姑娘就一次過同我同二家姐講解一陣做照胃鏡既過程,um…都聽得好明白呀,同我上網睇既都差不多
咁又等左一陣,姑娘就開門叫我入房,真係好驚呀,我一入去,姑娘就介紹鄭醫生,咁我say左你好之後,姑娘就叫我除鞋坐上床,咁醫生就拎住d麻醉藥要噴我喉嚨,佢話係好難聞架喎,嘩,真係好苦呀,真係慘,噴完冇耐,我就覺得個喉嚨怪怪地,好似麻麻地咁囉,不過死啦,好似有感覺架喎,一陣痛唔痛架?
咁佢噴完口就唔知邊個要我訓低,跟住好似有個姑娘教我點樣訓法,一個就係咁同我鋪野,好似有同我蓋大毛巾啦
醫生捉住左我一隻手同我講,宜家打第一支針係放鬆肌肉既,跟住我就已經閤埋左眼,打完第一支,佢將我隻手放係我大脾上面,然後就話,宜家第二支,放鬆d,訓到覺就訓喇,跟住我好似同自己講,訓啦訓啦,你好眼訓架喇
我唔知幾時開始,又唔知做左d咩,只係知道有幾下,我ur ur ur,ur左好多氣出黎,跟住好似有把聲同我講,就快完架喇,咁又唔知幾耐
姑娘就叫我打平訓話已經做完喇,跟住推左我埋一張半躺既按摩椅上,咁夾住左我隻手指,同埋有按摩啦,我唔知姑娘同我講咩呀,我只係知道我按完跟手就除左個夾,姑娘就黎搵我,問我係唔係想走,咁我話係啦,不過我起身著鞋時發現好似好暈,所以就訓多一陣先走,出到去lobby,二家姐就同我講,佢睇左d相冇事喎,只係紅左幾點係發炎姐,咁就比左d水我飲,我又食左包餅,食完飲完,家姐話媽咪叫佢比d甜野我飲,所以佢又沖左杯好立克比我,飲完之後,我覺得有d急,我咪話走囉,點知二家姐去左拎key時,我就自己打開門走,點知我係行唔到路,我會自己飄左去對面幅牆,真係好好笑,個感覺係比飲到好醉更wing,咁有人扶就都ok既
去完toilet我地上返19/F搵蕭醫生比蚊蚊就走得喇,一上巴士我就訓訓訓,係二家姐叫我,我先識醒,返到屋企睇左一陣電視,我就由12點幾訓到5點先醒
醒左都仲有少少wing同飄架,不過可以接受囉,就係咁,係不知情既情況下,終於都做左個胃鏡喇,知道冇咩大件事,個心都安落左好多,希望佢唔好再痛啦

唔照唔照還須照 (前篇)

今日起身個胃又有d痛,係痛到唔想伸直個人個隻,所以叫肥豬拎藥比我食,我食左藥,決定訓多一陣先返工,其實好唔想返架,不過有個會已經改完又改,唔開唔得,所以死都返去啦
返到工都仲係有d痛,不過都好左d架喇,因為次次食完藥過左一個鐘係最好既,唔覺痛,不過再過多一個鐘左右會又開始痛返,所以我決定開完會,做多一陣野,lunch就走,下晝要再睇醫生
今次蕭醫生都suggest我要照下,佢就問左我想去醫院定診所,我就問佢分別係邊
醫生:其實冇分別,都係做同樣既野,不過d人有insurance就會入醫院做,醫院收費會貴d,不過大家都係一樣,迷迷糊糊就做完架喇
我:咁但係會唔會好痛架,醫院會唔會唔痛,診所就痛?
醫生:唔會架,痛唔痛係睇醫生個手勢同埋個病人緊唔緊張
如果去診所,都會係返呢幢大廈做,鄭醫生我都識左佢好多年,佢做左呢樣野好耐,好專業,手勢好好,同埋你唔緊張,咁唔會整到喉嚨就冇事架喇
我:um…um…um…我好驚架,係唔係真係冇事架?
醫生:(解釋左好多野,不過我唔記得晒lur)
我:好啦,咁我去診所呀
醫生:咁你有冇咩時間做?定係我幫你book到幾時就幾時呀?
我:冇所謂,你book完我自己安排時間就得喇,唔該醫生

就係咁,姑娘話咁快就同我book,我初初聽到佢book星期四架,不過最終要我入房醫生再同我講時,原來係book左聽日,是但啦,是但啦,快d照我唔駛咁驚

今晚唔係幾訓得著,始終都係有d驚,同埋叫左我dinner完之後唔好再食野,我就係唔知點解好似好餓咁,個口好想食,你話係唔係痴線架?

餘情未了?!

左:最新返涼鞋一對,最愛佢個布蝴蝶結
中:星期五sogo買既新鞋一對,同姐姐一樣,不過唔同色,好愛呢個color同埋個蝴蝶結囉
右:浮誇橙金平底鞋,貪佢係平底,又貪佢返工又得,襯牛記又得,得左
Note:估下邊個八卦仔昅住我d鞋??
咪就係我隻可愛無比既nic nic豬囉,佢不知幾想咬我d鞋呀,卡卡

今期對jelly beans真係可以話係餘情未了呀,其實係日本買完幾對返黎之後,一直都好愛呢個brand,不過hk冇shop架,全部都係水貨,sogo叫有得賣,不過好貴呀,695一對,真係唔多捨得買,去睇下試下就得既
所以今日我一早話左去完飲茶我一定要去荃灣睇鞋架(因為姑姑同小仙女都講過荃灣有兩個mall都有好多豆豆鞋,同埋好似多數都係450-480一對,所以一定要去去去),好啦,飲完茶就好興奮咁去荃灣喇,一去到就去左代理個間先,又唔係話好多款,我已經好比心機睇下有冇啱架喇,不過都唔係好啱,唔緊要啦,於是我就去左荃豐喇,荃豐真係多好多款喎,間間都唔係好同,有一對我都幾鐘意,問左都係450姐,咁就諗住行晒先再買啦,咁我地就係mall門口間小食坐低食少少野,再決定買好唔買好,因為鐘意既程度就有6分啦,咁我又好想去始創睇埋先決定喎,我知個度都有一間鞋shop係全部都賣豆豆鞋架,係我未去日本之前都睇過,咁個時梗係冇買啦
經過我係咁扭肥豬出太子之後,佢終於都應承我出始創同埋放棄唔係荃灣買住,好啦,好啦,我地坐奪命van出旺角,好快就出到去,一落車我就一支箭咁飛上1/F既鞋舖,卡卡卡,呢間shop果然冇令我失望,我都話成間都係賣鞋既先會買得開心架啦,總係覺得一間shop主供賣衫,就算佢加多10幾對鞋賣,我都係覺得怪怪地,同埋又要問先有得試,咁除非我真係好鐘意好鐘意我先會開口話試架,我好怕試完我唔鐘意,咁話唔要,個sale又樣衰衰既感覺,不過去鞋舖就唔同喇,我可以係咁試,係咁試,鐘意又試下,唔鐘意又試下,真係好開心架
我都唔知我入左去反左幾耐,總之我就係反到一身汗,試左4,5隻鞋,咁最終就揀左兩對我最喜歡既出黎試晒一對,一對就係minx既橙金平底鞋,呢對一睇就知係日本貨,真係好日本樣架,平底鞋,正呀,自從冇左我對金色elle之後,我一直都想買返對平底架喇,今次終於都揀到,仲可以露我少少腳指出黎,真係好good呀,另一對就係新返涼鞋,個款唔叫好特別,不過有我鐘意既蝴蝶結,又唔係好高踭,ok啦,最梗要係姨姨個一句,開季出既新鞋係最靚既,好,我信佢,我就信佢宜家新出既涼鞋係全個夏天最令既,所以就決定要呢對,哇哈哈哈哈。全程我係冇坐過架,因為有個女人試緊,我又唔想同佢一齊坐,因為個sofa好細,咁我又好方便姐,我都係除左自己隻鞋就可以穿落去試新鞋,咁有肥豬比我扶住就可以試試試架啦,不過因為我自己都著住一對好新既豆豆去,我好驚比人試左我對鞋呀,卡卡,所以我一行開照鏡時,我就叫老公幫我睇實對鞋,千祈唔好比人試,嘻嘻
試完兩對鞋,好爽快就比錢就人喇,臨走既時候,個姨姨話佢地宜家日日都返新鞋,如果鐘意可以多d黎睇,我又問下佢,係唔係上網見到d款佢地都會有,佢話可以幫我訂,比個圖佢睇就得,佢老細就會訂,嘩!真係好開心呀,咁一對就460,兩對就900,咁都係同日本差不多姐,貴少少,好可以接受喎,我諗夏天既時候我就會又去買涼鞋架喇,哇哈哈哈哈

後記:一次過行左灣仔,sogo,荃灣同始創,我最鐘意就係始創,一來佢好多鞋款,二來又可以比我係咁試試試,又唔會理我,咁價錢又ok,所以呢間將會成為我07年十大最愛shopping舖之一。荃灣冇錯係好多款,不過好似唔夠始創咁新喎,同埋又係個句啦,要我逐間逐對問,我就唔係好習慣囉,所以可以唔再去荃灣睇lur。sogo其實都ok架,款又唔算真係好多,不過又係勝在試完唔買都得呀嘛,去睇下摸下試下都幾開心呀,不過買就唔好喇,太貴。灣仔?呢間可以唔再去,唔好理佢真定假,雖然佢好多款,不過真係唔係好令架咋,平係平,不過要冒險,好似都唔係咁好喇,呢度可以唔再去。

Nic大少07下水禮

亞伯游水,好慢好慢
發癲nic出場,大白鯊呀

由於近日天氣開始回暖,加上亞哥約過我帶nic入元朗行山我又冇去過,所以今日就約好左帶晒大家d狗去游水喇,話說我地2:20出車,諗住3點幾都入到元朗啦,點知係佐敦塞車,成3點幾先離開得到,好啦,入到元朗,唔記得左點去,左兜右兜,最終到4點幾先去到,期間亞nic哥仲要係咁嘔,我見佢嘔返一條蟹柳出黎,你都咪話唔好笑呀,卡卡
去到狗公園,負責人一定要我拖佢去痾下野先比我入泳池架,咁我咪拖佢去囉,不過佢都唔肯痾,個心都去左反喇,所以我偷偷地就扮痾完拖佢入泳池,一入到去,冬冬多多係咁撲入黎,佢地隻手又…所以我冇得烏低身到nic除帶,咁我咪放佢去反先囉,諗住佢上水先同佢放啦,點知佢今次成個亞伯咁,又唔係游得好快,不過就不停地游,叫佢埋池邊,佢又要專登游返去中間,游呀游,我諗佢游左半個鐘先肯埋一埋池邊比我放帶,我都從來未見過佢反得咁開心同埋咁耐架,佢今次好叻仔呀,又冇同d狗打交,自己有自己游,游到攰又上下岸,不知幾捨意呀,我見到佢覺得佢好開心,咁咁遠車佢入去,又錯晒路都抵啦,嘻嘻
游到6點左右,天氣開始涼,我地就帶佢沖涼,今次亞哥仲教埋我一d technique,咁今個月就唔駛帶佢出去沖涼,下個月中先沖都得,慳返210,幾好呀,卡卡
沖完涼就一齊返亞哥屋企,不過呢隻nic nic豬已經訓到不醒人事咁滯,佢其實真係同一個細路冇分別架,反反反,反完一輪之後就好眼訓,訓醒又再反,佢呢d生活,我都想有呀,下世其實係唔係應該做一隻比主人寵愛既nic nic,好過做人呢?nic nic日日唔駛返工,朝早有我放低d野比佢食,佢可以繼續訓覺,又可以起身反下,又可以去食下野,等11個鐘左右,我就返屋企喇,咁佢又可以同我反,又可以等我煮飯,我地睇完電視就同佢去街反,咁一個月頭都會帶佢去遠既地方反下呀,都真係幾開心喎,就算唔帶佢去遠既地方反,我地星期六日有可能都會同佢去兩次街,咁應該都好開心架喎,係唔係做佢好過做我呀?嘻嘻

訓到不醒人事既nic nic豬

結婚4個月禮物+陪罪禮物

耳環合照,兩對都好鐘意,今期好喜歡圓型既耳環

話說星期三晚隻死肥豬實在激到我太唔開心喇,所以我決定無論如何今日都要買下野發洩下架喇!!!
首先放工,我就去左之前姑姑提過既新世紀廣場睇jelly beans,個商場真係好up-dup,同埋可能聽過meme話有人complaint呢個shop既野係假,所以我都係抱睇一睇既心態去睇下架咋,拎起左佢幾對鞋黎睇,唔係全部都made in japan架喎,有d係冇print又冇貼架喎,我估個d就係大家話貼上made in china既款啦,其實唔知係唔係我個心認為佢係假野啦,我真係覺得d款有d問題,有d唔係好似jelly beans既style,咁睇睇下,我見到我都有個對紫色鞋,拎上手,點解對鞋好似比起我個對係深色左既,同埋佢有另一個色架,嗰隻色我係日本冇見過喎,但係以我所知,jelly beans同一個款,最多都係4個色咋喎,大多數都係得3個色,有d仲係得兩個色,咁我好記得,我買個時係有4個色放晒出黎架,點解宜家又多左一個古怪色呢?所以我越來越懷疑呢間700蚊兩對既jelly beans,有機會有假野,又有機會係有d真有d假,又有機會係放出黎係真,賣比你係假,不過我立過佢d鞋盒又好真既,又唔似假,不過基於所以疑點歸於消費者,我決定我絕不去呢間shop買鞋架喇
好,去完新世紀,行下行下去左活道,所以就自己一個買左5蚊腸粉就食食食喇,食唔晒呀,一來太多,二來唔敢食太飽,我驚會胃痛呀嘛,呢個時候就有d掛住隻死肥豬喇,因為有佢係度,可以同我食一半,咁我就可以食多一串魚旦喇,哇哈哈哈哈,不過算啦,食飽飽我就繼續行去cwb喇,咁中途行左入集成,無端端又比我發現有個shop賣既耳環都幾令架喎,咁我就揀左一對,雖然一對95折,兩對有9折,我唔係揀唔到多一對,不過個款好似呀,又冇謂買兩對咁似既耳環姐,而且95折同9折,一對都係平多幾蚊姐,算啦算啦,一對百鬆多,又唔可以叫好平,不過個款又真係幾鬼特別既,咁我好爽快就買左一對喇,呢個時候,隻肥豬自己一隻去左cwb先打比我,我咪叫佢等我囉,我都未到,而且對腳又鬼死咁痛,我咪慢慢行去囉
行到cwb叫左佢去bv.blu等我,點知佢係門口就送左盒Swarovski既野比我,我未打開就問係唔係耳環呀?佢好似覺得我好叻咁,一估就中,哈哈,點解呢?我同佢有時真係會心靈相通架,我買佢又買,同埋我上次真係提過,如果佢再要買野比我,不如買耳環比我,我唔知佢係記得呀,定係真係大家都諗緊一樣既野,所以佢買耳環呢?算佢啦,都肯送下野比我氹我開心,其實我個心都冇咩點嬲架喇,咁就同佢講,我仲有一半未嬲完啦,嘻嘻
入左bv.blu見到好多人都唔想睇衫喇,所以拎左亞can留比我既鳳梨酥我地就走,一出門口我就大大聲同肥豬講,唔得呀,我一定要買鞋呀,我行到隻腳好痛喇,跟住佢望一望我,冇理由架喎,jelly beans唔痛架,點解會咁架,我咪又起勢鬧佢囉,jel你個頭呀,呢對係旺中cheap cheap著爛腳鞋咋,梗係唔係jelly beans啦,我宜家就要去買喇,快d去sogo啦(有時冇端端發佢脾氣真係幾得意架,佢又比我鬧喎,幾開心呀)
去到sogo,好死多人揀鞋呀,都唔係好平之嘛,係得少少有10% off,再有丁丁多就20% off,不過20% off個d真係好唔令喎,其實我一睇就都仲係鐘意上次睇中個對,宜家有10% off,不過以我死唔蝕既心態,我一定咩都試下架啦,咪隻隻都試下,之後揀左兩個款試囉,一對係我鐘意個對,一對係mina既黃色低能鞋,其實兩對我都ok架,不過mina個對就冇discount,初初我打算切肥豬兩對架,不過真係好貴,所以都係買我一見鐘意個款就算,嘩~~~一比錢我就換新鞋喇,感覺良好呀~~~嘻嘻
買完鞋,我地就去左Swarovski睇耳環,因為肥豬揀比我個對真係唔多掂,係心心耳環,我真係有d驚呀,我最終揀左一對圓圈耳環,貴100蚊,咁換貨比銀兩就算得,感覺又係好良好,因為好似比100蚊就買左對耳環走咁,哇哈哈哈哈
之後去行左一陣franc franc,睇中左個cushion套同一個cubic既櫈仔,我幾鐘意架,不過唔一定要即時擁有,所以可以遲下先買,如果放左係屋企,間屋既style又會即刻提升左,卡卡
行完街街就是但去左食飯,食飯時我已經帶左肥豬送左耳環,真係好令呀,今期我好鐘意反耳環,I like it very much,嘻嘻

肥豬老公送既,呢對我覺得係一對幾女人但係又幾容易襯既款,總之就係好鐘意啦,返工又帶得,去街著好少少個時都帶得,幾好呀!!

呢對就係自己買既,全店都係hand made架,佢令到我有衝動,想自己去深水埗買料返黎自己整,因為一對要百幾,其實都知佢賺好多架,所以真係好想好想自己整黎反喎

結婚4個月紀念?

結左婚4個月,我個個月都希望我個蠢老公會忽然記起,然後比dd咁多多surprise我,不過等左4個月,佢好似都冇一次記得過20號係一個特別既日子,算啦,心淡喇
係呢4個月入面,其實同婚前冇大分別架,唯一唔同左既,係我煮多左飯囉,屋企似返一個屋企,亦都係因為咁,我就更加唔想返工,呢個大概都會係我一個藉口啦,我由出左黎做野一年後就已經唔想做架啦,哈哈
早幾日就病病病,病完之後又比人激激激,我激到今日都仲係好嬲架,邊個叫佢做d令人唔可以原諒既事呀?我宜家諗緊好唔好一陣放工去買買買野,放洩同平衡一下我心中既怒火

美貌與智慧並重的Jill Stuart

自從上次寶寶幫我買左jill stuart既胭脂同鏡開始,我就深深愛上左呢個品牌,不過因為太愛,所以一直都唔捨得開個胭脂黎用,同埋我本身都有好多胭脂,唔一定要即用呀
今次維尼太去日本,我又冇錯過機會,叫佢幫我買左一盒shadow同兩支lip gloss返黎,單看佢既外表,就已經攞滿分喇
拎左返屋企兩日,今日終於都捨得拎盒shadow出街用,嘩,上左眼真係好閃喎,同埋d色真係好出呀,好good,真係好good
估唔到佢除左有美貌,連內涵都真係好唔錯呀下,真係好想宜家返屋企拎埋盒胭脂出黎用呀,卡卡
點好呢?點好呢?係cwb既shop買,間間都差不多係10算,我又唔係好捨得買,咁黎緊姐姐同心心都會去日本,好唔好又叫佢地買少少呢?好想自己去多一轉買呀,再一次後悔自己去時係一樣都冇買,因為當時覺得自己已經買左好多化妝品,不過返到hk先知,原來分分下,我自己買左好少咋,早知我就買買買埋jill stuart先收手啦,下次都唔知幾時先去喇,唉~~~~~

病病病,病足三日三夜

由星期六食完dinner開始,我就同老公講,我唔知個肚定個胃唔多舒服,不過大家都覺得我可能食得太飽姐,所以就當冇事,反得咁上下就訓訓訓喇
星期日10點幾起身,我都話我個胃痛,所以就再訓返啦,跟住我地連一星期一次既mos飲茶都冇去,一連訓訓訓,訓到3點幾,咁我一直都覺得好痛架,老公又話我顧住訓,唔食野,所以會痛喎
好啦,好啦,去左食野,跟住就返媽咪度食左少少飯,都係唔得掂喎,咁爸爸就比左幾粒藥我,叫我痛就食,不過因為老公怕我唔知食咩藥,所以佢由我痛都冇叫我食喎
我訓到半夜,nic nic整醒左我,我都仲係覺得個胃好痛,係咁扭來扭去,咁我唔知幾點訓返喇,到夠鐘起身返工時,真係覺得好痛,所以叫老公唔好返工,陪我去睇醫生
於是下晝三點幾,就去左睇好好不過好貴既蕭醫生,睇一睇,又睇左我360個大洋,其實連蕭醫生都唔係好知我因咩胃痛架,佢話唔係腸病毒,因為我冇痾,咁就比左d藥我食囉,下晝食左一次都ok既,又唔係話可以完全唔痛,不過就冇之前咁痛囉
不過去到11點(我應該11:45再食多一次藥)就開始再痛返,不過我都忍忍忍,忍到夠鐘先食,食完一d都冇減輕我既痛,不過都已經夜喇,唯有訓啦
又唔知點解,個仔就係凌晨3點幾起左身,又搞醒左我,一醒就不得了,真係好痛,所以就食埋8個鐘先食一次既肚痛藥,諗住食左應該個幾鐘就唔痛啦,點知我一直都訓唔到,4點幾,老公決定同我去將軍澳醫院睇急症,去到大約有8-10個unit既人係度啦,我都知大鑊架喇,一定要等好耐,再問一問就知要等兩個半鐘,我梗係話返屋企唔睇啦,於是我地就打的的返屋企,返到屋企諗住休息下,試下訓唔訓到啦,不過都真係訓唔到呀,我就suggest去法國睇,不過老公唔知做咩,好似驚人地會收佢萬幾二萬咁,係咁話會唔會好貴,咁我咪叫佢打去問下先囉,打左去問,原來都係250個大洋診金姐,所以我地就call的的去法國喇,去到私家真係唔同d,登記護士又好人,同我探熱個姑娘又好人,咁我諗大概等左半個鐘就可以睇醫生,醫生話我係胃抽筋,咁因為我食完藥都止唔到痛,所以就打左我平生第一次打pat pat既針喇,又唔係好痛喎,應該係話一d都唔痛,不過打完之後,隻腳就有d痺,同埋都要等兩至三個鐘先唔痛,拎藥比錢,再打的的返屋企都已經7點喇
咁老公都決定唔返工陪多我一日,一來佢都冇訓,二來醫生話如果打完針都仲痛就要照下有冇事,所以佢點都會睇下我仲有冇事先架喇,於是我就take sl,佢就take al囉
訓到12點幾姑姑打比我,我先醒,當時都仲係我少少痛,不過我唔敢去晾胃鏡呀,所以就話食多幾次藥先再算,宜家食多左兩次藥,感覺好左好多,希望唔好再痛啦
今晚食左好好味既粥,感覺良好

cle de peau and Maquiliage粉底大比拼

前一陣子,去左honeymoon返黎,因為好想化返妝返工,不過因為佢covermark已經有少少討厭,所以就同esd既fd討論有邊隻2-way cake好用,對於從來只用濕粉+碎粉既我黎講,一定要一隻好好用既2-way先得架,如果唔係,我會覺得一底粉咁

綜合大家既意見都話貴貴既cdp係最好用既2-way,所以我就買黎試下喇,一用之下,發現呢個粉又真係好得喎,我d毛孔咁大,一定唔會cover得晒架喇,不過都tune得均勻我全面既膚色同埋唔會一底粉咁,仲有就係再補粉既時候都唔會好厚,真係唔錯,我仲諗住我會再買呢個粉架

不過有次拎住shiseido寄比我既信去拎mq既粉底sample,其實我去都只不過係想買支cleansing oil,不過反反下就連人地個2-way都買埋

咁新屎坑,我一定會用mq架,用左兩個星期既感覺,係非常良好,同cdp一樣唔厚,好舒服,我覺得佢比cdp更清爽喎,用左好似冇出咁多油,同埋好似白淨d,仲仲仲重要係佢比cdp平一大截,我以初買連case既價錢計,cdp就795(好似係590粉底,35海綿,170個case)而mq就係300(220粉底,80個case連海綿),論價錢同質素,mq真係又好用又平架,今次比我誤打誤撞買到好野,真係非常高興,哇哈哈哈哈

同埋加映

1. 一樣好用既mq shadow,比起pn既細細粒shadow,mq真係好用好多,上色,唔容易溶,又要另一推介產品

2. mj face color,呢個係上網bid返黎既,60蚊一個,係用手上既face color,其實除左當係胭脂,當佢係shadow都ok喎,粉紅色好過真係唔錯,d粉好滑,上左面後真係有d似白裡透紅既感覺,如果上眼,亦都非常shape喎,雖然係香港買係貴好多,不過算啦,我又唔係個d一年去幾次日本既人,60都已經叫平架喇,真係非常好,mj一定會成為我去日本必入既貨,上次去入得太少喇,卡卡

4月糖果甲甲登場

糖果gel甲,幾令呀~~~~卡卡卡卡

又到左一月一次整甲大日子,上次就反到好激,又黑又白,今次都叫平淡少少架喇同埋出奇地今次係忠於自己一直既想法,話整七彩閃粉就整七彩,出黎效果好夏天好sweet好令呀,哇哈哈哈哈

close up(手指公係橙色黎架)又話唔再整腳指,終於都有整,整左新返既銀色,好令呀,不過有隻腳指疼左,好樣衰呀

假期的最後一天

大合照(左起: nic nic,多多,冬冬)姣令仔呀~~~~

一連5日既easter holiday,終於都到左最後一日,放假既日子真係過得特別快,雖然我冇咩特別事做左,不過都過得好快,好似冇休息過咁
尋晚(應該係今朝)6am先訓,所以唔係二家姐打比我,我都唔識醒
佢11點幾打比我,話亞哥係深水埗黎緊,咁我就即刻叫隻豬起身啦,我就繼續訓訓訓多一陣,咁大家都好快就沖好涼等冬冬同多多黎同nic反
一入屋就一定係咁打,係咁打架喇,大家都笑nic好肥(其實都唔肥呀,係標準呀),跟住宜家冬冬同nic都差不多大,係短少少同矮少少囉,係屋企反左一陣就落左街反,佢地3隻野,落街又唔打交,各有各係度ng ng,咁我地咪同佢地行左一個圈同跑左一陣,影下相就返晒我屋企,之後隔開左佢地,我地一班人就去食下午茶
食完,亞哥就湊返佢兩隻狗,我就係屋企同nic傾計同打機,7點幾再同nic大少落多次街,佢攰到死呀,連跑都唔跑,一路都係跟住我地行,有時就行快少少囉
咁返到屋企,佢就好似死左咁,郁都唔郁,我地就係呢個時候去媽咪度食飯,食完返黎,呢個大少都好似未醒咁,行又行得慢,又冇咩反應,都唔明點解眼瞓得咁緊要架, 喺假期既最後一日,我地終於都陪左仔仔全日,同佢反到佢唔想反,睇見佢眼瞓到行都行唔穩個樣,我地個心情真係好似湊緊個bb一樣咁開心,好似過左幾日假,今日終於都叫對佢好d,唔駛佢再做孤獨老狗喇,嘻嘻~~~

活出精彩的星期天

今日又係要去拜山,尋日就去左拜老公個亞爺,今日就到老公個亞嫲,老爺尋日又叫嬋表姐今日唔好遲到,又約我地11點出門口,佢地黎車我地,我見佢尋日鬧人叫人唔好遲,我今日梗係驚,唔想遲啦,所以一早就起左身,沖完涼仲快快脆同仔仔落一轉街添,落完佢,佢地都未黎到,於是我未執下d眼耳口鼻囉,執執下,奶奶就打比老公話佢地出左大老山隧道喇,最終係佢地遲呀,佢地11點8先到我地度,12點幾先入到屯門,不過都仲係遲到大王遲過我地,佢成點幾先到,佢話佢搭錯車喎,是但啦,大家都唔想聽佢講,總之就係咁比野佢食,食完我地就入元朗
奶奶之前一陣都講到今日好似都有法會咁,我仲以為要幾粒鐘先可以走,點知係得兩個師傅誦經,上下香,好快就可以走,兩點4去到,3點就走得,幾開心呀,初初奶奶話今晚一齊係元朗係日本野,不過咁早,又唔知去邊好,我就一早plan左想去西九龍拎返個燈罩先既,咁咪同肥豬講囉,叫佢諗下去邊啦,佢又諗唔到,同老爺奶奶去行街,都唔知行咩好,所以最終都係放底左我地係奧海,佢地就自己返屋企
於是我地就自己搭巴士去西九龍中心啦,因為尋日炸左個頭,又突然有返好想買誇耳環既念頭,所以係大家姐同我提講既珠義盛店度買左一對超閃既方鐮耳環,真係好閃,試戴既時候,呢d石係鑽過我自己d耳環囉
買完耳環,拎完燈罩,係咁易行左一陣,買左支野飲就走喇
我比左幾個choice肥豬揀:
1. 去mk搵fei e反下新落地既NDS
2. 去tst行街街
3. 去手工雜物睇野
肥豬就揀左1,咁佢既惡夢,我既美夢就開始喇,卡卡
一去到旺角中心,我就睇鞋,嘩,發現佢d鞋都幾ok喎,雖然知係big 6野,不過個款又唔係好差咋喎,個問題係好平呀嘛,80蚊對,真係平到笑呀,睇左幾間先上去搵fei e,一去到就梗係討論下個炸頭啦,佢覺得都ok喎,係唔係好爆囉,不過呢個問題我知既,比mark整,佢可能都整唔到好爆架喎,大家一致認為呢間新野係可以一試既 ,反完頭,我地就一齊上左3樓打機,首先係肥豬打先,我就同左二家姐去買夾夾(如果我肯定自己炸頭,總之我係日本買多d夾夾返黎啦),揀左3隻都係50大元,都ok啦,又唔係好平,不過唔貴喇(其實以前二家姐賣飾物,我都拎左好多架,不過唔知宜家去晒邊呢?)
跟住就去左買cheap cheap大耳環,買左一對plain既同埋一對有石既,加埋都係60大元,又係好抵囉,帶下姐,唔駛買咁貴啦,我係Isabella買過對細好多既石石圈圈耳環,2xx咪又係放兩放會黑既,好似平同貴都係冇分別,只係真同假石有分別囉,我冇本事買真架喇,同埋都冇需要,所以平平地反下真係好開心
去返平民店搵埋老公,我地三個就去先達同黃小平買多一部nds,二家姐話佢尋日買左,黃小平同佢爭打,所以今日要買多一部,唔駛爭喎,一路買,一路都比人魔我,不過我冇心動呀,因為我都冇反過,我覺得都唔好反,所以買左一架就走喇
再一次返平民店,就到我做手術喇,嘩,唔得呀,真係不能自拔呀,好反到不得了,反反反,反到冇晒電,於是我就同老公去左買鞋,揀呀揀,揀左一對紅鞋兒同一對墨綠蝴蝶結高踭鞋,雖然老公同二家姐都驚我著爛腳,不過我本住一季都係著幾次既心態,咪試下囉,著5次就已經好抵啦,比起我平時起碼買3,4百一對黎計,真係好好好抵架喇,買完鞋,我地就一直行下旺中,等夠鐘就同fei e佢地一齊食dinner,不過我行兩行就扭肥豬買部機比我喇,佢話過生日買比我架嘛,不過我個時唔知咁好反,所以一口就話唔要,宜家知好野,我咪扭扭扭囉,哈哈,最終我都成功左,於是就同二家姐又去多次先達喇
個哥哥都認得我地啦,初初fei e同我講,粉紅色就1590,白色加50,黑色加150,咁我地都覺得一樣function,白色要加多50,好似好唔抵,不過我又真係鐘意白多d喎,於是本住一問冇防既心態,我就同哥哥講,hi,你認唔認得我地呀?佢話認得,二家姐就話想要多一部機,我就接住,如果我想要白色,可唔可以唔收我50蚊呀?佢一口就話好呀,跟住就拎左部白色比我check喇,卡卡,好野,同二家姐佢地唔同,又有我最鐘意既白色,真係開心呀,卡卡
買完之後,我就一直反一直反,反到6am先訓,咁當然我唔係一直打機啦,我係又睇forever grasshopper 06 concert又打機,幾好反呀
今晚係我最後一晚可以夜訓喇,所以點都要反盡佢,哈哈

西貢拜山日+炸頭

終於都炸左頭喇

由於尋日太夜訓同埋又唔知老爺奶奶想幾點去西貢拜山,所以我地都唔理咁多就訓訓訓,訓到11點幾,奶奶打比肥豬,同佢講1點要入到西貢,跟住我好似聽到豬生鬧奶奶咁遲先打黎,又話趕唔切,晏d先入去,咁佢就開始沖涼,我就第二啦,最終我地自己揸車入西貢,老爺奶奶就搭299,不過佢地都快過我地喎,好彩仲有個遲到大王未到,我地都差不多拜完,嬋表姐同恩恩先到,嘩,恩恩唔知搞咩,一身藍色好得人驚,係由頭‘cool’到鞋都係藍色,仲有套藍色suit,真係好得人驚呀~~~~原來佢係要返公司做野,有朋友車佢,所以佢好快就走喇,同埋車佢個人係追緊佢,我就同肥豬講,佢可能係想嚇走個男仔,所以著成點,雖然佢平時都唔係打扮得好令,不過一定唔會咁得人驚囉,真係摸不著頭腦,唔知佢係本身咁著,定係嚇人啦,總之我就覺得好好笑 拜完山,返去mos飲茶,之後我地就去左cwb hair cut喇,我終於都炸左個頭喇,都ok啦,1030有hair cut, treatment, perm同highlight,仲要係做左兩個treatment喎,咁呢個winky姐姐都ok有心機,剪髮我唔知佢得唔得啦,因為佢只係同我剪左兩條毛就perm喇,咁perm左出黎同highlight個色都係我想要既野,不過可能我d頭髮軟又幼,所以整唔到好爆既感覺,唔關人事既,咁佢呢個價錢同呢個output,我覺得真係好好架喇,我諗我都幾大機會唔返mark度lur,佢太貴喇,下下都收我3k,short左咩,我發左就搵返佢囉,卡卡
(炸完頭之後,我地仲去左sogo好快咁行一轉,走左睇垃圾桶,一見到GOD個垃圾桶平成200蚊,肥豬居然決定買,佢話買左唔驚個仔搞垃圾,貴d都算喎,不過我覺得700蚊買一個垃圾桶真係好貴,不過試驗過,nic nic真係開唔到,又堆唔到,咁呢d錢都用得值既,卡卡)

炸頭前

炸頭後

放假的第二天 (nic nic的新裝)

Nic Nic新髮型,好似bb咁架

本來打算今日去唱k,行街同睇戲架,不過又係因為我地既節日鬧交病毒又發作,於是鬧交就鬧到6點幾,下晝時我就帶左nic nic去沖涼同剪毛,6點幾時去湊佢,哇哈哈,剪左毛既nic nic好似bb咁,我覺得佢好得意呀,不過佢就好似有少少唔開心囉
終於成8點先出街,不過豬生就揸左車返tko,所以我地可以好快就去到cwb,去到我當然唔會放過行街既機會,不過今次唔係睇衫,我地只係去左GOD同muji睇下垃圾桶姐,GOD個垃圾桶好啱我地心水,不過真係好貴,成8-900買個垃圾桶,實在太恐怖喇,不過為左nic nic唔再搞垃圾,我地真係有需要買一個佢打唔開既垃圾桶,記錄在案先啦,跟住再去muji睇,得一款垃圾桶,唔啱,不過我就買左一個65大元既膠架放係鞋櫃度,再行呀行都好似冇野好睇,我地就去左CEO喇
唱呀唱,我地呢d亞叔同大嬸又唔識新歌喎,咁就點一次聽下,跟住唱啦,不過都好似唔係好好唱,於是我地就開始懷舊金曲夜,我就係咁sammi同楊千化,豬生就係咁梁漢人同李克鞋,唱到兩點幾先走,好好彩我地趕得切拎車,唔駛比多半個鐘,真係開心,返到屋企,nic好似訓緊覺,眼朦朦咁行出黎,比左少少野佢食,我地三個就一齊訓訓訓喇

上圖係未剪毛既nic nic,下圖係剪完毛既bb nic,卡卡

Vincy小姐

vincy姐,真係同佢老豆一個餅印,不過對眼就同媽咪一樣咁令

尋日返返下工,我仲以為自己眼花,點解ann ann會打比我架,一聽就問佢做咩返hk,佢就講左一輪我唔係好聽得明既野,不過是但啦,只係知道今日同佢出黎飲茶同埋見下vincy姐就好開心喇

今日寶寶黎車我地一齊去沙田,真開心,真係話咁快就到

去到利苑,ann ann未到,我就要攞位先,真係人都癲,book左枱都要等半個鐘先有,唉~~

不過vincy姐黎到都訓左覺,於是我地一堆女人就傾傾傾,嘈嘈嘈又食食食,有亞ann真係唔會靜架,嘻嘻

食完傾完,ann ann話要去黃美玉屋企,於是我地就一齊去啦,不過連肥豬都睇得出,我同may may同屋主好似好格格不入,鬼咩,我地係ann ann既fd之嘛,同佢都唔係咁熟,不過我地又要等vincy醒,所以就去啦

好彩我地最終都影左一張合照,不過睇完兩個啱啱生完b既媽媽,肥豬就好似有d驚生b,我就一半半啦,時間都唔係問題,最大問題係我想有足夠既金錢先比爽爽出世囉,如果比唔到我認為最好既野佢,我就唔想要住喇,都係睇下人地生先啦,卡卡

may may,ann ann,car car & vincy

兒童節快樂

唔衫唔裙一件
遮遮珠片tee

今日係4月4日兒童節,打算放工去買個電話比老公氹下佢開心,好似好耐都冇買野比佢(請注意:我唔係買mobile比佢,係想買個好特別既有線電話,屋企個電話一早比nic nic咬爛左,所以我地明交左好多個月電話費),咁一放工我就去左九龍灣,打算去「手工雜貨」買啦
一去到淘大,我就去返上次經過幾好款既boutique行一轉,最終都買左一件唔衫唔裙既衫,已經好叻架喇,我睇中左兩件,試來試去,我冇買晒兩件,仲買左一件平d既添,幾乖呀,買完我既野,我就上去「手工雜貨」,真係作死,7點唔夠就close左?係唔係路呀?咁冇得睇,我都冇法啦,比唔到surprise老公喇
係我啱啱上巴士既時候,老公打比我話放工,真係奇呀,我想佢夜放個日,佢就早架喇,初初我都呃佢話我返緊屋企架,不過又比佢聽到我啱啱先“do”卡,又唔似mtr聲,咁講講下我就講左我既plan出黎比佢聽,不過失敗左,佢又再一次話呢間野好唔得,叫我唔好再去睇,平都冇用
好啦,我係93k訓得好開心,一訓醒就打比老公話比佢知都係唔煮飯,係新都城食就算喇,我落左車就周圍行,行左一間成日都會經過,不過唔會入去睇既boutique,原來佢有jelly beans賣架,仲要450,真係好抵呀,不過基於我怕佢係假野同埋老公好似覺得唔係好令,所以冇買,咁我地就去食飯喇
神奇事件發生喇,豬日好想食蛋前,不過我未行到都已經話一定好多人,你都唔駛諗食到架喇,去到一拎飛係3x號,咁我就問下宜家叫到幾多啦,佢就話368,叫到400會由1再開始,嘩嘩嘩,咁咁咁即是等到餓死都冇得食啦,豬生帶住憂傷既心情離開,係個時有個姨姨係後面同我地講:「我有張372呀,你地要唔要呀?我地唔等喇,比你地啦」,於是我地就好開心咁要左佢地張飛,個姨姨仲叫我由佢地既4位改2位應該會快d,好啦,我就去左改,等左唔夠3 min就有得入喇,真係開心到震呀,肥豬就話因為我地上次好心,比左我地張飛人,所以今次有人比我地,唔知呀,總之就係好好運囉,我地食食食完之後都仲係叫緊2x號飛咋,如果要我等,我一定人都癲呀,卡卡
食完飯就去左遮遮牌到打左一件珠片tee,一件tee都要差不多300好似好貴咁,不過我覺得貴時,老公已經比完錢,不過唔緊要啦,第2樣野慳d啦
係又有得食,又有得買既情況下,大家都過左開心既兒童節!

瘦身有望

由結婚時既107磅到前一排既113磅,足足肥左6磅,真係唔得佢死,明明結完婚,去完honeymoon好似仲瘦左返黎架嘛,點知冇端端又肥返
不過又係既,我當d朱古力好似仇人咁,起身又食,睇電視又食,無聊又食,臨訓前又食,咁食法,有邊個會唔肥呀
豬大少見我肥返,佢不知幾開心,佢話咁先好,結左婚就唔駛瘦架喇
哼,呢d都唔知係咩歪理,我係唔會理佢架
不過係我唔刻意減肥既情況下,我好似一日比一日瘦喎,雖然我到宜家都唔想上磅,唔知係唔係真係輕左,不過憑我著既褲就知我冇之前咁爆肥喇
可能瘦身既原因:
1. 公司真係超多野做,時時用腦,用左好多energy
2. 日日放工都煮飯,又係一個用好多energy既活動
3. 食返自己煮既飯,油少d,味精又冇,食完d野好似好快就消化
4. 開始似返以前做女既食量,夜晚食少少就飽,感覺良好
5. 日日同個仔落街,行下點都好過咩都唔做掛

基於以上既原因,個肚開始冇咁脹,所以尋日同左豬大少講,如果我瘦到100磅,佢就要同我再影相,佢居然一口應承我,我心諗,佢一定覺得係冇可能,所以答得我咁爽
嘻嘻,好,我會努力比d顏色你睇架,哈哈

頑皮nic大少

亂到七彩,嚇得死你既廳一個

哈,返到屋企,真係不禁要大聲哈哈,nic大少好似好耐都冇試過癲到反轉屋企喇
真係又激氣又好笑,一打開個門,嘩,一地都係白雪雪既棉花,棉花?點解會有既呢?垃圾桶已經收埋,仲有咩反呢?
再仔細望多一眼,haha,可憐既don don,曾經比我晚晚攬住黎訓既don don,慘成nic nic口下既亡魂,真係死得可憐呀~~
Nic大少仲好似好得意咁,表現食棉花比我睇,我本來都唔想勁丙佢架喇,不過一見佢食,我就忍唔住鬧佢,丙佢,要佢sit埋一邊等我清理完現場先可以活動
不過我都算快手架喇,半個鐘都唔駛就執好晒野,同埋拖左個地,咁nic大少比我訓話完就可以自由活動啦
不過我洗完手出黎就聽到‘er er er’,下????佢嘔喎,仲要係佢個「小天地」上面嘔?唔好反啦,我即刻9秒9將佢成隻堆左去廳中間,等佢嘔係地,都好過係「小天地」呀,佢卡左3次先嘔到d野出黎,哈哈,今次勁囉,咪就係嘔返佢啱啱食左既棉花出黎囉,我一邊摸佢,一邊又笑又鬧咁同佢講,「抵你死架喎,邊個叫你玩棉花呀?仲要食落肚,你唔駛洗胃都偷笑啦」,跟住我就放左佢走,佢又好似冇事咁,拎d玩具要我同佢反,我知佢冇事既,係naughty左d啦
Nic nic,下次唔好喇,媽咪好攰架,又返工,又要同你執野,你乖d啦,你乖d媽咪會同你爭取多d零食架喇,乖啦乖啦

慘死既don don,死狀相當恐怖,疑死前比大力撕破所致

斬不開的南瓜?

斬不開的南瓜

是日晚餐

1. 蒜蓉南瓜

2. 粟米肉粒

3. 金寶磨菇湯

粟米肉粒對我冇難道,因為我都煮過好多次,係一樣唔識煮餸都可以煮得好好味既食物

南瓜雖然係第一次煮,不過應該都冇難道,因為我係屋企食過好多次,同埋我又問左媽咪係唔係咁咁整,不過出事既係一把比肥豬更遁既菜刀,斬來斬去都切唔開個南瓜,真係好想放棄架,不過休息左一陣,影左張相,又無端端比我切得開喎,我都話我係天才黎架啦,又一次證明喇,卡卡

完成圖

一觸式摺合晾衫架

摺埋得好簿架咋,容易收藏
打開左好大,你睇有nic做control就想像到有幾大呢,卡卡,可以晾好多衫,好正架

今日終於都去左吉吉島買我一直都想要既一觸式摺合晾衫架喇,屋企o個個,一來比nic nic咬到生晒锈,二來有時有人黎,又好難先收到入細房,所以我一直都好想要一個可以收埋既晾衫架,不過比我expect既貴左好多,我一直都以為呢d野係百幾二百,不過唔係呀,原來要5xx一個,有個矮d既就3xx,不過太矮,nic nic一定要玩衫架喇,所以忍痛買個高架喇,同埋我地又要左個兩條棒既,所以又貴d啦,不過算啦,呢個架真係好好,d衫一乾就可以收起佢,個廳好似大左好多咁,都值既,真係有用架