好鐘意史生改「二代」呢個名,今日係第一次見史提芬同kelly既仔女,感覺好開心,佢地係我大學同學,我地又同一年生bb,仲要時間咁接近,最大同最細都係差兩個半月,4個bb走埋一齊,真係得意到不得了,大家都做左爸爸媽媽啦,話題已經唔係講工作,不停都係講仔女,我仲話一定要兩三個月見一次,第日4個一齊玩,當上playgroup,小玲整教材,哇哈哈。
你地4個應該冇咩機會再做同學喇,就算再做大學同學,都千祈唔好好似爸爸媽媽咁讀BU,仲要讀maths呀,好想好想你地做到好朋友,由細玩到大,下次我地easter再見面啦,嘻嘻。
不得不提,史提芬自己一個帶個仔出街,去到kelly屋企又換片又餵奶,真係好勁呀,宜家真係好少男人肯做而又做得好,我完全唔覺得咁樣係冇面同埋係湊仔公,唔知佢係唔係一個好老公,但至少係一個好肯為個仔付出既好爸爸,至於唔係just playing,各位男士,唔該學下野啦,唔好以為男人湊仔係冇面,時代唔同,女人都要出黎做野養家,男人湊仔有咩問題呢? (不過我個blog好似冇男人會睇喎,哈哈)
No comments:
Post a Comment