我的摩登奶奶

今晚同老爺奶奶食飯,又再一次令我覺得奶奶真係好幸福,佢咁好人,呢d真係佢既福氣。話說奶奶可以係3x歲就退休,我都已經覺得好勁架喇,佢退休並唔係話要比以前慳d等老公養個隻退休,而係可以開開心心日日打牌過既闊太生活,由我識奶奶開始,我老公就成日同我講,奶奶同我一樣好鐘意鞋同袋,咁我觀察過一排,除左呢兩樣野,佢都好鐘意化妝品,不過佢一直以來都唔會買好貴既野,好似鞋同袋佢係好鐘意,不過都係買平野,唔會有名牌既出現,所以我覺得奶奶真係幾慳家架。不過係我開始反gel甲既同時,奶奶又走去整,咁去都係o係mos既普通shop做,一d都唔貴,好似2k幾join個course做10次,可以整任何款(如果佢知道我整爆石既款要5,6百,我諗佢會覺得好貴,我隻豬老公亦都會覺得我又要樣樣都好,所以貴奶奶一倍,所以次次有人問我,我都會話3-400啦,睇下整咩款,哈哈)。跟住過左一排,佢又開始去做facial,我初初都唔知幾錢架,直至今次食飯,
佢就問我: 你做facial個度要幾多錢一次呀? (呢個係我一直都唔想比人知既事,因為mtm實在太貴)我唔係好想答
奶奶又再問: 係唔係百幾200一次呀?
我: um…um…唔係呀,貴少少啦
奶奶: 咁都係二百幾度姐,係唔係呀?
可惡肥豬: 你唔好傻啦,你知唔知佢係邊度做facial呀?佢係mtm呀?你識唔識呀?好名牌,好貴架
我: (我真係好想叫肥豬shut up / 一野掌佢把咀) 唔係,唔係,邊有咁誇張呀?
奶奶: 咁即是幾多錢度呀?
我: um…um…
肥豬: 講啦,講啦,我都好想知呀,我都唔知架
我: (係我嬲既同時,我又要顧及形象,唔可以係老爺奶奶面前勁鬧佢架嘛) ar…ar…五百幾啦
奶奶: 你係唔係做好少次咋?一次買好少架?
我: ar…係呀,一個course 10次囉
肥豬: 你呀,你最叻駛錢架啦,貴到死
我: (極嬲) 係呀,係呀,我已經兩個月冇去做facial架喇,你仲想我點呀?
奶奶: 哦,咁呢d錢,女人要用架。我宜家係現代做呀, $150一次,買左300次,都幾好喎,又可以通淋巴,做facial,咩一格格咁架
我: 哦,我知呀,我都有fd join左,不過佢地好hard sell,成日都sell野架喎
… … …
今次奶奶除左突然喜歡做facial之外,我真係估唔到佢會join個咁貴既plan,雖然一次$150唔係貴,不過要比好多蚊蚊先有呢個價,仲有,佢仲有join左個唔知咩course,我唔記得係$2000一次,佢join左10次,定係$1000一次,join左20次,總之就係一個月做一次呢個treat就得
我心想,一反就反左6皮野喇,奶奶真係受我敬仰呀,老爺仲要係佢身邊笑騎騎話呢間好野呀,個亞嬋(親戚一個)都唔知你宜家做facial個間咁勁,佢以為你去d細細間咋,噓,都唔識野架佢
如果有一日,我老公比咁多錢我駛之餘,仲笑騎騎咁開心,我一定以為自己係o係度妄想緊,我相信呢一日到我死時都唔會來臨架喇,唯有睇下奶奶,羨慕下佢啦

Note: 我老公一日比一日對我唔好,佢成日都話佢好關心我,不過我將佢既關心視為控制,冇錯,我真係覺得佢時時刻刻都想控制住我,我覺得好唔開心,我覺得我做咩都要比你話,that's why我同你都feel到我地既距離遠左好多,我唔識去解決,或者係我唔想去解決,你要控制,你便控制吧,我有我反抗,一個超唔健康既關係。