帶風爽食魚生

今日一早帶左nic入tko bathing先,跟住我地就出去見城食魚生,其實我一直都唔敢食,主要係怕有箘,冇理由食d唔係最美味既魚生而搞出事架,不過見自己都就生,黎緊呢兩星期我都話要食好野,好好迎接風爽出世,最後分別問人,都係話去食見城,就咁gogogo啦~~

見城個mgr好細心,見到我大肚,一坐低就叫人比一杯水同一杯茶我地,我揀左delux魚生飯,d生野好好味好新鮮,但可惜佢應該係太正宗,個飯底有d薑粒,我就唔係咁鐘意囉,最後叫多一客帶子,呢粒帶子真係勁好味,令呢餐飯得到滿分呀。

似乎爽爽好鐘意食魚生,平時我食野,佢地都會郁架喇,不過不嬲都覺得風郁得勁d,今次係爽好開心,係咁R我個肚,呢個女原來鐘意食貴野,真識貨,卡卡。

食完飯行返去拎車,其實都已經令我好攰喇,行死我。但我又點知原來今日食飯,已經係風爽係肚入面最後一餐好野呀,總之拼埋條命,食多餐同行下街添啦。