其實我唔算好耐冇買野,係easter既第二天,我已經去左sogo新開既lawrys farm買買買,其實都唔係買左好多,因為$800可以join vip,咁我一揀就鐘意一件4xx既,咁我梗係要join vip啦,同埋日本野喎,我真係會short架,我當日仲要好醒咁,買左80x就join左個vip,冇over好多都已經好叻架喇,個日買野,隻豬都冇出聲,跟住第二日我去我一早講左要買多條西褲既bv.blu,都只係買多兩件衫同一件褸姐,隻豬就炸我型,問我買咁多做咩,唉~~~好冇癮呀,最憎買完野比人話,咁樣錢又用左,買完又唔開心,係一個好差既感覺
有一日行過家樂,我指下話我想上去行下呀,隻豬又‘下??’左我一聲,我知你又唔想架啦,算算算,我唔去,再一次令我感到「感覺很差」
今日因為係cwb上training,所以一早已經諗好落堂之後要自己一個行下街,um…其實我一早就想去買返把遮,上次比小吉食左我把遮,我一直都好想買,不過如果係豬面前又話買,佢又‘下’我或者又會問我‘你又買呀?’算啦,我好唔鐘意聽到/睇到呢兩個反應,所以我決定自己去買
去返近期都幾喜歡既ans睇,終於都比我見到有一把我都ok鐘意既直遮,不過把遮都係$170,好難先可以買夠$500再送上次小吉食左既縮骨遮比我喎,um…點好呢?夾我有好多啦,唔想再買,而且都冇咩款特別到要買呀,咁又睇下鞋啦,有一對應該係新返既大蝴蝶結鞋,ok啦,個款唔差,折完平過jenny beans,咁就呢對啦,我又發揮唔駛10分鐘就meet target既才能,快快比錢走人,不過鞋要係第二間shop tran去東港城拎,今日只係拎左買既直遮同送左縮骨遮,very happy啦,有返「感覺良好」既感覺。
我都話左,越係唔比我呢樣,唔比我個樣,我就越癲架啦,如果唔係咩都「唔準」「唔比」「唔得」,我諗我今日都未必一定要去買野,唉~~~究竟宜家係我心入面既結幾時先打得開呀?
Subscribe to:
Post Comments (Atom)
No comments:
Post a Comment