一歲喇

今日係我一歲生日,媽媽一早同我講左會同我開生日會架喇
九點幾既時候,一大班人上左我屋企,跟住好多人都比好多野媽媽,好似全部都食得架喎,正呀~~
媽媽將所有我既生日禮物都放晒係茶几仔,爸爸仲好大聲同我講,你睇下,nic nic你幾多人錫你呀,你真係幸福呀,唉~~不過佢地要我影好多相先比我食野呢
我影影下終於都忍唔住,係咁聞個蛋糕,真係好香呀,食啦,食啦,比我食啦~~
爸爸冇幾耐就拎左刀出黎切餅比我食喇,嘩,正呀,真係好好味呀,係花生味蛋糕呀,係咁食,係咁食,我好快就食左半個喇
哇哈哈,呢d就係生日蛋糕,如果日日都生日就好喇
跟住fei e呀,佢仲比左好多零食我食
哈哈,原來生日係咁開心架
爸爸媽媽,可唔可以一個月生日一次呀??我想成日都食蛋糕,同埋要好多好多零食呀~~~哈哈
多謝爸爸媽媽為我開左一個好開心,好多野食既生日會~~

生日快樂不快樂?

好不容易終於都等到放工喇,一點就衝去搭life,一落樓下就見老公黎左接我,佢鬼鬼馬馬咁走左出車出面等我,我都知有d野架喇,跟住我一眼就見到佢用件褸遮住左札花啦,哈哈,都一樣係gary出品,係一札紫色玫瑰,都幾令呀~~
跟住去dol拎nic nic個蛋糕,然後出發去小白鷺,一個我一直都想去既地方
一路揸車入去都滿心歡喜架,仲係車前同札花影左幾張相
不過去到餐廳,冇咩人既,個waiter好似啞咁既,我地問佢係唔係自己揀位,佢又唔應我地,跟住如果唔係我問佢有冇湯揀,我諗佢係唔會出聲架,哈哈
小白鷺個景都ok靚既,不過咁遠黎到又唔覺得好值囉,野食都幾好味,咁百多d一個set lunch都ok啦,食到3點左右我地就走喇
我問老公仲有咩野反呀?佢居然同我講,節目完畢,我地諗呀諗,終於都諗到不如去ikea買鏡啦,好,我地下一站就去沙田
行左一陣ikea,我就好急,要即刻去toilet,唔開心既事就發生喇,因為個toilet入面有掛鉤,咁我就放左個袋係廁所後面個位啦,我又驚佢dirty喎,冇成個放好就準備去廁所,跟住'啪'一聲,個袋掉左落地,有d野飛左出黎,我就快快脆執好去就繼續去toilet啦,唉~~我都唔知個相機係飛左去隔離呀,定係我睇唔到啦,當時我係冇留意我係冇執齊野就走左,仲要係返屋企,我想影下札花既時候先知唔見左,唉~~
本來係ikea都好開心買左塊鏡同木相架走架,跟住仲去埋文華拎蛋糕
開開心心返屋企啦,點知就發現唔見左個相機,我喊喊喊,喊左好耐呀,我唔捨得一個陪我地去honeymoon既相機,我唔捨得今日影既相,我唔捨得冇端端又要用多2k幾買過個新既,總之就係超唔開心啦,呢個生日真係難忘喇~~~

生日喇,生日喇

HAPPY BIRTHDAY TO ME呀
今日超唔想返工架,不過最終都施施然化埋個妝先出門口,今日用左好多新野呀
有新既短褲啦,新衫啦同埋新袋
其實對鞋同褸都係日本貨黎架,今日再次化身東洋魔女,好開心呀~~~
快d同下晝放工啦,好想去反呀,卡卡卡卡

廿七歲的最後一天

今日係2月26日,係我27歲既最後一日,由細到大都好鐘意27呢個數字,可能因為我係27號生日啦,所以我覺得27係屬於我既,細個搬屋時,搬左去27樓,已經覺得好開心,間屋同我好夾,上年一踏入27歲,我就去左影智能身份證,27歲時買左一隻我好想好想養既金毛尋回犬 ~ nic nic,27歲時完成左一件人生大事 ~ 結婚,好似一切好開心既事都發生係27歲,所以今日真係有d唔捨得呢個歲數,同埋好似好快就一年,好快就28,好快好快就29,好快好快就30,我諗女人始終都唔係好想過30大關,唔想還唔想,時間總係會過,我又唔係真係好sad架,呢個moment我都仲好期待聽日放假去反,哈哈哈哈
仲有就係好期待聽日同nic nic慶祝
係27歲呢一年裡面發生左好多我一直想要/想做既事,好開心又好難忘,最開心係呢一年所發生既事都有一個人同我一齊分享,我知道我將會一年比一年幸福,一年比一年快樂,一年比一年開心,因為我身邊有你~~~哈哈

日本買不停

寶寶啱啱去完日本,我又有叫佢同我買野,雖然買唔齊我想要既野,不過都好好喇,有Jill Stuart既胭脂同鏡,真係好令呀,塊鏡好似照得人好令咁,真係唔得佢死呀,哈哈
仲有呢,就係買多左一盒碎粉,好用呀嘛,未叫佢見到就買多盒囉,不過唔係re-fill,又多一個盒添
仲有就係anna sui既眼睫毛夾,不過就冇修眉set,唔緊要啦,要小pp幫我睇下啦,如果真係冇,我就上網bid啦,都係貴d姐,鬼叫自己又唔買咩
仲有仲有,寶寶送左一盒anna sui化妝品比我,嘩,好令呀,個盒又好令,d product又好令,搞到我好想買多d anna sui既野返屋企擺呀,哈哈

姊妹gathering

新年前一早約好晒今日既gathering,我由11點起身開始就係咁執屋,執到5點左右,d人就係咁打比我,我忙忙忙完一輪,由初初打算睇完相同video就同大家去食飯既idea,到約約下,成6點半先有人開始到事實,我就同亞jim快快脆去街市買左d菜打邊邊同埋買左燒味,諗住一路食一路睇啦,因為佢地有人唔食牛,我個鍋又唔係兩邊個d,所以是但啦,佢地多數都係食菜架喇,用左4個字就去晒街市同百佳,真係勁呀,哈哈
大家都好準時呀,大概7點到都差不多到齊,老公係o係廚房係咁切野,我就同人反下,又要control下nic nic咁,因為有d人驚狗,最終8點左右nicole先到,咁我地就開始食野同睇video,nic nic就要係廚房,睇呀睇,睇到12點幾先完,小玲佢地11點幾就走左lur,剩返tko友就睇剩先走
唉~~要招呼朋友真係好辛苦呀,又怕佢地悶,又怕佢地餓,又有人驚狗,我又要擔心nic nic好悶喎,好彩,nic都好合作,佢地一走,我就同佢落街,佢都反得好開心,返到屋企好似死左咁,係咁訓,係咁訓

開工大吉年初五

今日終於都返工喇,一返黎就9千樣野做,不過我都係冇咩心機架咋,今朝開左會,仲有就係改緊d UR囉,個個project都未just,都唔知點process好,煩死人呀
今日lunch冇人同我食飯,我就去左dol order左個birthday cake比nic nic,仲買左少少生日禮物比佢
跟住呢,我就去左muji買多幾個架,放下雜物,咁係times度買個夾餅返工食就算,不過返到公司都凍晒,已經唔好食喇,是但啦,10蚊又一餐,都幾抵呀

年初四

本來今日係開工大吉日,不過因為太眼訓,同埋nic nic肚痾,我就借d易拎左一日annual訓下,nic nic痾痾痾,痾到下晝明明冇事架喇,夜晚落街又痾過,真係唔知點解,希望佢聽日冇事啦
今日除左訓,我都有洗衫同埋upload相架,已經係好好架喇,哇哈哈哈哈

大年初三

連日來都唔係好夠訓,今日一早就要起身去圓玄學院,一早見到個個都係未訓醒,難為老公早要揸車,真係辛苦晒呀
好彩我地都可以9點前去到圓玄,架車可以泊入去,如果唔係就真係大大鑊喇,唔駛半個鐘我地就拜完太婆同亞麻佢地,跟住媽咪又唔知想點,係度煩煩煩,最終我地就影下相先囉,跟住佢約到舅父,我地就去左梨木樹再去敏玲姨度,兩點幾就完左我地既行程,跟住我地就揸返車去mos,本來想走架,不過因為太眼訓,我地就係mos訓訓訓,訓到6點先走,仲係mos食埋飯先返屋企
跟住就去左jusco食左少少野先返屋企
夜晚同左nic nic落左街好耐,又同狗玩,玩到佢好攰好攰,我地先返屋企
一連4日既假期,話咁快就過完lur,聽日又要返工,真係慘呀~~

大年初二

今日返奶奶屋企食開年飯同埋帶左wedding video比佢地睇,佢地睇得好開心呀,我同老公就有d悶囉,因為尋晚先睇完
睇呀睇,睇到5點幾都未完,我地唔得喇,要走先,要訓屋企接爸爸,小鴨,小bear同nic nic去亞父屋企反,咁我地就留左隻碟比佢地慢慢睇喇
好快好快就返到tko,我就訓足全程,nic nic又好乖呀,咩都冇痾,一返去同佢戴帶就行得,跟住去接爸爸佢地,就出發去亞父度
途中nic nic一共嘔左三次,第一次接唔到,好彩唔係好多,之後幾次都接到喇,唉,都唔明佢咁大個仔成日坐車都嘔既,真係冇鬼用呀
去到亞父屋企,佢地三隻野係打到難分難解,到打得邊邊時,就隻隻都比綁,nic就入籠,不過我都有比野佢食架,哇哈哈哈哈
打完邊邊,放返晒佢地出黎玩,真正既大鬥終於發生喇,初初係nic同冬冬玩,玩玩下多多忽然好惡,冬冬又好惡,亞nic就呆左,咁亞哥同亞嫂就捉開左佢地啦
之後我就拎左舊骨比nic玩,我一掉出去,冬冬就拎左,咁nic都唔同佢搶,我又再拎玩具比nic玩啦,冬又搶左,咁nic見冬冬唔要舊骨,nic nic就要左,冬一見nic nic拎左舊骨,佢就追住nic nic喇,初初nic都唔惡佢架,佢又un nic喎,nic忍唔住,佢終於都發火喇,好惡好惡,我從來都冇見過nic發惡架,佢一野就推左冬冬係地下,係咁想咬佢,好彩我同亞哥可以叫得停佢地咋,如果唔係冬冬死緊呀,冬冬自從比nic打敗之後,佢就唔敢再同nic nic玩,nic惡完之後,好似都好驚咁,乖左好多喎,咁我就一邊打牌,一邊睇下佢地仲有冇打得好勁啦,佢地又好似冇咩野,打打打,打左4圈我地就走喇,今年因為冇比jim jim打,所以我win左300幾,哇哈哈哈哈,下年都係唔好比佢反喇,我都話佢加旋我架喇,嘻嘻

大年初一

因為今朝6點先訓,所以兩點先起身,一早就比左利是nic nic啦
跟住就準備返媽咪度,好似4點度返去啦,一返去就派利是比bob & cookie啦,冬冬同多多,仲有比小鴨同小bear,我連二家姐都有比呀,是但啦,開心姐,新年利利是是呀嘛,原來派利是都ok開心架喎,冇收利是咁怪囉
一輪混亂之後,我就同老公坐低係咁食食食,爸爸就係咁煎煎煎d糕出黎,坐係度咩都唔駛做就有得食既感覺真係好開心,我食到飽到嘔先肯收口,卡卡
跟住6點幾,我地就去老公亞婆屋企食飯,約左大家姐佢地今晚過黎打牌
7點前去到,公公仲打緊牌,唉~~又叫人早d到,最終我就悶左兩個鐘先有得食飯,真係悶爆呀,最慘就係d野真係一d都唔啱食,好彩係自己屋企食到飽晒咋,如果肚餓去食呢餐飯,我之後一定要返屋企煮多個麵食呀~~
食完飯,老爺奶奶上左我地屋企坐,睇下我地換左既燈啦,sofa啦同埋鞋櫃,仲有就係終於都見到nic nic喇,老公仲幫nic nic攞利是,幾好呀,今年nic nic收穫都唔錯呀,有我啦,有大家姐啦,有大嫂啦,又有亞婆啦仲有奶奶都比,哇哈哈哈哈.,nic nic可以買好多野食呀
之後佢地想走時,大家姐佢地就到喇,到左都冇打牌,反魚蝦蟹,仲要係睇睇睇,睇左好耐我地wedding個video先開始反,反左個幾鐘啦,我就win左一蚊囉,幾多呀,最多個莊都係win左廿幾,大家得個玩字,3點幾散band喇

年三十

一早同左nic nic,冬冬同多多反,之後去左食飯,再去拎相,叫起拎相就一肚火,我話過,我以後都唔會再去坑口間kodak晒相架喇,佢地又慢,d色就較過晒,真係好差好差,我唔去鬧佢,佢都唔print相比我架,我足足等多左佢地個幾鐘先有相拎,跟住仲要拎9千8萬張相去奶奶屋企處理,重到我地死死下,真係唔得佢死呀,唉~~~,早知就唔好貪平,拎去fotomax就咩事都冇啦
好啦,7點幾去到奶奶屋企,嬋表姐已經到左,比左d wedding相佢地睇住先,honeymoon同翻晒比奶奶個d,我就好努力入,坐左一陣就有飯食,嘩,食到好飽囉,同嬋表姐傾計都ok架喎,佢個人都好多野講,講下無聊野d時間都好快過,食完飯,佢地又睇相,我就好努力入,一路入我就一路好想鬧人囉,晒到我老公塊面灰色架,我真係唔得佢死呀,較較較,較我張相d色做咩呀,唔較就咁晒出黎仲好啦,呢間野真係好煩架,煩到爆呀,我講過,一定冇下一次,我整整下d相,都好快到12點,大家派完利是之後,我又啱啱整好晒d野,於是我地就出發去行花市喇
本來係尋日行既,不過有d人又唔知點解夜一夜都唔收工,我已經攰到short左喇,一氣之下,我咪返娘家食飯囉,真係嬲到我呀
好啦,兩點半出到去,又可以meet埋二家姐一齊行,仲有見到好耐冇見既小珊爺,真係一見佢就要big hug呀,佢真係一個好nice,好好既女仔
嘩,維園真係多人到癲呀~~~逼逼逼,逼到死,我都冇心機行,檔檔都係吹氣公仔,真係好悶呀,我最後就只係買左一隻豬比nic nic反,一樽香氛石同埋兩盒香蕉糕,我budget係諗住用200蚊架,宜家100都唔駛,我諗出年我都唔會想行架喇,不過出年先算啦
最終,我地6點先返到屋企,nic nic居然咩都冇痾到,洗個面,我地就訓訓訓,訓到點幾兩點先起身。

年三十 (nic nic過年事件錄)

今日一早就起身,爸爸媽媽好似一早就同我講左今日冬冬同多多會黎同我反,所以爸爸媽媽一早起身,唔知搞咩,我又要起身喎,我好鬼眼訓架嘛
之前好似話亞父10點幾黎,最終就11點先到,一開門,嘩~~正呀,係冬冬呀,我就一支箭撲埋去同佢打過啦,我同佢係門口度係咁打,係咁打,d人好似入唔到屋,於是唔知邊個就堆左我地兩個入廳,大家就睇住我同冬冬&多多大戰,連佢地係我鐘意既莎莉蛋糕我都冇理過,一路打打打,打到12點幾,佢地話落街,我地就一行3隻狗一齊去海濱長廊反,一落去已經有dick dick係度,都唔理咁多,成堆狗打埋一堆,之後又有個姨姨同我反波喎,佢都冇狗既,冇端端又黎同我地反,不過是但啦,總之一路係咁打,打到1點咁,我地就返上屋企休息,冬冬多多就要入廚房,我就係廳,爸爸媽媽就同所有人去食野,佢地好似留低左我地係屋企成4個鐘先返呀,一返黎,執好晒d野又走過,不過今次連冬冬多多都走埋,得返我一個咋,不過我都好攰呀,爸爸媽媽走左之後,我就一直訓訓訓,訓到天光佢地先返,就係咁,過左我狗生第一次既新年喇

年廿九,豬年前最後一個working day

終於返埋今日都放假喇,雖然得4日,年初一又踏正星期日,補假又唔補初四,係都要補年三十晚,宜家5 day架喇嘛,星期六係紅日都冇用啦,如果補初四,可以放5日添呀~~噓
今日一心都冇諗過要做野,不過一開email就見到好多人reply comment比我,死啦,之前死趕出既UR,宜家d comment返喇,不過我真係好唔想理,仲要一早比個死人kenneth wong打黎煩住晒,唔晒我做既野,你就唔好向我投訴啦,次次講完一堆野都話,“我都知唔關你事架喇”,咁你就唔好同我講啦,嘥氣~~~
算啦算啦,今日好想全日寫blog,盡力寫返honeymoon發生既事
尋日好乖呀,終於都拎左d相去晒,成900張,聽日先有得拎,不過都ok啦,聽日一早同東東&多多反,下晝去拎相,入好晒就拎去比99,食團年飯,食完就出旺角轉車,如果想行一陣就行,如果唔係,就返屋企同我既寶貝仔過年,yeah~~新年喇,好緊張呀,今年要派利是呀,卡卡卡卡

婚後第一個情人節

我同亞jim今次係第3年過情人節,第一年佢送左花去我公司,扎花都幾靚架,不過就細左d,仲要成千蚊,好似太貴,我地夜晚就去左西貢食海鮮,佢就送左大佬mon比我,我就送左ps2比佢,過左一個好開心既情人節,不過過左兩日我就又痾又嘔,都病左好耐下,卡卡。
上年,我一早講左唔要花,不過lunch既時候,因為見到通街都係花,我就扭扭扭話好想要,不過等左一日都係冇花,咁亞jim就黎接我放工,佢就買左Swarovski既花花比我,我心諗,不如你買真花比我啦,我地一齊返屋企去jusco買牛扒同鵝肝返屋企食,嘩嘩嘩,一返屋企就見到張枱好靚,有張新枱布,跟住佢帶左我入廚房,叫我搵禮物,哈哈,係一盒好靚好大好紅既士多啤梨呀,我已經好開心架喇,佢又話仲有一個驚喜喎,一路帶我行去電視櫃,嘩嘩嘩,係一扎花呀,哈哈,好令架,原來佢請左半日假準備呢d surprise比我,嘻嘻,多謝肥豬,上年真係好開心。
今年喇,我都係叫佢唔好送花,又係lunch時都有話佢幾句啦,但係就冇上年咁癲,一早知佢今年唔會請假架啦,咁就講好我地各自返屋企,我就去左街市買打邊邊既野,其實lunch都已經去左citysuper買肥牛架喇,要再去買下菜呀同埋其他配料囉,我好快好快就返到屋企,搞下nic nic啦,我就開始洗野,亞jim都返黎喇,好快我地就食我地既情人打邊邊晚餐,個湯底都幾好味,不過最好味都係o係citysuper買既芝麻醬,嘩,配肥牛真係好正呀,不過唔知點解我好快就飽喇,我就坐係sofa度睇電視,亞jim就同nic nic係咁食,佢地食完我就話要拆禮物
嘻嘻,第一份係一盒心型朱古力,個盒好情人節架,又心,又花,又紅色,食左一粒覺得好好味,我問呢間野係邊架,佢就話係ifc上面,我話冇人排咩,佢話冇呀,可能好貴啦,我就再問,下?好貴架,即是幾多錢呀?佢叫我估啦,我話200幾啦,佢話唔只,我就話300幾呀?佢話係呀,差不多400,嘩,真係好貴呀,得10粒架咋,都要398,我好珍惜咁慢慢再食多一粒,雖然nic nic好想食,不過我少少都冇比佢,因為好貴,同埋係肥豬送比我架,哈哈
第二樣就係gucci,係我自己揀既,不過亞jim買時打比我,話佢睇到第2樣,覺得啱我多d,我就話叫佢揀佢覺得靚既色比我就得,一打開係心心散紙包呀,桃紅色,其實我都係睇過呢個散紙包架,不過一來係zip,二來一定貴過匙扣,所以我都冇扭話要買,我一打開時唔係話好好好開心,亞jim以為我唔鐘意,其實我鐘意架,不過覺得好貴,唔想佢買咁貴比我,因為佢一早講左話買1k內既野架嘛,宜家咪過1k囉,好似好貴咁,所以我都唔知比咩表情佢,sorry呀肥豬,我鐘意架,我會日日用架,我知你都有留意我個散紙包好殘好舊,所以買比我,我知你好細心,我就已經好開心啦,卡卡,多謝老公。
最後反完一輪,我就係sofa訓左,跟住我諗亞jim執好晒d野就叫我入房訓,我地冇帶仔仔落街呀,不過佢尋晚都好乖,今晚最多早d落街,反耐d啦
總括黎講,尋日過左一個又開心,又飽,又warm,又有仔仔既情人節,我已經好滿足喇,哈哈

p.s.個散紙包背面有一條黑色花痕,今日要拎去換,今晚就可以用喇,卡卡

終於都等到喇

等呀等,等左差不多兩個月既snapshot同video終於都有得拎喇,不過佢地慢手慢腳,搞到裝橙個師傅要等我地成個鐘,我地仲要係打的的返屋企喎,不過算啦,my memory既相同video真係好有質數,d snapshot真係令到嘩嘩聲呀
我已經叫左可以揀多d snapshot架喇,不過多左,都係得13筒,有少少失望啦,我想多d多d再多d呀,不過真係超靚,同埋真係影到大家笑得好開心既一面,yeah,我地真係冇揀錯呀
至於個video都cut得好好,係唯一我想叫佢地改返敬酒個首歌,我想用返be our guest呀,佢地speed up既敬酒process,所以轉左用congratulations比我,唉~~我好憎呢首歌架,好好好老土呀,不過我打算比晒fd睇,我先拎去改,如果唔係,一比左佢改,都唔知搞幾耐先會比返我呀

媽媽!媽媽!

今日爸爸同我落街,我仲以為媽媽唔同我一齊,不過我行行下,有人嗌我喎,我睇唔清楚,佢好似係媽媽,我又唔敢跑但係呢個人又係咁嗌我,好啦,好啦,我跑喇,跑跑下佢又唔出聲,我就停左,都唔知佢係邊個,不過一陣佢又再嗌我,我再跑再跑,係媽媽呀,真係媽媽呀,點解媽媽唔係返屋企,我會係街見到佢既
我好開心呀,我係咁跟住媽媽,係咁跳,係咁反,就係咁,我同爸爸媽媽就一陣行樓梯返屋企,其間又見到好多狗,本來爸爸都唔拖我架喇,最衰又係個隻黑色狗啦,佢地兩個驚我比佢咬,所以次次見到都要拖住,不過行開左,我又可以自己行
唉,雖然落街好開心,不過一返屋企,爸爸媽媽又唔停咁執野,爸爸就係廚房,媽媽就係房,我陪爸爸,爸爸又叫我去媽媽度,去媽媽度,媽媽又叫我借借,唉,你地兩個想點呀?時時都搞到人地冇地方訓覺,真係激死喇
不過最終,爸爸媽媽食提子,係我最鐘意既提子呀,佢地都比左d我食,媽媽仲要同我去皮去核,好好味呀
爸爸媽媽,你地真係錫我喇,卡卡

2月份反指甲

唔得唔得,幾唔得閒都想寫下整甲甲既事,今次真係超好彩,約左同我fd一齊上去,佢仲要比我早到,我到時佢已經整緊,我要等一陣先有位,仲要係上次同我整腳個女仔同我整手,我初時都有d唔開心架,唔知佢會唔會好似上次整腳咁唔舒服,不過一開始同佢傾整咩花時,就覺得同佢ok啱傾喎,佢整個隻花都幾靚,原來就係維尼太話整個隻,不過唔同左色,又唔同左感覺,我覺得啡色好令喎
於是好快就決定畫呢個花,呢個Zoe做野真係好快好快,好勁呀,我居然係快過維尼太,可以畫花先,畫花就係另一個女仔做,得佢一個畫架咋,我畫緊時,維尼太先ready畫,不過就要等我得佢先有得畫囉,有一個時間,我係兩個人同我一齊整,所以超快,個畫花女仔好細心又好快,佢都唔算畫得耐,畫完真係好靚,冇錯,我真係鐘意啡多d,好襯我呀,初初我想同zoe一樣加紅色石,不過冇晒喇,尋日有個客用晒喎,咁我就揀左一粒橙,一粒黃,嘩,出奇地襯呀,真係好sharp
跟住我9點左右就可以走喇,維尼太先畫緊第一隻手,佢最終要10點先走,佢好嬲好嬲,佢話識我咋,如果唔係,佢一定發脾氣
不過以尋日咁多人黎睇,我坐兩個幾鐘就可以走真係好得同好good,真係好彩,如果我要10點先走,我就唔可以同nic nic落街lur
2月係我生日月,真係好運時時有,哇哈哈哈哈

去街去沖涼又去街

嘩!!今日好開心呀,日光日白就可以去街,好開心好開心
媽媽同我講,話今日去姐姐度沖涼,yeah~~好野,我已經好污jo喇,個身又有d痕,好野,可以去沖涼
今日媽媽同我係草地影左張相,好靚架,佢一路行,一路話我好乖好乖,hehe,我幾醒呀,反下行下,影下相,好快就去到沖涼姐姐度喇,咁我梗係入左去反反反,跟住等沖涼同埋等媽媽返啦
等到6點幾,爸爸媽媽反黎喇,我可以走喇
咁我又可以去多次街,行行行,又行返屋企,爸爸媽媽見到我就猛話我好靚仔呀,好乖呀,nic nic又點呀,nic nic又點呀,好似好鐘意我咁,返到屋企,我好眼訓,好快就訓左,不過佢地又唔知做咩,係咁執野,又放到成屋都係野,唉~~我都唔知訓邊好,最終我係浴缸訓左唔知幾耐,媽媽就入黎叫我入屋訓,我就中中下咁,入左屋,上左床同爸爸媽媽一齊訓喇
唉~~今日好攰呀,做左好多野,終於都有覺好訓喇

執屋的第一天

今日本來約左送燈黎架,不過佢一早打黎就話今日唔得,要約13號,不過我地13號要去my memory喎,宜家都唔知佢想點喇,總之我地就一定要新年前有燈啦,佢話會同我地安排,都唔知搞成點喇
唔好理啦,於是我地一家3口就係咁訓,係咁訓,訓到12點左右就起身,準備帶nic nic去沖涼,搞搞搞,約左兩點去沖涼,不過就兩點先出門口,是但啦,我地次次都遲架,嘻嘻,nic nic好開心,我地又好開心,佢自從星期四比我鬧完之後就好乖好乖,唔會發晒癲咁,我就同佢影左幾張相,佢真係好上鏡,好令仔架,卡卡
咁放低左佢,我地就放低d床單個d去洗啦,再去太興食野,跟住就去左apm行左一陣,再買左4個大櫃桶返屋企,嘩,我仲以為好易拎,點知好重架,好辛苦呀,好辛苦,好辛苦先拎左幾個櫃桶返屋企,再落坑口接nic nic,哈哈,nic nic真係大個仔,佢一見我地,就好開心,咁我地就一邊反,一邊行返屋企喇,行緊既同時,99就打比亞jim叫我地要快d去食飯,噓,又話8點食,7點9就打比我地話好快d到,次次都係咁,真係比佢反死呀
食完飯,我地就開始執屋喇,首先係我係房度係咁拎d monchhichi出黎掃塵,入袋再入o急,好不容易,我先將所有細monchhichi放晒入一個o急度,跟住就再執窗台既野啦,搞搞搞,搞左好耐,清晒個窗台,就叫亞jim換窗簾,換左之後靚左好多好多,個色舒服左好多,加上我地就好整齊咁放左d櫃桶上去,放間房好似令左好多咁,不過我真係好攰喇,一時間都唔知放咩入櫃桶好,所以是是但但,整到好整齊,我地就訓喇,nic nic都好眼訓,因為我地執野時,佢又冇位訓,訓左去浴缸,跟住到ok,我就叫返佢入房,佢就好嗲咁,我左我地一齊訓,嘩,好好訓呀,因為實在太攰喇

AIA嘉年華

今日終於都去嘉年華喇,我等左好多年架喇,同左亞jim一齊之後都冇試過有,所以今年有,一早就好想去,話去話去,都過左好多次話會去既日子,都係冇去到
所以係問左維尼太多唔多人既情況下,終於都揀左星期五放工去
好興奮,好興奮
一入去就反左d冇咩野既野,都ok啦,咁好反,不過好嘈,第二樣就反自己坐係度跣落去個game,好驚好驚,以為會好快,又以為會成個飛出黎,全部都唔係,我仲要比亞jim快過我,真係唔開心呀,明明係我落先架嘛,噓~~
再反,再反就係一個轉轉game,又係佢自己話佢反得,呢個好好反呀,不過佢反完之後就好似想嘔咁,面青唇白,真係幾掃興架,我都諗住走架喇,不過佢又肯陪我,咁就等一個好耐既game等佢休息下啦,不過等呢個game時好嘈,連我都好辛苦,anyway,反完呢個之後就反攤位,攞左隻都ok靚既mickey,都幾開心啦,咁都反下d低b game同埋跳樓機,再反埋有剩既代幣,我地就走喇
Yeah~咁又一day,雖然又唔叫得好好反,不過都ok啦,總算去過,都還左我一個心願架喇,同埋又有公仔拎走,真係好好架喇
多謝老公同我反左一晚,同埋掉到公仔比我,哇哈哈哈哈~

偷走上山坡

Hello,我係nic nic呀,媽媽好耐都冇幫我寫blog,有好多野我都冇講架喇
不過呢件事,我一定要記得呀
星期四,爸爸媽媽去左食團年飯,食完返黎就同左我落街,一如以往,我都係行返同一條路,不過今日唔知做咩,我學d流浪狗爬山坡,爬第一次,媽媽都嬲嬲地架喇,不過我都唔識驚,我行行下又爬,跟住媽咪好惡呀,佢捉返我落黎,要我sit埋一邊,仲要我stay,不過佢自己行左佢,我好驚呀,佢仲話唔要我,爸爸又企到好遠,我一跟住媽咪行,媽咪又鬧我,叫我sit,叫我stay,我真係好驚,唯有媽咪行一步,我就慢慢跟佢一步,好彩,媽媽唔係真係唔要我,佢都比我跟住佢,不過佢都仲係好嬲,唔彩我,我唯有一路跟,一路跟囉
返到屋企,媽媽都肯同我玩,好彩咋,如果媽媽唔要我,我就要做流浪狗,可能會變nic nic餅架喇