My 2010 S/S one-piece

有一段時間都冇做月結,所以襯冇冇聊聊不如影下從來冇入過鏡既裙裙同埋睇下自己有幾瘋癲,黎一篇op先~~

薄毛巾質料閃片粗帶背心裙,呢條裙真係買左好耐好耐,應該冬天既時候要著,點知一直都冇,買個時係諗住簡簡單單襯花碌碌既cardigan都幾好。

中lace毒而買的,兩件都係o係家樂度買既,個次買得喪快,試都唔試就買,好彩著左上身都幾ok,尤其係左邊lace個件,exactly唔可以叫佢係一條裙,因為太短喇,長top啦,居然呢d一層層lace都冇著肥身,都ok架。

都係o係家樂買既長top,買個時覺得幾鬼靚又好襯架,宜家睇返又唔係好覺得喎,點算好呢?

osmosis窩釘裙,我見心心著得幾靚,所以跟買,最鐘意係裙腳既窩釘,呢條裙仲要係我迫karen收錢,佢先記得真係冇收我錢,激死~~

黎多一條osmosis裙裙,呢個款有衫有裙,不過見心心同小仙女都買左衫,所以我買裙,多謝心心幫我買平野,正呀~~

baby & baby op,呢條係同灰色毛巾裙一齊買,已經著過架喇,幾好襯衫,同埋個袖好靚呀~~

橫間2 way裙,買個時研究左好耐唔知蝴蝶結係前定後,冇意中比我係日本website見到,原來係一件2 way op,不過我買左個隻色係最唔靚囉,不過冇法啦,買鬼左好耐先知上網都買到,如果唔係,我拎返去換啦~~但其實唔compare,我都好鐘意呢條裙架。

呢件其實係衫黎架,不過因為唔扣鈕個時太長,所以分類佢去op度啦,就咁睇就好似兩邊都扣起會靚d,不過著起我就覺得扣一邊好睇好多,呢件個brand叫marbel,雖然唔可以叫好靚,不過質地係好軟好舒服。

係膠袋ee度買既粉綠花花毛巾isbit op,好貴靚架,尤其我好鐘意側邊兩個袋囉。

franche lippee貴裙一條,連埋條belt架,著起左係好令好令~~

又係franche lippee貴裙一條,從來都未買過呢類既裙,所以試一試,另條好在可以大肚著,卡卡