一週回顧 (2010年4月12日 – 4月18日)

4月12日:
放完easter,今個星期係第一個正常要返5日工既星期,一返工就好死多野做,做到我癲癲地,不過都唔理啦,6:30照走,今日要gel甲,又要做手腳,唔可以遲,唔想咁夜返屋企。
去到小玲度未夠7點,整左隻腳先,之後食dinner,之後先整手,今日整腳整得好靚好清好好襯,對手又唔係話唔靚既,個底色溝得好靚,d玫瑰花都畫得好好,唔知係唔係因為小玲畫得太靚,見得靚野多,所以唔會覺得好驚喜。

4月13日:
因為呢幾日都好似好攰咁,今朝又好多野做喎,所以唔想返學,居然一同老公講,佢就肯走堂喎,點之發現今日唔算遲放工,個條去街癮又黎,所以去左all crazy行一轉,快快手揀左兩件衫,同買左幾條outfitters就走人喇。其間遇見竹太,順手拎埋新會鞋同埋半迫竹太買左一件同我同款唔同色既衫,hehe~
返到屋企,老公仲未返到,我仲要叫佢買外賣返屋企食
是日晚餐: 海港叉燒飯

Shopping on 13 Apr @ All Crazy(Ka Lam only)

4月14日:
今日又要7點先可以放工喇,老公都唔見得好我好多,返到屋企仲比我老點佢煮意粉,very good,我好享受宜家皇后式既待遇,卡卡

4月15日:
今日本來想去fleur fleur行一轉先返tko,不過真係唔掂啦,又7點先走,又冇帶電話,一冇左個電話就周身唔舒服咁,所以一放工就搭bus返tko,一落車就去買幾個炸彈先,近來發現屋企好似好dirty咁,都係時候要炸下,咁又要夾啱nic nic去沖涼先可以炸,所以都係早d買啦,試過係mos買,貴成10蚊一個喎,我一屋要用4個,即是貴40蚊,太唔抵喇,就算個人幾攰都好,都要過一過藥房買先再返媽咪度,一返到去就好似大帝咁,係咁係sofa度伸來伸去,呢d咪就係返媽咪度既自由自在感覺囉。

4月16日:
wfh日子,又係打算放工去fleur fleur架喎,因為今日係最後一日7折,連老公都叫我出cwb食飯,不過化好晒妝想換衫個時,nic nic個樣可憐到呢,真係唔忍心掛住自己出街唔理佢,於是打比老公叫佢買野返黎比我食就算啦。
唔去fleur fleur都係好事黎既,佢一舖都係貴野,買多幾件都好貴下。

4月17日:
放縱行街日,一早出去睇michelle,為左要free parking,所以係ifc搵野買,最後係beyond organic度再買do organic既massage波波同shampoo,兩樣野都用過,都好用既,不過係唔駛咁快又再買姐,咁為左慳66個大洋所以買野,其實係唔係有d傻仔呢?不過我又已經諗到下星期可以去fancl買cleansing oil喎(雖然用ad+既cleansing gel係用得好開心,不過好似有支cleansing oil用黎落眼妝好似好好多)。
之後約左亞can係tst等,塞車塞左我地成個鐘,拿拿聲去monstor sushi食lunch,我就睇住佢地食生野,我就只可以食熱既熟野,算啦,好彩係永樂圍買左隻熱狗打底姐,哈哈。
食完lunch就去JD睇批發啦,冇咩驚喜,我估d好野都收埋晒,或者係order d貨先靚,不過大概都知第一次要拎幾多貨,總算有d得著既,最好就係亞can去拎貨先,我又死跟啦,卡卡。
之後返去海港城買支aveda enhancer就開車走人,始終都覺得free 2 hours實在太少,如果好似ifc咁,300 free 3 hours就好啦。

是日晚餐由老公煮,我以為佢煮1.5 hours就得啦,點之只不過係好簡單既蕃茄薯仔湯,梅菜蒸豬肉,蒸蛋同埋炒菜都要煮2個鐘,我實在太低估佢繡花既功力~~

食完dinner休息左一陣就帶nic nic出去行街街,雖然一直都落住毛毛雨,不過一星期一次,都繼續同佢行啦,同埋買左糖水返屋企食,hehe~

4月18日:
全日都冇出過街,係屋企訓下又食下,食下又訓下咁又一日lu
唯一做過既野係一邊睇鐵馬尋橋大結果,一邊玩耳環