一週回顧 (2010年4月7日 – 4月11日)

放完一年中最長既PH,完全未回魂,不過唔知點解喪多野做,但係我個靈魂都仲係屋企,個肉身就係咁做,卡卡~

4月7日:
奇蹟呀,今日雖然一返工就有勁多野做,不過做做下,搞搞下,下晝好似舒服好多,好多野都send晒出去比人搞,我都係等reply姐,最奇既係,今日居然6:30前可以放工,真係奇蹟呀,成個3月,我差不多日日都要7點放工,有時6:45前走都好似好恩惠咁,真係作死。雖然今日係比上個月早左放工,不過都真係太攰,好唔想煮飯,老公又唔知幾點放工,所以直畢返屋企,上網,陪nic,睇電視,等人買野返黎比我食,wakakaka!!!

4月8日:
UAT場繼續唔得,變相好似少左好多野follow up咁,只係上晝又問下status,下晝又問下status咁囉,幾時resume返我完全control唔到,就算我去問status,o個個人都係control唔到,佢都係再問人之嘛,咁過下過下又一日,係臨放工唔知搞咩,搞到成6:45先走得,好彩今日返媽咪度,遲左走返到tko都唔會好夜。搭小巴返去個時顧住係咁訓唔記得左落車,好彩總站其實同我屋企差一個站,一d都唔遠,不過反正都去到新都城二期,咪搵下大家姐囉,見到佢拎住一袋零食物語先醒起我唔鬼記得去買喎,於是自己一條友去左間鬼死咁多人既零食物語,仲要d架有d係吉左,我都買到一大袋野走,15x個大洋有好大袋,我覺得好抵,8折好似真係抵好多咁。
上媽咪度食完飯,又死左去park’s買食糧準備聽日wfh,買咩呢?就係買鈣思寶同粟米片,宜家d粟米片sell低卡低脂,又話早晚都食,食足14日就可以瘦,咁…咁…咁我唯有買啦,卡卡
最後,今日又打的返mos,老公係咁話我癲左,我話返媽咪度食飯又唔駛錢,平時出街食/食外賣都係咁上下啦,仲要有人煮埋比你食住家飯,抵啦,打的咪打的囉,卡卡!!!!

4月9日:
Wfh again,今日非常開心,本來以為唔係好多野做,仲想放工之後出街,點之每當我想梳洗時都有人打電話比我,又唔叫得好忙,不過唔會有一段長時間係好free囉,今日入左房做野,感覺專心d,不過就冇得睇電視同埋坐得冇咁舒服,但係都ok既,時間過得好快,我6:05就已經offline走人,之後衝出廳係咁同nic nic玩,兩個白痴係咁係carpet度碌來碌去,玩下又上下網,又upload下相,好快老公就返黎煮飯比我食喇~

是日晚餐: 扮freshness burger + 金寶湯

衰人老公打爛左我隻粉紅花花碗,憎死佢!!!!!

4月10日:
又到左睇醫生日子,今次第一次隔一個星期見michelle,連michelle都估唔到我咁虛,冇見佢一星期我既脾虛同腎陽虛又差返晒,冇鬼用,其實我既健康完全反映出我既飲食習慣,食藥拮針係有用既,不過我覺得最緊要都係我要食清d,唔好再食煎炸食物,鹽野,味精野,一句講晒,即是要飲食均衡,可能就係唔均衡左30年,所以咁快就出現問題囉,所以一路肥都瘦唔返囉,唉~~~一諗起要好似62咁既飲食習慣,真係好想死呀!!!michelle講明,今次d藥係勁d,熱氣d係正常,點之第二日一飲,嘩,難飲到爆呀!!!!
睇完醫生,去左太興食美味餐蛋麵,下午茶$25真係抵到笑,好好味,原來我兩星期冇飲過奶茶,再飲又唔會覺得好好味,好久違,我估我好快可以戒得甩奶茶咖啡架喇,哈哈!
食飽飽就碌去cwb,老公去拎眼鏡,之後去左sogo買買買,買完一輪去左風月堂食dinner,我一直都以為當時係9點幾,仲好奇怪點解咁夜都仲咁多人,原來坐低個一下先係啱啱8點,食完dinner,去左dog one life買左一個南瓜雞批比nic nic,我地再係city super買左d野聽日做dinner (其實係想要2 hours free park),出車既時候先發現我地又因為多左1x分鐘而要比多一個鐘泊車,估唔到去拎一拎眼鏡,行下sogo,食個dinner,買下餸,都要泊5個鐘囉,泊車好鬼貴呀!!

是日晚上帶左nic nic出mos行街,衰仔見親水都要踩落去,行到成身都dirty晒,之後去左買糖水返屋企食,返到深山衰老公先發現自己冇帶key,仲要怨我唔提佢,其實我出門口前已經叫佢帶齊野,咁我就咩都唔帶,點之佢覺得我應該逐樣野叫佢帶,咁事實上,我平時係會問清楚佢,key有冇帶呀?銀包呢?車匙呢?今次一之過叫佢帶齊就出左事,真救命。最終又揸返車出mos,去99度拎key先有得返屋企,nic已經係車度訓著左,卡卡~~

4月11日:
11點幾左右起左身,餵下nic,上下網,沖下藥,咁就12點半喇,老公準備出門口去做massage,而我呢,本來係想訓多一陣先出門口,不過玩玩下都差不多一點,咁都要準備出門同wrinkie飲茶。自己一個拎住送比coco既禮物行上山搭車,就快行到巴士站時見到有架小巴,好緊張,因為兩邊行山線不斷有車,我都過唔到馬路,最終好鬼危險咁跑過馬路,下次都係唔好,好鬼驚車瓜左咪好唔抵囉。
本來約左wrinkie去海港飲茶,因為我地兩個可以唔靠6299都搵到位,但係美心d野食就好味d囉,點之最終因為6299已經係美心,所以佢地幫我地搵多一張枱,一樣係唔駛等,wakakaka。
飲完茶,因為62拎左架車去洗,所以我同老公係好悶既新港城周圍行,唔知點解冇野睇都可以買到野,係千色店既$10店買左幾包炭野吸濕,又買左幾多盒仔準備用黎執earrings,同埋買左一個膠架放入廁所洗手盤下面放野,咁又用左110個大洋。之後去左買香野,香包買5送1,所以買左50個大洋啦,呢d野其實係用黎放出門口香下,由樓下行樓梯上到1樓就會聞到d香味,感覺良好,另外又買多左兩個香枝,已經好耐冇買,新出左白蘭花味,冇冇聊聊又買下囉,又用左170個大洋。
之後去行wellcome買下生果,野飲同屋企野,明明平時d清潔用品我係好堅持返tko藥房買,尋日發左花癲,居然係wellcome買左拖地同廁所野,玩完一大輪,終於都有車返屋企喇。
當我地拎住wellcome receipt去搞free park既時候,商場個女仔話supermarket單係要問supermarket拎返一張free park劵先再去佢地度搞,我都已經聽完又問埋我想問既問題,我個得意老公仲企左係度發呆唔知發生咩事,救命呀,要行多一轉我都唔係咁開心架啦,仲要個老公好似打左矇仔針咁仲未有反應,我都唔知佢真係太依賴我呀,定係佢真係唔用腦既呢?如果冇我係埋一齊,佢究竟要企幾耐呢?真係比佢激死!!來來回回行完一輪,豬家又唔睇指示,人地商場話推車去停車場就要行邊邊度,佢地睇都唔睇就去搭lift,比個男人樣衰仲要話人地用樣衰喎,豬家真係好得人驚架,明明自己做錯左,都覺得好小事姐,駛唔駛咁呀?chiu~~當其他人做錯,佢地又唔係咁講架喇,最憎人double standard,不過憎還憎,我又可以做咩呢?無奈~~
是夜老公賴勁咁話佢煮牛扒比我食(平時牛扒係我負責,佢唔識煎架),咁因為好晏先飲完茶,我就話8點先開始煮啦,點知7:30佢死左入房訓,我都費時搞佢,自己去左收衫接衫洗多一機衫,執下個枱面,準備好就自己煮喇,我懷疑佢都係靈犬,我之前執野都好嘈,佢又唔會醒,開左火都未醒,放左塊牛扒落鑊都未醒,係一有香味呢,就醒喇,呢d唔係靈犬係咩呀?????今次煎牛扒同鵝肝比上次好味得多,有進步呀!!!!!!