My Best Friend

中學時代既飲茶幫,Nicole第一個出嫁,唔多唔少因為佢既影響,所以我係第二個出嫁既,第三個係遠在new york既昭昭,我地係05,06,07一個個的結婚,而寶寶呢?由nicole話要結婚時我就問佢,你幾時呀?你幾時呀?你快d啦,我想睇你結婚喎,到我wedding時,我亦都拋左個花球比佢,到左2008年,佢終於都confirm 2008年7月6日結婚喇,不過地點係關島,點呢點呢,去唔去好呢?老公好明顯係興趣不大,其實我對呢個地方都唔係好大興趣,一:我唔識游水,二:我唔鐘意太陽,三:肥到死,著泳衣又唔好睇,去到有咩好做呢?真係過去睇一睇佢嫁咋喎,anyway,我到宜家都決定唔到去唔去佢個婚禮好,因為一早又plan左7月去日本喎,um…再諗下先啦
其實開呢個topic係想講下我呢個best friend,佢真係一個好叻好勁好有計劃既人,由唔知中幾開始,佢就同我講,佢好想做醫生,於是佢好努力search呢方面既資料,以佢既成績,佢一定會入到架,不過因為佢屋企既關係,最終佢放棄左,佢讀左BBA,畢業之後,佢一直都有係佢daddy既公司做野,直至佢想佢媽媽退休,佢就結束生意,自己搵野做,佢搵野做都唔係好似我呢d平民咁,是但有份工就做架,佢真係去search有咩啱自己,當佢決定做bank,佢亦都compare左好多bank先揀hsbc,睇佢越做越好,我真係替佢高興架,佢同佢未來老公都係好努力既人,兩個都會不停進修為升職加薪,兩年前佢地終於都買左佢既第一層樓,wow,唔算係好豪宅,不過都係將軍澳既貴樓(不過對我黎講,要我比呢個價錢買個度,我又唔會囉,我唔係好鐘意成10幾廿坐既屋苑,below 10座感覺會好好多),得知佢今年將會出閣既消息,我知道佢一定會有另一個plan架喇,其中一個同我地一樣,就係想今年放樓,um…基本上佢同我既睇法好似,賣完做另一投資之後,等樓價回落先再買過,第二件事係佢plan 2011年生bb,我問佢點解唔早d啦,佢就話因為結完婚之後想讀MBA,讀兩年之後先努力做人,所以最快都2011年先生,嘩~~~我真係覺得佢好勁架,雖然好似佢咁有plan既人唔只佢一個,不過係我識既人入面,佢d plan係最make sense同埋係佢真係會實行得到,所以先令我覺得佢好勁,我個口就話2010年要生爽爽,不過我唔覺得我會有囉,就係諗邊個湊都已經諗唔通啦,究竟一個工人可唔可以又湊狗又湊b架?如果比99幫手睇,咁我一係日日都去mos,一係就一星期先見爽爽一次,咁又得唔得呢?諗來諗去最好都係我自己湊啦,不過一定係冇可能,所以呢,真係諗唔通,唔知可以點,我係只有講未必會做既人,而佢,我相信佢一定會做架,我好期待佢快d做人太太,好期待佢快d做人媽咪!
MAY, I’m really proud of YOU!!!