Nic Nic散步去

好似都有兩星期冇同nic去散步,因為上次行完真係覺得好攰好攰,所以老公唔比我再去,不過我見近排精神幾好,又訓得夠,所以今日帶個仔出去行下啦,如果唔係會屈死佢架。
今日行程係我先入街市買餸,跟住老公幫我去交電話費,然後散步。唔知係肚餓定係點,訓完晏覺個肚一直都好怪,唔知想點,所以有理冇理,我都買左3個包出車食,我,老公同nic (nic nic食饅頭),我驚nic飽到行行下會嘔,所以我比左半個佢就話一陣一路行一路食。
點知個衰仔係街唔食野,我比親佢都吐出黎,咁我唯有一直拎住啦。行到中途,因為我已經攰,所以坐左係度叫老公繼續同nic玩,我就等佢地,點之老公係咁同nic跑來跑去,個衰仔個樣開心到不得了,仲要拎條狗繩要爸爸再玩,玩到兩隻野都冇晒氣,nic係咁望住我,我仲以為佢想飲水,點知又唔係,比水佢飲又唔要,原來佢想食我手上個包喎,真係勁得意呀,佢罷明係好似d細路仔玩完一輪肚餓要問媽咪拎野食咁。

Nic Nic,點解你會咁得意,成日都做d野出黎令爸爸媽媽覺得好開心架?你係全世界,全宇宙最最最得意既金毛,哈哈!