租奶泵

今日老公補假,可以陪我去街街,好野!今日梳洗完就去西貢拎郵包,分別有能恩奶粉同埋我支桃紅MJ香水,卡卡。拎完野去左松記食車仔麵,第日抱住風爽,應該冇咩機會食架喇,我例牌食到一身都係,老公又係例牌揀左d唔好食既野,哈哈。


食完lunch,去左藍田諗住幫襯一間好多人讚既bra shop買產後bra,點知今日day off喎,冇緣,咁就算把喇。再之後就出發去tammy度租奶泵,好耐冇見佢喇,大家都仲係好好傾,不過佢要開舖,其實我都有少少阻住佢呀,咁我揀左少少野同問左個泵點用就走喇,搞搞下,都搞到黃昏先走,返屋企食晚飯,咁又過左一日喇。