12月月結 – 純文字版

真係好作死,1月尾先打返個12月月結,仲要懶到唔想影相,打住文字版先啦,有時間又唔懶先影返相,卡卡
12月8日:
發左花癲好想好想去all crazy,所以得竹太一個陪都照去,自己一個到埗後,去左睇我好愛既franche lippee,居然有我一直都鐘意既3D op喎,價錢亦有稍稍平過yen價,咁問一問可唔可以試啦,佢可以試,如果又好睇,我就買,咁問完之後好順理成章試完就買,希望實在太鐘意喇,係fitting度見到一見屎黃色長絨褸,又係好靚呀,死唔蝕底話想試下啦,一試又鐘意喎,最終買埋,第一次係all crazy係franche lippee,比家樂平,又比家樂多款,由於我決定買得太快,個女仔當正我係大客,留下電話咁,好似好vip,卡卡。
去完一間就去karen度,衫就冇咩啱喇,鞋就有啱,當我玩緊鞋既時候,竹太就黎到,揀左一對灰紫色毛毛球平底鞋(twinktwink)同一對豹紋閃石少少踭jelly beans。
最後反兜beautiful song,買左一件唔係好鐘意既灰色長top,唔係好想買,不過個姨姨又好熱情咁,好似唔係幾好意思reject,不過返屋企試真d,其實都幾好襯既,不過如果可以唔買,我唔會買囉!!!
12月9日:
All crazy之後一日,放工行過telford,去lowrys farm同jeanasis睇下有冇好既特價野啦,點知一睇就出事,呢兩間既打底都真係幾好著,一入lowrys就揀得好興奮,一共揀左4件打底,兩件係就咁長袖圓領,一件係炭灰色,一件係紫紅色,另一款係中間有一堆lace咁,一件係炭灰既,一件係米白色,4件都係1xx,好ok呀,又薄薄地,對於打底,我係有顏色選擇恐懼症,覺得隻隻色都好有用,就會好想買晒d色,所以好多時如果唔係太貴,我會一個款買兩個色or以上。另外仲買左一條好簡單有少少閃石既黑色op,折完又係1xx,真係好平啦。之後轉戰jeanasis,一入去就試我好鐘意個件疑似叫軍褸既物體,我唔覺得自己著得好好睇,不過我真係好鐘意,同埋我鐘意佢有呢隻灰灰紫紫既色,所以買左,終於都等到佢有7折,其次又買左兩件打底,係袖口同領口都有少少珠仔點綴,都幾鬼好襯架,買左黑,米二色,都話買打底,一買就買兩件架啦。
12月10日:
連績第三日購物,唔記得左點樣靜靜雞自己一個去左faye fashion度買野,一入去就睇中左件極浮誇豹紋褸,跟住仲有因為貪人地連褸有一條fur領,所以買埋一件唔長唔短既zamper黑色褸,最後最後買埋上年買唔成既豬鞋,記得上年個色係淺啡d,冇咁橙,今年個色係橙啡,不過唔緊要啦,我鐘意佢係豬樣,所以唔理咁多,一見到就要買,最後我只係夠膽帶豬鞋返屋企,褸就唔敢帶喇。
12月11日:
第四日,因為做左一對令我pk既鞋返工,忍忍忍到返工,我都係決定出faye fashion買過對,由於要即著,又唔想買出左好耐既款,所以買左一對灰銀色閃閃jelly beans,都幾好著架,至少唔會再pk先啦,同埋因為今日老公annual dinner,所以我拎埋兩件褸返屋企,咁就神不知,鬼不覺喇,哈哈!!!
12月16日:
全瘋之旅again,本來都冇話有d咩好想買,因為實在買得太多,最終都可以係karen度買左一件x’mas feel既franche lippee同一個franche lippee頭飾,仲有買左火雞朝日比皇后係火雞大會個時戴,哈哈!!!!