Dr Yu來電

等左幾日,竹太話今日翹康應該會打比我,一返工就開始等,不過原來佢地唔會咁早打黎啦,所以又唔心急喎。
等到放工都未打黎,我仲以為要過埋個假先會知結果,點知係搭緊巴士個時,有個怪電話打比我,仲要搵我全名,下一句佢話佢係余啟文醫生,真係嚇死我,因為我一直都覺得冇事就係姑娘打黎,有事先係醫生打架嘛,我第一句就問dr yu,點呀?有結果呀?你親自打比我,我好驚呀!點知佢又同我講笑,佢話余醫生唔會嚇人架,更係冇事先打比你架嘛,咁佢話驗血結果好好,一個係1:1700,一個係1:1080,係頸皮真係厚左少少,不過叫我唔駛擔心,做結構就得。
唉~~個心即刻鬆晒,亦都即刻打比老公等佢唔駛擔心,其實佢應該比我仲擔心,因為我又喊又唔開心,佢都要顧我感受。
開開心心今晚同michelle一齊dinner,其實佢真係好叻好謙虛,佢先係一個真真正正叻既人,唔似公司個d白痴仔,以為自己拎住個1st horner就係好叻好醒,咩人都要聽佢講,佢講既就係啱,痴痴地。