一週回顧 (2010年1月25日 – 31日)

過去一星期繼續精彩,繼續買不停,咁樣生活實在要不得,我要改,我要改,我要改呀!!!!!

1月25日:
唯一一日可以返屋企煮飯,因為之前星期六日都實在食得太多,所以今日好想煲粥,今日諗住試下去沙田買餸再搭299返屋企啦,不過一共有兩個錯誤: 1. 原來我唔識去沙田街市, 2. 係kln bay去沙田係耐過去mos,所以下次都係返mos買好過。最終係city super買左d好貴既碎似煲粥,好彩都好好味,如果唔係就嘥氣喇。

1月26日:
等左3個星期終於都有得去睇avator,朋友又話好睇,屋企人又話正,到底有幾好睇呢?我只知道我要sharp走加急步去bus stop,再由bus stop半行半跑去isquare好辛苦,好彩老公到先,買定汽水爆谷,如果唔係一套戲流流長,冇野咬下會好悶,戲係幾好睇,不過個死人3D眼鏡睇到我好辛苦,我就唔係話太enjoy囉,同埋因為係公司走得太趕,去到isquare就入場,一直都冇去toilet,所以我同老公都要分別係中場出去,好似好可惜咁。
睇完戲,食唔晒d爆谷都飽到死,所以決定返屋企食埋碗粥,一來唔好浪費,二來又想快d返到屋企陪nic nic,今日試左搭kcr去大學再轉小巴,原來呢個方法都幾快架喎。

1月27日:
又到左每星期睇中醫既日子,老公唔可以7點到,而我今日又去左hs tower做field study,所以可以5:50就係telford走人,由於我企到好攰,所以我打左的出家樂啦,又買野啦,比錢個時先知買既野全部都係春裝,分別係一件平得好緊要既dirty pink假皮樓,同埋兩條半截打底裙,埋單有多一個大概9折優惠,都幾抵!之後因為唔想再遊蕩,我就自己去睇醫生先啦,今次終於都有dd進步,就係條脷有返少少血色,好過之前白如紙,而且今日又識多左少少野,中醫解釋阳係負責水既運行,因為我腎阳虛影響到脾阳虛,再加埋我自己脾虛得好嚴重,所以我身體入面既水係我有我飲,飲完就直出,完全唔經身體,而體內既水又唔排出黎,所以我好似一條浮屍咁,希望搞好身體之後,亦都可以冇晒水腫啦。
今日終於都收到上星期order既湯之花,好緊張呀,好想快d試!!!

1月28日:
尋日分左一包登別湯之花比同事試,佢試完一早就同我講好relax,個背脊同腰都relax左,仲訓得好左,講到好好咁,所以今晚真係好想試!
約左3星期先補得到日文堂,上堂前原先我都係遊蕩同食野,冇諗住買野架,不過老公真係太遲啦,所以我決定行去langham global essence買Dr Alkaitis,之前買左幾件Dr Alkaitis既products返屋企試試試,試完之後又真係好鐘意,我好鐘意佢d野吸收得好快,減少左我出門口既時間,所以今次主要係想買埋上次試左sample既day cream,本來想買晒day同night cream,不過太貴,同埋又覺得night cream難推d,咁姐姐仔介紹我買smoothing gel,我咪試上手囉,呢隻好易吸收,同埋我不嬲都鐘意gel狀既野,所以買左smoothing gel當day cream用,day cream就會夜晚用,而上次買左既treatment oil,應該會改做一星期用兩晚,好難得用油都覺得好舒服,唔立唔油,最緊要係第二朝起身係覺得個面好白好潤咁,勁正!
今日上日文好痛苦,一來太耐冇上,二來太夜先上,好眼訓好攰,上完堂好似虛脫咁,是是但但食左一碗麵就返屋企,今日係mk飛van返西貢再轉的士,45 – 50 mins返到屋企,勁快!!!!
今晚試左登別湯之花,好熱好舒服好正呀!!!

1月29日:
返媽咪屋企食飯,未上媽咪度之前,撩大家姐行ete,分別遇到一個追住我試鞋既sales同一個叫閃石鞋做波點鞋既chasier,真係幾爆笑,最終係ete買左一對閃石平底鞋同一個長頸鹿紋既桃紅tote bag,全部半價。
行過izzue,因為大家姐用買褸比黃小深,咁我都買左一件sweater同一件褸比老公,我記錯左兩件都買左4碼,其實老公著唔覺得好大,只不過佢要好似女人咁,覺得著大一個碼會死,所以比我笑足一晚,不過我成家都覺得佢著呢個size係冇問題喎,只係size 3會fit d之嘛,有咩所謂呀,半價嘛,兩件東東都要係公仔除出黎架,如果再遲d買就咩都冇,佢接受把啦,hehe!
今晚搵心心拎埋個delyle福袋,個袋好靚呀,一路搭車返屋企一路都好想玩個袋,不過又唔敢摷晒出黎,不過返到屋企又好攰,只係一件件包住袋既衫睇一次就算,之後就訓覺。

1月30日:
一早約左6299去黃大仙還神,以前成日約親我地都遲,今次我唔敢遲,好準時12點左右就準備好,點之今次係佢地遲,但62又約左人tea喎,所以發晒癲咁揸車,我都唔想理喇,係咁係車度訓訓訓。還完神又要急又要揸錯路,我繼續唔理繼續訓,本來我地唔想要架車,不過如果要62泊左車先去tea,所以我suggest我地揸車去食野,跟住返屋企啦。
就係因為咁,所以我地由佐敦揸左去海港城,本來係打算係anteprima買個掛飾for free parking,好彩冇買,因為行行下見到pedder final sale,人頭湧湧,入去8下啦,點知比我買到我心儀已久既melissa ankle boots,冇紅色,不過黑色都照殺,終於都等到佢半價,真係太開心喇,開開心心買完鞋就行去isquare搵野食,未搵野食之前就見到beyond organic,之前睇magazine知佢地有兩隻新入既日本organic brand,一隻係cosmetics野,已經好想睇,咁啱見到,雙眼即發光啦,不過都係醫肚要緊,最後我揀左吳彥祖有份既monster sushi食東東,以板長既價錢,終於都搵到一間好味既sushi喇,食物size同質素都ok,係一間可以再去既食肆。
食緊既時候,我叫老公打比99,睇下佢地幾時食完再約埋一齊返屋企啦,點之我地都未開始食,99就已經話食完,初初又話唔等埋一齊,跟住又話過黎isquare,仲要入埋rest搵我地,不過係同我地打個招呼叫我地慢慢食就走左,真係好好笑。食完之後,我好想去beyond organic試野架,不過99係度,都係望下,同埋拎leaflet就算喇,擇日再戰。
打道回府之後,晾左一機衫,再洗多一機就去訓覺,訓到9點99打黎先起身,跟住又要出mos dinner,好唔想再食野啦,不過話還完神要一齊食飯,咁就出去囉,食完都11點幾,因為好耐冇帶nic出街,所以夜一夜都出去行,行到12點幾,返到屋企仲搞呢搞路,再試埋大爆汗bath salt先訓,不過大爆汗唔得啦,都冇湯之花咁舒服,下次唔買喇。

1月31日:
本來今日book左做massage,因為m come,我冇得做,就只係老公做啦,由於出mos前,老公撞到人地架車又逃之夭夭,走左之後又要驚,又要鬧我,所以我一氣之下,連係一個冇野買既地方,我都可以買到兩個kitson袋,咁啱之前講問,又見到bauhaus有,仲要有85折,咁就買左兩個,本來想等埋老公先返屋企,不過諗諗下,佢又唔揸車,我等咩姐,所以去左美容舖同佢講聲,我就走人。
返到屋企煮左個麵同nic nic一齊食,上下網,繼續洗衫同晾衫,都不知幾好。當老公返到黎,我例牌發佢一輪脾氣,訓左幾個字就帶nic nic出去沖涼,放低左nic,有人又問我去邊,我話一係mk/tst啦,d人居然以為我會留係tko成個下晝,我話去mk / tst又話又去,我話唔鐘意,可以過海,去tsuen wan都得架,佢又唔高興,由於我怒氣仲未全消,所以我話你鐘意點就點,去邊就去邊,唔好問我。最終死死氣出左tst,又係放低左架車係海港城就行去isqaure,今日終於都去左beyond organic放血,join埋vip,買得我好開心(詳情係第二篇度講),買完一輪上左6/F搵野食,今日試burger,因為有7折,不過好麻麻,我地都係鐘意freshness burger多d。食飽飽,返去海港城買東東要free parking,本來老公係想買銀色daisy比我,不過個sales冇咩禮物,我問佢有咩送,佢答我sample囉,超~~~我最鐘意個d細細支sample架喇,都唔知要黎做咩。再去睇新出kenzo,個sales仲衰,完全唔想答我野,所以我去左lane crawford睇issey miyake,點知支木香水未有喎,不過因為好想買野,所以問下啦,原來係聽日先開始有得order,不過個姐姐仔見我好鐘意咁,所以力sell啦,老公又覺得呢支都幾好聞,所以買左,要2月8日先可以拎,仲有一個可刻字既木牌送,不過我未講刻咩字,如冇意外,我都會刻”Carmana February 2010”架喇!!!