瘋狂蜜月之旅 – day 14 (再見東京,再見日本,再見honeymoon~~~)

鳴鳴鳴~~~今日要走喇,我既瘋狂蜜月之旅終於都完喇,唔駛呀,唔鐘意呀,我要住係日本呀,我一早講左,我今日要再去多次新宿架,我想買多一個袋呀~~所以今日一早起身就出發去新宿,不過未去新宿之前,我地係池袋行左一陣,原來池袋都真係有好多野行架,不過冇時間喇,去OIOI重要d呀,一去到新宿,我就去左小田急搵rebecca taylor既袋,好容易就揀啱喇,不過9千幾yen,冇得退稅喎,本來想買對絲襪架,不過都冇靚野,靚既就好貴,算啦,快快快周圍行下啦,買野好易姐
行行下,我就買左一個Jill Stuart既化妝袋,貪佢細細個,方便我有時用細袋用既,yeah~可以退稅喇,退完稅就早早地食完個lunch先再去OIOI,今日食左個喬麥麵,又再一次證明係日本,是但食d野都可以好好味架
食飽飽我就好興奮咁去OIOI,呢個地方我應該一早就去啦,差不多有齊晒我鐘意既野,下次黎我就識喇,第一個mall就行呢度,買唔到既野先再慢慢搵,首先上去睇black label,睇下有冇老公鐘意既jacket,不過都係冇喎,於是我就再去睇鞋,嘩,真係睇到我眼都花呀,好多都好令架,不過都幾貴,d boots下下都過2萬5架,我唔想再買咁貴喇,哈,行到得返10 min我要走喇,比我發現一對又令,又唔過2萬既boots,唔理喇,問下有冇size,我就即試,試完ok,我就比錢,我諗全程我只係用左5 mins去買咋,買完我就跑去退稅,退完就跑去JR站準備返hk,返到酒店lobby,我地拎返晒自己d行李,我就執好個袋同對鞋係d hand carry度,我個心一直都好驚overweight,等左一陣,好快就夠鐘上車喇,真係要再見日本喇
一路行一路都好唔想走,不過冇法喇,上左車我就訓左一陣,好快就去到機場喇,居然唔駛排隊就有得check in,d野一上磅我就好驚,死,一件都廿幾kg喇,再上,死~~再上,再死,想寄既野total係65 kg,咁我唯有好快咁話我pick up返d野出黎啦,其實pick up左d野都只不過係50幾kg,佢比我上機架,不過佢又唔比我拎得多hand carry喎,搞左一大輪之後,佢話要charge我8 kg,我問佢幾多錢啦,要15700 yen,好啦,都係千幾姐,比啦,比啦,唔好煩喇,不過睇睇個銀包,我已經冇錢,我得返14000 yen咋,咁佢都好好,佢自己減左我1kg,收左我13700 yen姐,唉~~好醜呀,我諗住留返萬既yen係機場買下野架嘛,宜家冇啦,冇啦,真係用晒全部錢喇,仲有千幾yen散紙囉,搞完一輪,去搵埋tokyo既pin就夠鐘入閘喇,行都冇得行,上機喇,bye bye japan~~~
BYE BYE~~

後記:落機既時候,大家姐同二家姐都比我地一共9件既行李嚇親,其實人地都唔係買左好多野之嘛,咁去14日,係咁上下啦,卡卡卡卡
當晚反行李,反到4點幾先完,大家都滿載而歸,我就攰到死左,是但執返d野入o急,我就訓喇,聽日仲要去湊nic nic呀~~~
一連14日既瘋狂蜜月之旅終於都完畢,呢次旅行真係我最最最開心既一次,由結婚同去旅行都係我最想要,最開心既事,我會永遠記住呢d開心,將來同肥豬又鬧交,又唔開心都好,只要一諗起我地結婚係咁開心就咩事都冇lur~~哈哈哈哈

瘋狂蜜月之旅 – day 13 (TOKYO DISNEYSEA)

尋日去完disneyland,今日再戰disneysea,一早聽人講,disneysea會好玩d,同埋有d刺激少少既野玩架喇,基於尋日只係滿足到我買既慾望,好多我地想玩既野都維修,今日都唔敢抱好大希望
入到去sea,我地都覺得新好多,唔知係唔係因為係hk反左好多次disney入面d野,所以去到land又唔係特別開心喎,係大左,靚左,多野買左,其他都冇咩特別
反而去到sea,成個主題都唔同左,好似開心d,同埋我冇咩買野,係咁玩,係咁玩,真係好開心呀,我地由左到右開始反,第一個想反既就係心心介紹我既跳樓機,不過好多人喎,攞左fast pass,我地就繼續去反,除左美人魚d小朋友遊戲冇玩,我地都差不多反晒所有野,仲要樣樣都係排10幾分鐘咋,跟住我又見到有攤位玩,係我最鐘意既chip & dale,係5週年架,真係真係好想要,就叫肥豬同我反啦,不過我地反左2000 yen都反唔到,唉~~~我放棄喇,去左食飯,今次係食咖哩,嘩,估唔到都幾好食喎,仲要平過尋日食既野,食飽飽之後,肥豬都仲想去win chip & dale比我架,不過又未行晒成個樂園,我唔想嘥時間玩,所有就算幾鐘意我都冇表現出黎,玩左其他野先再算啦
係sea入面,有個過山車係勁好玩,真係好刺激,仲有仲有好多其他都好ok既games,玩到我頭都癲埋,到左4點幾,我地就返轉頭去反跳樓機,嘩,雖然開頭要聽佢地講一堆唔知咩既解釋,不過坐低玩時真係好好玩,又有野睇,又有d驚,正呀~~~反完一次,見唔多人,我地又反,好啦,反完之後,我終於都扭要chip & dale喇,肥豬唯有同我去啦,我都預左反多3次都冇,我就唔要架喇,好緊張好緊張,終於都到我地喇,肥豬第一個就已經中左喇,我真係好開心呀,不過其實我係想要dale多d架,但係我講左要chip喎,個心入面諗,如果中多一隻就好喇,不過肥豬反完4個波都冇再中喇,我諗住佢再玩埋我個4個波啦,不過個姐姐唔比佢反,要我反喎,死啦,死啦,我唔得架,不過我都有盡力反架,第一個唔得,肥豬叫我再直d,唔好咁大力碌出去,好啦,我又再試,哇哈哈哈哈,我…我…我居然中左呀,哈哈哈哈,比起肥豬中,我仲開心呀,佢都好開心,最終我就拎埋dale返屋企喇,係我仲有兩個波可以反時,肥豬仲叫我中埋去,不過因為已經中左,我就開始亂黎,當然冇中啦,中左一對我都已經開心到不得了喇,居然比我夜晚晚時中晒兩隻,卡卡
就係咁,我帶住兩隻chip & dale,好開心咁離開disney喇,真係要走喇,唔知幾時再黎過喇,bye bye disney
出返市區,我地就去左二家姐強烈推介既無敵家食拉麵,真係好多人,不過又真係好好味喎,我諗我地等左半個鐘啦,不過一入去見到自己碗麵就知道等下都抵喇,可惜今晚已經係最後一晚喇,冇機會再食,下次去日本先再食過啦
返到酒店我打左比家姐叫佢聽日黎接我,之後就上房執執執野,唉~~~真係好驚overweight呀~~~救命~~~

瘋狂蜜月之旅 – day 12 (TOKYO DISNEYLAND)

嘩哈哈哈哈,終於都去我由細到大都好想去既tokyo disneyland喇,一連兩日,我都會係disney出現,今日去disneyland,聽日去disneysea,飛仲要一早係hk買定,因為我怕佢full,冇得入呀
一早好興奮就去啦,點知去到先知,搭mickey車要比錢既,點解唔係好似hk咁,唔駛錢架,不過是但啦,唔通唔搭咩(原來真係可以唔搭架,可以只係行入去,總之就唔比個400 yen啦)
一落車我就好興奮,係咁跳係咁走,一入場就見到我既最愛chip & dale仲有個隻女仔,不過影左出黎,個女仔好醜好得人驚,哈哈
影完chip & dale,我居然唔記得左影花圃呀,不過算啦,好似hk個花圃令d,好啦,首先我地就去tomorrow land,我最想就係去space mountain,噓~~~死咩,維修,亞jim就話想反巴斯啦,哈,冇人排既,唔知點好,睇3D個度又好多人喎,我地唯有去第二度啦
第一個反既game就係馳車天地,唔好反既,好臭同埋慢,又唔可以撞車,所以有d失望
Anyway,我玩下又影下相,又買下野,都可以好開心架喇,最開心就係買左beauty & the beast入面個tea pot同杯囉,真係好靚架,um..仲有就係買左好多accessories,耳環呀,扎辮呀,同掛飾我都啱呀,仲有仲有,仲有一樣好開心好滿足既就係同左7個小矮人影相仲有木偶呀,呢d公仔hk都係未架,同佢地影到真係超開心呀
Um…玩完一輪就去左食野啦,冇咩特別,都係一d又貴又唔係好好食既野啦,食完野又反一輪,好快我地想反又有開既game都反完lur,咁就出返大街一間連一間既shop再行行行,不過已經冇咩好買喇,野食我又唔啱,只係買左d好令既相簿囉,400 yen一本,都ok啦,放下平時d相都幾令架
我初初仲以為tokyo disneyland係好似hk咁,有煙花,原來佢地只係有夜晚巡遊,不過我地冇睇呀,大家都冇興趣,反完,買完,我地就走走走
夜晚返池袋去左餃子城同雪糕城,d餃子好好味呀,不過食下食下都幾貴,食下幾百蚊都唔係好飽,再去雪糕城揀雪糕啦,不過我揀個d唔係好好味,我又咳,冇食晒就走lur,拎左上酒店,不過佢地既命運都係冇人要,到最後一日時就比我地掉左lur

瘋狂蜜月之旅 – day 11 (台場)

去到day 11喇,去左東京1日半,我都已經買買買,買左好多野架喇,由於蚊蚊差不多用完,所以唯有發晒癲咁去搵plus機去拎多d蚊蚊黎用啦
好不容易,我地先搵到間citibank,好彩佢地d機有plus咋,我先成功拎多10萬yen出黎用,卡卡
拎完錢,成個人都開心晒咁出發去台場喇
我時時都以為台場只係有彩虹橋睇,係好悶,冇野反,冇野買架,初初去到,我都覺得係冇野買架,因為個mall冇咩人,好似10年都唔會有人黎咁
不過行行下,比我見到有間好大既jelly beans喎,好鬼開心呀,不過亞jim話要搵路去影左相先比我買野,所以我好唔願意咁離開左jelly beans,周圍行去沙灘影相,好彩都唔係好難搵
嘩,去到沙灘,好死大風又好死凍囉,我又唔覺得好令好浪漫,係我一路鬧一路行又一路影既情況下,我地又好好彩見到有鬼佬經過,叫左佢同我地影左兩張相,嘩,鬼佬真係唔同d架,d日本人真係唔識影相,次次都懞架,個鬼佬影得好之外,仲好醒咁同我地影左一張大頭,一張全身既相,哈哈,真係開心呀,影影影,影完同凍完之後,我就衝返去jelly beans買鞋喇
今次我就買左一對黑色boots同一對spring collection既高踭鞋,對boots其實我麻麻地鐘意架咋,不過見平同埋聽日就去disney,我真係冇時間再睇鞋喇,所以點都要買一對走架,就算個size係大左,我死都要買對鞋墊,令到我啱著對鞋,哈哈哈哈
買完鞋就去左disneystore睇野,應該係啱啱出左情人節既精品賣啦,比我係札幌見到既多左好多野賣,我當然係忍唔住買左好多野,不過多數都係相架囉,同埋有d公仔我都好鐘意架,不過真係拎唔到喇,同佢地影下相留念就算喇
買晒野,我地就去搵野食,今日食呢餐唔係好好味,不過亞jim見有銀雪魚,所以諗住同我食囉,是但啦,食完我地就出發去sega反喇
一入sega就好興奮,雖然佢已經開左好耐,不過我未去過嘛,一見滑板我就衡左埋去反,嘩,連我呢d反開轉轉轉都唔怕既人,呢個game居然反到我想嘔囉,真係好癲,好彩亞jim冇事咋,反完兩個game,我覺得要拎住大大小小既袋真係好煩,所以就將所有野都放入locker再反過,期間有間鬼屋亞jim好想入,不過我真係好驚,個女仔仲同我講just walking,不過問問下,佢話會有鬼走出黎,我就即刻唔敢入喇,經亞jim講左好多次,我都係唔敢入,最終我地就跟左一班日本仔去左只係聽野個間鬼屋,雖然係聽,不過都ok恐怖架,呢d野試過就算啦,我真係好怕要自己行既鬼屋架,下次有機會,jimjim你先同第二d人一齊入啦,我真係好驚呀
反完sega都差不多5點喇,我地就去搵pet city,未到pet city就去左車展到影左幾張相,好彩我呢個老公又唔係真係好好好鐘意車,佢睇左一陣就走喇,如果唔係,我會悶死囉,去到pet city,佢已經好攰,我就叫佢坐出面等我,我自己就入去買野,d野都唔係好平咋喎,大阪個間犬平好多,所以我都唔算買好多野,不過d野都重架,係回程既時候,有d人就發脾氣,最終當然係比我鬧到半死啦,同埋發脾氣咪又係要拎野,唉~~發都冇用架啦
佢拎住一袋袋既戰利品返酒店,我地諗住係sunshine食dinner啦,點知好多都收左,同leaflet d時間都唔同既,咁是但入左一間係拉麵,都ok既,唔會話好好味,不過一定唔係唔好食囉
食完之後就返酒店,準備一連兩日既大戰迪士尼

瘋狂蜜月之旅 – day 10 (原宿+上野+池袋一日遊)

一早我同亞jim都話原宿應該唔多野行,我地可以半日就ok,再去上野食零食
好,所以一早去原宿,一出街,都有幾多著和服既女仔,唔知係唔係因為成人日,仲多過新年喎,有d係幾靚架,不過有d就好唔得囉
好啦,去到原宿,我仲以為自己冇野買,不過都買左d野呀,一出發我就去左gap諗住同二家姐買褲啦,點知佢就買唔到,我自己就試試試,買左條skinny牛仔褲,好型,好fit,著到好slim,正正正,雖然我一直都唔想買太貴既牛仔褲,不過真係好令喎,又唔係好貴姐,都唔駛一萬yen,所以就買左喇
再行啦,睇左puma,亞jim好鐘意,不過佢又話唔買,咁就再行再行,行行行,去左black label,佢想搵佢鐘意件jacket,不過一樣啦,都係冇3碼喎,佢又再次失望,到我,我又上去blue label,呢間好大呀,我都冇打算買野,不過見到有個好特別既袋,又唔係貴喎,我打算買返hk賣架,不過宜家大家姐就要左囉,個袋真係好令架,係深藍色,不過條皮係閃藍黎架,好令,我估hk人一定鐘意,不過算啦,家姐鐘意就讓比佢啦,咁行完一條又一條既街,都冇特別野鐘意,咁啱見到有anna sui,我就入左去買左少少野送比朋友,跟住就走喇(宜家有d後悔唔買多d anna sui野,原來係hk買係貴好多,唉~~勁死),再去puma,亞jim終於都買左對鞋,佢話好舒服架,雖然我好想買,不過算啦,佢有就得啦,我都係唔要喇
我地就難開左原宿,去上野食零食,仲食埋魚生飯,fei e又話d 魚生飯好好味,一d都唔好味,凍冷冷,食到我地兩個咀都Y埋,不過算啦,都叫食過啦,同埋又真係好平既,500-600yen又一碗,去到二木果子都真係有d興奮,真係好多人同埋d野又真係平喎,買買買,買左兩大袋,成18000 yen,真係唔得佢死,亞jim話重到想死,所以我地就返酒店放低d野,再休息一陣先再出發
今次就行下池袋囉,去左seibu,死囉,一d都唔好行既,賣d野又唔靚,再行再行,去左tabu就好好多喇,見到有jill stuart同vivienne westwood既counter,不過居然冇買野,真係奇喇,唔知係唔係買左好多化妝品,唔好意思再買呢?
跟住就再行多左一陣pacro,買左幾對耳環同扎辮辮,好鬼靚架,我揀既多數都係蝴蝶/花囉
好快又到8點既喇,跟住好似去左松屋食飯,就返左酒店反執野lur,咁又一日,又用左好多錢,所以我聽日一定要拎d錢先可以再去台場,如果唔係,去disney唔可以買野架喇

瘋狂蜜月之旅 – day 9 (東京,我來了)

今日一早就搭機場巴士去機場,尋日睇電視都知札幌大雪架喇,點知一夜間,條街d雪真係多左好多,好彩班機就冇delay,不過好衰唔衰,overweight左好多,同個唔係好識講英文既女人講左好耐都唔知講咩,最後我死都唔肯比錢,佢就叫我pick up返5 kg出黎,就比我上機,好啦,好啦,我就拎左d衫出黎,就ok喇,原來我地d行李已經係65 kg喇,都唔知點算呀,我仲要去東京買買買架喎
好啦,好快就去到東京喇,都係同上次一樣,坐內陸真係好辛苦,隻耳仔好痛
係東京落機,又好好彩,仲有10分鐘我地架巴士就開,所以唔駛等都有車去酒店,一去到酒店就check in啦,放好晒d野,我同亞jim就換新褸出街,好興奮呀,終於都到東京喇,係人都話好正,好多野買,我好緊張呀,我仲未買小仙女個袋架
好喇,我地出發喇,去左新宿先,不過去緊池袋站時,我已經好緊張,唔知點咁,又想睇,又想快d去新宿喎,不過我好快好快都係池袋買左個voilet hunter袋,快到嚇死人,唔夠5分鐘就比錢,跟住就搭JR喇
去到新宿,第一站就係去小田急,係小田急都想買blue label比二家姐同大嫂架喇,不過又好似去伊勢丹好d喎,but沿途我都去左my lord既as know as買左一大堆野,好開心,試試試,試完一堆都係out左一見咋,買左一條褲,3件衫,跟住行行行,又有一間買jelly beans架喎,好想揀揀揀,不過都係行多一陣先啦,但行左一個圈,我都係好想買,就試試試啦,好快好快我就買左一對boots同兩對鞋,卡卡卡卡,於是行完my lord。
就去去去第2度啦,去到伊勢丹,嘩,好多港燦,又逼,d sales又冇禮貌,所以一邊行一邊就鬧鬧鬧,blue label d野又唔啱啦,我就同亞jim去左black label睇,買左條tie,跟住就走走走
再戰小田急,再左小田急blue label,揀左一個袋係幫二家姐買既,一個係買比亞嫂既,跟住我自己又鬼鬼鼠鼠,買左個心心key chain,哈哈,好開心比完錢,就跑去退稅,就係咁,係新宿度起碼放低左10萬yen呀

瘋狂蜜月之旅 – day 8 (再見札幌)

係登別出返札幌,我地就返酒店啦,個時都好早姐,今日仲可以行行行,好開心呀
返酒店check in左先,噓~~呢間房唔係package包架,即刻由有偏廳兩張大床既房變左做得一張兩人床既房,好細呀,點放野好呢?真係有d難度呀
唔理啦,今日都要出去行下架喇,下晝去左食吉列野,好好食架,一人都好似唔駛100蚊,上次係hk食,一人好似要成200架,係日本食野都唔係好唔抵姐,都幾好呀,食個lunch要100係貴左d,不過去旅行就係咁架啦,平過香港就得啦
我都唔記得為咩又鬧交,總之就係嘥左我一日啦,噓~~~
食飯就面左左,跟住我想行街呀,又樣衰衰,仲要係loft度自己行開又唔出聲,又唔認錯,人地想係loft買相簿同貼紙架,冇啦,冇啦,掛住嬲,又冇揀,又冇買,唉~~激死我呀
我都唔知由幾時開始就好返,跟住去左買左個1980 yen既o急,超輕好似就散咁,跟住放左一早係gap買比ann ann個女既衫仔啦,同埋放左我地d羽絨入去,跟住行呀行,我一直都好想買jelly beans,不過又唔知邊度有,行行下,嘩,好大隻jelly beans既舖頭名呀,我好緊張,係咁睇,係咁睇,試試試,試左兩三對就決定左買對金色,唔知點解冇端端隻腳又細左,明明平時著23cm架嘛,宜家要22.5cm先啱,真係奇呀,其實仲好想揀架,不過都係個句,去到東京再買啦
Um…仲有就係去左as know as買左條褲啦,好似係咁上下喇,跟住就去左食拉麵,今次係去好似拉麵橫丁既地方,有幾間,我就揀左一間,好開心,一入去有d坐地下既位,我地就梗係扮下野,坐下地,食完就返酒店,乖乖執野,聽日準備去東京喇

瘋狂蜜月之旅 – day 7 (登別篇)

今日一早落左酒店餐廳食早餐,真係連早餐都好食d架,唔係自己拎架,係有日同西揀,我就揀左西式,肥豬就揀日,不過我個好味好多,卡卡卡卡
10點幾我地就搭酒店車去車站,不過尋日講好左,我地今日再去整音樂盒同埋買多個相架比99,點知原來行好遠,我地行行行,行左好耐先到,其實已經冇時間,好驚趕唔切出返札幌坐車去登別,因為唔坐酒店車,自己比錢,要3980一個人架,所以肥豬都算整得好快,同我求其,不過都總算整左個豬豬音樂盒比我同埋用左我另一首鐘意既歌,就係make wish upon a star喇,嘻嘻,豬豬都係為左我,先快快快整架咋,同埋都總算買左野比99,唔駛再時時掛心
我地已經係搭的的出返車站,不過都知係遲架喇,所以亞豬就睇左好多次本書,佢發現除左3980個隻車之外,仲有一架巴士係1900 yen,咁我地就搭呢架啦,一出札幌站,我就好快好快將係小樽買既野放入locker,第日先拎返,之後就去搵車,都好易搵姐好彩,同埋當時係點半,一日先得一架車,好彩係兩點咋,我地仲有半個鐘時間,於是就去左麵包舖買左d包同野飲上車食
一路上登別,架車總係好似好凍咁,唔知係唔係我坐窗邊,d風走左d入黎,我一路都係蓋住羽絨黎訓,訓下
到左登別,一落車就好凍,不過咩都唔好理喇,好彩間酒店都好近車站,我同肥豬一支箭咁入左酒店,跟住上房,放好晒d野,我地就係溫泉街睇下野,影左幾張相,同埋我買左少少手信就返酒店浸溫泉
男同女要分開浸,一早我都話悶架啦,不出所料,雖然有好多種唔同既溫泉,又有露天,不過我真係覺得好悶呀,又冇令既東洋魔女睇喎,我反左半個鐘就上左房訓覺,肥豬就反左好耐先上黎,佢一上黎就話好好反,我就唔理咁多,一邊睇電視一邊中中下,咁佢休息左一陣就去食飯,車,酒店d野又話好食喎,都唔好食既,又多人,又唔知點咁,我地是但食左d野就返上房睇電視喇,我都唔記得肥豬仲有冇去反多次喇,呢日我就好早訓啦,第2朝因為男女既地方調轉左,所以我一早叫肥豬再去反多次,我就冇興趣喇,我係房執下野,準備走好過呀~~~

瘋狂蜜月之旅 – day 6 (小樽溫泉酒店篇)

反反反,反左一大輪,買左一堆野就返上酒店,上到去同個唔係好識英文既reception講左好耐,先至可以book到時間聽日坐車走同埋食dinner,好啦,好啦,佢帶我地上房喇,嘩一上到去真係令到嘩嘩嘩,不過有人係度,我地又冇失禮,不過個staff一走左,我就飛左上張床度碌碌碌,真係好舒服呀,好似皇宮呀,我地執下野呀,搞呢樣搞個樣,好快就食飯喇
餐飯又係傻架,係有專人serve啦,仲要係食好西餐既西餐,由湯,starter,主菜同甜品,一樣一樣上,樣樣都好精緻又好味,連d包都好味過人架,我地每食一樣野都好似食神咁,個頭頂有花架,真係好好味,好開心,好滿足,卡卡卡卡
食完之後,我就行下間房,影下今日既戰利品,跟住休息一陣,我就沖涼,浸溫泉,嘩,一坐低係泉水入面,我就開窗,嘩,個頭好凍呀,不過個身好舒服呀,仲有呀,仲有呀,個夜境好令呀,真係好嘆,好開心,我大大聲叫埋肥豬入黎浸,我浸一陣就出去訓下,訓完又浸多一陣,就係咁,過左我地第一日既溫泉日,係房浸,真係好開心,又可以傾下計,又可以睇下夜境,真係人生一大樂事呀~~~

瘋狂蜜月之旅 – day 6 (小樽篇)

今日終於都去小樽喇,好野,可以去整音樂盒,雖然之前技安都已經同我講,小樽一d都唔浪漫,個條運河唔知有咩靚,不過我都好想去整音樂盒同埋睇下有冇好令既玻璃製品買下咁囉
10點幾,我地係酒店食左早餐,又放低左d大舊行李,只係拎住出前一丁o急就展開我地一連兩日既溫泉之旅,第一日就係小樽,拖住個o急行去搭JR,上左一架特快既車,我唔理咁多,一上車就訓訓訓,訓到咁上下,肥豬整醒左我,我就見到滿地雪既景象,唔知我地係唔係到左小樽呢?好似好令,好似好浪漫喎,不過見d人又好冷靜,都唔多人落車,我就再訓,肥豬就影影影(唔知佢影咩),到好似差不多,我就聽到廣東話,於是我就同肥豬一句野都冇講,就行行行,行出車站
我一早估小樽點都會凍過札幌架啦,好彩叫亞豬袋多一件外套,凍起上黎都有得著咋,我地係JR站買左兩支熱既綠茶上路,又幾好味喎
基於我地唔識路去酒店,所以就打的的去,原來要上山,不過就都幾近,係呢段咁短既路程,都搭左我地差不多2000 yen的士,真係唔得佢死,我諗係香港,應該係30蚊內囉
唔緊要啦,上到去已經覺得好令架喇,不過未有得check in,又夾唔啱佢地shuttle bus既時間,所以佢地又call左的士比我地落返運河行街
首先去到就去左咩海鳴樓個度睇野,本書明明話有得整音樂盒架,不過都好似冇咩人咁既,行行行,有得整喇,d野都唔令既,一d興趣都冇,唔緊要,好似有間大d既shop架,我都仲充滿希望架
跟住我地再去運河,嘩,死咩,好死‘sin’呀,真係唔得佢死喇,我一路行就一路鬧,死咩,浪漫浪漫,一d都唔浪漫呀,好驚呀,好驚成個訓低呀,是是但但咁影左幾張相就算
影完相,我就發下脾氣,又話肚餓,又話凍,又話悶,咁肥豬一定係安撫我,同埋同我去食野架啦,去左小樽運河食堂,行左一個圈,有一間拉麵店好似好出名,好多人排隊,唔係好想排,於是就去左一間都坐左好多人既拉麵,一入去就見到4個港燦,講野大大聲好失禮呀,我同肥豬又係一貫作風,唔出聲,唔想比人覺得我地同佢地呢d港燦係一樣既,呢碗麵又幾好食架喎,d味濃過我地係大阪食既麵,都唔錯,係日本,真係是但一間拉麵都好味架,d蛋又正呢,係糖心蛋,連埋d麵一齊食,真係好好味架!!
食飽飽,我就話我要去整音樂盒,沿途有好多咩咩哨子店既舖,入第一間覺得,嘩,好靚喎,不過我唔會買返屋企架,只係睇下,不過成條路實在太多,又好死悶,我又一路行,一路um heat heat,肥豬都冇我符,唯有比我扭,同埋話比我知好快到啦,好彩中途有間朱古力店,我就入左去買左d朱古力去,係入面都試食左好多,真係貪心,哈哈。
行行行,真係行左好耐先去到整音樂盒既地方,我唔理咁多,一支箭咁跑左上3樓,係咁除褸,手套同頸巾就話要整,咁肥豬就同我睇野,我就去揀揀揀,揀下d材料啦,嘩,真係好開心,呢度d野令好多,我初初揀左對結婚公仔架,不過睇睇下又好似唔係好令,所以最終就揀左chip & dale喇,我既主題係森林,有樹有草咁囉,音樂就揀左beauty and the beast,卡卡卡卡
揀好就比錢,比左錢就開始整,我整到好混亂呀,反反反,原來我反左一個鐘囉,不過呢個鐘,係我暫時係小樽最開心既一刻,我一直都好想整音樂盒架,終於都整到喇,整完之後要等半個鐘先可以拎走,所以我就落返樓下睇下野,最終我就買左個相架比姑姑同埋買左兩個相架同一個飾物盒比自己,哈哈,都算有收穫,又唔係貴,全部加埋好似都係6千幾yen,ok啦
好快就半個鐘,我地就去拎返個音樂盒啦,咁想走架喇,不過肥豬又話想等到5點影下個蒸汽燈喎,因為天黑晒又凍,我唔同佢係出面癲,我就繼續睇下人地d音樂盒,哈哈,對於一個shopping魔,比我再行,我當然又買野啦,比我搵到個好啱小仙女既裝飾,佢一早比左1000 yen我,叫我幫佢買d令既野,好啦,呢個係out bud,不過佢結婚我都冇買野比佢,多左出黎既,我送比佢囉,於是就揀左呢樣野啦,再睇多兩睇,點解有monchhichi架,再睇真d,嘩嘩嘩,係我好想買既北海道版音樂monchhichi呀,我係hk見過一次,不過肥豬唔比我買,跟住我想買,已經冇再見喇,上網就買左個冇著衫既,宜家終於都比我搵到喇,唔理咁多,買買買,比錢時,肥豬就返黎湊我,買完,反完又影完,我地就打道回府喇。

瘋狂蜜月之旅 – day 5 (魚生飯驚雲)

入左魚生舖就有人問我地要咩,我好快就揀左個5色飯,係有唔碗仔飯架,有蟹肉飯,帶子飯,海膽飯,魚子飯同一碗蟹湯,亞jim就要左碗三拼,有蝦,帶子同海膽,仲有我叫左兩隻燒帶子同埋一條燒魚,首先係黎左燒帶子先,嘩,大大隻,好好味呀,又熱辣辣,真係好味到不得了,跟住就係魚,亞jim個飯,等等等,等左好耐都冇我個飯喎,再問一問原來係冇落單,不過唔緊要啦,再叫,再食,嘩,食食食,好開心,真係好味,不過我地食完,行左一陣街,大家都話有d肚痛,好驚呀?!唔通我地中左毒? 其實都係有驚冇險,可能係我地驚姐,行多一陣,咪又係冇事,本來打算行狸小路,不過原來好悶架,所以好快好快,我就去左東急,睇blue label,哇哈哈哈哈 其實一早去大丸時都睇左一次架喇,不過d款又唔知新唔新喎,都係諗住去東急再睇下架咋,又見到我鐘意個袋呀,個sale又係咁讚人kawii喎,跟住我睇下d衫,佢又好熱情介紹,不過我就唔係好識聽囉,好啦,好啦,比佢讚讚讚,講講講,我就決定買個袋,跟住再係度唔知想點,又再睇下件衫,唔得喇,真係好鐘意呀,所以就買埋件衫,其實一直都擔心件衫細,不過返去酒店試,又ok喎,唔算好細,好野,終於都有一件blue label既衫喇,哇哈哈哈哈 跟住好似有去JR tower行下,又去左disney store買野比bear bear同小鴨,跟住我地好似去左雪印食雪糕,食完我地就返左酒店放低d野,同休息一陣,遲少少再出去行過。
好,休息完畢,我地就出去食dinner喇,今日係去食和牛呀,不過行行行,行左好耐都搵唔到係邊,好down呀,問人,有人指左我地去一個方向,不過都搵唔到,又再問,今次係三個小妹妹,佢地好好,一路帶我地行,行左一大個圈,又返去我地問佢野既地方,跟住佢地就幫我地打電話去問,好野,終於都搵到喇,真係好多謝佢地,日本人真係nice呀,佢地都用左over 15 mins帶路,好好好好,多謝晒 入到「禪」,我就比左張coupon佢,問佢有冇優惠啦,原來都只不過係食和牛既價錢送多碟壽b你食,是但啦,我決定要第二高級既黑毛和牛放題,一order左,好快就黎喇,個女仔仲同我地放好左d蔬菜係個爐度,d水一滾,我地就食牛喇,只係睇個樣都覺得好琳,好好味,黎喇,黎喇,我食喇,嘩,一放入爐就已經熟喇,再放入口,um….真係好好好好好好正呀,又有牛味,又琳,又滑,真係好食到不得了,本來亞jim仲係咁影我架,唔得喇,我叫佢唔好影,快d同我一齊食食食啦 就係咁,我地食食食,一共食左人地6碟牛,我諗我地都返本架喇,嘩,好飽呀,好開心,好滿足呀,哈哈 返酒店途中,我地就再去影時計台同大通公園既夜境,ok,禮成,返去執野,聽日準備去小樽!!!!

瘋狂蜜月之旅 – day 5 (札幌shopping日)

到左札幌既第二日呀,今日酒店有早餐送,所以我地都有去食少少野
今日既行程係周街行,不過lunch就想去二條市場,順便去下時計台同大通公園影下相咁
好,未夠10點我地就出發,go go go!!!
由酒店行去大通公園條路,一定會經過大馬嬲同埋西武架,咁我都唔打算去行街住架,不過行過大丸,見到有人排隊等開門,我咪又排下囉,又唔係多人,又唔知佢地等咩,好似好得意咁
當時係就快10點,有d staff走出黎,開門啦,不過d人都唔入去架喎,個staff講講講,講左一輪野,跟住佢就向後行,示意d人可以入喇,嘩,初初d人都冇野架,一可以行,佢地就衝衝衝,唔知衝去邊,我同亞jim就係咁笑,又係咁跟人行,原來好多個門口都排緊隊,四方八面都有人衝上電梯架,我地仲拍埋movie,真係好好笑
好啦,我跟d人衝衝衝,真係唔知衝左去邊,上上下,上左去童裝,我就唔啱睇,所以落返下面啦,最終我冇同佢地一齊搶衫,不過我搶左一個anna sui既斜咩袋,白色,d皮好軟架,原價係3萬幾,宜家折左退埋稅就2萬都唔駛,都ok啦,又唔係好好好抵,不過都值,d皮真係好靚,本來想揀下絲襪架,不過我又一早將個袋將單退左稅,絲襪又揀唔夠1萬,所以唔買住,gogogo,下一站西武。
未入西武就比隔離座loft吸引左,行左入去就見到我好想買既日本甲甲貼紙呀,石呀,珠珠呀咁囉,跟住我就揀呀揀,係咁揀,揀左一大堆,咁又因為我地兩個都覺得個頭凍,所以就去左揀冷帽,係咁反,係咁反,我就買左一頂黑色懶令既,亞jim就買左頂黑灰色,帶左成個二世祖咁,哇哈哈哈哈。
跟住就過去西武,一行就見到有間agnes b,我就叫亞jim問下有冇退稅,有得退我就買買買喇,一問就知有啦,仲講埋係幾多樓,我二話不說就拎住要買既袋同sale講,我要兩個,一個黑色係幫人買,一個啡色係亞jim既,不過out of stock喎,我地都有d失望架,不過個sale好醒囉,即刻拎左個連display都冇既new color出黎,係杏色,ok,幾令,就買買買,唔駛5 mins就買左兩個袋,幾勁呀,跟住就去左退稅,之後就繼續去時計台方向出發。
途中又跟過間丸井今井,其實係好國貨架,不過見凍凍地,咪入去睇下有冇絲襪賣囉,嘩,點先呢度好多款,揀揀揀,揀到多過1萬yen,於是就比錢喇,好開心,買買買,反反反,拎到一手都係野,哇哈哈哈哈。
買完一大輪,終於都去到時計台影相,影完再行過d就係大通公園,又影影影,好鬼凍呀,影左好鬼耐,我開始唔耐煩,所以我地就繼續出發去二條市場睇魚生。
都唔係行左好耐就去到目的地,當時大概12點幾1點啦,好多crab呀,不過好似冇人買,冇人食咁既,我地好驚,不過都行行行,睇下見唔見魚生飯先,行行下終於都搵到,不過又係好似唔係好多人,我地好驚,企左係門口好耐都唔入去,我叫亞jim決定食唔食,因為我又唔係真係好好好鐘意,如果驚,我係可以唔食架,佢本來都話唔食喇,走啦,不過當我地想走時,就有個香港女人同我地講,食啦,唔驚,好好味,好新鮮,d海膽好正,帶子都好好味,黎到就試下啦,咁比佢講一講,又真係好想食下,臨入去之前,個女人仲同我講,你地係唔係住keio plaza架,今朝好似見過你地呀?我就話係呀,我地都係住個度架,咁同佢say bye,佢就走左,我地就入去食,其實我心諗,好驚呀,我都好似冇見過你,點解你會望到我架,唔通我真係咁靚?哇哈哈哈哈

綿綿頭上飛花的rera outlet (瘋狂蜜月之旅 – day 4)

去到outlet,個個都好似識路咁,係咁行,係咁行,我地就跟人行,第一站就係adidas喇,一入去,嘩,好多人呀,好似好好反,d人完部都一大袋野買走既
首先行左男裝先,我一眼就睇中左件橙色外套,好型呀,我二話不說就叫亞jim試,佢本來唔想要架,又話貴又成,我唔理佢,一手就放左落個籃度,我同佢講,拎住先啦,一陣唔鐘意先唔要啦
跟住再行,見有件白tee啱’爸爸’,又唔係好貴,就買呢樣比佢啦
再睇再睇,鞋又唔係好靚,咁我就睇女裝喇,d女裝都唔係好得,不過o係唔係好得既情況下,我都揀左一件米白+藍既外套,呢d款我想買左好耐架喇,不過一直都覺得貴貴地唔買之嘛,宜家好似200多d一件,ok啦,就係買左3件野喇。
跟住我地一出去就見到落雪喇,真係好開心呀,落雪,係我真真正正第一次見,好靚,好靚,好浪漫,我地兩條港燦就係咁係度影相,係咁笑,d人唔知會唔會以為我地係傻既,哈哈
再戰edwin,入去係因為想買牛仔褲比小鴨,不過未見童裝時,就發現有件橙色sweater好啱二家姐,佢話幫佢買架嘛,咁度一度啱身,就拎走喇,再去睇牛仔褲啦,好快就揀左兩條slim比小鴨,又平又靚,抵抵抵呀
再行,再行,都唔知係咩舖頭,不過我就買左一件白色毛毛背心,好平,2100 yen咋,靚過big six個d好多,跟住又買左一件Cinderella tee比自己同埋一件Donald tee比大家姐。去到levis,好想買條牛仔褲,不過試來試去都唔啱,又唔想係outlet買d唔係平既野,所以都係走走走
第2間令亞jim癲左既shop就係nike,佢一入去就好開心,就話死啦,有好多野想要呀,我就叫佢慢慢揀,唔好急,衫,佢就唔啱架喇,係鞋囉,佢睇左好耐都唔知要邊對好,我就同佢揀左一對啡底白tick既,仲同佢慢慢試size,終於都有一對好fit喇,咁就買買買啦,本來我都睇中一對架,不過睇睇下又唔係真係好鐘意,費時拎喇,所以冇要。
係nike出黎,好似仲大雪左,又啱啱日落咁,真係靚到不得之了,咁我地又係咁影相,又叫人同我地影,我地發現d日本人係唔識同人影相架,佢地影得好怪,不過是但啦,叫多幾個,都有一個係正常既,嘻嘻
影影影,買買買,反完一輪,我地就返機場拎返d行李去酒店,我初初仲以為去酒店d巴士好密,原來我地要等9個字先有車,不過都冇法啦,等啦,反正就算宜家即刻有車,去到札幌都係冇野行架啦,當時已經係6點幾,出得市區都7點幾8點架喇
係等既時候,我就出動埋個出前一丁o急仔,死啦,我地係outlet買既野都裝滿一小o急喇,宜家d o急真係好full,都唔知仲可以點買野,唉~~
我見有時間,我就打比二家姐同佢傾下囉,一陣係酒店唔駛再打呀嘛,咁反下,又食下,又傾下計,好快就有車喇
嘩,一上車,一車都好似有病咁,後面個亞伯係咁咳,係咁咳,搞到我對札幌既感覺好差,一路搭車又驚喎,又唔知去到邊,又黑麻麻,總之我就係訓下又醒下,又好擔心咁,不過坐左個幾鐘,終於都見到d好似樣既野,有百貨呀,有d大d既酒店呀,咁我先安心d,我地酒店係直接有個機場巴士站架,所以一落車,就有人幫我地拎d野去check in喇。
哈哈,呢間酒店d人好勁呀,d英文好好,好易聽,好易明,大家溝通得好好,咁bell boy就帶我地上房,嘩嘩嘩,間房好大,有偏廳架,個bell boy一走,我就癲左,係咁打開d o急,係全部可以打開晒,唔駛一個個開,好good呀,不過我都係反下姐,反完一陣,我好快就著好衫,話要出去食飯喇
原來我地酒店行出去,話遠唔遠,話近唔近,都要凍一輪架,今晚就是是但但係地下街求其食飽就算,聽日就係我正式係札幌shopping既一天喇。

瘋狂蜜月之旅 – day 4 (拜拜Osaka,踏上北海道之旅)

要走喇,要走喇,今日要搭12點幾機去北海道,忽然有少少唔捨得大阪添
雖然只係留左短短兩個full day,不過都好似好好反,好多野睇,好多野買咁,唔知去到札幌會點呢?我總係覺得會好悶
我除左係大阪買左一堆野之外,我去universal個日就已經唔見左kelly送比我對手套,係唔見左一隻,好唔捨得,不過就是但買左一對1000 yen黎用住先囉,嗚嗚~~bye bye Osaka, bye bye手套

今日搭9點既車去機場,10幾去到,check in左,跟住就行左一陣,個機場好細,不過我就買左個pin比小鴨,原來呢d pin係個個機場都唔同款架,宜家就買個osaka比佢,跟住仲有hokkaido同埋tokyo。
嘩嘩嘩,我地入左閘,坐係度等上機時發現,點解個個去hokkaido既人都好似鄉下婆咁架,好恐怖呀,我地一路等,一路睇d人,又一路笑,我仲係咁同亞jim講,死啦,死啦,好似返鄉下咁,都唔知有冇野買架
坐呢架內陸機真係好辛苦呀,唔知佢係細呀,定點啦,坐個幾鐘,我有一半時間隻耳仔係超痛,所以我係訓又訓唔到,坐又坐得唔舒服
嘩,一land左就見到有雪呀,我唔係第一次見,不過亞jim就第一次,佢好似好興奮,不過我都覺得好開心,咁先夠浪漫,先似honeymoon架嘛
落機時,經過冇暖氣既通道都感覺到好似凍過大阪喎,我就唔驚喇,因為我著左好多衫,係亞jim有衫又唔著,真係激死人
好,拎完行李就去問下sammi介紹我去既rera outlet有冇人識去,如果冇人識去,我就唔去喇,一問information,佢就即知我地想點,仲教我地有free shuttle bus去,比埋個map我地,真係好呀,咁睇黎,好似都幾出名喎,睇下個map,都好似幾多識既牌子,ok,去啦

瘋狂蜜月之旅 – day 3 (新年喇)

新年喇,新年喇
Happy new year呀!!!!
今日係大阪最後1日,我要買,我要買,咩都買一餐
不過一早都知好多百貨今日都唔開架喇,即管去心齋橋度行下啦
嘩嘩嘩,一去到條街,雖然唔係好多舖開左,不過都好似幾開心,幾熱鬧,佢地嗌嗌嗌,唔知嗌咩,尋日買波鞋間shop又有開,有福袋賣,不過我冇興趣,一陣返轉頭先同家姐買波鞋
再行行行,行行行,嘩嘩嘩,終於都有賣衫既shop開喇,仲要好似有好多人排隊買福袋喎,我就入去shop行行行,視察一下先,因為佢個門口,佢地有幾個唔同牌子既福袋賣,所以我要好仔細睇下我鐘意邊個牌子既野多d先,好緊張呀,好緊張呀,行左5 mins,我終於都有決定喇,好,就呢間啦,於是係唔駛講野既情況下,我就用左10500 yen買左我平生第一個福袋喇,好緊張好開心,唔知入面有咩呢?
不過我地都決定行多一陣先返酒店開袋,哈哈
行呀行,見到我地係city super買過既甜番薯呀,又係二話不說就買左喇,um…好味呀,好甜,好好味,一路行一路食,行行下,行到去難波喇,難波應該係一個都幾多野行既地方,不過好多都冇開,所以我地就打道回府開福袋喇
其間我都有買左d野食同野飲架,食得既,係我係零食物語買過既餅,成30蚊盒,係日本買,估唔到係168 yen一盒囉,10蚊多d,唔理咁多,買左先講,就咁就買左4盒喇,哈哈。野飲,就係我地一路上路既飲品,唔知咩咩汁,都幾好味既,大大支都係10蚊度,真係平到笑呀
好野,終於都返到酒店喇,亞jim仲要拍埋我開既過程,真係好~~~緊張呀~~
開開開~~~嘩,一開就好開心,係一件白色有帽既綿褸,正,好鐘意
再黎,係一條啡色短裙,都ok啦,都會著既
再黎,係一件黑色樽領,ok呀,呢d一定會著(不過打開左,原來好細件,送左比人lur)
再黎,嘩,係一個黑色冷袋,嘻嘻,我係呢個shop度都有玩過個袋架,我覺得都幾得意,都有少少想買,不過都係睇定d先,所以冇買,估唔到,我宜家得到喇
再黎,一件黑色反領短袖tee,其實好型架,不過又係好細件,我又送左比人lur
再黎,一件唔知咩,我都唔識形容,總之就係唔知點著啦,宜家就比左nic nic反喇
再黎,一件黑色孖襟褸,嘩,都幾型架,返工著啱晒
最後,一件彩藍樽領,都ok啦,不過未試,唔知啱唔啱著
1,2,3,4,5,6,7,8,8件衫,只係兩件褸同個袋都值回票價啦,抵抵抵呀
開完呢個福袋,我地休息左一陣又再戰shopping mall喇
今次去左好近酒店既OPA,一入去,我就要去dou dou買過福袋先,真係唔好講笑,話晒都係it牌子,d款都好啱我架,買買買,又用左10500喇
再行,再行,見到小仙女個袋個牌子呀,嘩,個sale又係咁同我講野,好似好熱情,我好想買架,不過opa又冇得退稅,雖然係好想好想即刻買,不過都忍左一忍,再上,再上,嘩,上面好熱鬧呀,好多野買呀,不過我行來行去,都係買多左一件黑色閃閃蝴蝶結衫姐,好靚架,我仲以為佢係4千幾yen,原來有discount,比錢時先知係唔駛3千yen,即刻又覺得好開心呀,呢年衫,有係can can度出現過架~
其實行行下,有件褸我都幾鐘意架,好多間shop都係近似既款,不過當然有d係靚d,有d係cheap d啦,靚個d都要萬幾二萬一件,又好似唔係一開始就買貴野好喎,所以唔買唔買,咁行行行,行晒成幢opa想睇既野,就返酒店lur,其實個福袋好重,要放低佢先
跟住放低左就出去食野,去左笑笑度食,其實即是和民姐,又唔係貴,d野都ok好食啦,係間間shop都close既情況下,食左呢間,都算唔錯架喇,ok,咁又一餐
返到酒店就開dou dou福袋喇,一開有一條牛仔褲,都幾靚,唔錯唔錯,亞jim就話好日本喇
再黎,就係兩件背心,一件就好斯文既,一件就普普通通,咁兩件都幾靚架
最後,登登登登,就係我一直都好鐘意件褸呀,仲要係我想要既黑色呀,其實我從來都冇試過有黑色褸架,真係好好好開心呀,就算冇其他既野,就咁一件褸,我都覺得個福袋超抵呀,哇哈哈哈哈
今晚有同我既大阪戰利品影相,跟住就好努力咁執野,準備聽日去北海道
Bye bye, osaka ~~~