又係返QM檢查既日子,因為上次睇唔清楚細少少,所以一星期後又可以返去照,唔計要請假,其實返QM照都幾抵,$60就可以見下大少少同細少少,哈哈!
一行入醫院就緊張啦,唔知細少少有冇大到,又唔知今次見唔見到心跳,又怕大少少唔聽話,所以等個時我又驚到手都凍埋,不過今日算幾好彩,唔係上次個女醫生,今日係靚女醫生,仲要到我個時,咁啱轉左好好笑容既姨姨做幫手,見到個熟少少既姨姨,個心好似安落左咁。當醫生開始同我照,我見到大少少同細少少都比上星期大左好多喎,佢再逐人focus睇個時,大少少好清楚見到好似一隻野咁,心跳都好清楚,跟住到細少少,其實同大少少比,佢都係矇左d架喇,不過都清楚喇,大左好多,又清清楚楚見到佢個心跳緊,真係安落晒,醫生都話兩個胎生長得好好,好快就照完,今日又有相拎喇,hehe~
醫生一行開左,我做口型同個姨姨講安落晒,佢又報以一個好親切既笑容比我,我又望下老公笑,終於都鬆左一口氣,雖然知道既家人同朋友都唔覺得細少少會有問題,因為上次係好矇咁見到,唔係完全冇呀嘛,不過當佢地係我肚入面,個d無名擔心就會湧出黎,話就話係擔心左頭一兩日姐,其實我日日都煩住兩隻小魔怪,叫佢地乖乖咁成長,要健健康康咁出世,快樂健康咁成長。係房出返黎個一刻,我真係好開心,其實我好想大叫呀。
約好下一次booking行返出lift口,老公雙眼紅晒,佢又好感動喇,我真係比我自己預期冷靜,反而老公好唔冷靜,但我好開心喎,因為佢關心我地一大兩細呀嘛,哈哈!
見完twins,開開心心咁去左中環買相簿,好好放好兩隻小魔怪既u/s,買下買下,個d貼紙好鬼貴呀,不過返屋企整完又覺得真係好靚喎,算啦算啦,都係一本姐,一本有晒兩個既野,抵d!
之後去左食tea,等夠鐘去睇michelle。Michelle今日已經把到我有喜脈,佢話可能因為我係孖,所以咁快把到,佢話佢未試過7w就已經把到喎,最快都要10w先把到,同埋佢覺得我似孖女,因為我左手個脈強好多,似係女,不過呢樣野得6-7成準喎,但我話如果真係中,我一定會話佢係神醫囉,因為7w就知道係仔定女,wakakaka。
今日真係好開心呀,大細少少都乖,冇要我地擔心喇,繼續乖落去,比爸爸媽媽陪住你地一齊成長!!!
No comments:
Post a Comment