瘋癲日本行購物樂 の 零食+部份手信+無聊東東

今次去旅行係買得最多最多零食的一次,一共買了0.75個大喼回來,好short呀!!!!睇喇喂~~~

大部份零食的大合照,真的真的很壯觀,可以說是奇景,哇哈哈!!!!!!!

左: 呢兩盒一定要單獨影,因為佢地好重,我宜家都唔知點解我當初會買,可能係因為個圖好似好好味掛,仲要見到一盒係1人前,所以一買就兩盒,痴線架!!
右: 未出發之前已經見到日本orbis比香港有更多選擇,好似milk shake咁,日本有8個味,香港只得6個,所以我要買埋未試過既味道,仲有隻疑似粉絲既代餐,香港都係冇,所以又買,日本orbis好好,我都只不過係買4盒食物之嘛,都送3塊餅比我,香港?我1k 1k咁買,都係送兩包爛鬼sample咋,香港真係好cheap呀!!!諗諗下,仲有兩款餅我唔記得左買,不過算啦,我都真係買到打爆晒d喼,記得都拎唔到架喇

左: 輕井沢出名的果醬同蜜糖,輕井沢有條購物街,有好多間賣jam既舖,是但試左3-4間,我覺得呢間最好味,佢真係有生果既味道而唔係只得甜味,同埋呢間既試食係放d餅仔出黎比人試,我覺得好味過其他shop放既麵包囉,所以幫襯佢,一共買左8樽,已經係買最細size架喇,不過都重到癲囉。右面個兩支係蜜糖,其實我同老公都唔覺得好特別,老公仲要話大陸個d同呢度呢d都係一樣,都係蜜蜂採返黎之嘛,不過佢話如果我手痕就買少少喎,所以我買左蘋果同埋柑味。
右: 再影多張高炒零食照,呢堆零食真係好威囉,卡卡

左: 每次去日本,我都一定會買唔同味既kitkat,好鐘意日本成日都出唔同味,同埋我一見到xx限定就會雙眼發光,買呀買,今次唔知點解,居然比我遇到11個味,係最最最多既一次,哇卡卡。一見到kitkat就好開心,hehe~~
右: meji 100% Chocolate Cafe買的朱古力,一共有56款,單睇味道我同老公一共揀左10款,為左個number就買左6盒,分別買左02 27(我生日),11 24(老公生日),12 20(結婚紀念),一共16盒,我覺得我會唔捨得食。順帶一提,如果你係超級鐘意朱古力,就算cafe係唔多就腳,我都覺得值得一去,因為d cake實在太好味,杯凍朱真係好誇啦啦,係勁好味架!!!

部份手信+無聊東東:
大部份都是買給黃小深的鬆弛熊手信,去到專門店,連我呢個對鬆弛熊唔係太'好'既人都覺得好開心,所以買呀買,買左一大堆都唔知,呢堆野入面,我留左一盒糖,一個file,一盒kitkat同一個環保袋比自己架,hehe~~

呢堆只係部份係disney store買的東東,有d都已經拎左比小bear同黃小深,呢度都仲有少少野係手信黎架,眼利既朋友,你地應該知道會唔會中獎架啦。右上角好似cookie既狗,係札幌第一次見面時已經話要帶佢返香港,最終係東京都係買左,背脊個蝴蝶結真係好鬼得意架,真係估唔到,我唔帶我愛既chip & dale返香港,居然帶左隻狗返黎,好奇怪!!

最後係機場買的無聊東東,因為啱啱喜歡儲香水辦,所以係機場專登搵架,4800 yen得5支絕對唔叫得做平,不過好肯定知道係真野,好過係yahoo慢慢bid啦,而且呢set仲要有最新既結他香水,雖然我唔係話好鐘意,不過買到d咁新既野會覺得好開心囉,卡卡
這是送給奶奶的手信,當我同奶奶講個蝴蝶結係可以拆時,佢好快咁話,我鐘意個蝴蝶呀,同埋佢好鐘意呢隻淡粉紅色,總之佢係收得好開心,咁我都好開心啦,卡卡~~