對對杯

由一開始跟老公住,我便買了一對杯,因為我覺得一對戀人係好應該擁有成雙成對既杯,不過我一定唔會買個d一拼埋係一個心,或者個手挽係一個心,又或者係拼埋先見到圖案既杯,因為我覺得太嘔心,所以第一對買既杯就係sogo買,亦係我最最最鐘意既,因為用同一個色系整左一隻直間同一隻水玉既杯,好一男一女feel,不過當老公整裂左自己個隻既時候想去sogo再買,發現已經冇左呢個brand既杯,亦都唔知去邊度搵得返,所以爛左我都唔捨得掉。

第二對係franc franc買,好簡單咁一人一個色,呢個花我好鐘意,我有呢個花既碟,碗,豆豆cushion,cushion套同埋枱墊,不過一隻粉紅花花碗同呢隻杯都比老公打爛左,真係激鬼死~

近排係franc franc又買第三對杯,呢兩隻個色幾唔錯,因為我覺得幾有一男一女feel,又係花花款,冇辦法,因為一樣係近住夏天買,所以又係花,不過呢隻杯好似比上一次個隻厚d,希望老公唔好再打爛啦

順手係franc franc買左一個花花衣架係比我影衫用既,另外個熱水壺係我拎返公司焗杞子水用既,因為我覺得一般銀色個d壺真係幾樣衰,所以死都要買個水玉,hehe~