瘋癲日本行購物樂 の 衣飾 & 10月月結

呢篇係日本行戰行品既最後一篇,因為加堆10月月結,應該會係最震撼,最睇得開心既,唔講咁多,睇左10月月結先
話出發前唔買唔買,行一轉荃豐都係買好多囉

10月月結:
竹太首先幫我買既auntie rosa黑白間蝴蝶結中袖,係家樂試過全黑色都已經鐘意架喇,竹生係tsuen fung見到黑白間,平成100個大洋,所以買

自己一個去行聯合,又買野,就係因為著住個件橫間蝴蝶結係家樂試左念念不忘,見到平幾10,又搶住買咁;星星top買完係膠袋ee度見到,平成70個大洋;條oops裙又係麗歌見到,好彩唔知幾多錢,如果唔係,我應該會好後悔,呢d野我最鐘意既就係橫間蝴蝶結,所以帶左去日本。

打底個d心心tee都係聯合買,算平,質地唔錯,外面件扮衫披,係好早前係家樂買,我鐘意佢襯下衫都唔錯,唔扣鈕,當頸巾都ok架。




以上全部都係無端端殺去天后fluer fluer買的,其實之前去過兩次都冇人招呼我,我都唔係咁鐘意架喇,不過國慶幾日,佢做8折喎,好似好抵咁,所以又去睇,今次佢招呼我,d裙又有得試,咁我一心想買著去日本個件仿皮褸,試呀試,買呀買,買左兩條裙,兩件褸,個件啡色短褸仔呢,著起係比掛住靚架!
過多個幾星期又再去睇,終於買左我好心儀既貴leggings,又買多左一件長身top,同埋仲有係日本著住個條杏色唔衫唔裙,之後係日本見到勁平,忍唔住買埋黑色。(係日本用緊好靚個條豹紋scarf,係膠袋ee度買,雖然貴,不過真係好soft好舒服)

又有一日自己一個入sly,睇呀睇,見到左邊藍色件褸真係幾鬼靚,忍唔住試左上身,一試就好鐘意,又左試試右試試,冇心下試左一見好合心意既西裝褸,所以又買,跟手買多左一條好貼既cotton褲同埋一件好鮮色既top,本來我買得好開心,最激氣係買完第二日,有人打比我話佢地做promotion,仲要做一日,如果我買返同一樣既野,再揀多一樣1k既野,就可以500買入,激死我,打左去shop問,冇得cancel再黎過,是但send左個email去鬧,心情平伏返晒,以後sly唔做promotion,我死唔買野。
出發前最後一擊,應該係去荃豐,第一件係麗歌買既打底,我鐘意個領位,我覺得好唔錯,同埋平,$230咋喎

之後係karen度買左兩件baby & baby外套,平過yen價好多,所以諗左3秒就買,卡卡。

最後係膠袋ee度又係放低最多銀兩,有條豹紋scarf同左邊既點點scarf,仲有一件好靚色既isbit外套(又係著左去日本),比駛錢想走,都死要買埋右邊既毛毛背心先捨得走,希望中間條鏈真係好靚喎,hehe~

呢件平平jeanasis外套,我係鐘意手袖d鈕,$199之嘛,諗都唔諗,又買,作死~

日本戰利品:
第一日呆呆下,唔知買咩好,行左去uniqlo度,買左兩套特價home wear,around $100,買係因為宜家香港賣home wear,特價都要$149,賣到冇晒碼先$99,所以係日本見到啱就買,同埋因為個人好呆,係想買野又唔知買咩,呢d平平地就啱架喇。
買完lunch,行多一陣終於都夠鐘check-in,返酒店沖涼洗頭,成個精神晒,訓左一陣,再出去時就買貴野喇~~

精神返就殺左去blue label,一個我次次去都會買d野走既地方,今次冇買袋,因為宜家真係好唔鐘意blue label既袋,買左一件大大個字既長身top同一條scarf,靚呀,正呀,我鐘意呀,盛惠3萬yen呀!!買到老公眼都定埋,哇卡卡~~



經過左富良野激氣事件之後,一返札幌就開始發癲,係delyle同一個mall,有一間舖係賣d唔叫好出名既brand,睇睇下發現左見好野,就係黑色個條吊條唔衫唔裙,本來yen價係貴過我係天后買,點知宜家係個1990既tary度,唔可以唔買喎;隔離窩釘件長身top,著起左幾靚架,都係3990,所以買多件灰色比大家姐;中間行兩件襯衫,都係1995,抵啦,又唔會好窄;最後即買即著見睇唔清楚既骷髏頭top,係想轉下style,又唔係貴,係平添,2990咋,d料唔差,好開心買左6個items,都係萬幾yen,開心到呢~



之後又係pageboy見到件格仔褸,好想試下,咁就順手睇埋有d咩可以試,於是試左兩條褲同一件top,全部都啱,所以全部都買,仲要試完d衫出返黎,見到一對好型既短boots,啱又買,就係咁,買左5樣野,個sales開心到不得了,佢笑得比我更燦爛,卡卡。

係札幌最後一日,繼續死唔蝕抵,係heather買多兩件衫,件蝴蝶結襯衫又係好鐘意囉,我覺得好特別,雖然我知香港可能會有,不過係香港好少行heather,咁我當冇啦,卡卡。
再去埋我睇左幾次既mysty woman,本來我鐘意一件桃紅短褸,係順便試下呢件架咋,不過老公覺得我著短褸好樣衰,佢覺得我著呢件好睇好多,咁我買左呢件,都啱既,我有件黑色褸都好窄,咁我買返件都啱既,呢件個領可以拆,不過我鐘意唔拆。




去到東京,出到新宿check埋in都唔夠8點,死人都去my lord行一轉啦,仲要難得可以放低老公係hotel,所以好開心好興奮,係好興奮低下行左好多野,不過最終出手去試就係fint先,係香港見到第一件短褸既相都幾鐘意,真身都幾唔錯,個毛毛又可以拆,不過我覺得我著呢d褸會唔好睇,只係抱住一試既心態,點知我又啱著,所以要啦;同一時間,試左即買即著件黑色長身top,著起左又係幾ok,特價5xxx yen,覺得ok,所以又要;白色件褸其實我係貪平,7250 yen咋喎,雖然冇領我覺得麻麻,不過我醒起係我天后買左條毛毛,直覺話比我聽好襯,所以又買,咁襯埋又真係幾靚喎,仲有背脊個蝴蝶結都好得呀,越睇越鐘意;指定日買夠1萬yen有頸巾送,呢條頸巾都唔差架,唔似送既野,所以又好開心。

第二日早上,我又成功放低老公係酒店,所以殺去貴貴的franche lippee,其實係札幌,my lord都睇左一轉,都唔係好啱,即管去埋0101個間啦,睇多幾次,又覺得黑色呢件new arrival都幾唔錯,試左呢件top同裙款,我覺得我著top好睇d,所以要左top;因為我好想要隻贈品羊咩咩,所以死都要買陪2萬yen,由於買唔成桃紅短褸,桃紅外套我都照殺,呢個色有兩個款,一件係呢件,一件係長身有帽,其實我鐘意長身多d,不過有帽,個帽仲要有個白色毛毛波,好似太cute,同埋我用個少少識既日文問sales邊件好d,佢指左呢件,咁我信日本人啦,其實我到宜家都唔sure個日本人明唔明我講咩架,哇哈哈,不過返左香港,見到鬼鬼鼠鼠有個繡既蝴蝶結係個鬼鼠位,我都幾鐘意既。終於都得到隻羊咩咩,好開心呀!!!

見有時間,就去埋ehyphen world gallery試鞋,買打底裙比大家姐,左睇右睇,都係買埋呢件打底背心,個d石呢,真係幾得呀,露出黎幾好睇。

ray beams scarf係輕井沢outlet買,好柔軟,雖然老公話都唔算好靚,不過ray beams只係5千頭,係唔係叫平呀?買開boots,死唔蝕,買埋,卡卡。

係輕井沢返到新宿,又係8點幾,所以又行,係ray cassin揀左4件衫試,冇買個兩件係好想好想買,買左既,反而係搭單試下,點知反而係買左搭單個兩件,好想買個兩件著起左真係太麻麻,所以放棄。

最後一日去池袋,parco做promotion,某d shop係全品9折,未出發前,黃小深好鐘意earth music既一條頸鏈,不過我行左2-3間都唔見有喎,咁見parco有9折,我又再睇,終於都搵到,買acc之餘又比我見到呢條桃紅鑲石scarf,雖然個桃紅唔叫好正宗,不過有石,又平,又有9折,又係個d唔買驚走寶,所以買埋囉,hehe~

食完lunch,本來入muji係想睇下有冇啱老公既襯衫,男裝冇野啱呀,不過呢d舒舒服服既樽領2000 yen兩件,咁試都唔試,買到最多一定啱啦,是但執左兩件,如果我唔係得返好少cash係手,我會執多幾件,比自己又好,送比大家姐又好,好鬼抵啦。

終於都散晒d財喇,開開心心返hotel執野,準備返香港,再見日本~~

不過...I will be BACK!!!!wahahahaha~~~

(其實我仲有4條粗belts未影,本來影左,不過唔知係唔係唔小心delete左,唔想再拎出黎影,唯有唔post啦,4條belts,兩條係delyle,兩條係0101揀,係平靚正架,哈哈)