幼稚園

近排忽然好怪獸咁係咁睇幼稚園,其實我都係心儀保良局架喇,差在係沙田定馬鞍山姐,沙田間保良局就多人講d,不過我又鐘意馬鞍山個間雨川小學喎,仲有就係唔想佢地搭咁耐車啦,所以咪同老公傾下有咩睇法,唔知點解講學校之嘛,冇端端又要話近d好,有咩事上雅典居度,我都唔知會有咩事要上雅典居,如果係病唔舒服,就返屋企啦,一係就我帶佢地去睇醫生,上雅典居做咩姐?又係咩都搵亞媽,好討厭呀,我反應係好激烈架,因為我真係覺得好討厭,如果你覺得近就要上去得一得,我唯有揀沙田架咋,妖,我真係好想開戰呀!