瘋狂買餸

今日行程好緊密,因為聽日atik放假,所以我想今日買晒餸,聽日可以全日留係屋企。今朝未夠9點就起身,因為我想10點出門口去街市,買完就出去整甲。估唔到比平時早一個鐘出街市,真係好多人又好多野買,亦都有好多靚野買架喎。一入街市,我地多數都去買菜先,為左彌補返上一個星期咩都買唔到,所以今日狂買,好似痴左咁,蘿蔔同粟米係一定要買架喇,主打係揀湯料,平時都係買兩大袋,今日變左兩個半大袋,好癲呀!買完菜去左買魚,一早去,連魚都大條d生猛d,都唔知有冇搞錯架。買完魚望望下,見到活雞檔仲有雞喎,我咪買左隻用黎煮手撕雞囉,但我比完錢,10分鐘後返去,全部雞冇晒,駛唔駛賣得咁快呀?去到肉檔,望一望原來宜家亞叔叔斬比我,越來越重手,唔怪得越來越貴啦,煲湯瘦肉我明明買開$20份,佢宜家斬$56兩份比我,我決定分三次煲,卡卡。跟手去埋買牛肉同埋生果就可以走人。

買左少少野上車食,叫埋老公車我去大學站,我就出去整甲,老公就車d餸返屋企,係大學出旺角真係快,20分鐘就到。