為期兩日既training course終於曲終人散,係31日放工時分,亞姐先同我講1同2號有個course要上,可以唔駛返office,等我一收到email仲好開心打比老公,話比佢知我黎緊兩日都係返9:30同放5:00啦,點知1/4去上堂時,亞sir就話呢個course應該係3日,宜家變左兩日,所以要早返同遲放,變左做9:00-6:00,唉~~~上足成日堂好辛苦架喎
平時最愛恰眼訓既我,就算上一班只得3人既堂,我都仍然訓訓訓,中中中,其實內容又唔算好悶,不過我一聽人講野講得耐,我就會訓架喇,落堂之後覺得仲辛苦過返工呀,真係慘
講返個堂先啦,其實我真係唔知點解會有個咁既堂上,我唔知呢個application究竟我公司有冇買/究竟會唔會用,anyway,我份cv就可以話比人知我識得多一個application,都有好處既,同埋做呢d悶蛋既training material,我覺得都幾啱我,慢慢禁禁下,都ok啦
咁又講下d同學啦,有一個係同team既,年紀大概45以上啦,有一個就唔識既,我地懷疑佢唔係BOC既添,因為叫佢簽attendance佢又唔簽,真係奇,咁奇人就唔好理啦,上左兩日堂,我兩日都有同我家人同老公講,“死啦,我10幾年後會唔會同佢一樣架?好似咩都學唔識咁,亞sir呢頭講完,一做exercise就咩都唔識,就要問我,死喇,死喇,人老左就係咁架喇??”
就係因為呢個原因,所以我開呢個topic講下,究竟老左係唔係真係會慢好多,學野慢好多,做野慢好多,諗野慢好多咁既呢?我真係好難想像平時咩都要快快快既我,會有一日變得好慢,或者我應該要預計自己會變得好慢,不過我希望呢一日起碼要到左55歲之後先慢啦,雖然諗返廿歲同宜家比,的確係有分別,不過個分別又未至於好大,我亦都能夠接受,咁唔知又會唔會慢慢咁慢落黎,我會接受得到呢?我成日覺得我咩都要快,又成日記住好多野,睇野又超清楚,我成日都覺得我應該係會有老人痴呆啦,好勁既老花啦同埋會手滕腳震,死啦,死啦,我相信我絕對係一個不折不扣接受唔到自己會老既人呀!!!!老左既時候,隻豬照唔照顧到我呢?我怕我自己都唔掂,佢仲要激我喎,咁點好呢?尤其是那排我極消極同悲觀,我覺得有老公同冇老公分別都唔係好大,以為有多一個人可以依靠,可以互相扶持,原來最終都係靠自己先會比較實在,咁nic nic又唔可以陪我一世(係我可以陪佢一世),到老左時候究竟我可以點呢?um...好難諗亦都唔會有答案,或者20年後我睇返呢篇感想,我會覺得自己今日既擔心係好多餘,可能爽爽會識得照顧,爽爽會比到我安心既感覺,不過有冇爽爽都係一個unknown,我又點可以想得咁理想呢?
偉論發表完畢!!!
Subscribe to:
Post Comments (Atom)
No comments:
Post a Comment